ARYNews.tv | Urdu – Har Lamha Bakhabar

Tag: گڑھی خدا بخش

  • بانی پی ٹی آئی صرف بہانہ، پاکستان کا ایٹمی پروگرام نشانہ ہے، بلاول بھٹو

    بانی پی ٹی آئی صرف بہانہ، پاکستان کا ایٹمی پروگرام نشانہ ہے، بلاول بھٹو

    لاڑکانہ: چیئرمین پیپلزپارٹی بلاول بھٹو کا کہنا ہے کہ بانی پی ٹی آئی صرف بہانہ اصل میں پاکستان کا ایٹمی پروگرام نشانہ ہے۔

    اے آر وائی نیوز کے مطابق گڑھی خدا بخش میں بینظیر بھٹو کی 17ویں برسی کے موقع پر جلسے سے خطاب کرتے ہوئے چیئرمین پیپلزپارٹی بلاول بھٹو نے کہا کہ کچھ طاقتیں میلی آنکھ سے دیکھ رہی ہیں کہ پاکستان ایٹمی طاقت نہ ہو، امریکا نے پاکستان کے میزائل پروگرام پر پابندیاں لگائی ہیں۔

    انہوں نے کہا کہ پیپلزپارٹی کے ہوتے ہوئے پاکستان کے ایٹمی پروگرام پر کوئی سمجھوتا نہیں ہوگا، جو آج بیانات داغ رہے ہیں کیا یہی وہی لوگ نہیں جو پاکستان کے ایٹمی پروگرام کے خلاف ہیں، کیا یہ وہی لوگ نہیں جو اسرائیل کی حمایت میں اور اس شخص کی حمایت میں بیانات دیتے ہیں یہ وہی لوگ ہیں جو ہمیشہ پاکستان کے ایٹمی، میزائئل پروگرام کے خلاف بیانات دیتے ہیں۔

    یہ پڑھیں: عالم اسلام کی پہلی خاتون وزیراعظم بے نظیر بھٹو شہید کی 17 ویں برسی آج منائی جارہی ہے

    بلاول بھٹو نے کہا کہ تاثر ہے مخصوص لابی چاہتی ہے ایسی حکومت آئے جو طاقت کے لیے ہر چیز پر سمجھوتا کرے۔

    انہوں نے کہا کہ پیپلزپارٹی کے ہوتے ہوئے اس قسم کی کوئی سازش کامیاب نہیں ہوسکتی، پیپلزپارٹی ہمیشہ پاکستان کے مفاد کو ترجیح دیتی ہے، پیپلزپارٹی ملک کے خلاف ہر سازش ناکام بنائے گی۔

    چیئرمین پیپلزپارٹی نے کہا کہ سیاست کو ایک طرف رکھ کر پاکستان کے دفاع کا سوچنا ہوگا، امریکا نے پاکستان کے میزائل پروگرام پرپابندیاں لگائی ہیں،پیپلزپارٹی پاکستان کے خلاف ہر سازش کو ناکام بنائے گی۔

  • کیا پی پی اور ن لیگی ارکان کے استعفے اسپیکرز کو بھیجے جائیں گے؟

    کیا پی پی اور ن لیگی ارکان کے استعفے اسپیکرز کو بھیجے جائیں گے؟

    لاڑکانہ: پاکستان پیپلز پارٹی کے چیئرمین بلاول بھٹو زرداری اور پاکستان مسلم لیگ ن کی نائب صدر مریم نواز کا اس بات پر اتفاق ہو گیا ہے کہ اپنی اپنی جماعتوں کے اراکین کے استعفے اسپیکرز اسمبلی کو نہیں بھیجے جائیں گے۔

    تفصیلات کے مطابق مریم نواز کی نوڈیرو سے روانگی سے قبل بلاول بھٹو سے غیر رسمی بات چیت ہوئی، ذرائع کا کہنا ہے کہ اس بات چیت میں ارکان اسمبلی کے استعفے پارٹی قیادت تک محدود رکھنے پر اتفاق کیا گیا۔

    ذرائع کے مطابق دونوں جماعتوں کے ارکان کے استعفے اسپیکرز اسمبلی کو نہیں بھیجے جائیں گے، مریم نواز اور بلاول بھٹو کا لانگ مارچ کر کے حکومت پر دباؤ بڑھانے پر بھی اتفاق رائے ہوا۔

