Tag: گیس صارفین

اسلام آباد : ملک بھر کے گیس صارفین قیمتوں میں اضافے کے لیئے تیار ہوجائیں، سوئی ناردرن نے گیس قیمتوں میں اضافہ مانگ لیا۔

تفصیلات کے مطابق آئندہ مالی سال کے لیے گیس کی قیمتوں میں اضافہ مانگ لیا گیا، سوئی ناردرن نے گیس قیمت میں اسطا 735روپے59پیسے فی ایم ایم بی ٹی یو اضافے کی درخواست کردی۔

سوئی کی گیس نے اوسط قیمت میں207روپے فی ایم ایم بی ٹی یو اضافے کی درخواست کی ہے، سوئی سدرن نے سابقہ شارٹ فال سمیت گیس قیمت میں 2443 روپے فی ایم ایم بی ٹی یو اضافہ مانگا ہے۔

گیس کمپنیوں نے مالی سال 2025-26 کی مالی ضروریات کی درخواستیں دائر کردیں ، سوئی ناردرن نے 700 ارب 97 کروڑ روپے کی مالی ضروریات کی فراہمی کی درخواست دائر کی۔

گیس کی اوسط قیمت 2485 روپے 72 پیسے فی ایم ایم بی ٹی یو مقرر کرنے کی درخواست کی گئی ہے، سوئی ناردرن کا 207 ارب 43 کروڑ 50 لاکھ کا شارٹفال وصول کرنے کی درخواست کی۔

سوئی ناردرن کی درخواست پر 18 اور 28 اپریل کو لاہور اور پشاور میں سماعتیں ہوں گی ، کمپنی نے 883 ارب 54 کروڑ 40 لاکھ روپے کی مالی ضروریات کی درخواست دائر کردی۔

سوئی سدرن نے گیس کی اوسط قیمت 4137 روپے 49 پیسے فی ایم ایم بی ٹی یو مقرر کرنے کی درخواست کی اور 44 ارب 33 کروڑ 20 لاکھ روپے کے شارٹفال کی وصولی کی درخواست دی۔

سوئی سدرن کی درخواست پر 21 اور 23 اپریل کو کراچی اور کوئٹہ میں سماعتیں ہوں گی۔

اسلام آباد : گیس پریشر کی کمی کا حل نکال لیا گیا،اب صارفین کو صبح 5 سے رات 11 تک گیس دستیاب رہے گی ۔

تفصیلات کے مطابق ملک میں گیس بحران کے باعث سب سے زیادہ گھریلو صارفین متاثر ہوتے ہیں، گیس دباؤ میں کمی کے باعث کھانا پکانے میں خواتین کو مشکلات کا سامنا رہتا ہے، اس صورت حال سے بچنے کے لیے بہت سے صارفین پائپ لائن سے گیس کا زیادہ پریشر حاصل کرنے کے لیے کمپریسر لگا لیتے ہیں۔

شہر اقتدار کے گیس صارفین کے لیے اچھی خبر آگئی ، گیس پریشر کی کمی کا حل نکال لیا گیا، اس حوالے سے جی ایم سوئی نادرن اسلام آباد عدنان احمد نے کہا کم گیس کے  پریشر کے مسئلے سے نمٹنے کیلئے اسلام آباد کو راولپنڈی سے منقطع کردیا گیا ہے۔

ان کا کہنا تھا کہ اسلام آباد کیلئے اڑھائی ارب کا گریڈ اسلام آباد پیکج دیاگیاہے، اب صارفین کو صبح پانچ سے رات گیارہ تک گیس دستیاب رہے گی ۔

مزید پڑھیں : موسم سرما میں کتنے گھنٹے گیس ملے گی؟ صارفین کے لئے اہم خبر

یاد رہے سوئی ناردرن گیس پائپ لائنز لمیٹڈ نے صارفین کے لیے موسم سرما کے لیےگیس کی فراہمی کا نیا شیڈول جاری کیا تھا، جس کے تحت 24 گھنٹے میں سے اب صرف روزانہ چند گھنٹے گیس مل سکے گی۔

