Tag: ہائی وے

سرینگر: ہائی وے پر سیکیورٹی قافلوں کے گزرنے کے وقت کشمیریوں کا داخلہ بند

سرینگر: کشمیریوں کو تنگ کرنے کے لیے بھارتی انتظامیہ نے نیا راج نافذ کردیا، ہائی وے پر سیکیورٹی قافلوں کے گزرنے کے وقت شہریوں کے لیے داخلہ بند کردیا گیا۔

تفصیلات کے مطابق پلوامہ واقعے کے بعد بھارتی حکومت بوکھلاہٹ کا شکار ہو کر کشمیریوں پر زندگی مزید تنگ کرنے کے لیے اوچھے ہتھکنڈے استعمال کرنے لگی، قابض فوج نے ہائی وے پر سیکیورٹی قافلوں کے گزرنے کے وقت شہریوں کے گزرنے پر پابندی لگا دی۔

بھارتی فوجی قافلے ہفتے میں 2 روز بدھ اور اتوار کو ہائی وے استعمال کریں گے اور اس دوران عام شہریوں کے ہائی وے استعمال کرنے پر پابندی ہوگی۔ ہائی ویز بند ہونے سے کشمیریوں کی مشکلات میں اضافہ ہوجائے گا کیونکہ ہائی ویز کے علاوہ کوئی متبادل راستہ موجود نہیں۔

مقبوضہ کشمیر کی سابق وزیر اعلیٰ محبوبہ مفتی نے فیصلے پر شدید تنقید کرتے ہوئے ٹویٹ کیا کہ یہ فیصلہ مارشل لا کا لگتا ہے۔ کٹھ پتلی انتظامیہ کشمیریوں کو اجتماعی سزا دے رہی ہے۔

دوسری جانب قابض بھارتی فورسز نے گزشتہ روز سے وادی کے شمالی اور جنوبی اضلاع کا محاصرہ کر رکھا ہے اور داخلی اور خارجی راستے بند ہیں۔

واضح رہے 14 فروری کو مقبوضہ کشمیر کے ضلع پلوامہ میں کار بم حملے میں 42 بھارتی فوجی ہلاک اور متعدد زخمی ہوگئے تھے، حملے کے فوری بعد بھارت نے پاکستان پر الزام تراشیوں کا سلسلہ شروع کردیا تھا۔

اپریل 4, 2019
امریکا میں‌ ہائی وے سابق صدر اوبامہ کے نام سے منسوب

واشگنٹن : امریکی حکام نے سابق صدر باراک اوبامہ کو خراج تحسین پیش کرنے کےلیے لاس اینجلس ہائی وے کو اوبامہ کے نام سے منسوب کردیا۔

غیر ملکی خبر رساں ادارے کے مطابق لاس اینجلس میں واقع ہائی وے پر مختلف جگہ سبز رنگ کے سائن بورڈ لگائے لگئے ہیں جس پر سفید الفاظ سے’صدر باراک ایچ اوبامہ ہائی وے‘ تحریر ہے۔

امریکی میڈیا کا کہنا ہے کہ گلینڈل سے پاساڈینا تک سبز رنگ کے سائن بورڈز لگانے کا کام رواں ہفتے مکمل کیا گیا ہے۔

مقامی خبر رساں ادارے کا کہنا تھا کہ صدر اوبامہ نے سنہ 1979 سے 81 تک پاسا ڈینا میں واقع ایگل راک کالج کا حصّہ رہے ہیں اور بعد میں نیویارک میں واقع کولمبیاں یونیورسٹی منتقل ہوگئے تھے۔

مقامی میڈیا کے مطابق ایگل راک کالج نے باراک اوبامہ کے اعزاز میں ہائی وے کا نام ’صدر باراک اوبامہ ہائی وے‘ کردیا۔

خبر ایجنسی کا کہنا تھا کہ صڈر اوبامہ کے چاہنے والوں نے اس حوالے سے فیس بُک پر متعدد کمٹنس کیے، ایک صارف کا کہنا تھا کہ ’مجھے خوشی ہے کہ میں روزاسی سڑک سے ہوکر اپنے دفتر جاتا ہوں‘۔

ایک اور سوشل میڈیا صارف نے تحریر کیا کہ ’جب میں نے ہائی پر سبز سائن بورڈ لگا دیکھا تو خوشی سے چلّا اٹھا‘۔