    ذرائع کا یہ بھی کہنا ہے کہ پیپلز پارٹی کے سی ای سی اجلاس میں استعفوں سے متعلق حتمی فیصلہ ہوگا، سی ای سی کے بیش تر ارکان استعفے دینے کے خلاف رائے رکھتے ہیں، اس اجلاس میں جمہوريت کی بالا دستی کے لیے استعفے منظور نہ کرانے کا فیصلہ بھی متوقع ہے۔

    بلاول بھٹو اور مریم نواز کی ملاقات کی اندرونی کہانی، انتخابات سے متعلق اہم فیصلہ

    واضح رہے کہ آج دونوں رہنماؤں کے مابین ہونے والی ایک ملاقات میں اس بات پر بھی اتفاق ہوا تھا کہ ن لیگ اور پیپلز پارٹی ایک دوسرے کے خلاف محاذ آرائی نہیں کریں گی۔

    بلاول اور مریم نواز اس بات پر بھی متفق تھے کہ انتخابی میدان خالی نہیں چھوڑا جائے گا، ن لیگ اور پی پی ضمنی انتخابات میں حصہ لے گی، تاہم ضمنی انتخاب سے متعلق حتمی فیصلہ پی ڈی ایم اجلاس میں ہوگا۔

  • بلاول بھٹو اور مریم نواز کی ملاقات کی اندرونی کہانی، انتخابات سے متعلق اہم فیصلہ

    بلاول بھٹو اور مریم نواز کی ملاقات کی اندرونی کہانی، انتخابات سے متعلق اہم فیصلہ

    لاڑکانہ: پاکستان پیپلز پارٹی کے چیئرمین بلاول بھٹو زرداری اور پاکستان مسلم لیگ ن کی نائب صدر مریم نواز کی ملاقات کی اندرونی کہانی سامنے آ گئی۔

    اے آر وائی نیوز کے مطابق بے نظیر بھٹو کی برسی کے موقع پر جلسے میں شرکت کے لیے ن لیگ کی نائب صدر مریم نواز گڑھی خدا بخش آئی تھیں، آج مریم نواز نے پی پی رہنماؤں کے مزارت پر حاضری بھی دی اور بلاول بھٹو کے ساتھ ان کی اہم ملاقات ہوئی۔

    اس ملاقات میں دونوں رہنماؤں کے درمیان متعدد نکات پر اتفاق رائے ہوا، انھوں نے اتفاق کیا کہ ن لیگ اور پیپلز پارٹی ایک دوسرے کے خلاف محاذ آرائی نہیں کریں گی۔

    بلاول اور مریم نواز اس بات پر بھی متفق تھے کہ انتخابی میدان خالی نہیں چھوڑا جائے گا، ن لیگ اور پی پی ضمنی انتخابات میں حصہ لے گی، تاہم ضمنی انتخاب سے متعلق حتمی فیصلہ پی ڈی ایم اجلاس میں ہوگا۔

    بلاول بھٹو نے مریم نواز کی گاڑی خود ڈرائیو کی، مزارات پر حاضری

    واضح رہے آج مریم نواز اور بلاول بھٹو زرداری نے ایک ساتھ ذوالفقار علی بھٹو، بے نظیر بھٹو اور دیگر پی پی رہنماؤں کے مزارت پر حاضری دی، مریم نواز کو گڑھی خدا بخش پہنچانے والی گاڑی خود بلاول بھٹو نے ڈرائیو کی۔

    مریم نواز نے مزارات پر پھول چڑھائے اورفاتحہ خوانی کی، وہ کچھ دیر گڑھی خدا بخش میں موجود رہیں، بلاول بھٹو نے گڑھی خدا بخش کی اہمیت اور پی پی شہدا کی تفصیلات سے مریم نواز کو آگاہ کیا، انھوں نے شہدا گیلری کا بھی دورہ کیا۔

