صوبہ پنجاب کے شہر چکوال میں گھریلو ناچاقی پر میاں بیوی نے تیزاب پی لیا۔
صوبہ پنجاب کے شہر میں ایک افسوسناک واقعہ پیش آیا ہے، ضلع چکوال کے نواحی علاقے ندرال میں گھریلو ناچاقی پر میاں بیوی نے تیزاب پی لیا۔
پولیس کا کہنا ہے کہ دونوں میاں بیوی کو ابتدائی طور پر ڈی ایچ کیو اسپتال منتقل کیا گیا ہے، خاوند کی حالت تشویشناک ہونے پر راولپنڈی ریفر کر دیا گیا۔
واضح رہے کہ اس سے قبل صوبہ پنجاب کے شہر پاکپتن میں گھریلو ناچاقی پر شوہر نے بیوی اور اس کی کزن پر تیزاب سے حملہ کر دیا تھا۔
واقعہ پاکپتن کے محلے عزیز آباد میں پیش آیا تھا جہاں ارشاد نامی شخص نے گھریلو ناچاقی پر بیوی شازہ پر تیزاب پھینک دیا تھا جس سے خاتون کا چہرہ اور جسم بُری طرح جھلس گئے تھے۔
