کیا آپ جانتے ہیں کہ پاکستان کے مشہور کامیڈین اور تھیٹر، اسٹیج، فلم اور ٹی وی کے اداکار عمر شریف شو بز کی جگمگاتی دنیا میں کیسے آئے؟ اے آر وائی نیوز کے پروگرام گڈ مارننگ پاکستان میں وہ خود اس کے حوالے سے بتاتے ہیں:
گجراتی ڈراموں کے ڈائریکٹر اور ایکٹر آر کے پٹیل آدم جی ہال میں ایک ڈراما کر رہے تھے، میں بھی وہاں گیا تھا، اس وقت میں چھوٹے چھوٹے کردار کرتا تھا، جیسا کہ کوئی ڈراما چل رہا ہے اور کوئی اداکار نہیں آیا، کوئی مر گیا ہے، کسی کو دیر ہو گئی، کوئی ایکسیڈنٹ ہو گیا، تو ایسے مواقع پر مجھے کہتے کہ آ جاؤ بھئی۔
انھوں نے کہا کہ ایسے ہی ایمرجنسی ایکٹر کے طور پر ان کا کام جاری تھا جس کے لیے وہ دو سو، تین سو اور پانچ سو روپے لیتے تھے، ایسے میں آدم جی ہال میں آر کے پٹیل کا ڈراما ساس کی آس چل رہا تھا، اس وقت میں برابر والے ہال میں ایک ڈرامے میں کام کر رہا تھا، تو میرے پاس ایک پیغام آیا کہ صبا صاحب آپ کو بلا رہے ہیں۔
جب میں گیا تو انھوں نے مجھ سے پوچھا کہ مجھے جانتے ہو، میں نے کہا نہیں، تو انھوں نے کہا میں صمد یار خان ہوں، اور یہاں ہمارے ڈرامے کے اداکار آر کے پٹیل انتقال کر گئے ہیں کل رات کو، ان کی تدفین بھی ہو چکی، مسئلہ یہ ہے کہ رات کو ڈرامے کا شو ہے اور وہ مرکزی کردار کر رہے تھے، تو اس کے لیے آپ کو بلوایا ہے۔
عمر شریف نے بتایا کہ یہ سن کر میں حیران ہو گیا کہ دو گھنٹے بعد شو ہے، اور میں مرکزی کردار کیسے کر سکتا ہوں، اتنی جلدی سارا ڈراما کیسے یاد ہو سکتا ہے، لیکن صمد یار خان نے کہا کہ بیٹا میری عزت کی بات ہے، جس پر میں نے ہامی بھر لی۔
انھوں نے کہا کہ حافظہ اچھا تھا، اور وہی آج تک کام آ رہا ہے، میں اللہ کا نام لے کر چلا گیا، ادھر میرا میک اپ چل رہا تھا اور ادھر میں اپنے ڈائیلاگ یاد کر رہا تھا، اور تمام سیچوئیشنز کو ذہن نشین کرنے لگا۔
عمر شریف نے مزید بتایا کہ ہندو کریکٹر کا گیٹ اپ تیار ہو گیا تھا، اور میں نے خود کو پوری طرح ذہنی طور پر تیار کر لیا، اور پھر میں اسٹیج پر آ گیا، پہلا ہی سین ہندی منتر پڑھنے کا تھا، اور میں نے اسے اپنے طور پر عجیب و غریب طرح سے پڑھا، اس میں اپنا عربی انداز شامل کیا، اور پھر ہال میں تالیاں بجنے لگیں۔
انھوں نے کہا کہ اس ڈرامے کے لیے مجھے بہترین اداکار کا ایوارڈ ملا، پھر انھوں نے ہی مجھے برما شیل کے پورے سال کے شو بھی دے دیے، پھر ایک ڈرامے کے لیے گاڑی بھی ملی اور پورے سال کا پیٹرول بھی ملا۔
میک اپ کے بعد چہرے کے تمام حصوں کو متوازن ہونا چاہیئے، کوئی ایک چیز بھی غیر متوازن ہوگی تو یہ پورے چہرے کا تاثر خراب کرسکتی ہے، میک اپ کرتے ہوئے ابروؤں کا بھی خاص خیال رکھنا ضروری ہے۔