  • 31 جنوری تک عمران خان نے استعفیٰ نہ دیا تو مارچ ہوگا: بلاول بھٹو

    31 جنوری تک عمران خان نے استعفیٰ نہ دیا تو مارچ ہوگا: بلاول بھٹو

    لاڑکانہ: پاکستان پیپلز پارٹی کے چیئرمین بلاول بھٹو زرداری نے کہا ہے کہ 31 جنوری تک عمران خان نے استعفیٰ نہ دیا تو لانگ مارچ ہوگا، ہم اسلام آباد کا رخ کریں گے اور بھرپور تحریک چلائیں گے، عوام موجودہ حکومت کا بوجھ مزید نہیں اٹھا سکتے، مزید وقت دیا گیا تو ملک کا بیڑہ غرق ہو جائے گا۔

    بلاول بھٹو گڑھی خدا بخش میں بے نظیر بھٹو کی برسی کے موقع پر جلسے سے خطاب کر رہے تھے، انھوں نے کہا وقت آگیا ہے تیاری کرلو،گڑھی خدا بخش کے میدان میں وعدہ کریں، لانگ مارچ کی کال دوں تو دمادم مست قلندر کا نعرہ لگا کر نکلیں گے۔

    انھوں نے کہا تاریکی چھٹنے والی ہے، حکمرانوں کے احتساب کا وقت آ چکا ہے، عوام کو عوامی راج دے کر نکلیں گے۔

    بلاول کا کہنا تھا معیشت تباہ ہو چکی، صوبوں کو ان کا حق نہیں دیا جا رہا، وزیر اعظم صوبوں کو حق دینے کی بجائے اس پر بات تک نہیں کرتے، حکومت نے ڈھائی سال میں ریکارڈ قرض لیے، پاکستان کی پوری تاریخ پر ان کے ڈھائی سال کے قرضوں کا وزن زیادہ ہے۔

    حکومتوں میں لانا اور لے جانا سیاسی جماعتوں کا نہیں، عوام کا کام ہے، مریم نواز

    بلاول بھٹو کا کہنا تھا سندھ اور بلوچستان کے جزیروں پر قبضے کیے جا رہے ہیں، یہ عوام کے ساحل ہیں ہم کسی کو قبضہ کرنے نہیں دیں گے، ملک میں سب سے زیادہ گیس سندھ، بلوچستان پیدا کرتے ہیں، لیکن کراچی سے کشمور، کوئٹہ سےگوادر بلکہ سوئی کے عوام کو بھی گیس نہیں ملتی، آئین کے مطابق جس کا پہلا حق ہے وہی عوام گیس کو ترس رہے ہیں۔

    ہم نے ملک کو اپنے بچوں کی طرح سنبھال کر چلایا، آصف زرداری

    انھوں نے کہا ہم آج بھی چاہتے ہیں کہ سی پیک کامیاب ہو، لیکن صرف وہ سی پیک کامیاب ہو سکتا ہے جو مقامی لوگوں کو فائدہ دے، ہمیں وہ سی پیک چاہیے جس کی بنیاد آصف زرداری نے رکھی تھی، جس کے لیے نواز شریف نے محنت کی، سی پیک سندھ یا پنجاب کی وجہ سے نہیں بلکہ بلوچستان اور جی بی کی وجہ سے ہے۔

    بلاول کا کہنا تھا آج بے نظیر درمیان ہوتیں تو موجودہ حکمران ان کا مقابلہ نہیں کر پاتے، آج ہمیں بے نظیر کی بہادری اور ذہانت کی ضرورت ہے، بے نظیر بھٹو نے جس صبح کے لیے شہادت قبول کی وہ انشاء اللہ آئے گی۔

  • بلاول بھٹو دبئی سے اسلام آباد پہنچ گئے، سی ای سی اجلاس کل منعقد ہوگا

    بلاول بھٹو دبئی سے اسلام آباد پہنچ گئے، سی ای سی اجلاس کل منعقد ہوگا

    اسلام آباد/گڑھی خدا بخش: چیئرمین پیپلز پارٹی بلاول بھٹو دبئی سے اسلام آباد پہنچ گئے، پاکستان پیپلز پارٹی کی سی ای سی کا اجلاس کل شام زرداری ہاؤس میں منعقد ہوگا۔

    تفصیلات کے مطابق بلاول بھٹو زرداری دبئی سے اسلام آباد پہنچ گئے، سابق صدر آصف علی زرداری بھی آصفہ بھٹو کے ساتھ اسلام آباد پہنچ گئے ہیں۔

    آصف زرداری کل اسلام آباد ہائی کورٹ میں پیش ہوں گے، دوسری طرف زرداری ہاؤس میں پیپلز پارٹی کی سی ای سی کا اجلاس منعقد ہوگا۔