واضح رہے کہ امریکی ریاست کیلیفورنیا کے شہریوں نے سنہ 2016 کے صدارتی انتخابات میں ٹرمپ حریف امیدوار ہیلری کلنٹن کو 61 اعشاریہ 7 فیصد ووٹ دئیے تھے۔

امریکی میڈیا کا کہنا ہے کہ باراک اوبامہ کے مخالفین میں ایک صارف نے تحریر کیا کہ یہ ہمارا ہائی وے نہیں ہے۔

دسمبر 24, 2018
امریکا: انجن میں خرابی کے باعث طیارے کی ہائی وے پر ہنگامی لینڈنگ

واشنگٹن : امریکا میں زیرتربیت پائلٹ نے انجن میں خرابی کے باعث طیارے کو الاباما کے مصروف ہائی وے پر اتار دیا۔

غیر ملکی خبر رساں ادارے کے مطابق امریکی ریاست الاباما میں دوران پرواز سنگل انجن والے طیارے کے انجن میں خرابی پیدا ہوئی، ایئرپورٹ دور ہونے کے باعث پائلٹ نے طیارے کو سڑک پر اتارنے کا فیصلہ کیا۔

سوشل میڈیا پر جاری ہونے والی ویڈیو میں دیکھا جاسکتا ہے کہ ایک چھوٹا طیارے میں دو افراد سوار تھے جو ہنگامی لینڈنگ میں محفوظ رہے۔

غیر ملکی خبر رساں ادارے کہنا تھا کہ ہائی وے پر سفر کرنے والے مسافر یہ منظر دیکھ کر حیران رہ گئے۔

مقامی میڈیا کے مطابق فوٹیج میں دیکھا جاسکتا ہے کہ طیارہ کی لینڈنگ کے دوران قریب میں گاڑیاں موجود ہیں جبکہ طیارے کا پائلٹ محفوظ رہا۔

عینی شاہد کا کہنا ہے کہ مجھے یقین نہیں ہورہا ہے کہ پائلٹ نے یہ کیسے کر لیا، یہ منظر براہ راست دیکھنے کے بعد بھی یقین نہیں آرہا ہے کہ پائلٹ نے طیارے کی سڑک پر لینڈنگ کروائی۔

سوشل میڈیا پر جاری ہونے والی ویڈیو ہائی وے پر سفر کرنے والے ایک مسافر نے بنائی تھی۔

پولیس کے مطابق پائلٹ نے بتایا کہ طیارے کے انجن میں خرابی ہوئی ایئرپورٹ دور تھا اس لئے سڑک پر طیارے کو اتارنا مجبوری تھی۔

ایک اور عینی شاہد نے بتایا کہ پائلٹ نے کمال مہارت سے طیارے کو لینڈ کیا اور ٹریفک رواں دواں ہونے کے باوجود کسی گاڑی اور کسی شخص کو کوئی نقصان نہیں پہنچا۔

مزید پڑھیں : لاس اینجلس: انجن کی خرابی، خاتون پائلٹ نے طیارہ ہائی وے پر اتار دیا

یاد رہے کہ رواں جون میں امریکی شہر لاس اینجلس میں زیر تربیت خاتون پائلٹ نے انجن میں خرابی کے سبب نجی طیارے کو مصروف ہائی وے پر اتار دیا تھا۔

مزید پڑھیں : شکاگو: انجن میں خرابی، پائلٹ نے طیارہ ہائی وے پر اتار دیا

خیال رہے کہ شکاگوں میں دورانِ پرواز چھوٹے طیارے کے انجن میں خرابی کے باعث پائلٹ نے طیارے کو شکاگو کے مصروف ترین لیک شور ڈرائیو نامی ہائی وے پر اتار تھا اور خوش قسمتی سے اس حادثے میں بھی پائلٹ محفوظ رہے تھے۔

دسمبر 23, 2018
کار اور ٹرک میں تصادم، ایک خاندان کے 7 افراد جاں بحق

ڈی آئی خان: ڈیرہ اسمعیل خان میں ٹرک اور کار کے درمیان ہونے والے تصادم کے نتیجے میں ایک ہی خاندان کے سات افراد اپنی جان کی بازی ہارگئے ، جاں بحق ہونے والوں میں دو معصوم بچے بھی شامل ہیں۔

