ARYNews.tv | Urdu – Har Lamha Bakhabar

Tag: گھریلو ملازمین

  • کویت میں گھریلو ملازمین کی بھرتی کس ملک سے کی جائیگی؟

    کویت میں گھریلو ملازمین کی بھرتی کس ملک سے کی جائیگی؟

    کویت میں گھریلو ملازمین کی بھرتی کے حوالے سے اہم فیصلہ کرلیا گیا، گھریلو مزدوری کے امور کے ماہر بصام الشمری کا کہنا ہے کہ آنے والا وقت بنگلہ دیش کی قیادت میں نئے مشرقی ایشیائی ممالک سے گھریلو ملازمین کی بھرتی کے لیے دروازے کھولنے کے اعلان کا مشاہدہ کرے گا۔

    بین الاقوامی خبر رساں ادارے کی رپورٹ کے مطابق کویت کے نائب وزیر اعظم کی جانب سے نئے ممالک سے نجی اور گھریلو شعبوں میں غیر ملکی کارکنوں کو بھرتی کرنے کے لیے تعاون کے فریم ورک کھولنے کی ضرورت پر زور دیا گیا، جس کے باعث مارکیٹ میں خاص طور پر پیشہ ورانہ اور تکنیکی کارکنوں کی بڑی کمی کو پورا کیا جاسکے گا۔

    بصام الشمری نے اس حوالے سے وضاحت کی کہ سردیوں کی تعطیلات کے اختتام اور نئے تعلیمی سال کے آغاز کے ساتھ ساتھ، کویتی اور غیر ملکی خاندانوں کو گھریلو ملازمین کی خدمات حاصل کرنے کی ضرورت بڑھ جاتی ہے تاہم، مارکیٹ میں موجودہ تعداد ان خاندانوں کی ضروریات کو پورا کرنے کے لیے کافی نہیں ہے۔اس حوالے سے اقدامات اُٹھائے جارہے ہیں۔

    انہوں نے کہا کہ ”کویتی خاندانوں کی طرف سے موجودہ نئے گھریلو ملازمین کے کم معیار خاص طور پر عربی زبان کی رکاوٹ اور مہارت کی کمی کے باعث شکایات سامنے آرہی ہیں۔

    الشمری کی جانب سے متعلقہ سرکاری اداروں سے مطالبہ کیا گیا کہ گھریلو ملازمین کی بھرتی کے لیے نئے ممالک کے ساتھ مفاہمت کی یادداشتوں پر دستخط کرنے کی رفتار کو بڑھایا جائے تاکہ ملک میں فلپائنی گھریلو ملازمین کی موجودہ کمی کو پورا کیا جا سکے۔

    انہوں نے اس بات پر زور دیا کہ نئی بھرتی کھولنے سے مارکیٹ میں توازن پیدا ہوتا ہے، مزدوروں کی قلت کے مسائل حل ہوتے ہیں۔

    انہوں نے کہا کہ مملکت میں زیادہ تر غیر ملکی کارکن انگریزی زبان میں ہیں، جس سے عدم موافقت اور کام کرنے سے انکار کے امکانات میں اضافہ ہوجاتا ہے۔

  • سعودی عرب: گھریلو ملازمین کی اقامہ فیس کے حوالے سے اہم خبر

    سعودی عرب: گھریلو ملازمین کی اقامہ فیس کے حوالے سے اہم خبر

    جدہ: سعودی محکمہ پاسپورٹ نے گھریلو عملے کی اقامہ فیس قسطوں میں ادا کرنے کے حوالے سے وضاحتی بیان جاری کیا ہے۔

    عاجل ویب سائٹ کے مطابق ابشر پلیٹ فارم کا کہنا ہے کہ گھریلو ملازمین کی اقامہ فیس قسطوں میں ادا نہیں کی جاسکتی۔

