Tag: گھریلو صارفین

اسلام آباد : گھریلو صارفین کے لئے گیس کے بلوں میں فکسڈ چارجز میں اضافہ کردیا گیا، قیمتوں میں اضافے کا اطلاق یکم جولائی سے ہوگا۔

تفصیلات کے مطابق وزیرخزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا، جس میں گھریلو صارفین کیلئےگیس کی قیمتیں برقرار رکھنے اور فکسڈ چارجز میں اضافے کا فیصلہ کیا گیا۔

ذرائع کا کہنا ہے پروٹیکٹڈ صارفین کے فکسڈ چارجز 400 سے بڑھا کر 450 روپے ماہانہ جبکہ نان پروٹیکٹڈ صارفین کے فکسڈ چارجز ایک ہزار سے بڑھا کر 1400 روپے کردیے گئے۔

ایک اعشاریہ پانچ کیوبک میٹر سے زائد گیس استعمال کرنے والوں کے فکسڈ چارجز 2 ہزار سے بڑھاکر 2400 روپے کردیے گئے۔

ذرائع کے مطابق گیس پر چلنے والے پاور پلانٹس اور صنعتی صارفین کے لیے قیمتوں میں دس فیصد اضافہ کی منظوری دے دی گئی۔

مزید پڑھیں : صارفین کو نئے گیس کنکشن دینے کا منصوبہ تیار

ای سی سی ذرائع کے مطابق قیمتوں میں اضافے کا اطلاق یکم جولائی سے ہوگا۔

اقتصادی رابطہ کمیٹی نے بلک صارفین اور اور بجلی گھروں کے لیے گیس کے نرخ میں 10 فیصد اضافے کی بھی منظوری دی۔

ای سی سی اجلاس میں 7 لاکھ 50 ہزار چھوٹے کاشتکاروں کیلئے قرض اسکیم کی منظوری دی گئی، 7 لاکھ 50 ہزار چھوٹے کاشتکاروں کیلئے قرض اسکیم کا اجرا 14 اگست کو کیا جائے گا، نئی قرض اسکیم سے مالی سال 2026 سے 2028 تک 3 سو ارب فنانسنگ ہو سکے گا۔

اسلام آباد: شوگرملز کی جانب سے مطالبہ سامنے آیا ہے کہ گھریلوصارفین کو چینی سستی اور کمرشل صارفین کیلئے مہنگی دیں گے۔

اسحاق ڈار کی زیر صدارت چینی کی قیمتوں سےمتعلق اجلاس ہوا، اس اجلاس کا اندرونی احوال سامنے آگیا ہے، حکومتی ذرائع نے بتایا کہ شوگر ملز مالکان کا کہنا تھا کہ چینی کا گھریلو استعمال محض 18 فیصد جبکہ صنعتی استعمال 80 فیصد ہے۔

شوگر ملز کی جانب سے زور دیا گیا کہ گھریلوصارفین کو چینی سستی دیں گے اور کمرشل بنیادوں پر استعمال ہونے والی چینی مہنگی دیں گے۔

چینی کی قیمت میں کمی کے حوالے سے آج اہم فیصلہ متوقع

حکومتی ذرائع نے کہا کہ شوگر ملز مالکان چینی کے 2 نرخ مقرر کرنا چاہتے ہیں، حکومتی ٹیم کے مطابق چینی کے 2 نرخ مقرر نہیں کرسکتے۔

شوگر ملز مالکان کی جانب سے یہ دعویٰ بھی کیا گیا کہ چینی بنانے کےلیے رواں سال گنے کی قیمت 700 سے 750 روپے فی من ادا کی گئی۔

https://urdu.arynews.tv/govt-sets-sugar-price-at-rs164-kg/

اسلام آباد: اوگرا نے گیس کی قیمتوں کا نوٹیفکیشن جاری کردیا، گھریلو صارفین سمیت باقی تمام سیکٹرز کیلئے گیس کی قیمتیں برقرار ہیں۔

جاری نوٹیفکیشن میں اوگرا نے کہا کہ کیپٹو پاور پلانٹس کیلئے گیس نرخ میں 250 روپے فی ایم ایم بی ٹی یو اضافہ کیا گیا ہے، کیپٹو پاور پلانٹس کیلئے گیس کی نئی قیمت 3 ہزار روپے فی ایم ایم بی ٹی یو مقرر کی گئی ہے۔