تفصیلات کے مطابق ڈیرہ اسماعیل خان کی تحصیل درابن کلاں کے قریب ژوب روڈ پر موٹر کار اور ٹرک میں تصادم کے نتیجے میں ایک ہی خاندان کے سات افراد جاں بحق ہو گئے ۔ پولیس کا کہنا ہےکہ حادثہ تیز رفتاری کے سبب پیش آیا۔

پولیس حکام کےمطابق کرک سے کوئٹہ جانےوالی ٹو ڈی موٹرکار تحصیل درابن کلاں کے علاقہ سرڈگر کے مقام پر مخالف سمت سے آنے والے ٹرک سے ٹکرا گئی ۔ تصادم کے نتیجے میں کار میں سوار 2خواتین 2 مرد اور 2 معصوم بچے موقع پر جابحق ہو گئے جبکہ ایک بچی ڈسٹرکٹ ہیڈکوارٹرز اسپتال ڈیرہاسماعیل خان جس کو درابن ہسپتال میں زخموں کی تاب نہ لاتے ہوئے چل بسی۔

ذرائع کا کہنا ہے کہ یہ بد قسمت خاندان کرک سے کوئٹہ جا رہا تھا ۔بعد ازاں پولیس نے حادثے میں جاں بحق ہونیوالے تمام افراد کی میتوں کو ان کے آبائی علاقے کرک روانہ کر دیا ۔

تاحال پولیس کی جانب سے ڈرائیور اور ٹرک کے دیگر عملے کی گرفتاری کے بارے میں کوئی اطلاع موصول نہیں ہوئی ہے۔

ستمبر 10, 2018
شکاگو: انجن میں خرابی، پائلٹ نے طیارہ ہائی وے پر اتار دیا

واشنگٹن : امریکی شہر شکاگو میں پائلٹ نے انجن میں خرابی کے باعث چھوٹے طیارے کو شہر کے مصروف ترین ہائی وے پر اتار دیا۔

تفصیلات کے مطابق جمعے کے روز دورانِ پرواز چھوٹے طیارے کے انجن میں خرابی پیدا ہوگئی، جس کے باعث پائلٹ نے طیارے کو شکاگو کے مصروف ترین لیک شور ڈرائیو ہائی وے پر اتارنے کا فیصلہ کیا۔

امریکی خبر رساں اداروں کا کہنا تھا کہ طیارے کی لینڈنگ کے دوران قریب میں گاڑیاں موجود ہیں جبکہ طیارے کا پائلٹ اور خاتون مسافر بلکل محفوظ رہے اور کوئی جانی نقصان بھی نہیں ہوا۔

غیر ملکی خبر رساں ادارے کا کہنا ہے کہ طیارے کی ہائی وے پر لینڈنگ کے باعث ٹریفک کی روانی معطل ہوگئی اور گاڑیوں کی لمبی قطاریں لگ گئیں، تاہم موقع کے امدادی خدمات انجام دینے والے رضا کاروں نے طیارے کو دھکیل کر سائڈ پر کرکے ٹریفک کی روانی بحال کی۔

عینی شاہد کا کہنا ہے کہ مجھے یقین نہیں ہورہا ہے کہ پائلٹ نے یہ کر کیسے لیا، یہ منظر براہ راست دیکھنے کے بعد بھی یقین نہیں آرہا ہے کہ طیارہ ہائی وے پر اتار لیا گیا ہے۔

امریکی میڈیا کے مطابق طیارے نے مصروف ترین ہائی وے پر شام 3:15 منٹ پر ایمرجنسی لینڈنگ کی، پولیس کا کہنا ہے کہ پائلٹ نے بتایا ہے کہ طیارے کے انجن میں خرابی ہوگئی تھی اور ایئرپورٹ بھی دور تھا اس لئے سڑک پر طیارے کو اتارنا مجبوری تھی۔

ایف ایف اے انویسٹی گیشن کی جانب سے پائلٹ اور خاتون مسافر کا نام ظاہر نہیں کیا گیا ہے تاہم قرب و جوار میں رہائش پذیر لوگوں کا کہنا ہے کہ خوش قسمتی سے کوئی جانی نقصان نہیں ہوا۔

عینی شاہد کے مطابق پائلٹ نے کمال مہارت سے طیارے کو لینڈ کیا اور ٹریفک رواں دواں ہونے کے باوجود کسی گاڑی اور کسی شخص کو کوئی نقصان نہیں پہنچا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 28, 2018
پرہجوم سڑک پر طیارہ کریش ہونے کے ہولناک مناظر