    ایک مقامی شہری نے سعودی محکمہ پاسپورٹ سے سوال کیا کہ  کیا وہ گھریلو ملازمین کی 6 ماہ کی اقامہ فیس ادا کرسکتا ہے؟ میں نے اب تک اپنے گھریلو ملازم کے اقامے کی توسیع نہیں کرائی ہے۔

    ابشر پلیٹ فارم نے اس کے جواب میں کہا کہ گھریلو ملازمین کی اقامہ فیس قسطوں میں ادا کرنے کی سہولت نہیں ہے۔ ایک سال کی فیس ساتھ ہی ادا کرنا ہوگی۔

    یاد رہے کہ غیرملکی کارکنان کے ورک پرمٹ س منسلک اقاموں کے اجرا اور تجدید کی فیس قسطوں میں ادا کی جاسکتی ہے کم از کم 3 ماہ کی ایک بار ادا کرنا ہوگی۔

  • سعودی عرب: گھریلو ملازمین کے لیے خوش خبری

    سعودی عرب: گھریلو ملازمین کے لیے خوش خبری

    ریاض: سعودی عرب میں گھریلو ملازمین تنخواہ میں تاخیر پر کفیل کی منظوری کے بغیر نقل کفالہ کرا سکتے ہیں۔

    سعودی وزارت افرادی قوت و سماجی بہبود کے مطابق اگر گھریلو عملے کی تنخواہ میں تاخیر ثابت ہو جائے تو ایسی صورت میں گھریلو کارکن کو اپنے کفیل کی منظوری کے بغیر نقل کفالہ کا حق حاصل ہوگا۔

    سعودی وزارت کا کہنا ہے کہ آجر اور اجیر کے درمیان ملازمت کا تعلق بہتر کرنے کے لیے قانون میں ترامیم کی گئی ہیں، اور گھریلو عملے کے حقوق کے تحفظ کے لیے اقدامات کیے جا رہے ہیں۔

    وزارت کے ترجمان سعد آل حماد نے کہا کہ تمام آجروں پر پابندی ہے کہ وہ اپنے اجیروں کی تنخواہ مقررہ وقت پر پابندی سے ادا کریں۔

    عکاظ اخبار کے مطابق قانون کی دوسری دفعہ میں کہا گیا کہ اگر مسلسل 3 ماہ تک اجیر کوتنخواہ نہ ملے تو ایسی صورت میں اسے آجر کی منظوری کے بغیر نقل کفالہ کا حق ہوگا۔

    مدت ملازمت کے دوران تین تنخواہیں مختلف مہینوں میں نہ دینے کی صورت میں بھی نقل کفالہ کا حق مل جائے گا۔

    وزارت کے ترجمان کے مطابق نئے قانون میں یہ حق بھی دیا گیا ہے کہ اگر گھریلو ملازم کی ملازمت کا معاہدہ مکمل ہو جائے تو ایسی صورت میں اسے فائنل ایگزٹ پر وطن جانے کا حق حاصل ہوگا۔

  • گھریلو ملازمین کا کویت میں داخلہ مشکل ہو گیا

    گھریلو ملازمین کا کویت میں داخلہ مشکل ہو گیا

    کویت سٹی: گھریلو ملازمین کا کویت میں داخلہ مشکل ہو گیا ہے۔

    تفصیلات کے مطابق کویت میں گھریلو ملازمین کی آمد مسئلہ بن گئی ہے، کویت میں آمد کے لیے 390 سے 490 کویتی دینار تک کے اخراجات مختص کر دیے گئے ہیں۔

    کویت میں گھریلو لیبر مارکیٹ کے حالات کا مطالعہ کرنے کے لیے بنائی گئی تکنیکی رضاکارانہ کمیٹی کے سربراہ بسام الشمری نے میڈیا کو بتایا کہ فلپائن سے آنے والے گھریلو ملازمین کے ٹکٹوں کی قیمتوں میں بے حد اضافہ ہوا ہے اور ٹکٹ ایک ہزار دینار تک پہنچ گیا۔

