کوئٹہ: ڈیرہ بگٹی میں گیس پائپ لائن کو دھماکے سے تباہ کردیا گیا جس سے پلانٹ کو گیس کی فراہمی معطل ہوگئی۔
،مقامی انتظامی ذرائع کے مطابق ڈیرہ بگٹی کے علاقے پیرہ کوہ میں اٹھارہ انچ قطر کی گیس پائپ لائن دھماکے سے اڑادی گئی جس سے پلانٹ کو گیس کی فراہمی معطل ہوگئی۔
لیویز حکام نے بتایا ہے کہ دھماکے میں بڑی مقدار میں بارود استعمال کیا گیا جس سے پائپ لائن کا کافی حصہ متاثر ہوگیا ہے۔
پی پی ایل کے مقامی ذرائع کا کہنا ہے کہ پائپ لائن کی دوبارہ مرمت میں چوبیس سے اڑتالیس گھنٹے کا وقت درکار ہوگا اس دوران بعض علاقوں کو گیس کی فراہمی متاثر ہوسکتی ہے
