Tag: گھریلو ملازمہ رضوانہ

اسلام آباد میں مالکن کے تشدد کا شکار ہونے والی گھریلو ملازمہ رضوانہ 4 ماہ زیر علاج رہنے کے صحت یاب ہوگئی۔

اے آر وائی نیوز کے مطابق اسلام آباد میں مالکن کے تشدد کا شکار ہونے والی کم عمر گھریلو ملازمہ رضوانہ کو 4 ماہ بعد صحت یاب ہونے پر جنرل اسپتال سے ڈسچارج کرکے چائلڈ پروٹیکشن بیورو منتقل کردیا گیا ہے۔

رضوانہ کو سر، چہرے اور کمر پر زخموں کے ساتھ جنرل اسپتال لایا گیا تھا جو اب اپنے قدموں پر چلتی ہے اور اس کی مسکراہٹ بھی واپس لوٹ آئی ہے۔

نئی زندگی ملنے پر گھریلو ملازمہ رضوانہ کی خوشی دیدنی ہے اور اس نے بیوٹیشن اور کوکنگ کورس کرنے کا فیصلہ کیا ہے جبکہ بہترین علاج کرنے پر رضوانہ نے ڈاکٹر اور عملے کا شکریہ بھی ادا کیا۔

نگراں وزیر صحت پنجاب ڈاکٹر جاوید اکرم کا کہنا تھا کہ میڈیکل کیئر کے ساتھ اب پنجاب حکومت رضوانہ کی کفالت بھی کرے گی۔

چیئرپرسن چائلڈ پروٹیکشن بیورو سارہ احمد نے کہا کہ رضوانہ کی ہر خواہش پوری کی جائے گی اور اسے تعلیم اور ہنر سمیت تمام سہولیات دی جائیں گی۔

واضح رہے کہ ستمبر میں اسلام آباد کی مقامی عدالت نے کم سن  بچی  رضوانہ  تشدد کیس میں ملزمہ سومیا عاصم کی درخواست ضمانت منظور کرلی تھی۔

یاد رہے کہ رضوانہ کا تعلق سرگودھا سے ہے، وہ اسلام آباد میں سول جج کے گھر ملازمت کرتی تھی، بچی کی والدہ نے کہا تھا کہ اس پر سول جج کی اہلیہ نے تشدد کیا، تشدد سے بچی بری طرح زخمی ہوئی تھی۔

24 جولائی 2023 کو رضوانہ پر تشدد ہونے کا واقعہ سامنے آیا تھا جس پر انسانی حقوق کے رہنماؤں سمیت حکام نے رضوانہ کے لئے آواز بلند کی تھی۔

اسلام آباد: سول جج کی اہلیہ کے ہاتھوں تشدد کا شکار کمسن گھریلو ملازمہ رضوانہ نے اسلام آباد پولیس کو اپنا بیان ریکارڈ کروا دیا۔

اے آر وائی نیوز کے مطابق کمسن گھریلو ملازمہ رضوانہ نے اپنے بیان میں بتایا کہ جج کی اہلیہ مجھ پر روزانہ تشدد کرتی تھیں، مجھے ڈنڈوں، لوہے کی سلاخوں اور دیگر چیزوں سے مارتیں تھی، غصّے میں آکر مالکن لاتیں اور ٹھڈے بھی مارتی تھیں۔

رضوانہ نے پولیس کا بتایا کہ لاتیں بھی مارتی تھیں، بال پکڑ  کر میرا سر دیوار سے مارتی تھیں، جج کی اہلیہ مجھے کئی کئی روز کمرے میں بند کر کے بھوکا رکھتیں، جج فیملی سمیت باہر جاتے تو ہفتہ ہفتہ مجھے گھر میں بند رکھتے تھے۔

رضوانہ نے بیان میں کہا کہ مجھے ماں باپ سے ملنے کی اجازت نہیں ملتی تھی،  ٹیلی فون پر بات کراتے مگر جج کی اہلیہ ساتھ ہوتیں تھیں۔

رضوانہ نے پولیس کو مزید بتایا کہ زخموں، تشدد سے متعلق گھر والوں کو نہ بناتے کا کہا جاتا تھا مجھے دھمکیں دیتیں، میرے زخموں کی مرہم پٹی بھی نہیں کراتے تھے۔

لاہور: تشدد کا شکار گھریلو ملازمہ رضوانہ کا جنرل اسپتال لاہور میں علاج جاری ہے۔

اس حوالے سے میڈیکل بورڈ کے سربراہ پروفیسر جودت سلیم نے بتایا کہ رضوانہ کی طبیعت میں بہتری کے آثار نظر آ رہے ہیں تاہم اسے نمونیا ہو گیا ہے اور آکسیجن بھی تاحال لگی ہوئی ہے۔

میڈیکل بورڈ کے سربراہ پروفیسر جودت سلیم کا کہنا ہے کہ رضوانہ اب خود بھوک کی شکایت کرتی ہے، کھانے کو مانگتی ہے۔

گھریلو ملازمہ رضوانہ کے والد کو دھمکیاں ملنے لگیں

ڈاکٹر جودت سلیم نے مزید بتایا کہ رضوانہ نے آج صبح ناشتہ بھی کیا ہے، رضوانہ کو گزشتہ روز خون کی تیسری بوتل بھی لگائی گئی۔

واضح رہے تشدد کی شکار بچی کا معاملہ 24 جولائی کو سامنے آيا تھا، بچی کی ماں نے جج کی اہلیہ پر تشدد کا الزام لگایا تھا، جب بچی کو اسپتال پہنچایا گیا تو اس کے سر کے زخم میں کيڑے پڑ چکے تھے اور دونوں بازو ٹوٹے ہوئے تھے اور وہ خوف زدہ تھی۔

اسلام آباد: سول جج کی اہلیہ کے ہاتھوں تشدد کا شکار گھریلو ملازمہ بچی رضوانہ 7 روز سے لاہور کے جنرل اسپتال میں زیر علاج ہے جس کی حالت تاحال تشویش ناک ہے۔

تفصیلات کے مطابق جنرل اسپتال کے پرنسپل ڈاکٹر سردار الفرید نے ملازمہ بچی رضوانہ کی حالت سے متعلق بتایا کہ خون کی شدید کمی کے باعث آج رضوانہ کو بلڈ لگایا ہے۔

رضوانہ کی حالت میں تاحال بہتری  نہیں  آسکی ہے بچی کو منہ کے ذریعے خوراک دینے کی کوشش کر رہے ہیں، بچی کا آکسیجن لیول پھر خراب ہو رہا ہے آکسیجن لیول ٹھیک کرنے کیلئے آج  پھر برونکو اسکوپی کی گئی۔

گھریلو ملازمہ رضوانہ کے والد کو دھمکیاں ملنے لگیں

پروفیسر سردار الفرید نے بتایا کہ رضوانہ کی آج بھی فیزیوتھراپی کی گئی ہے، رضوانہ کا سائیکالوجسٹ،کارڈیالوجسٹ ٹیم بھی معائنہ کر رہی ہے۔

واضح رہے تشدد کی شکار بچی کا معاملہ 24 جولائی کو سامنے آيا تھا، بچی کی ماں نے جج کی اہلیہ پر تشدد کا الزام لگایا تھا، جب بچی کو اسپتال پہنچایا گیا تو اس کے سر کے زخم میں کيڑے پڑ چکے تھے اور دونوں بازو ٹوٹے ہوئے تھے اور وہ خوف زدہ تھی۔