Tag: گیس بحران

کراچی: ایل این جی سے لدے دو بحری جہاز کراچی پورٹ پر لنگر انداز ہو گئے، ملک میں جاری گیس بحران کی صورتِ حال بہتر ہونے کی امید پیدا ہو گئی۔

تفصیلات کے مطابق دو ایل این جی جہاز کراچی پورٹ پر لنگر انداز ہو گئے ہیں، ملک میں گیس بحران کا خدشہ ٹلنے کی امید پیدا ہو گئی ہے۔

ترجمان سوئی ناردن گیس کمپنی کا کہنا ہے کہ ایل این جی کو لانے والے جہاز کراچی پورٹ پر لنگر انداز ہو گئے ہیں، ایل این جی کی سپلائی بھی شروع کر دی گئی ہے۔

ترجمان کا کہنا تھا کہ ان کی ترجیح گھریلو صارفین کو گیس کی فراہمی ہے، امید ہے کہ صورتِ حال مزید بہتر ہو جائے گی۔

دریں اثنا وفاقی وزیر بحری امور علی زیدی نے کہا ہے کہ آج کا دن تاریخی ہے، الحمد للہ ہماری کوششوں سے پہلی بار دو ایل این جی جہاز کراچی پورٹ پر لنگر انداز ہو گئے ہیں۔

Kudos to our team at Port Qasim 👍🏻
History was written today.
Alhamdullilah for the first time, we’ve been able to berth two LNG vessels in one tide!
PQA also about to start night navigation in a couple of weeks.
Once that starts, port chocking issue will be addressed. pic.twitter.com/jlxEIXc0Oj

— Ali Haider Zaidi (@AliHZaidiPTI) January 19, 2019

سماجی رابطوں کی ویب سائٹ ٹویٹر پر اپنے پیغام میں علی زیدی نے کہا کہ پورٹ قاسم اتھارٹی سے چند ہفتوں میں نائٹ نیوی گیشن بھی شروع ہو جائے گی۔

یہ بھی ملاحظہ کریں:  کراچی کے مختلف علاقوں میں گیس بحران سنگین ہوگیا

ان کا کہنا تھا کہ رات کو جہازوں کی آمد و رفت شروع ہونے سے بندرگاہ پر رش سے پیدا ہونے والی رکاوٹ کے مسئلے سے نجات مل جائے گی۔

کراچی: شہرِ قائد کو ایک بار پھر گیس بحران نے جکڑ لیا ہے، سی این جی اسٹیشنز بند ہوگئے، گھروں میں چولھے ٹھنڈے پڑ گئے۔

تفصیلات کے مطابق گیس بحران نے شہریوں کو شدید پریشانی میں مبتلا کر دیا ہے، نہ صرف ڈرائیور اور مسافر حضرات پریشان ہیں بلکہ گھریلو صارفین بھی گیس غائب ہونے سے شدید اذیت میں مبتلا ہو گئے ہیں۔

[bs-quote quote=”سائٹ کے صنعت کاروں نے فیکٹریاں بند کرنے کی دھمکی دے دی۔” style=”style-7″ align=”left” color=”#dd3333″][/bs-quote]

سی این جی اسٹیشنز بند ہونے کے باعث ڈرائیور اور مسافروں کی پریشانی کا کوئی عالم نہیں، دوسری طرف ڈیفنس، کلفٹن، لیاری، کھارادر، مومن آباد، میٹروول، نا ظم آباد سمیت مختلف علاقوں کو گیس نہ ملنے کے باعث چولھے ٹھنڈے پڑ گئے ہیں۔

سائٹ کے صنعت کاروں نے صورتِ حال سے تنگ آ کر اپنی فیکٹریاں بند کرنے کی دھمکی دے دی ہے۔

دوسری طرف سوئی سدرن گیس کمپنی (ایس ایس جی سی) کے حکام اور صنعت کاروں کے درمیان ہونے والے مذاکرات بھی نا کام ہو گئے ہیں۔

یہ بھی پڑھیں:  کراچی میں گیس کا بحران مصنوعی نکلا

معروف صنعت کار زبیر موتی والا کا کہنا ہے کہ پیر تک گیس بحال نہیں ہوئی تو احتجاجاً صنعتیں بند کر دیں گے۔

واضح رہے کہ کراچی میں گیس بحران دو ہفتے سے زائد عرصے سے جاری ہے، جس کے بارے میں گزشتہ دنوں انکشاف ہوا تھا کہ یہ مصنوعی بحران ہے، گمبٹ گیس فیلڈ کی خرابی کی خبر غلط تھی اور سندھ کی گیس پنجاب کو فراہم کی جا رہی ہے۔

کراچی: شہر قائد میں گیس پریشر میں کمی کے سبب مختلف علاقوں میں گیس کی فراہمی معطل ہوگئی۔

تفصیلات کے مطابق گیس پریشر میں کمی کے باعث کراچی کے مختلف علاقوں میں گیس کی فراہمی معطل ہوگئی، عوام پریشانی میں مبتلا ہوگئے کھانا لکڑیوں پر تیار کیا جانے لگا۔

عسکری کینٹ، ریلوے کالونی، پی ای سی ایس ایچ، نارتھ ناظم آباد میں گیس غائب ہے جبکہ نیو کراچی، کورنگی، لانڈھی، ملیر، بلدیہ اور لیاقت آباد میں بھی گیس کی فراہمی معطل ہے۔

صدر کے ہوٹلوں میں گیس غائب ہونے کے سبب ہوٹلوں میں کھانا لکڑیوں پر تیار کیا جارہا ہے، گلستان جوہر، ایف بی ایریا اور اطراف کے علاقوں میں بھی گیس کی لوڈ شیڈنگ ہے۔

لیاری کے مختلف علاقوں میراں ناکہ، سنگولین، چیل چوک میں بھی گیس کی فراہمی معطل ہونے کے سبب عوام پریشانی میں مبتلا ہیں، بچے صبح اسکول بغیر ناشتے کے جانے پر مجبور ہیں۔

دوسری جانب سی این جی اسٹیشن پر بھی گیس میں پریشر کی کمی سے ٹرانسپورٹر پریشان ہیں، سی این جی اسٹیشنز پر بھی گاڑیوں کی قطاریں لگ گئی ہیں۔

اسی سے متعلق: کراچی میں گیس بحران شدت اختیار کر گیا

واضح رہے کہ سی این جی اسٹیشن کو آج رات 8 بجے سے 36 گھنٹے کے لیے گیس کی فراہمی بند ہوجائے گی۔

خیال رہے کہ 11 دسمبر کو بھی گیس بحران شدت اختیار کرگیا تھا، کراچی کے تین صنعتی زونز کو گیس کی فراہمی چار روز سے بند تھی۔

گیس کی فراہمی معطل ہونے پر تین دن سے سی این جی کی فراہمی بند تھی، پیپلزپارٹی نے گیس بحران پر احتجاج ریکارڈ کرایا تھا، وزیراعظم عمران خان نے گیس بحران کا نوٹس لیا تھا۔