ARYNews.tv | Urdu – Har Lamha Bakhabar

Tag: ہاتھ

  • اسکول میں 40 طلبہ کے ہاتھ کس نے کاٹے؟ سنسنی خیز واقعہ کی تحقیقات شروع

    اسکول میں 40 طلبہ کے ہاتھ کس نے کاٹے؟ سنسنی خیز واقعہ کی تحقیقات شروع

    ایک پرائمری اسکول کے 40 کے قریب طلبہ کے ہاتھوں پر کٹ کے نشانات دیکھ کر علاقے میں خوف پھیل گیا محکمہ تعلیم نے تحقیقات کا آغاز کر دیا۔

    یہ چونکا دینے والا سنسنی خیز واقعہ بھارتی ریاست گجرات کے امریلی ضلع کے ایک سرکاری پرائمری اسکول میں پیش آیا ہے۔

    بھارتی میڈیا کے مطابق علاقے کے ایک گاؤں کے سرکاری پرائمری اسکول کے تیس سے چالیس طلبہ کے ہاتھوں پر کٹ کے نشانات پائے گئے ہیں۔ یہ دیکھ کر گاؤں میں خوف پھیل گیا۔

    رپورٹ کے مطابق مذکورہ اسکول کے کئی طلبہ جن کی تعداد 30 سے 40 کے درمیان بتائی جا رہی ہیں۔ ان کے ہاتھوں پر کٹ کے نشانات پائے گئے ہیں۔

    ​​40 طالبات کے ہاتھوں پر چوٹوں کے نشانات پائے گئے

    ایک ساتھ اتنے بچوں کے ہاتھوں پر ایک ہی طرح کے کٹ کے نشانات دیکھ کر طلبہ کے والدین اور گاؤں کے لوگ تشویش میں مبتلا ہوگئے ہیں جب کہ طرح طرح کی قیاس آرائیاں شروع ہو گئی ہیں۔

    گاؤں کے سرپنج جے سکھ بھائی نے واقعہ کا علم ہونے پر محکمہ تعلیم اور پولیس سے تمام معاملے کی مکمل تحقیقات کرنے کا مطالبہ کر دیا ہے۔

    ​​40 طالبات کے ہاتھوں پر چوٹوں کے نشانات پائے گئے

    امریلی کے ڈسٹرکٹ ایجوکیشن آفیسر کشور میانی نے واقعہ کی مکمل اور آزادانہ تحقیقات شروع کراتے ہوئے کہا ہے کہ بچوں کے زخمی ہونے کے ساتھ اس بات کی بھی تحقیقات کی جائے گی کہ طلبہ اسکول کے اوقات میں زخمی ہوئے یا کسی اور طریقے سے انہیں یہ زخم لگے ہیں۔

    انہوں نے کہا کہ واقعہ کی تہہ تک پہنچنے کے لیے اسکول کے تمام اساتذہ، طلبہ اور اگر ضروری ہوا تو ان کے والدین سے بھی پوچھ گچھ کی جائے گی۔

  • ہاتھوں کے کھردرے پن اور خشکی کو کیسے دور کیا جائے؟

    ہاتھوں کے کھردرے پن اور خشکی کو کیسے دور کیا جائے؟

    گھر کے مختلف کام کرتے ہوئے کیمیکلز کے استعمال سے ہاتھوں کی جلد خراب ہونے لگتی ہے اور خشک اور سیاہ ہوجاتی ہے، اس سے بچنے کے لیے ضروری ہے کہ چہرے کے ساتھ ساتھ ہاتھوں کا بھی خیال رکھا جائے۔

    اے آر وائی ڈیجیٹل کے مارننگ شو گڈ مارننگ پاکستان میں شیف فرح نے ہاتھوں کی حفاظت کا نہایت آسان طریقہ بتایا۔

    انہوں نے بتایا کہ کیسٹر آئل اور ناریل کا تیل ملا کر رکھیں اور روزانہ ہاتھوں پر اس سے مساج کریں۔

    علاوہ ازیں لیموں کا چھلکا لے کر اسے ہاتھوں پر رگڑیں اس سے انگلیوں کی جوڑوں کا سیاہ پن دور ہوگا۔