    قبل ازیں، چیئرمین پیپلز پارٹی بلاول بھٹو نے عمر کوٹ میں اقلیتی برادری پر پولیس تشدد کا نوٹس لیتے ہوئے کہا کہ پر امن احتجاج ہر شہری کا حق ہے، پولیس تشدد برداشت نہیں کیا جائے گا۔

    یہ بھی پڑھیں:  سرکلر ریلوے: سندھ حکومت کی متاثرین کو متبادل جگہ فراہم کرنے کی یقین دہانی

    بلاول بھٹو نے سندھ حکومت کو فوری انکوائری کا حکم دیتے ہوئے کہا کہ ذمہ داروں کے خلاف کارروائی یقینی بنائی جائے۔

    ادھر سابق صدر آصف زرداری نے گڑھی خدا بخش میں شہدا کے مزاروں پر حاضری دی، اور ذوالفقار بھٹو، بیگم بھٹو، بے نظیر بھٹو، میر مرتضیٰ اور شاہنواز کے مزاروں پر پھول چڑھائے اور فاتحہ خوانی کی۔

    واضح رہے کہ آج بلاول بھٹو کے ترجمان کی جانب سے اقتصادی سروے پر تنقید کی گئی، ترجمان نے کہا کہ اقتصادی سروے نے حکومت کی دعوؤں کی قلعی کھول کر رکھ دی ہے۔

  • بلاول بھٹو نماز عید گڑھی خدا بخش میں ادا کریں گے

    بلاول بھٹو نماز عید گڑھی خدا بخش میں ادا کریں گے

    لاڑکانہ: پاکستان پیپلز پارٹی کے چیئرمین بلاول بھٹو زرداری 3 روزہ دورے پر نوڈیرو پہنچ گئے۔

    تفصیلات کے مطابق بلاول بھٹو 3 روزہ دورے پر نوڈیرو پہنچ گئے، پی پی چیئرمین نماز عید گڑھی خدا بخش بھٹو میں ادا کریں گے۔

    بلاول اپنی والدہ بے نظیر بھٹو اور نانا ذوالفقار علی بھٹو کے مزار پر بھی حاضری دیں گے، جب کہ پارٹی کارکنوں اور رہنماؤں سے ملاقاتیں بھی کریں گے۔

    خیال رہے کہ رواں برس ایک بار پھر ملک میں دو عیدیں منانے کی روایت جاری رکھی گئی، اس سلسلے میں وفاقی اور صوبائی حکومت کے درمیان واضح اختلاف بھی دیکھنے میں آیا۔

    خیبر پختون خوا حکومت نے صوبے بھر میں آج عید الفطر منانے کا اعلان کیا، وزیر اطلاعات کے پی شوکت یوسف زئی نے کہا کہ مسجد قاسم علی خان کو 112 سے زیادہ شہادتیں موصول ہوئیں، وزیراعلیٰ نے اظہار یک جہتی کے لیے آج عید منانے کا اعلان کیا۔

    یہ بھی پڑھیں:  جو جہاں چاہے عید کرے مگر جھوٹ کی بنیاد پر نہیں

    دوسری طرف وفاقی وزرا نے کے پی حکومت پر کڑی تنقید کی، وزیر سائنس اور ٹیکنالوجی نے کہا کہ مذہبی تہوار کی بنیاد جھوٹ پر رکھ دی گئی ہے، کے پی حکومت کے عید منانے کے فیصلے سے جگ ہنسائی ہوئی۔

    وزیر سائنس کا کہنا تھا کہ دنیا میں ایسے تاثر گیا جیسے جھوٹ کو سرکاری سرپرستی حاصل ہے، پس ماندہ سوچ کو مستر د کرنا چاہیے، امید ہے قوم کا باشعور طبقہ اس معاملے پر خاموش نہیں رہے گا۔

  • اٹھارویں ترمیم ختم کرنے کے لیے مجھ پر کیسز بنائے جارہے ہیں، آصف زرداری

    اٹھارویں ترمیم ختم کرنے کے لیے مجھ پر کیسز بنائے جارہے ہیں، آصف زرداری

    لاڑکانہ: سابق صدر اور پیپلزپارٹی کے شریک چیئرمین آصف زرداری نے کہا ہے کہ 18ویں ترمیم ختم کرنے کے لیے مجھ پر کیسز بنائے جارہے ہیں، ان کی نیت پر شک ہے یہ 18ویں ترمیم ختم کرنا چاہتے ہیں۔