اے آر وائی ڈیجیٹل کے مارننگ شو گڈ مارننگ پاکستان میں بینش پرویز نے چہرے کی ابروؤں یا آئی بروز کو خوبصورت بنانے کا طریقہ بتایا۔
بینش نے بتایا کہ چاہے برائیڈل میک اپ ہو یا عام دنوں میں کیا جانے والا میک اپ اگر آئی بروز میں نفاست نہیں ہوگی تو پورے چہرے کا لک خراب ہوگا۔
انہوں نے بتایا کہ ہلکی ابروؤں کو بڑھانے کا طریقہ یہ ہے کہ اسے پینسل سے اوپر ماتھے کی طرف بڑھایا جائے، نیچے کی طرف بڑھانے سے آنکھ اور آئی برو کے درمیان کی جگہ مزید کم ہوجائے گی۔
بینش نے یہ بھی بتایا کہ ابرو کو آنکھ کے اختتام پر ختم ہوجانا چاہیئے، لمبی بھنویں چہرے کا تاثر خراب کرتی ہیں۔ علاوہ ازیں اس سے آنکھ بھی چھوٹی معلوم ہوتی ہے واضح دکھائی نہیں دیتی۔
انہوں نے مزید کہا کہ آنکھ پر گلیٹر لگاتے ہوئے خیال رکھیں کہ وہی گلیٹر لگائیں جو خاص طور پر آنکھوں کے لیے بنائے جاتے ہیں، کسی بھی قسم کے گلیٹرز لگا لینے سے گریز کیا جائے۔
آنکھوں پر سلیقے سے کیا گیا میک اپ نہ صرف آنکھوں کو خوبصورت بنا دیتا ہے بلکہ چہرے کے نقوش کو بھی ابھار دیتا ہے، تاہم اس کے لیے ضروری ہے کہ آنکھ کی قسم سے واقفیت ہو تاکہ اس حساب سے میک اپ کیا جائے۔
اے آر وائی ڈیجیٹل کے مارننگ شو گڈ مارننگ پاکستان میں ماہر بیوٹیشنز نے آنکھوں کے میک اپ کے لیے کارآمد ٹپس دیں۔
بینش پرویز نے بتایا کہ بہت زیادہ تہوں والی آنکھ میں گلیٹر لگانے سے گریز کرنا چاہیئے کیونکہ گلیٹر لگایا ہی آنکھ کو بڑا اور بھاری دکھانے کے لیے جاتا ہے۔
انہوں نے کہا کہ آنکھ پر گلیٹر لگاتے ہوئے خیال رکھیں کہ وہی گلیٹر لگائیں جو خاص طور پر آنکھوں کے لیے بنائے جاتے ہیں، کسی بھی قسم کے گلیٹرز لگا لینے سے گریز کیا جائے۔
نادیہ خان کا کہنا تھا کہ ہر آنکھ کی الگ قسم ہوتی ہے، کسی پر آئی لائنر آنکھوں کو بڑا کردیتا ہے کسی کو دبا دیتا ہے۔
انہوں نے کہا کہ بعض دفعہ آئی لائنر کو باہر کی طرف کر کے لگانے سے آنکھ بڑی لگتی ہے۔
بڑھتی عمر کے ساتھ چہرے کی جلد ڈھلکنی اور جھریوں زدہ ہونی شروع ہوجاتی ہے، اس جلد کو مہنگے ٹریٹمنٹس کیے بغیر گھر میں ہی نہایت آسانی سے سنبھالا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر ام راحیل نے جھریاں دور کرنے کا نہایت کارآمد نسخہ بتایا۔
انہوں نے بتایا کہ 1 عدد بھنڈی اور گاجر کے 2 سے 3 ٹکڑے لے کر تھوڑا سا پانی ڈالیں اور ہلکی آنچ پر پکا لیں۔
اسے اتنا پکائیں کہ یہ اچھی طرح گل جائیں اور پانی خشک ہوجائے۔
اب اس میں ایک چمچ ناریل کا تیل ڈالیں اور بلینڈ کرلیں۔