    تاہم انھوں نے واضح کیا کہ منیلا یا کسی دوسرے ملک سے گھریلو ملازمین کے لیے بسلامہ پلیٹ فارم پر قیمتیں مخصوص ہیں اور فی الحال تبدیل نہیں ہوں گی۔

    فلپائن سے آنے والوں کے لیے اخراجات 490 دینار مقرر کیے گئے ہیں، فلائٹ کے ٹکٹوں کے علاوہ، اس رقم میں جنھوں نے ویکسین نہیں لگوائی یا ویکسین حال ہی میں لگانے والوں کے لیے دو ہفتے کی مدت کی مطلوبہ قرنطینہ بھی شامل ہے، جب کہ بھارتی اور دیگر قومیتوں کے ملازمین کی بھرتیوں کی قیمت 390 دینار مقرر کی گئی ہے۔

    واضح رہے کہ کویت میں یہ تجویز سامنے آئی ہے کہ کویت کی منظور شدہ ویکسین حاصل کرنے والے گھریلو ملازمین کو ملک میں بسلامہ ایپلی کیشن پر رجسٹر کیے بغیر اور دو ہفتوں کے ادارہ جاتی قرنطینہ کی شرط پوری کیے بغیر داخلے کی اجازت دی جائے۔

    اس تجویز کے مطابق گھریلو ملازمین کو بیرون ملک سے رہائشیوں کی واپسی کے لیے مقرر کردہ تقاضوں کو پورا کرنا لازم ہوگا، ان تقاضوں میں صرف ان لوگوں کے لیے اندراج شامل ہے جنھوں نے منظور شدہ ویکسین کی دو ڈوز حاصل کی ہیں اور جن کی امیون ایپلی کیشن میں سبز اسٹیٹس موجود ہے۔

  • گھریلو ملازمین کے حوالے سے سعودی حکومت کی اہم ہدایات

    گھریلو ملازمین کے حوالے سے سعودی حکومت کی اہم ہدایات

    ریاض: سعودی حکومت نے گھریلو ملازمین کے حقوق سے متعلق اہم ہدایات جاری کر دیں۔

    تفصیلات کے مطابق سعودی عرب میں انسداد انسانی اسمگلنگ کمیٹی نے سماجی رابطے کی ویب سائٹ ٹویٹر پر بیان جاری کیا ہے جس میں بتایا گیا ہے کہ آجروں پر گھریلو ملازمین کے سات حقوق مقرر ہیں۔

    1-گھریلو عملے سے صرف وہی کام لیا جاسکتا ہے جس پر آجر اور اجیر پہلے سے متفق ہوں، انتہائی مجبوری میں عملے سے کوئی ایسا کام لیا جاسکتا ہے جو اس کے کام سے بہت زیادہ مختلف نہ ہو۔

    2-گھریلو ملازمین سے ایسا کوئی کام نہیں لیا جاسکتا ہے جس سے اس کی صحت وسلامتی کو خطرہ ہو یا وہ کام انسانی وقار کے منافی ہو۔

    3-آجر گھریلو عملے کو ہر ہجری مہینے کے آخر میں متفقہ محنتانہ ادا کرے،الا یہ کہ فریقین تحریری طور پر اس حوالے سے کوئی اور معاملہ طے کرچکے ہوں۔

    4-آجر گھریلو عملے کا محنتانہ کیش یا چیک کی صورت میں دے گا، اگر گھریلو ملازم کسی خاص بینک کے اکاؤنٹ میں محنتانہ وصول نہ کرنا چاہتا ہو تو ایسی صورت میں جب بھی محنتانے کا لین دین ہوگا تو اسے تحریر میں لایا جائےگا۔

    5-انسداد انسانی اسمگلنگ کمیٹی کی جانب سے جاری ہدایات کے مطابق آجر گھریلو عملے کو مناسب رہائش فراہم کرنے کا پابند ہے۔

