Tag: گھریلو ملازمہ

گجرات: پنجاب کے شہر گجرات میں گھریلو ملازمہ کی کرونا رپورٹ منفی آنے کے بعد موت معمہ بن گئی۔

تفصیلات کے مطابق گجرات میں گھریلو ملازمہ رمشا کے قتل کو حادثاتی موت کا رنگ دینے کی کوشش ناکام ہوگئی، مقتولہ کی موت کرونا سے منسوب کرکے تدفین کردی گئی تھی، کرونا رپورٹ منفی آنے پر موت معمہ بن گئی۔

نمائندہ اے آر وائی نیوز کے مطابق کھاریاں کینٹ کے رہائشی ڈاکٹر علی تصدق نے عزیز بھٹی شہید اسپتال میں اطلاع دی کہ گھریلو ملازمہ رمشا کرونا وائرس کی شکار ہوکر انتقال کرگئی ہے جس پر اسپتال کے عملے نے رمشا کے نمونے لیبارٹری بھجوادئیے تھے۔

ذرائع کا کہنا ہے کہ ڈاکٹر علی تصدق نے رمشا کی میت کو تابوت میں بند کرواکر آبائی شہر بھلوال تدفین کے لیے بھجوادی اور پولیس، میڈیکل عملہ کے ساتھ اپنی رہائشگاہ کھاریاں کینٹ میں اسپرے کرواتا رہا، آج رپورٹ میں رمشا کی کرونا سے موت کو نیگیٹو قرار دے دیا گیا۔

مزید پڑھیں: لاہور کے میو اسپتال میں کرونا مریض کی موت معمہ بن گئی

گھریلو ملازمہ رمشا کے والد غلام یاسین نے تھانہ کھاریاں کینٹ میں ڈاکٹر علی تصدق اور اس کے اہلخانہ کے خلاف درخواست جمع کروادی ہے۔

ڈی ایس پی کھاریاں اسد اسحاق کا کہنا ہے کہ رمشا کی موت کی درخواست جمع کروائی گئی ہے، پولیس غلام یاسین کی درخواست پر کارروائی کرے گی، رمشا کے والد نے اپنی درخواست میں پوسٹ مارٹم کا کہا ہے، پولیس تمام قانونی تقاضے پورے کرے گی۔

رمشا کی بہن نے الزام عائد کیا ہے کہ ڈاکٹر علی تصدق نے میری بہن کو تشدد کا نشانہ بنانے بعد قتل کیا ہے، مقتولہ کے اہلخانہ کی جانب سے وزیراعلیٰ پنجاب عثمان بزدار سے انصاف کی فراہمی کی اپیل کی گئی ہے۔

فیصل آباد: گھریلو ملازمہ سے زیادتی کیس میں نامزد مسلم لیگ ن کے رکن پنجاب اسمبلی طاہر جمیل کو تاحال گرفتار نہ کیا جاسکا۔

تفصیلات کے مطابق فیصل آباد سے تعلق رکھنے والے مسلم لیگ ن کے رکن اسمبلی، 2 بیٹے گھریلو ملازمہ سے زیادتی کیس میں نامزد ہیں البتہ تفتیشی افسران اسپیکر پنجاب اسمبلی سے اُن کی گرفتاری کی اجازت نہ لے سکی۔

رکن اسمبلی ایم پی اےطاہر جمیل اور 2 بیٹوں پر الزام ہے کہ انہوں نے گھر میں کام کرنے والی چودہ سالہ ملازمہ سے نازیبا حرکات کیں اور اُسے زیادتی کا بھی نشانہ بنایا۔

ایس ایس پی آپریشنز کا کہنا ہے کہ کل رکن اسمبلی کی گرفتاری کے حوالے سے اسپیکر کو خط ارسال کر کے محکمانہ کارروائی کا عمل مکمل کرلیا جائے گا اور جلد ہی طاہر جمیل کو تفتیش کے لیے حراست میں لیا جائے گا۔

مزید پڑھیں: ن لیگی ایم پی اے طاہرجمیل پر ملازمہ سے زیادتی کا مقدمہ درج

یاد رہے کہ ایک روز قبل پولیس نے مسلم لیگ ن کے ایم پی اے طاہرجمیل کے خلاف ملازمہ سے زیادتی کا مقدمہ درج کرلیا، مقدمے میں ان کے دو بیٹوں اور اہلیہ کو بھی نامزد کیا۔ چودہ سالہ ملازمی صائمہ کے والد ریاض نے پولیس کو درخواست دے کر ایف آئی آر کٹوائی۔

پولیس حکام کے مطابق مقدمے میں زیادتی، چلڈرن ایکٹ سمیت3 دفعات شامل ہیں، اسپیکرپنجاب اسمبلی کی اجازت کے بعد ایم پی اے کو گرفتارکیا جائے گا۔

ریاض مسیح کا کہنا تھا کہ ایم پی اے طاہرجمیل نے میری بیٹی کو2 بار زیادتی کا نشانہ بنایا، جبکہ اُس کی بیوی بانو میری بیٹی کوتشدد کا نشانہ بناتی تھی،ایم پی اے کے بیٹے آفاق اورسعد نازیبا حرکات کرتے تھے۔

یہ بھی پڑھیں: فیصل آباد میں کمسن گھریلو ملازمہ پر تشدد

پولیس کے مطابق متاثرہ لڑکی کا میڈیکو لیگل درخواست ملتے ہی کرا لیا گیا تھا، لڑکی کے جسم سے نمونے فرانزک لیبارٹری بھجوا دیے گئے۔ اسپتال ذرائع کا کہنا تھا کہ ابتدائی رپورٹ میں ملازمہ کے ساتھ زیادتی کی تصدیق ہوگئی جبکہ فرانزک لیبارٹری سے نمونوں کی رپورٹ آنے پر حتمی رائے دی جائے گی۔ اسپتال ذرائع کے مطابق ڈی این اے ٹیسٹ سے واضح ہوگا زیادتی کس نے کی، متاثرہ بچی کے جسم سے 3 نمونے فرانزک لیبارٹری بھجوائے گئے۔