آپ کو کیسا لگے گا جب آپ کسی سڑک پر گاڑی میں بیٹھے سگنل کھلنے کا انتظار کر رہے ہوں اور اچانک آپ کے سامنے سے ایک جہاز نیچی پرواز کرتا ہوا، سڑک پر لگے کھمبوں سے ٹکراتا ہوا گزرے اور زمین بوس ہوجائے؟

یقیناً یہ ایک دل دہلا دینے والا نظارہ ہوگا۔

ایسا ہی ایک واقعہ امریکی شہر سیئٹل میں بھی پیش آیا جب سگنل کھلنے کا انتظار کرتی گاڑیوں نے ایک طیارے کو اپنے سامنے کریش ہوتے دیکھا۔

یہ چھوٹا طیارہ قریب ہی واقع پین فیلڈ ایئرپورٹ سے اڑا تھا تاہم ٹیک آف کرتے ہی طیارہ غیر متوازن ہوگیا اور نیچے کی جانب جانے لگا۔

مزید پڑھیں: فضائی حادثے کی صورت میں ان اقدامات سے جان بچانا ممکن

اس دوران وہ ہائی وے پر سگنل لائٹس اور کھمبوں سے ٹکراتا ہوا اور دھوئیں کے مرغولے اڑاتا ہوا کریش ہوگیا۔ ٹیک آف کرتے ہی طیارے میں آگ بھی لگ چکی تھی۔

خوش قسمتی سے اس خوفناک واقعے میں کوئی جانی نقصان تو نہیں ہوا البتہ طیارے کے ٹکرانے سے چند گاڑیوں کو نقصان ضرور پہنچا۔

طیارے کا پائلٹ بھی معجزانہ طور پر بچ گیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 8, 2017
چین میں ٹریفک حادثہ،17افراد ہلاک

بیجنگ: چین کے شمال مشرقی ہائی وے پر 56 گاڑیاں آپس میں ٹکرا گئیں جس کے نتیجےمیں17 افراد ہلاک جبکہ37 زخمی ہوگئے۔

تفصیلات کےمطابق چینی میڈیا کا کہناہے کہ ٹریفک حادثہ چین کےشہرشانچی کے بیجنگ کن منگ ہائی وے پرپیش آیا جس میں درجنوں گاڑیاں آپس میں ٹکرانے سے 17افراد ہلاک اور متعدد زخمی ہوئے۔

چینی میڈیا کے مطابق ٹریفک حادثے سے قبل برف باری اور بارش ہوئی تھی جس کی وجہ سے ہائی وے پر پھسلن کے باعث حادثہ پیش آیا۔

ریسکیو حکام کا کہناہے کہ ہائی وے پرٹریفک حادثے میں زخمی ہونے والے 37افراد کی حالت بہتر ہے۔

اقوام متحدہ کے ادارہ برائے صحت کی رپورٹ کےمطابق چین میں ٹریفک حادثات بہت عام ہیں۔عالمی ادارہ صحت کا کہناہے کہ صرف 2013میں دولاکھ ساٹ ہزار افراد ٹریفک حادثات میں جان کی بازی ہار گئے تھے۔

خیال رہے کہ چین میں ٹریفک حادثات میں ہلاکتوں کے اعدادوشمار پر ہمیشہ سوال اٹھائیں جاتے رہیں ہیں۔

واضح رہے کہ چینی حکومت کےمطابق 2013کے ٹریفک حادثات میں 58539افراد ہلاک ہوئے جو عالمی ادارہ صحت کے اعدادوشمار کے ایک چوتھائی سےبھی کم ہے۔

نومبر 22, 2016
دو یورپی ممالک کو ملانے والا سمندر میں حیران کن پل

دنیا میں دو ممالک کو تقسیم کرنے کے لیے کوئی سرحد بنائی جاتی ہے۔ یہ سرحد عموماً خاردار تاروں اور دیواروں کی ہوتی ہے لیکن دنیا کے کئی امن پسند ممالک اپنی سرحدیں قدرتی رکھتے ہیں۔

یہ سرحدیں پہاڑ، دریا، جنگلات وغیرہ کی شکل میں ہوتی ہیں۔ بعض دفع سرحدوں پر کوئی ایسی چیز تعمیر کی جاتی ہے جودیکھنے والوں کو حیران کردیتی ہے۔

