سردیوں کے موسم میں عام طور پر گیس پریشر کم ہوجاتا ہے، جس کے سبب گیزر نہیں چل پاتا، مگر آج ہم آپ کو ایسا طریقہ بتانے جارہے ہیں، جس سے آپ کو اس پریشانی سے نجات مل جائے گی۔
سردیوں میں ہر کسی کی یہ خواہش ہوتی ہے کہ نہانے کے لئے گرم پانی مل جائے، گیس کی مسلسل لوڈشیڈنگ کی وجہ سے گیس یا تو آتی نہیں اور آتی ہے تو اتنی کم کے گیزر لگانے کا مقصد پورا نہیں ہوتا، آئیے اس مسئلے کا حل جانتے ہیں۔
کم گیس میں گیزر چلانے کا طریقہ:
اس کے تھرموکپل کو سب سے پہلے کھول کر الگ کرلیں اور پھر تھرموسٹیٹ میں لگا سیل باہر نکال کر اس میں سے اسپرنگ کو باہر نکال دیں، اس سے گیس کا راستہ کھل جائے گا اور اب سیل واپس لگا کر اسکرو ڈرائیور سے سیل کو بند کردیں۔ اب تھرموسٹیٹ کو مکمل بند کردیں اور گیزر کے پیچھے دیا گیا گیس کا مین وال کھول دیں۔
دوبارہ گیزر کا چولہا کیسے جلائیں؟
اب آرام سے گیزر کھولیں اور چولہے کے پاس ماچس جلا کر لے جائیں دوسرے ہاتھ سے تھرموسٹیٹ کو کھولیں۔ آگ جلنا شروع ہوجائے گی۔
گیس بحران حل ہونے کی نوید: پاکستان نے بڑا معاہدہ کر لیا
اب گیس کتنی بھی کم کیوں نہ آرہی ہو گیزر اپنا کام شروع کردے گا اور آپ کو گرم پانی ملنا شروع ہوجائے گا، البتہ گیس بند ہونے کی صورت میں گیزر کے چولہے کو دوبارہ جلانے کی ضرورت پڑے گی۔