بلینڈ کرنے کے بعد اس ماسک سے چہرے کا مساج کریں اس کے بعد خشک ہونے کے لیے چھوڑ دیں۔
خشک ہونے کے بعد صاف پانی سے چہرہ دھو لیں، اس ماسک کا ہفتے میں ایک بار استعمال جلد کو ٹائٹ کرے گا جبکہ جھریاں بھی آہستہ آہستہ ختم ہونی شروع ہوجائیں گی، علاوہ ازیں یہ جلد کو نم بھی رکھے گا۔
کراچی: اکثر اوقات چہرے پر پگمینٹیشن ہوجاتی ہے جس سے چہرے کی رنگت سیاہ ہوجاتی ہے، اس مسئلے کو نہایت آسانی سے گھر میں حل کیا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس نے چہرے پر ہوجانے والی پگمینٹیشن کا علاج بتایا، انہوں نے بتایا کہ پگمینٹیشن کی وجہ جلد سیاہ ہوجاتی ہے۔
ڈاکٹر بلقیس نے بتایا کہ اگر معدہ خراب ہو، جگر خراب ہو، دھوپ کی وجہ سے، خون کی کمی سے یا بلیچ بہت زیادہ چہرے پر استعمال کی جائے اس سے چہرے کی جلد سیاہ ہوجاتی ہے۔
انہوں نے اس کا نہایت آسان علاج بتایا، ڈاکٹر بلقیس نے بتایا کہ ایک پیالی مسور کی دال رات کو بھگو کر رکھ دیں، صبح اس میں 1 چمچ چینی ڈالیں اور اچھی طرح بلینڈ کرلیں۔
کریم کی شکل میں بن جانے کے بعد ایک چمچ اس میں سے نکالیں اور اس میں 1 چمچ خشک دودھ ڈال دیں۔ بقیہ بلینڈ کی ہوئی دال بعد میں استعمال کے لیے فریج میں رکھ دیں۔
دال اور خشک دودھ کو اچھی طرح ملانے کے بعد چہرے پر اس سے مساج کریں اور کچھ دیر لگا رہنے دیں، جب خشک ہوجائے تو صاف پانی سے دھو لیں۔
آج کل کی تیز رفتار زندگی میں غیر صحت مند کھانا اور غیر متحرک طرز زندگی ہمیں تیزی سے موٹاپے میں مبتلا کر رہا ہے، آج آپ کو وزن کم کرنے کے نہایت کم قیمت نسخے بتائے جارہے ہیں۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس نے وزن کم کرنے کا طریقہ بتاتے ہوئے کہا کہ 50 گرام سرسوں کے بیج اور 1 چائے کا چمچ کالی مرچ پاؤڈر ملا کر رکھ لیں۔
یہ سفوف روزانہ دوپہر اور رات کے کھانے سے قبل ایک تہائی چائے کا چمچ پھانک لیں اور نصف گھنٹے بعد کھانا کھا لیں۔
اسے 3 مہینے تک باقاعدگی سے کھائیں، یہ جسمانی میٹا بولزم کو تیز کردیتا ہے جس سے وزن تیزی سے کم ہوتا ہے۔
دوسرا سفوف مندرجہ ذیل اشیا پر مشتمل ہے۔
1 چائے کا چمچ اجوائن، 1 چمچ سونف، نصف چمچ کالا نمک، نصف چمچ ہلدی اور 1 چمچ انار دانہ لے کر اچھی طرح گرینڈ کر کے مکس کرلیں۔
اس سفوف کو روزانہ نیند سے اٹھنے کے بعد کھائیں، اگر اس وقت کھانا بھول جائیں تو اسے ناشتے پر چھڑک کر کھا لیں۔
گھر سے باہر نکلنا اور دھول مٹی چہرے کی رونق کو ماند کرسکتی ہے تاہم گھر میں موجود کچھ اشیا سے چہرے کو پھر سے بارونق بنایا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس نے چہرے پر فوری چمک پیدا کرنے کا نہایت آسان طریقہ بتایا۔