    تفصیلات کے مطابق گڑھی بخدا بخش میں پیپلزپارٹی کے جلسے سے آصف زرداری نے خطاب کرتے ہوئے کہا کہ ذوالفقار علی بھٹو کی شہادت کو 40 سال گزر چکے ہیں، ذوالفقار بھٹو کی سوچ ہمیں آج تک یاد ہے۔

    آصف زرداری نے کہا کہ دور دراز سے لوگ ذوالفقار بھٹو کو سننے کے لیے آتے تھے، اس زمانے میں بھی اسٹیبلشمنٹ ذوالفقار بھٹو کا مذاق اڑاتی تھی۔

    انہوں نے کہا کہ ڈالر 40 روپے مہنگا ہوگیا ہے، تیل چائے، پھل، سبزیوں کی قیمتیں دگنی ہوگئی ہیں، 10 سے 20 ہزار کمانے والا مہنگی بجلی کا بل کیسے ادا کرے گا۔

    مزید پڑھیں: آج ہم ذوالفقارعلی بھٹو کی وجہ سے بھارت کی آنکھ میں آنکھ ڈال کر بات کرتے ہیں: بلاول بھٹو

    آصف زرداری نے کہا کہ چاہے میں جیل میں ہوں یا باہر ہوں اس سے فرق نہیں پڑتا ہے، عوام میرے ساتھ ہیں، بہت جلد مہم چلائیں گے۔

    سابق صدر نے کہا کہ اسلام آباد کی طرف مارچ کریں گے، سڑکوں پر رہیں گے، کارکنان تیاری کرلیں۔

    خیال رہے کہ آج پیپلز پارٹی کے بانی و چیئرمین سابق وزیر اعظم ذوالفقار علی بھٹو کی چالیس ویں برسی ملک بھر میں منائی جا رہی ہے، اس موقع پر پی پی کے زیر اہتمام دعائیہ تقریبات منعقد ہوئیں۔

  • میاں‌ صاحب،اب آپ سے جنگ ہوگی، پنجاب کی وزارت اعلیٰ بھی نہیں‌ لینے دیں‌ گے: آصف زرداری

    میاں‌ صاحب،اب آپ سے جنگ ہوگی، پنجاب کی وزارت اعلیٰ بھی نہیں‌ لینے دیں‌ گے: آصف زرداری

    گڑھی خدا بخش: پیپلزپارٹی کے شریک چیئرمین آصف علی زرداری کا کہنا ہے کہ ہم تحت رائیونڈ کو ہلا دیں گے، پنجاب میں‌ ن لیگ کا وزیر اعلیٰ نہیں‌ آنے دیں گے.

    ان خیالات کا اظہار انھوں‌ نے گڑھی خدا بخش میں‌ پیپلزپارٹی کے جلسے سے خطاب کرتے ہوئے کیا.ان کا کہنا تھا کہ میں نے لاہور کے موچی گیٹ پر کہا تھا کہ ہم جب چاہیں، آپ کا وزیراعلیٰ گراسکتے ہیں، پہلے ہی کہہ دیا تھا کہ آپ کو چیئرمین سینیٹ نہیں لینے دوں گا.

    [bs-quote quote=”میاں صاحب نے ہمیشہ اسٹیبلشمنٹ سے مل کر ہماری پیٹھ میں چھرا گھونپا، اب آپ سے صلح نہیں ہوگی، جنگ رہے گی، آپ سیاست داں نہیں، بلکہ مغل شہنشاہ ہیں، آپ کی وجہ سے ہمارے دوست ہم سے دور ہوگئے” style=”style-2″ align=”left” author_name=”آصف علی زرداری” author_avatar=”https://arynewsudweb.wpengine.com/wp-content/uploads/2018/04/ZARDARI60.jpg”][/bs-quote]

    آصف زرداری نے الزام لگایا کہ ن لیگ نے سینیٹ انتخابات کے موقع پر رضا ربانی کا نام لے کرپیپلزپارٹی میں تفریق پیدا کرنے کی کوشش کی، مگر رضاربانی ایسے نہیں، وہ پیپلزپارٹی کے ساتھ کھڑے رہے.

