Tag: گھنی

گھنی پلکیں اور بھنویں چہرے کی خوبصورتی میں اضافہ کرتی ہیں تاہم بعض اوقات پلکیں جھڑنے بھی لگتی ہیں، اس مسئلے کو نہایت آسانی سے کنٹرول کیا جاسکتا ہے۔

اے آر وائی ڈیجیٹل کے مارننگ شو گڈ مارننگ پاکستان میں ڈاکٹر فرح نے پلکیں اور بھنویں گھنی کرنے کا نہایت آسان طریقہ بتایا۔

انہوں نے کہا کہ ذرا سی سکا کائی پانی میں پکا لیں، اس میں سرمہ، وٹامن ای کا کیپسول اور گلیسرین شامل کریں اور اسے روز رات کو سونے سے قبل لگا لیں۔

اسے رکھنے اور لگانے کے لیے مسکارے کی خالی بوتل اور برش استعمال کریں۔

اس کی سب سے بہترین بات یہ ہے کہ اس میں کوئی کیمیکل شامل نہیں اور آنکھوں میں جانے کی صورت میں اس سے کوئی نقصان نہیں ہوگا۔