    شیف فرح کا کہنا تھا کہ پونچھا لگاتے ہوئے کیمیکل سے بھی ہاتھ خراب ہوتے ہیں، لہٰذا پونچھے کے پانی میں لیموں کے چند قطرے، سرکہ یا 2 قطرے سرسوں کا تیل شامل کرلیں، اس سے ہاتھوں کی حفاظت ہوگی۔

     

  • سیاہ پڑتے ہاتھوں کو خوبصورت بنانے کے طریقے

    سیاہ پڑتے ہاتھوں کو خوبصورت بنانے کے طریقے

    ہمارے ناخنوں کے گرد جلد نسبتاً سیاہ ہوتی ہے جو خیال نہ رکھنے پر مزید سیاہ ہوجاتی ہے، ماہرین کا کہنا ہے کہ چہرے کے ساتھ ساتھ ہاتھوں اور پاؤں کا خیال رکھنا بھی ضروری ہے۔

    آج ہم آپ کو ناخنوں کے گرد موجود سیاہ نشان دور کرنے کی ٹپس بتا رہے ہیں۔

    انگلیوں کی سیاہی دور کرنے والا ماسک

    انگلیوں کے جوڑوں کی سیاہی دور کرنے کے لیے قدرتی اجزا پر مشتمل مکسچر کی مدد لی جا سکتی ہے۔

    بالائی آدھا چمچ، شہد آدھا چمچ، لیموں کا رس چند قطرے اور بیسن ایک چمچ لے کر اچھی طرح مکس کر لیں اور اس مکسچر کو ہاتھوں پیروں اور خاص طور پر انگلیوں کے جوڑوں پر لگائیں۔

    اس مکسچر کو 10 سے 15 منٹ تک لگائے رکھیں اور پھر دھو لیں، کچھ دن تک باقاعدگی سے اس نسخے کا استعمال انگلیوں کے جوڑوں پر جمے میل اور سیاہی کو دور کردے گا۔

    لیموں

    ایک عدد لیموں کو 2 ٹکڑوں میں کاٹ لیں، اب اسے اپنی انگلیوں کی سیاہ جلد پر روزانہ اچھی طرح 10 سے 15 منٹ تک ملیں، کچھ ہی دنوں میں سیاہی دور ہو جائے گی اور ہاتھ خوبصورت نظر آئیں گے۔

    بیسن کا استعمال

    تھوڑا سا بیسن لیں اور اس میں لیموں کا رس ملا کر گاڑھا پیسٹ بنا لیں، اب اس پیسٹ کو انگلیوں کی سیاہ جلد پر لگائیں اور کچھ دیر بعد جب یہ سوکھ جائے تو اسکرب کرتے ہوئے اتار لیں اور پھر ہاتھ دھو لیں۔

    اسے ہفتے میں 3 مرتبہ استعمال کریں، انگلیوں کی سیاہ جلد صاف ہو جائے گی۔

  • خشک موسم میں ہاتھ پیروں کو خوبصورت بنانے کا طریقہ

    خشک موسم میں ہاتھ پیروں کو خوبصورت بنانے کا طریقہ

    موسم سرما میں جلد خشک ہوجاتی ہے اور ہاتھ پاؤں بھی پھٹے پھٹے سے ہونے لگتے ہیں، خاص طور پر پاؤں کی ایڑھیاں پھٹ جاتی ہیں اور وہاں زخم بھی بن جاتے ہیں۔

    ہاتھ پیروں کو خشکی سے بچانے، نرم و ملائم بنانے اور جلد کو صاف رکھنے کے لیے ڈاکٹر ام راحیل نے نہایت کارآمد نسخہ بتایا۔

    انار کے دانوں کو پیس کر ان کا پیسٹ بنا لیں، اس میں ملیٹھی کا پاؤڈر، گلاب کی پتیوں کا پاؤڈر، اور بادام کا پاؤڈر آدھا آدھا چمچ ملا لیں۔ اس میں فریش کریم شامل کریں اور اچھی طرح مکس کرلیں۔