    انھوں‌ نے کہا کہ آج میاں صاحب اپوزیشن بھی کرتے ہیں اور حکومت بھی کرتے ہیں، میاں صاحب ہی آپ کا وزیراعظم ہے، آپ ہی کا وزیراعلیٰ ہے۔

    انھوں‌ نے کہا کہ میاں نوازشریف کو40 سال کا حساب دینا ہوگا، انھوں نے لاہور میں اربوں روپے خرچ کرکے ایک سیٹ نکالی، میاں صاحب آپ کے گھر اور موچی گیٹ کی طرف جانے والے راستوں میں فرق ہے، موجودہ مینڈیٹ آپ کا مینڈنٹ نہیں، وہ آر او الیکشن تھے.

    آصف زرداری نے کہا کہ جمہوریت کی بدولت ہم بلوچستان کو آگے لے کر گئے، بلوچستان کو ایک باپ، ایک ماں کی ہماری اور ایک پارٹی کی ضرورت ہے، بلوچستان میں آپ کی غفلتوں کی وجہ سے آگ لگی ہوئی ہے.

    انھوں نے کہا کہ میاں صاحب نے ہمیشہ اسٹیبلشمنٹ سے مل کر ہماری پیٹھ میں چھرا گھونپا، آپ اب سے صلح نہیں ہوگی، جنگ رہے گی، آپ سیاست داں نہیں، بلکہ مغل شہنشاہ ہیں، آپ کی وجہ سے ہمارے دوست ہم سے دور ہوگئے، ہم بہت جلد پنجاب آئیں گے اور تخت رائیونڈ کو ہلائیں گے.

    میاں صاحب غریبوں کو لوٹنا اور ان کا خون چوسنا چھوڑ دیں، وہ دن یاد کریں جب ہم نے آپ کی حکومتیں بچائی تھیں، آپ کے وزرا کے پیر کانپ رہے تھے، اگر میں لندن سے نہ آتا، اس کے باوجود آپ نے آنکھیں پھیر لیں۔

    انھوں نے کہا کہ میں‌ پیپلزپارٹی کے کارکنوں کو سلام پیش کرتا ہوں، بھٹووہ شخصیت تھی جس کا نام ہمیشہ یاد رکھا جائے گا.

    اتفاق رائے کا عدم احترام اور آئین سے کھلواڑ سیاسی تباہی ہوگا: آصف زرداری

    مریم نواز نے عمران خان اور آصف زرداری کو بھائی بھائی قرار دے دیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مخالفین کوکہتا ہوں کہ اتنا ظلم کروجتنا ہم برداشت کرسکیں، آصف زرداری

    مخالفین کوکہتا ہوں کہ اتنا ظلم کروجتنا ہم برداشت کرسکیں، آصف زرداری

    لاڑکانہ : پاکستان پیپلز پارٹی کے شریک چیئرمین آصف علی زرداری نے کہا ہے کہ مخالفین کو کہتا ہوں کہ اتنا ظلم کرو جتنا ہم برداشت کرسکیں، کسی نے این آر او دینے کی کوشش کی تو بھرپور مزاحمت کریں گے۔

    یہ بات انہوں نے گڑھی خدا بخش لاڑکانہ میں بینظیر بھٹو کی 10ویں برسی کے موقع پر جلسے سے خطاب کرتے ہوئے کہی، جلسے میں ملک بھر سے آئے ہوئے کارکنان کی بہت بڑی تعداد موجود تھی۔

    اپنے خطاب انہوں نے کہا کہ کوئی کپتان بنتا ہے تو کوئی مجھے کیوں نکالا کے نعرے لگاتا ہے ، یہ سب جعلی قائد اور آر اوز کے بنائے ہوئے لیڈرز ہیں، گندے انڈوں سے نکلے بچے آ ج ہمارے خلاف بات کرتے ہیں۔

    ہمیں معلوم ہے کہ آپ کس طرح آپ منتیں کرتے ہیں اور آنسوؤں سے روتے ہیں، آپ کا ایک این آر او چل رہا تھا اور اب بھی چاہ رہے ہیں۔

