مریدکے: ڈیرہ کمہاراں والا میں گھریلو تنازع پر سسرالیوں نے داماد کو تشدد کا نشانہ بنایا ہے۔
تفصیلات کے مطابق شیخوپورہ کی تحصیل مریدکے، کے ڈیرہ کمہاراں والا میں گھریلو تنازع پر سسرالیوں نے داماد طارق پر تشدد کیا ہے، اس دوران طارق کی بہن بھی زخمی ہوگئی۔
زخمی بہن نے کہا کہ طارق اپنے بچوں کو چھوڑنے ڈیرے پر گیا تھا، سسر اور 2 سالوں نے میرے بھائی پر تشدد کیا، پستول کے بٹ مارے۔
ریسکیو ذرائع کا کہنا ہے کہ طارق کو تشویشناک حالت میں ٹی ایچ کیو سپتال منتقل کر دیا گیا ہے، جبکہ اہل خانہ ملزمان کی گرفتاری کیلئے اسپتال کے باہر احتجاج کررہی ہے۔
