حالیہ دنوں سوشل میڈیا پر یہ قیاس آرائیاں زیرِ گردش رہیں کہ سمندر میں کچھ عجیب ہونے والا ہے اور اسے گہرے پانی کی نایاب مخلوق کے سطح سمندر یا ساحل پر نمودار ہونے سے منسلک کیا جارہا ہے۔
حال ہی میں ایک انتہائی عجیب و غریب اور خوفناک سمندری جاندار کو دیکھا گیا جس کی ویڈیو وائرل ہو رہی ہے، اس مخلوق کے دانت انتہائی تیز اور راکشس (دیوقامت) جیسے نظر آتے ہیں، جبکہ آنکھیں موتیوں کی طرح چمکدار ہیں۔
سائنسدانوں نے اس مخلوق کو "ٹیلی اسکوپ فِش” کا نام دیا ہے یہ مچھلی اپنی بڑی بڑی ٹیوب جیسی آنکھوں سے دور فاصلے پر موجود شکار کو بھی پہچان سکتی ہے۔
ماہرین کا کہنا ہے کہ اس کی آنکھوں میں بایو لومی نینس (Bioluminescence) یعنی روشنی پیدا کرنے کی خاص صلاحیت ہوتی ہے، جس کی مدد سے یہ گہرے سمندر میں بھی آسانی سے دیکھ سکتی ہے۔
ٹیلی اسکوپ فِش عام طور پر سمندر کی 500 سے 3000 میٹر گہرائی میں رہتی ہے، جہاں سورج کی روشنی بھی نہیں پہنچ پاتی ہے، یہ ایک نایاب اور کم دکھائی دینے والا سمندری جاندار ہے، جو انسانوں کی نظروں سے اکثر اوجھل رہتا ہے۔
ماہرین حیاتیات نے اس دریافت کو نہایت ہی دلچسپ اور اہم قرار دیا ہے، ماہرین کا کہنا ہے کہ ٹیلی اسکوپ فِش جیسے جانداروں کی موجودگی اس بات کا ثبوت ہے کہ سمندر کی گہرائیوں میں آج بھی کئی راز چھپے ہوئے ہیں، جن کا انکشاف ہونا باقی ہے۔
دلچسپ حقائق
اس کی آنکھیں روشنی کے حساس خلیوں سے بھری ہوتی ہیں، جو کم روشنی میں بھی شکار کو دیکھنے میں مدد دیتی ہیں، اس کا جسم شفاف یا ہلکا ہوتا ہے، جو اسے گہرے پانی میں چھپنے میں مدد دیتا ہے، اس کی ہاضمہ کی صلاحیت غیر معمولی ہے، جو اسے اپنے سائز سے بڑے شکار کو ہضم کرنے کی اجازت دیتی ہے۔
ٹیلیسکوپ فش کا نام اس کی آنکھوں کی شکل کی وجہ سے پڑا، جو دوربین (ٹیلیسکوپ) کی طرح لمبی اور ٹیوبلر ہوتی ہیں۔
Telescopefish, a rare deep-sea creature known for its eyes adapted for spotting bioluminescence
— Science girl (@gunsnrosesgirl3) July 31, 2025
