بھارتی فلم انڈسٹری کے معروف اداکار اکشے کمار کی کامیڈی فلم ’ہاؤس فل‘ کے پانچویں سیکوئل کی ریلیز کے ملتوی ہونے کا اعلان کردیا گیا۔
بھارتی میڈیا کے مطابق فلم میکرز کی طرف سے پہلے اعلان کیا گیا تھا کہ ’ہاؤس فل5‘ دیوالی 2024ء میں ریلیز ہوگی لیکن اب اسے 6 جون 2025 ء تک بڑھا دیا گیا ہے۔
اپنے انسٹاگرام اکاؤنٹ پر اکشے کمار نے ریلیز کے ملتوی ہونے کا اعلان کرتے ہوئے لکھا کہ ’فلم کو معیاری وی ایف ایکس کی ضرورت ہے جس کیلئے مزید وقت چاہئے۔
فلم کے اس پانچویں سیکوئل کو ترن منشکھانی ہدایت کاری دیں گے اور ساجد نادیاوالا پروڈیوس کریں گے۔
اکشے اور رتیش دیش مکھ ہاؤس فل سیریز کے مرکزی کردار ہیں۔ ’ہاؤس فل 5‘ میں رتیش دیش مکھ کی واپسی ہوئی ہے جبکہ باقی کاسٹ کے حوالے سے تفصیلات جلد سامنے آئیں گی۔
سیلفی کی لت: یہ کوئی بیماری تو نہیں؟
واضح رہے کہ سیریز کے پہلے اور دوسرے پارٹ میں ساجد خان نے ہدایتکاری کے فرائض انجام دیئے تھے۔ تیسرے پارٹ کو ساجد خان اور فرہاد سمجی نے مل کر ڈائریکشن دی جبکہ چوتھے پارٹ کو فرہاد سمجی نے اکیلے ہدایت کاری دی تھی۔