انہوں نے بتایا کہ ماش کی دال کو رات بھر کے لیے بھگو دیں، ماش پروٹینز کا خزانہ ہوتی ہے اور جلد کے لیے نہایت فائدہ مند ہوتی ہے۔
اس میں 1 چمچ پسا ہوا کھوپرا اور 2 چمچ دہی شامل کر کے گرینڈ کریں اور کریم کی طرح بنا لیں، اسے 15 سے 20 منٹ کے لیے چہرے پر لگائیں اور ٹھنڈے پانی سے دھو لیں، چہرہ فوراً جگمگا اٹھے گا۔
ڈاکٹر بلقیس نے بتایا کہ اس سے چہرے کے مسام بھی سکڑ جاتے ہیں، روزانہ لگانے سے اس کے نہایت شاندار نتائج موصول ہوں گے تاہم ہفتے میں ایک سے 2 بار بھی لگایا جاسکتا ہے۔
آج کل چہرے پر ماسک لگائے رکھنا نہایت ضروری ہے جس کی وجہ سے چہرے پر ایکنی نکل آنا معمول کی بات بن گئی ہے، تاہم اس مسئلے کو نہایت آسانی سے حل کیا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر بتول نے چہرے کے بلیک ہیڈز، وائٹ ہیڈز اور ایکنی سے نجات کا نہایت آسان نسخہ بتایا۔
انہوں نے کہا کہ سب سے پہلے دو چمچ پانی لیں، اس میں ایک منٹ کی ٹیبلٹ ڈالیں جو بازار میں عام مل جاتی ہے۔ اس میں ایک چمچ خشک دودھ اور ایک چمچ کارن فلور شامل کریں۔
اس کو مکس کریں اور اس آمیزے کو چہرے پر 15 سے 20 منٹ کے لیے لگا لیں، اس کے بعد چہرے کو صاف پانی سے دھو لیں۔
ڈاکٹر بتول نے بتایا کہ اس آمیزے سے بلیک ہیڈز اور وائٹ ہیڈز وغیرہ خود ہی نکل آتے ہیں، اگر یہ فوری طور پر نہ نکلیں تو اسے دوسرے دن بھی لگائیں۔
انہوں نے بتایا کہ ایکسپائر ہوجانے والا خشک دودھ بھی جلد کے لیے نہایت مفید ہے، ایکسپائر ہوجانے والے خشک دودھ میں لیکٹک ایسڈ اور اور ایسے بیکٹریا پیدا ہوجاتے ہیں جو جلد کے لیے فائدہ مند ہیں، اسے چہرے پر لگانے سے جلد نہایت نرم و ملائم ہوجاتی ہے۔
موسم سرما میں بالوں میں خشکی ہوجانا عام بات ہے، تاہم بعض اوقات یہ کسی بیماری، فنگل انفیکشن یا غیر معیاری پانی کی وجہ سے بھی ہوسکتی ہے، ان تمام مسائل کا حل صرف ایک آسان سا نسخہ ہے۔
ماہرین کا کہنا ہے کہ جڑوں میں خشکی ہوجائے تو اس کی وجہ سے بال گرنے بھی لگتے ہیں، تاہم یہ نسخہ بالوں کے تمام مسائل کا حل ثابت ہوسکتا ہے۔
سب سے پہلے آدھا کپ پانی لیں اور اسے گرم کرنے کے لیے رکھ دیں، اس میں 5 سے 6 کڑی پتے ڈالیں، ایک چٹکی پھٹکری شامل کریں اور روز میری آئل کے 2 سے 3 قطرے شامل کردیں۔
ٹھنڈا کرنے کے بعد اس میں زنک سیرپ کا ایک چمچ ملا دیں، یہ سیرپ بچوں کے پیٹ کے مسائل اور تکالیف میں استعمال ہوتا ہے۔
اس میں شامل زنک بالوں کو جڑوں سے مضبوط کرے گا، پھٹکری سر کی جلد سے ہر قسم کے بیکٹیریا یا فنگس کا خاتمہ کرے گی جبکہ روزمیری بالوں کو گھنا کرے گی۔