    6-گھریلو کارکن کا حق ہے کہ روزانہ کم از کم 9 گھنٹے آرام کے لیے دیے جائیں۔

    7-آجر کی ذمہ داری ہے کہ وہ گھریلو کارکنان کو اپنے کاروبار کی اجازت نہ دے۔

    انسداد انسانی اسمگلنگ کمیٹی نے انتباہ کیا کہ اگر آجر ان سات حقوق میں سے کوئی ایک حق ادا نہیں کرے گا تو اس کا احتساب کیا جائے گا۔

  • کرونا وائرس: سعودی عرب میں گھریلو ملازمین کے لیے بھی ایس او پیز جاری

    کرونا وائرس: سعودی عرب میں گھریلو ملازمین کے لیے بھی ایس او پیز جاری

    ریاض: سعودی وزارت داخلہ نے کرونا وائرس کے پیش نظر گھریلو ملازمین کے لیے بھی ایس او پیز جاری کردیے، کام کے دوران ملازمین کو مخصوص لباس مہیا کرنا لازمی ہوگا۔

    سعودی ویب سائٹ کے مطابق سعودی وزارت داخلہ نے گھنٹوں کے حساب سے گھریلو ملازمین فراہم کرنے والی کمپنیوں کے لیے بھی کرونا وائرس سے بچاؤ کے لیے ضوابط جاری کیے ہیں جن پر عمل کرنا لازمی ہے۔

    جاری کیے جانے والے ایس او پیز کے مطابق گھنٹوں کے حساب سے گھریلو ملازمین فراہم کرنے والی کمپنیوں کو اس امر کی پابندی کرنا ہوگی کہ وہ کام کے دوران ملازمین کو مخصوص لباس مہیا کریں۔

    وزارت داخلہ کا کہنا ہے کہ گھریلو ملازمین کوماسک اور سینی ٹائزرفراہم کرنا لازمی ہوگا۔ ملازمین کو اس امر کا پابند بنایا جائے کہ وہ ہاتھوں کو باربار صابن سے کم از کم 40 سیکنڈ تک دھوئیں اور 20 سیکنڈ تک ہاتھوں کو سینی ٹائز کریں۔

    گھریلو ملازمین کو لانے اور لے جانے والی بسوں کو مستقل بنیادوں پر سینی ٹائز کیا جاتا رہے اور یہ عمل یومیہ بنیادوں پر لازمی ہوگا۔

    قومی مرکز برائے انسداد وبائی امراض کی جانب سے مقررہ کردہ شرائط کے مطابق ملازمین کو رہائش فراہم کی جائے گی جہاں سماجی فاصلے کے اصول کو مدنظر رکھا گیا ہو، ملازمین فراہم کرنے والی کمپنی یومیہ بنیاد پر ملازمین کے جسمانی درجہ حرارت کو نوٹ کریں گی۔

    کسی ملازم کو کھانسی، بخار اور نزلہ زکام ہونے کی صورت میں اس کا یومیہ روزنامچہ مرتب کیا جائے گا اور انہیں آئسولیٹ کر دیا جائے گا، ایسے افراد جنہیں بخار وغیرہ ہو انہیں وزارت صحت سے رجوع کروایا جائے تاکہ ان کا طبی معائنہ کیا جاسکے۔

  • امریکی رکن کانگریس لوگوں کے گھروں میں کام کرنے پر اپنی والدہ کی شکر گزار

    امریکی رکن کانگریس لوگوں کے گھروں میں کام کرنے پر اپنی والدہ کی شکر گزار

    امریکی رکن کانگریس الیگزینڈریا اوکاسیو کورٹیز نے گھریلو ملازمین کے لیے پیش کیے جانے والی بل کی حمایت کرتے ہوئے کہا کہ وہ اپنی والدہ کی شکر گزار ہیں جنہوں نے لوگوں کے گھروں میں کام کر کے انہیں پڑھایا۔