    آصف زرداری نے کہا کہ کسی نے این آراو دینے کی کوشش کی تو بھرپورمزاحمت کرینگے، آپ نے ہمیشہ ہماری پیٹھ میں چھراگھونپا، آپ کے بہلاوے میں اب نہیں آئیں گے۔

    انہوں نے مزید کہا کہ آپ فکر نہ کریں میں نے ان کو جکڑا ہوا ہے الیکشن جیت کر دکھاؤں گا، ہم12سال قید کاٹ کرآئے، آپ12دن جیل سے محل پہنچے، ملک میں دہرا انصاف نہیں چلے گا۔

    آصف زرداری کا کہنا تھا کہ شہید بھٹو نے بےنظیرکا نام رکھا تھا وہ واقعی بےنظیر تھیں، ان جیسی بہادر خاتون نہیں دیکھی، دنیا کے لیڈروں نے ان کی تعریف کی۔

    مزید پڑھیں: میاں صاحب آپ کو اللہ نے نکالا، ججز وسیلہ بنے، آصف زرداری

    لگتاہے بی بی شہید آج بھی ہمارے ساتھ ہیں، بہت لیڈرآئیں گے اور جائیں گے صرف ایک نام بھٹو کا رہیگا، میں اور بلاول بھٹو شہید بی بی کے مشن کو آگےبڑھائیں گے۔

  • بی بی کو عدالتوں کے چکر لگوانے والے آج خود عدالتوں کے باہرچیخ رہے ہیں: بلاول بھٹو

    بی بی کو عدالتوں کے چکر لگوانے والے آج خود عدالتوں کے باہرچیخ رہے ہیں: بلاول بھٹو

    گڑھی خدا بخش: پیپلزپارٹی کے چیئرمین بلاول بھٹو کا کہنا ہے کہ آج وزیراعظم تو موجود ہے، مگر خود کہتا ہے کہ میں وزیراعظم نہیں، انھوں نے جمہوریت کو کمزور کیا، ہرادارے کی آزادی کو ختم کرنے کی سازش کی۔

    ان خیالات کا اظہار انھوں نے گڑھی خدا بخش میں بے نظیر بھٹو کی دسویں برسی سے خطاب کرتے ہوئے کیا۔

    ان کا کہنا تھا کہ بی بی کو عدالت کے چکر لگوانے والےعدالتوں کے باہرچیخ رہے ہیں، جنھوں نے بی بی پر کرپشن کا الزام لگایا، وہ کروڑوں دہشت گردوں پر بانٹتا ہے، پیپلزپارٹی کے خلاف فتوے دینےوالےآج خود فتوؤں کی لپیٹ میں ہیں۔

    ان کا کہنا تھا، آج پاکستان دنیا میں سفارتی سطح پر تنہا ہوتا جا رہا ہے، سرحدیں غیرمحفوظ ہیں، دنیا دہشت گردی کی آگ میں جل رہی ہے حکمران خاموش ہیں۔

    بلاول بھٹو نے اپنے خطاب میں کہا کہ بی بی نے تیس سال جمہوریت کے لئے جدوجہد کی، جمہوریت کے لیے جان دی، مگر آج ملک میں روٹی مہنگی اورخون سستا ہوگیا ہے کسانوں اور محنت کشوں کا معاشی قتل کیا جارہا ہے، آج بھی ہمارے اسکول، کالجز اورعبادت گاہیں محفوظ نہیں۔

    یہ بھی پڑھیں: مشرف نے والدہ کو قتل کروایا،بلاول بھٹو

    ان کے مطابق پارلیمنٹ کی بالادستی اور مضبوط جمہوریت کے لیے جدوجہد کرتے رہیں گے، آپ کے قاتل ابھی ہمارے نوجوانوں کو قتل کررہے ہیں، آپ کےقاتل ابھی تک معصوم شہریوں کےخون سےکھیل رہے ہیں۔

    انھوں نے بے نظیر بھٹو کو مخاطب کرتے ہوئے کہا کہ عوام کے لیے ظالموں سےلڑرہےہیں، آپ کو بھی اسی کام کی سزا دی گئی ہے، آپ کو مزدورں، نوجوانوں اورخواتین کے حقوق دلانے کی سزا دی گئی، آپ کو آپ کی جرات اوربہادری اورعوام سے محبت کی سزادی گئی، میری قائد آپ کوآمریت سےلڑنےکی سزادی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