نوٹیفکیشن کے مطابق کیپٹو پاور پلانٹس کیلئے گیس کی نئی قیمت کا اطلاق آج سے ہوگیا، کھاد کارخانوں، برف کارخانوں اور سیمنٹ سیکٹر کیلئے بھی گیس قیمتیں برقرار رہیں گی۔

اوگرا کی جانب سے جاری نوٹیفکیشن میں واضح کیا گیا کہ گھریلو، کمرشل اور صنعتی صارفین کیلئے گیس قیمتیں برقرار ہیں۔

نوٹیفکیشن میں کہا گیا کہ سرکاری اور نجی بجلی گھروں کیلئے بھی گیس قیمتیں برقرار رہیں گی، گزشتہ روز ای سی سی نے یکم جولائی سے گیس قیمتوں میں ردوبدل کی منظوری دی تھی۔

گھریلو صارفین کیلئے گیس 67 فیصد تک مہنگی کردی گئی، جس کا اطلاق یکم فروری سے ہوگا، اوگرا نے نوٹیفکیشن جاری کردیا۔

تفصیلات کے مطابق گیس کمپنیوں کی درخواست پر گیس مہنگی کردی گئی ہے، گھریلو صارفین کیلئے گیس 67 فیصد تک مہنگی کردی گئی ہے۔ پروٹیکٹڈ، نان پروٹیکٹڈ صارفین، کیپٹیو پاور پلانٹس کیلئے گیس قیمتوں میں بھی اضافہ ہوگیا ہے۔

اوگرا کی جانب سے نوٹیفکیشن جاری کردیا گیا ہے جس کے تحت پروٹیکٹڈ صارفین کیلئے گیس قیمتوں میں 100 روپے فی ایم ایم بی ٹی یو اضافہ ہوا ہے۔ نان پروٹیکٹڈ صارفین کیلئے گیس کی قیمتوں میں 350 روپے فی ایم ایم بی ٹی یو تک اضافہ کیا گیا ہے۔

نوٹیفکیشن کے مطابق پروٹیکٹڈ اور نان پروٹیکٹڈ صارفین کیلئے فکسڈ چارجز میں اضافہ نہیں ہوگا۔ بلک میں گیس استعمال پر فی ایم ایم بی ٹی یو قیمتوں میں 900 روپے کا اضافہ ہوا ہے۔

گھریلوصارفین کیلئے ماہانہ 25 مکعب میٹر استعمال پر 79 روپے فی ایم ایم بی ٹی یو اضافہ ہوا ہے جبکہ پروٹیکٹڈ صارفین کے ماہانہ 50 مکعب میٹر استعمال پر 100 روپے فی ایم ایم بی ٹی یو اضافہ کیا گیا ہے۔

ماہانہ 60 اور 90 مکعب میٹر استعمال پر بھی 100 روپے فی ایم بی ٹی یو اضافہ کیا گیا جبکہ نان پروٹیکٹڈ کیلئے ماہانہ 25 مکعب میٹراستعمال پر 200 روپے فی ایم ایم بی ٹی کا اضافہ ہوا ہے۔

نان پروٹیکٹڈ کیلئے ماہانہ 150 مکعب میٹر استعمال پر 25 روپے، ماہانہ 200 مکعب میٹر استعمال پر 350 روپے، ماہانہ 300 مکعب میٹر استعمال پر300 روپے جبکہ ماہانہ 400 مکعب میٹر استعمال پر بھی 300 روپے فی ایم ایم بی ٹی یو اضافہ کیا گیا ہے۔

نان پروٹیکٹڈ ماہانہ 400 مکعب میٹر سے زائد استعمال پر 200 روپے فی ایم ایم بی ٹی یو اضافہ کیا گیا ہے۔

نوٹیفکیشن کے مطابق بجلی کارخانوں کیلئے گیس کی قیمت 1050 روپے فی ایم ایم بی ٹی یو پر برقرار رکھی گئی ہے۔ سیمنٹ کارخانوں کیلئے گیس کی قیمت 4400 روپے پر برقرار رہے گی۔

سی این جی سیکٹر کیلئے 150 روپے اضافے سے 3750 روپے فی ایم ایم بی ٹی یو کی قیمت مقرر کی گئی ہے۔ روٹی تندووں کیلئے گیس مہنگی نہیں کی گئی۔ روٹی تندوروں کیلئے گیس نرخ 110 روپے سے 700 روپے فی ایم ایم بی ٹی یو پر برقرار ہیں۔