    رات سونے سے قبل اس آمیزے سے ہاتھ پاؤں کا اچھی طرح مساج کریں اور مردہ جلد جھاڑ لیں، صبح اٹھ کر ہاتھ پاؤں دھو لیں، جلد نہایت شفاف اور نرم و ملائم ہوجائے گی۔

  • صابن اور سینی ٹائزر سے خشک ہوجانے والے ہاتھوں کا کیسے خیال رکھا جائے؟

    صابن اور سینی ٹائزر سے خشک ہوجانے والے ہاتھوں کا کیسے خیال رکھا جائے؟

    کرونا وائرس سے بچنے کے لیے بار بار ہاتھوں کو دھونا اور سینی ٹائزر کے ذریعے انہیں جراثیم سے پاک رکھنا ضروری ہے، تاہم یہ عادت ایک اور مسئلے کو جنم دے رہی ہے۔

    بار بار ہاتھوں کو دھونے کی وجہ سے اکثر افراد ہاتھوں کی جلد خشک ہونے سے نہایت پریشان ہیں اور اگر اس کا خیال نہ رکھا جائے تو یہ کسی بڑی تکلیف کا سبب بھی بن سکتا ہے۔

    ماہرین کے مطابق صابن اور سینی ٹائزر کا اس قدر استعمال ہماری جلد کی قدرتی چکناہٹ کو ختم کر سکتا ہے لہٰذا ہمیں اپنے ہاتھوں کو موئسچرائز کرنے کی پہلے سے زیادہ ضرورت ہے۔

    ضروری نہیں کہ ہر بار صابن یا سینی ٹائزر کے استعمال کے بعد موئسچرائزر استعمال کیا جائے تاہم دن میں کئی بار ہاتھوں کو موئسچرائز کیا جانا ضروری ہے۔

    ایسے افراد جن کی جلد نارمل ہے انہیں عام ہینڈ کریم یا لوشن استعمال کرلینا چاہیئے تاہم اگر کسی کی جلد قدرتی طور پر خشک یا حساس ہے تو حساس جلد کی پیشگی دیکھ بھال کے تحت ویزلین استعمال کریں۔

    ڈاکٹرز کا کہنا ہے کہ اس ضمن میں صابن اور سینی ٹائزر کی خصوصیات کو بھی مدنظر رکھیں۔ دو طرح کے صابن کو استعمال میں لائیں۔

    ایک کم کیمیائی اجزا والا جو جلد کو کم خشک کرتا ہے، ہر تھوڑی دیر بعد ہاتھ دھوتے ہوئے اسے استعمال کریں۔

    دوسرا زیادہ کیمیائی اجزا والا، یہ جلد سے قدرتی چکناہٹ کو ختم کر کے اسے خشک کردیتا ہے لہٰذا اس صابن کا استعمال کم سے کم کریں۔ یہ صابن اس وقت استعمال کریں جب باہر سے آئیں یا کسی آلودہ شے کو چھوئیں۔ علاوہ ازیں اسے دن میں 2 سے 3 بار سے زیادہ استعمال نہ کریں۔

    اسی طرح سینی ٹائزر بھی یہی خصوصیات رکھتے ہیں، الکوحل والا سینی ٹائزر جلد کو خشک کردیتا ہے اور بعض اوقات الرجی کا سبب بھی بن سکتا ہے لہٰذا اس کا استعمال کم کریں، بغیر الکوحل والا سینی ٹائزر جلد کو نسبتاً کم خشک کرتا ہے۔

    ماہرین کا کہنا ہے کہ ہاتھوں کے خشک ہونے کی وجہ سے صابن یا سینی ٹائزر کا استعمال ترک نہیں کیا جاسکتا لہٰذا انہیں باقاعدگی سے استعمال کریں، اس کے ساتھ ساتھ جلد کو نم رکھنے والی پروڈکٹس جیسے کریمز اور دیگر موئسچرائرز کا استعمال بھی بڑھا دیں۔

    علاوہ ازیں جلد نکھارنے والے گھریلو ٹوٹکے اپناتے ہوئے ہاتھوں کو نظر انداز نہ کریں اور چہرے کی طرح ہی ان کا خیال رکھیں۔