نئے شیڈول کے تحت صارفین کو 24 گھنٹے کے دوران تین ٹائم گیس میسر ہوگی، صبح 6:00 بجے سے صبح 9:00 بجے تک ناشتے کے لیے ، دوپہر کے کھانے کے لیے دن 12 بجے سے دن کے 2 بجے تک اور رات کے کھانے کے لیے شام 6 بجے سے رات 9 بجے تک گیس ملے گی

سوئی سدرن کی جانب سے سندھ اور بلوچستان کے صارفین کیلئے گیس مزید مہنگی کرنے کی درخواست کی گئی ہے۔

تفصیلات کے مطابق سوئی سدرن کی گیس مزید مہنگی کرنے کی درخواست پر اوگرا کل کراچی میں سماعت کرے گی۔ سوئی سددرن نے گیس کی قیمت میں226.18 روپے فی ایم ایم بی ٹی یو مزید اضافہ کی گزارش کی ہے۔

سوئی سدرن گیس کمپنی کی جانب سے تجویز دی گئی ہے کہ اضافے کا اطلاق یکم جولائی 2023 سے کیا جائے۔

اوگرا کو دی گئی درخواست میں کہا گیا ہے کہ سوئی سدرن گیس کی موجودہ اوسط قیمت 1470 روپے 21 پیسے ہے۔

درخواست میں کہا گیا ہے کہ گیس کی نئی اوسط قیمت 1696 روپے 39 پیسے مقررکی جائے۔ سوئی سدرن نے رواں مالی سال 47 ارب 77 کروڑ روپے ریونیو شارٹ فال کا تخمینہ لگایا ہے۔

کراچی : سوئی ناردرن کے بعد سوئی سدرن نے بھی گیس مہنگی کرنے کی درخواست دائر کردی،  گیس کی قیمت میں 226.18 روپے فی ایم ایم بی ٹی یو مزید اضافہ مانگا ہے۔

تفصیلات کے مطابق سندھ اوربلوچستان کے صارفین کیلئے بھی گیس مزید مہنگی کرنے کی تیاری کرلی گئی، سوئی ناردرن کے بعد سوئی سدرن نےبھی گیس مہنگی کرنے کی درخواست دائر کردی۔

جس میں سوئی سددرن نےگیس کی قیمت میں226.18روپے فی ایم ایم بی ٹی یو مزیداضافہ مانگ لیا ہے، سوئی سدرن کی گیس کی موجودہ اوسط قیمت 1470 روپے 21 پیسے ہے۔

کمپنی نے نئی اوسط گیس قیمت 1696روپے39پیسے مقرر کرنے اور گیس قیمت میں اضافے کا اطلاق یکم جولائی 2023 سے کرنے کی درخواست کی ہے۔

درخواست میں کہا گیا ہے کہ سوئی سدرن کا رواں مالی سال 47ارب77کروڑ روپے ریونیو شارٹ فال کا تخمینہ ہے، بلوچستان میں ریونیو شارٹ فال کا تخمینہ 95روپے 40پیسے فی ایم ایم بی ٹی یوہے۔

کمپنی نے ٹرانسمشن اینڈ ڈسٹری بیوشن لاگت مد میں 150 روپے 67 پیسے فی ایم ایم بی ٹی یو کی درخواست کرتے ہوئے روپے کی قدر میں کمی کے فرق کی مد میں40 روپے 96 پیسے فی ایم ایم بی ٹی یو مانگا گیا ہے۔

اوگرا سوئی سدرن کی درخواست پر18دسمبر کو کراچی میں نجی ہوٹل میں سماعت کرے گا۔

اسلام آباد : اوگرا نے گیس صارفین کی اکثریت کو سماعت میں شرکت سے محروم کردیا اور صارفین کوسماعت کیلئے آن لائن رسائی بھی نہیں دی گئی۔

تفصیلات کے مطابق گیس کی قیمت میں 137.62 فیصداضافے کی درخواست کے معاملے پر اوگرا نے گیس صارفین کی اکثریت کو سماعت میں شرکت سے محروم کردیا۔