ایسا ہی ایک نمونہ تعمیر سوئیڈن اور ڈنمارک کے درمیان واقع ہے۔ سوئیڈن اور ڈنمارک کے درمیاں بھی پانی کی قدرتی سرحد واقع ہے۔ یہ بحر اوقیانوس کا حصہ ہے جسے آبنائے اورسنڈ کہا جاتا ہے۔

اس حصہ میں ایک وسیع و عریض پل تعمیر کیا گیا ہے جو دونوں ممالک کو سڑک اور ریلوے لائن کے ذریعہ ملاتا ہے۔

پل پر 4 لینز والی ہائی وے اور ریلوے لائن موجود ہے۔

ایک طویل اور وسیع و عریض ہائی وے آخر میں ایک مصنوعی جزیرے پر غائب ہوجاتی ہے۔ اس کے بعد یہاں سے ایک زیر زمین سرنگ شروع ہوتی ہے۔

انوکھے انداز میں تعمیر کیے گئے اس پل کے نیچے سے بحری جہاز بھی باآسانی گزر سکتے ہیں۔

یہ پل 1936 میں تعمیر کیا گیا تھا۔

اکتوبر 17, 2016
خیرپور: دونوں ٹریفک حادثات کا مقدمہ این ایچ اے کیخلاف درج

خیر پور: خیرپور میں ہونے والے دو ٹریفک حادثات کامقدمہ این ایچ اے کیخلاف درج کرلیاگیا ہے اور وزیراعلیٰ سندھ نےٹوٹ پھوٹ کا شکار بائی پاس کی مرمت کی ہدایت کردی ہے۔

ایک ماہ میں چار ٹریفک حادثات میں ساٹھ افراد کی ہلاکت کے بعد وزیراعلیٰ سندھ متحرک ہوگئےہے۔ سید قائم علی شاہ نے محکمہ ورکس اینڈ سروسز کوٹوٹ پھوٹ کے شکارٹیڑھی بائی پاس کی مرمت کے احکامات جاری کردیئے ہے۔ وزیراعلیٰ سندھ نے محکمہ ورکس اینڈ سروسز کوہدایت کی ہے کہ وہ نیشنل ہائی وے اتھارٹی سے رابطہ کرکے ہائی وے کی فوری مرمت کرائیں۔

دوسری جانب پولیس کے مطابق ٹیڑھی بائی پاس پرہونے والے دو ٹریفک حادثات کامقدمہ این ایچ اے کیخلاف درج کرلیاگیاہے، لاپروائی اور غفلت کی دفعات کے تحت درج مقدمے میں روڈ کنٹریکٹر اور ڈرائیورکوبھی ملزم نامزد کیاگیاہے۔

نومبر 24, 2014
خیر پورحادثہ: چارسالہ بچی معجزانہ طورپر بچ گئی

خیرپور: سوات سے کراچی جانے والی مسافر بس کے حادثے میں کئی جانیں گئیں ،مگر چارسالہ بچی زرینہ معجزانہ طورپر بچ گئی جسے خراش تک نہ آئی ،بچی کو صحیح سلامت دیکھ کر سب ہی حیران ہیں۔

کہتے ہیں جسےاللہ رکھے اسے کون چکھے، یہ کہاوت چارسالہ زرینہ پرپوری ہوئی، جو اس خوفناک حادثے میں بھی زندہ سلامت رہی، سوات سے روانہ ہونے والی مسافر کوچ اپنی منزل کراچی نہ پہنچ سکی اور راستے میں ہولناک حادثے کا شکارہوئی، حادثے میں کتنوں کی جان گئی اورکتنے ہی زخمی ہوئے مگر زرینہ کا بال بھی بیکا نہ ہوا۔

دل دہلا دینے والاحادثہ ننھی زرینہ کو بھی خوفزدہ کرگیاہےاور وہ صرف اپنا نام اور علاقہ سوات ہی بتاسکی، قدرت کے اس کرشمے پر سب ہی حیران ہیں،حادثے میں بس بری طرح تباہ ہوئی لیکن چار سالہ زرینہ کو خراش تک نہ آئی۔

نومبر 11, 2014

Tag: ہائی وے

مزید پڑھیں: فضائی حادثے کی صورت میں ان اقدامات سے جان بچانا ممکن