Tag: گیس دھماکا

کوئٹہ: بلوچستان کے شہر کوئٹہ میں پولیس لائنز کالونی میں گیس لیکیج سے زور دار دھماکا ہوا جس کے باعث 2 بچے جاں بحق ہو گئے۔

تفصیلات کے مطابق کوئٹہ پولیس لائنز کالونی میں آج صبح افسوس ناک واقع پیش آیا، گھر میں گیس لیکیج دھماکے کے نتیجے میں دو بچے جاں بحق جب کہ ماں باپ سمیت 4 افراد زخمی ہو گئے۔

ریسکیو ذرایع کا کہنا ہے کہ دھماکے سے گھر کے 2 کمرے زمین بوس ہو گئے ہیں، جن کے ملبے تلے دب کر دونوں بچے جاں بحق ہوئے، اہل محلہ نے ملبے تلے دبے افراد کو اپنی مدد آپ کے تحت نکالا۔ زخمیوں کو طبی امداد کے لیے بولان میڈیکل کمپلیکس منتقل کیا گیا۔

کوئٹہ، گھر میں گیس لیکیج سے 5 افراد جاں بحق

پولیس کا کہنا ہے کہ کچن میں گیس لیک ہو رہی تھی، جیسے ہی چولھا جلانے کی کوشش کی گئی، دھماکا ہو گیا، جس کی شدت سے دو کمروں کی چھتیں ڈھ گئیں۔ علاقہ مکینوں نے اپنی مدد آپ کے تحت کے ملبے تلے دبے افراد کو ریسکیو کیا، تاہم دو بچے اس حادثے میں بچائے نہ جا سکے۔

یاد رہے کہ 8 جنوری کو بھی کوئٹہ میں گھر میں گیس لیکیج سے ایک ہی خاندان کے 5 افراد جاں بحق ہو گئے تھے، جن میں میاں بیوی اور 3 بچے شامل تھے۔ دو ماہ قبل بھی کوئٹہ کے علاقے کلی شاہ زمان میں کمرے میں گیس بھرنے سے دم گھٹنے کے باعث 3 افراد جاں بحق ہو گئے تھے۔

راولپنڈی: فوجی کالونی میں واقع گھر میں گیس لیکج دھماکے کے نتیجے میں 5 بچے زخمی ہو گئے۔

تفصیلات کے مطابق راولپنڈی میں فوجی کالونی کے ایک گھر میں گیس لیکج دھماکے سے آگ لگ گئی، آگ سے جھلس کر تین بہنیں اور دو بھائی زخمی ہو گئے۔

اطلاع ملتے ہیں ریسکیو ٹیم موقع پر پہنچ گئی، ریسکیو نے پانچوں زخمیوں کو ابتدائی طبی امداد کے بعد ہولی فیملی اسپتال کے برن سینٹر منتقل کر دیا، دھماکے کی اطلاع پر تھانہ پیر ودھائی پولیس بھی موقع پر پہنچ گئی تھی۔

ترجمان ریسکیو کا کہنا تھا کہ گھر میں لگی آگ کو فوری بجھا دیا گیا، زخمیوں کی حالت خطرے سے باہر ہے اور ان کا علاج جاری ہے۔

اسلام آباد میں ریسٹونٹ میں گیس لیکیج سے دھماکا، 13 افراد زخمی

یاد رہے کہ تین دن قبل وفاقی دارالحکومت کی جناح سپر مارکیٹ میں واقع ریسٹورنٹ میں گیس لیکج سےدھماکے کے نتیجے میں 13 افراد جھلس گئے تھے، ریسٹورنٹ کی کچن میں کھانے پکانے کے دوران گیس لیکج سے زور دار دھماکا ہوا تھا، دھماکے کے وقت ریسٹورنٹ میں لوگ بڑی تعداد میں موجود تھے۔ دھماکا اس قدر خوف ناک تھا کہ قریبی دکانوں اور گاڑیوں کے شیشے ٹوٹ گئے۔

دھماکے سے اطراف کے 2 ریسٹورنٹس کو بھی نقصان پہنچا جب کہ واقعے میں مجموعی طور پر13 افراد زخمی ہوئے جن میں وہ لوگ بھی شامل تھے جو کھانا کھانے آئے تھے۔

کراچی: ملک بھر میں سردی میں شدید اضافے کے ساتھ ہی گیس لیکج کے دھماکے بھی بڑھ گئے ہیں، سندھ، پنجاب اور خیبر پختون خوا کے شہروں میں گیس لیکج سے ہونے والے دھماکوں میں 2 افراد جاں بحق جب کہ 13 زخمی ہو گئے۔

تفصیلات کے مطابق پنجاب کے ضلع لیہ کے شہر چوک اعظم کے علاقے کوٹ سلطان میں گھر کے کمرے میں گیس لیکج کے باعث دم گھٹنے سے باپ بیٹا جاں بحق ہو گئے، جب کہ ایک متاثرہ بیٹے کو تشویش ناک حالت میں اسپتال منتقل کیا گیا۔

خیبر پختون خوا کے شہر نوشہرہ کے علاقے امان گڑھ لیبر کالونی میں گھر میں گیس لیکج کی وجہ سے دھماکا ہوا جس میں خواتین اور بچوں سمیت 7 افراد جھلس کر زخمی ہو گئے، ریسکیو ذرایع کا کہنا ہے کہ زخمیوں کو نوشہرہ میڈیکل کمپلیکس منتقل کیا گیا۔

ادھر سندھ کے شہر نوشہروفیروز کے علاقے محراب پور کے ایک گھر میں بھی گیس لیکج سے دھماکا ہوا ہے جس کے نتیجے میں 5 افراد زخمی ہو گئے، کمرے میں آگ لگنے سے جھلسنے والوں میں میاں بیوی اور 3 بچے شامل ہیں۔ زخمیوں کو تشویش ناک حالت میں نواب شاہ منتقل کیا گیا۔ مقامی پولیس کا کہنا ہے کہ کمرے میں ہیٹر کے باعث گیس بھر جانے سے آگ لگی۔

زخمیوں کو پہلے محراب پور اسپتال منتقل کیا گیا تھا تاہم وہاں برن شعبہ نہ ہونے کے باعث انھیں نوابشاہ لے جایا گیا۔ پولیس کے مطابق کمرے میں گیس بھرنے کی وجہ سے صبح آگ جلانے پر گھر میں آگ لگ گئی اور آگ لگتے ہی دھماکا ہوا جس سے کمرے کی چھت کا ایک حصہ بھی اڑ گیا۔