ذرائع نے بتایا کہ اوگرا صوبائی دارالحکومتوں میں سماعتوں کا انعقاد کررہا ہے، دیگر تمام شہروں کے صارفین کوسماعت کیلئے آن لائن رسائی بھی نہیں دی گئی ، مختلف شہروں سے گھریلو صارفین کی اکثریت سماعت میں شریک نہیں ہوسکے گی۔

بجلی قیمتوں کے معاملے پر نیپرا اتھارٹی تمام سماعتیں ہیڈکوارٹر میں کرتی ہے اور نیپراسماعتوں میں عوامی آراء کیلئےآن لائن رسائی فراہم کی جاتی ہے۔

رجسٹراراوگرا نے کہا ہے کہ صوبائی دارالحکومتوں میں سماعتوں کا انعقاداوگراقوانین میں شامل ہے، اوگرا کےقدرتی گیس قوانین میں یہ چیز شامل کی گئی ہے، سماعت سے متعلق اشتہار میں تحریری تجاویز مانگی جاتی ہیں۔

ان کا کہنا تھا کہ صارفین اوگراکوتحریری تجاویز ارسال کرتے ہیں ، اگر کوئی ڈیمانڈ کرےتو صرف اسی کو آن لائن لنک فراہم کیا جاتا ہے اور قانون کے مطابق عوامی گیس سماعتوں کا سالانہ بجٹ رکھا جاتا ہے ساتھ ہی اوگرا لائسنسنگ سے اپنے سماعتوں کے اخراجات پورے کرتا ہے۔

اسلام آباد :حکومت کی جانب سے گیس کی قیمتوں میں اضافے کا اطلاق کل سے ہوگا ، چھوٹے صارفین کو اب ہر ماہ چار سو روپے فکسڈ چارجز دینا ہوں گے، پہلےیہ رقم صرف دس روپے تھی۔

تفصیلات کے مطابق نگران وزیر خزانہ ڈاکٹر شمشاد اختر کی زیر صدارت اقتصادی رابطہ کمیٹی کے اجلاس نے قدرتی گیس کی قیمتوں میں اضافے کی منظوری دے دی۔

وزارت خزانہ کے اعلامیہ میں کہا گیا ہے کہ ای سی سی نے مختلف کیٹیگریز کیلئے گیس قیمتوں میں اضافے کی منظوری دی ہے، گیس قیمتوں میں اضافے کا اطلاق کل سے ہوگا۔

نگران حکومت نے گھریلو گیس صارفین پر دوہرا بوجھ ڈال دیا ، نان پروٹیکٹڈگھریلوصارفین کے فکسڈچارجز میں334.78فیصد اضافہ اور قیمت میں172 فیصد تک اضافہ کیا گیا جبکہ گیس ٹیرف میں اضافے کیساتھ ماہانہ فکسڈچارجز2ہزار روپے تک کردئیے گئے۔

ماہانہ150کیوبک میٹرتک گیس صارفین کیلئے فکسڈچارجزمیں117.39فیصد، ماہانہ200کیوبک میٹرسے زائدکیلئے فکسڈچارجز میں 334.78فیصد اضافہ کردیا گیا جبکہ ماہانہ150کیوبک میٹر تک استعمال پر فکسڈچارجز 460 سے بڑھا کر 1 ہزارروپے مقرر کردیئے۔

ماہانہ200کیوبک میٹر سےزائد استعمال پرفکسڈ چارجز1540روپے بڑھادیئےگئے ، ان صارفین کےفکسڈ چارجز ماہانہ 2000روپے مقرر کردیئے گئے اور پروٹیکٹڈ گھریلو صارفین کیلئے ماہانہ فکسڈ چارجز میں 3900 فیصد اضافہ کیا گیا اور ماہانہ فکسڈ چارجز10 روپے بڑھا کر 400 روپے کردیئے گئے

گھریلو گیس صارفین کے لئے نئے ماہانہ فکسڈ چارجز کا اطلاق کل سے ہوگا۔