    امریکی رکن کانگریس الیگزینڈریا جنہیں امریکا کی سب سے کم عمر رکن کانگریس ہونے کا اعزاز بھی حاصل ہے، صرف 29 سال کی عمر میں ڈیمو کریٹک پارٹی کے ٹکٹ پر نیویارک سے ایوان نمائندگان کی رکن منتخب ہوئیں۔

    وہ نہایت غریب گھرانے سے تعلق رکھتی ہیں اور سخت جدوجہد کے بعد اس مقام پر پہنچی ہیں یہی وجہ ہے کہ امریکی نوجوانوں میں انہیں خاصی مقبولیت حاصل ہے۔

    الیگزینڈریا نے گھریلو ملازمین کے لیے پیش کیے جانے والی بل کی حمایت کرتے ہوئے بتایا کہ میری والدہ گھروں میں کام کرتی تھیں۔ میں دوسرے لوگوں کے گھروں کی سیڑھیوں پر، ان کی کھانے کی میزوں پر کتابیں پڑھتے اور ہوم ورک کرتے ہوئے بڑی ہوئی ہوں۔

    مزید پڑھیں: امریکی رکن کانگریس کامک بک سیریز کی ہیروئن بن گئیں

    انہوں نے کہا کہ میری والدہ لوگوں کے گھروں میں کام کرتی تھیں تاکہ میں پڑھ سکوں اور آگے بڑھ سکوں۔

    امریکی کانگریس میں پیش کیے جانے والے اس بل سے امریکا میں گھروں میں کام کرنے والے ملازمین اپنے بنیادی حقوق حاصل کرسکیں گے۔ یہ بل ان ملازمین کو بہتر کم سے کم اجرت اور اوور ٹائم کی اجرت کا حق دے گا جبکہ ان کے مالکان انہیں نوکری سے نکالنے سے قبل 30 دن کا نوٹس دینے کے پابند ہوں گے۔

    الیگزینڈریا کا کہنا تھا، ’اگر ہم ان ملازمین کے لیے لڑ رہے ہیں تو درحقیقت ہم ان بہت سی چھوٹی بچیوں کے لیے لڑ رہے ہیں جو میری طرح آنکھوں میں خواب سجائے تعلیم حاصل کر رہی ہیں‘۔

    انہوں نے کہا کہ یہ بل صرف گھریلو ملازمین کے لیے نہیں ہے بلکہ ان کے بچوں کے لیے بھی ہے جو امریکا کا مستقبل ثابت ہوسکتے ہیں۔

  • بین الاقوامی میڈیا پاکستان کا مثبت رخ دکھانے لگا ہے: شہریار آفریدی

    بین الاقوامی میڈیا پاکستان کا مثبت رخ دکھانے لگا ہے: شہریار آفریدی

    اسلام آباد: وزیرِ مملکت برائے داخلہ شہریار آفریدی نے کہا ہے کہ مجھے یہ دیکھ کر خوشی ہوئی ہے کہ بین الاقوامی میڈیا پاکستان کا مثبت رخ دکھانے لگا ہے۔

    تفصیلات کے مطابق سماجی رابطوں کی ویب سائٹ ٹویٹر پر اپنے پیغام میں شہریار آفریدی نے کہا کہ بین الاقوامی میڈیا پاکستان کے مثبت اقدامات کو توجہ دینے لگا ہے۔

    [bs-quote quote=”ہم ایک ترقی پذیر قوم ہیں، یہ قوم اب تبدیل ہو رہی ہے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیرِ مملکت”][/bs-quote]

    وزیرِ مملکت نے کہا کہ سماجی اور معاشی دونوں شعبہ جات میں بین الاقوامی میڈیا پاکستان کے مثبت اقدامات کا نوٹس لے رہا ہے۔

    شہریار آفریدی کا کہنا تھا کہ ہم ایک ترقی پذیر قوم ہیں، یہ قوم اب تبدیل ہو رہی ہے اور تبدیلی کی یہ لہر بہت واضح ہے، جسے لوگ دیکھ سکتے ہیں۔

