Tag: گھریلو ملازمہ

لاہور : کمسن گھریلو ملازمہ پر تشدد کرنے والی سفاک مالکن کو گرفتار کرکے مقدمہ درج کرلیا گیا۔

تفصیلات کے مطابق لاہور میں ستوکتلہ کے علاقے میں گھریلو ملازمہ پرتشدد کا واقعہ سامنے آیا، پولیس نے تشدد کرنے والے سفاک مالکن کو گرفتار کر کے مقدمہ درج کرلیا۔

پولیس نے بتایا کہ 12 سالہ نصباء اقبال ایوینیو میں فرخندہ بی بی کے گھربطور ملازمہ کام پرتھی، بچی پر مالکن کی طرف سے بدترین تشدد پر بچی گھر سے بھاگ گئی۔

حکام کا کہنا تھا کہ نصباء کی گمشدگی پر متاثرہ بچی کے والد نے پولیس سے رابطہ کیا، جس پر ایس ایچ او نے بچی کو داتا دربار سے تلاش کرلیا۔

بچی پر تشدد کرنے والی مالکن فرخندہ بی بی کر پولیس نے گرفتار کرلیا اور مزید تفتیش جاری ہے۔

مزید پڑھیں : راولپنڈی : تشدد سے کمسن گھریلو ملازمہ کی موت کا مقدمہ درج

یاد رہے راولپنڈی میں مالکان کے تشدد سے شدید زخمی تیرہ سالہ ملازمہ سالہ اقرااسپتال میں دوران علاج دم توڑ گئی تھی۔

بعدازاں کمسن گھریلو ملازمہ کی موت کا مقدمہ درج کیا گیا تھا ، والد نے بتایا تھا کہ مالک اور ثنا نے میری بیٹی پر قتل کی نیت سے تشدد کیا۔

فیصل آباد: 16 سالہ گھریلو ملازمہ کو آٹھ افراد نے اجتماعی زیادتی کا نشانہ بنا ڈالا تاہم پولیس نے مرکزی ملزم عابد پراچہ کو گرفتار کر لیا اور سات ملزمان فرار ہے۔

تفصیلات کے مطابق فیصل آباد کے علاقے ملک پورہ میں سولہ سالہ گھریلو ملازمہ سے آٹھ افراد کی مبینہ زیادتی کا واقعہ سامنے آیا۔

تھانہ صدر پولیس نے مقدمہ درج کر کے مرکزی ملزم عابد پراچہ کو گرفتار کر لیا تاہم خاتون اور سات ملزمان فرار ہیں۔

تھانہ صدر میں تاندلیانوالہ کے چک 595 کی رہائشی نسرین کی مدعیت میں درج مقدمہ میں موقف اختیار کیا گیا ہے کہ اس کی 16 سالہ بیٹی کو فاطمہ نے اٹھائیس فروری کو ملک پورہ میں شیماں کے گھر ملازمہ رکھوایا۔

مدعی مقدمے نے کہا کہ ملزم احمد رضا بچی کو اسی علاقے میں عابد پراچہ کے گھر لے گیا جہاں عابد پراچہ ، احمد رضا ، عاطف ، کاشف ، الطاف اور تین نامعلوم ملزمان نے اسے زیادتی کا نشانہ بنایا، وہ نو مارچ کو بیٹی سے ملنے گئی تو اس نے زیادتی کے بارے میں بتایا ۔

بچی نے بتایا کہ ملزمان چھ روز تک اس سے زیادتی کرتے رہے اور اس کی نازیبا ویڈیوز بھی بنائیں، ملزمان نے کسی کو بتانے پر قتل کرنے کی دھمکیاں دیں

متاثرہ کشور بی بی نے بتایا کہ گینگ خواتین سے زیادتی اور خریدوفروخت میں بھی ملوث ہے ۔

راولپنڈی : اصغرمال میں تشدد سے کمسن گھریلو ملازمہ کی موت کا مقدمہ درج کرلیا گیا، والد نے بتایا کہ مالک اور ثنا نے میری بیٹی پر قتل کی نیت سے تشدد کیا۔

تفصیلات کے مطابق راولپنڈی کے علاقے اصغرمال میں گھریلو ملازمہ پر تشدد کا معاملے پر والد کی مدعیت میں تھانہ بنی میں مقدمہ درج کرلیا گیا، مقدمے میں دفعہ 302، چلڈرن ایکٹ 2004 سمیت 7 دفعات شامل کی گئیں۔

پولیس نے بتایا کہ ابتدائی تفتیش میں ملزمان نے جھوٹ بولا بچی کا والد نہیں ہے تاہم، پولیس نے تفتیش کرکے والد کو تلاش کرلیا۔

مقتولہ کے والد نے بتایا کہ میرے 5 بچے ہیں، جن میں 3 بیٹیاں اور 2 بیٹے شامل ہیں، 3 ماہ قبل بیٹی سے مل کر آیا تھا،ایک سال سے 8 ہزار پر گھریلو ملازمہ تھی۔

مدعی مقدمے کا کہنا تھا کہ بیٹی نے12 روزقبل فون پراطلاع دی مالک راشداورثناباجی مجھ پرتشددکرتے ہیں، مالک راشد شفیق اور ثنا نے میری بیٹی پرقتل کی نیت سے تشددکیا ، ملزمان سخت سے سخت قانونی کارروائی عمل لائی جائے۔

خیال رہے مالکان کے تشدد سے شدید زخمی تیرہ سالہ ملازمہ سالہ اقرااسپتال میں دوران علاج دم توڑ گئی ہے۔

اقراکوتشویشناک حالت میں ہولی فیملی اسپتال منتقل کیاگیاتھا،گھریلوملازمہ پر اصغر مال کے رہائشی ملزم راشدشفیق اور اہلیہ ثنا نے تشدد کیا تھا تاہم پولیس ملزم راشدشفیق اوراہلیہ ثنا کو گرفتار کرلیا ہے۔

لاہور : گھریلو ملازمہ پر بدترین تشدد کرنے والے 2 بھائیوں کو گرفتار کرلیا گیا ، ملزمان نے چوری کا الزام لگاکر ملازمہ کو تشدد کا نشانہ بنایا۔

تفصیلات کے مطابق لاہورکے علاقے گارڈن ٹاون میں گھریلو ملازمہ پر چوری کا الزام لگا کر تشدد کرنے والے مالک مکان دو بھائی کو پولیس نے گرفتارکرلیا۔

انویسٹی گیشن پولیس نے بتایا کہ ملزمان وارث عباس اورعلی عباس نے ملازمہ پر سترلاکھ روپے چوری کا مقدمہ درج کروایا جبکہ منزہ پر چوری کے شبے پر بدترین تشدد کیا۔

پولیس کا کہنا تھا کہ وارث عباس اورعلی عباس اعظم مارکیٹ کے تاجر ہیں تاہم پولیس نے منزہ کا میڈیکل کروا کر مالکان کو گرفتار کیا ، میڈیکل پر منزہ پر تشدد ثابت ہوا ہے۔

پولیس نے بتایا کہ ستر لاکھ روپے چوری کے مقدمہ میں تفتیش کی جاری ہے۔