    خیال رہے کہ گزشتہ روز ایک خلیجی اخبار نے 10 بلین ٹری سونامی پروجیکٹ میں حکومت کی جانب سے ڈرون جیسی جدید ٹیکنالوجی کے استعمال کی خبر چھاپی تھی۔

    وزیرِ مملکت شہریار آفریدی نے اپنے ٹویٹر اکاؤنٹ سے 29 جنوری کو یہ خبر دی تھی کہ وزیرِ اعظم عمران خان نے پر تعیش کلبوں میں گھریلو ملازمین کے داخلے پر پابندی ختم کر دی ہے۔

    اس خبر کو بھی خلیجی اخبار کی ویب سائٹ نے نمایاں جگہ دی، اخبار نے شہریار آفریدی کے ٹویٹ کا لنک بھی شامل کیا۔

    شہریار آفریدی نے کہا کہ اشرافیہ کی علامتیں اور نو آبادیاتی ذہنیت ختم کی جائے گی، شروعات اسلام آباد کلب سے کی جا رہی ہے، ہمیں ان ملازمین کا شکر گزار ہونا چاہیے جو ہمارا بوجھ اٹھائے پھرتے ہیں۔

    ان کا کہنا تھا کہ دولت اور رنگ کے نام پر جو دیواریں اٹھائی جاتی ہیں، انھیں منہدم کریں گے۔

  • پنجاب حکومت کا بڑا قدم، گھریلو ملازمین کے حقوق کے تحفظ کا بل منظور

    پنجاب حکومت کا بڑا قدم، گھریلو ملازمین کے حقوق کے تحفظ کا بل منظور

    لاہور: پنجاب اسمبلی نے صوبے میں گھریلو ملازمین کے حقوق کے تحفظ کے لیے بل منظور کر لیا، ملازمین کو نوکر کی بجائے گھریلو ورکر کہا جائے گا۔

    تفصیلات کے مطابق مسودہ قانون گھریلو ملازمین پنجاب 2018 کا بل پنجاب اسمبلی میں منظور ہو گیا ہے، گھروں میں کام کرنے والوں کو نوکر کی بجائے گھریلو ورکر کہا جائے گا۔

    [bs-quote quote=”گھروں میں کام کرنے والوں کو نوکر کی بجائے گھریلو ورکر کہا جائے گا۔” style=”style-7″ align=”left” color=”#dd3333″][/bs-quote]

    بل کے مطابق گھریلو ورکر کی رضا مندی کے بغیر کوئی اضافی کام نہیں لیا جائے گا، اور اس کے کوائف لیبر انسپکٹر کو فراہم کیے جائیں گے۔

    بل میں کہا گیا ہے کہ گھریلو ورکر رکھنے کے لیے تحریری معاہدہ ضروری ہوگا جو لیبر انسپکٹر کو فراہم کیا جائے گا، معاہدے کی پاس داری نہ کرنے پر 5 سے 10 ہزار روپے جرمانہ ہوگا۔

    بل کے مطابق گھریلو ورکر سے 48 گھنٹے فی ہفتہ سے زائد کام نہیں لیا جائے گا، 8 گھنٹے سے زائد کام پر اوور ٹائم دیا جائے گا۔

    یہ بھی پڑھیں:  میں بھی بچپن میں چائلڈ لیبر کا شکار رہا ،وفاقی وزیرشیخ رشید

    گھریلو ملازم کی ہفتہ وار ایک تعطیل لازم ہوگی، بل کے مطابق گھریلو ملازم کو سالانہ 8 چھٹیاں دی جائیں گی، تنخواہ سمیت ایک سال میں 10 یوم کی تہواری تعطیلات دینا لازم ہوگا، گھریلو ملازمین کی بہتر رہائش گاہ مالک کے ذمے ہوگی۔

    بل کے مطابق 15 سال سے کم عمر کے بچے کو ملازم رکھنے پر بھی جرمانہ ہوگا، چائلڈ لیبر کے مرتکب مالک کو ایک ماہ تک قید کی سزا ہوگی۔