  • ڈاکٹرز کا کارنامہ، بچے کا جسم سے کٹا ہوا ہاتھ دوبارہ جوڑ دیا

    ڈاکٹرز کا کارنامہ، بچے کا جسم سے کٹا ہوا ہاتھ دوبارہ جوڑ دیا

    نئی دہلی: بھارت میں ایک 4 سالہ بچے کا کٹ جانے والا ہاتھ دوبارہ جوڑ دیا گیا جس سے بچہ عمر بھر کی معذوری سے بچ گیا۔

    یہ 4 سالہ بچہ بھارت کے ایک گاؤں منجری سے تعلق رکھتا تھا۔ بچہ ایک روز لان میں گھاس کاٹنے والی مشین کے ساتھ کھیلتا ہوا خوفناک حادثے کا شکار ہوا اور اس کا ہاتھ مشین کی زد میں آکر کٹ گیا۔

    بچے کو فوراً اسپتال پہنچایا گیا جہاں مائیکرو ویسکیولر سرجن ڈاکٹر ابھیشک گھوش نے اسے دیکھا۔

    ایکسرے سے علم ہوا کہ بچے کے ہاتھ کی ہڈی سلامت اور جسم سے منسلک ہے، صرف اس کی جلد اور ٹشوز جسم سے الگ ہوئے تھے۔ اس کے بعد ڈاکٹرز نے بھرپور کوششیں شروع کردیں کہ بچہ عمر بھر کی معذوری سے بچ جائے۔

    ڈاکٹرز نے بغور معائنہ کیا تو علم ہوا کہ ہاتھ کو خون پہنچانے والی مرکزی رگ کو تو نقصان پہنچا ہے تاہم جسم سے الگ ہوجانے والے ہاتھ میں ابھی بھی ایک چھوٹی سی خون کی رگ موجود ہے۔

    ڈاکٹرز نے فوری طور پر اس رگ کو فعال رکھنے کی کوشش شروع کردی۔ اس رگ کو پہلے مرکزی رگ سے جوڑا گیا بعد ازاں جب ہاتھ میں خون کی روانی بحال ہوگئی تو ہاتھ کو مکمل طور پر جوڑنے کا کام شروع کیا گیا۔

    6 گھنٹے طویل اس آپریشن میں ڈاکٹرز نے ہاتھ کی ایک ایک رگ اور نرو کو سیا اور بالآخر اس مائیکرو اسکوپک آپریشن کو کامیابی سے ہمکنار کیا۔

    ڈاکٹرز کے مطابق بچہ اب روبصحت ہے اور اس کی انگلیاں حرکت کرنا شروع ہوگئی ہیں۔ مکمل صحتیابی کے بعد بچے کو فزیو تھراپی کے کچھ سیشنز بھی دیئے جائیں گے تاکہ وہ اپنے ہاتھ کو درست طور پر حرکت دے سکے۔

  • پانیوں کے شہر وینس میں نصب کیے جانے والے انوکھے مجسمے

    پانیوں کے شہر وینس میں نصب کیے جانے والے انوکھے مجسمے

    روم: اٹلی کے خوبصورت ترین پانیوں کے شہر وینس میں دیو قامت ہاتھوں کے خوبصورت مجسمے نہر پر نصب کردیے گئے۔

    وینس کی آرسینل نہر پر نصب کیے جانے والے یہ ہاتھ مجسمہ سازی کی انوکھی جہت ہیں۔ 6 ہاتھوں کے یہ جوڑے باہم ایک دوسرے میں پیوست ہیں اور سیاحوں اور مقامی افراد کو اپنی جانب کھینچ رہے ہیں۔

    اسے بنانے والا مجسمہ ساز لورینزو کوئن ہے، یہ وہی مجسمہ ساز ہے جس نے 2 سال قبل گرینڈ کنال پر بھی دیو قامت ہاتھ نصب کیے تھے۔

    اس وقت ان ہاتھوں کو بنانے کا مقصد کلائمٹ چینج کی طرف توجہ دلانا تھا۔ جس مقام پر یہ ہاتھ نصب کیے گئے تھے وہاں 14 ویں صدی کا ایک تاریخی ہوٹل موجود تھا اور کوئن کا کہنا تھا کہ یہ ہاتھ دراصل علامتی طور اس ہوٹل کو ڈوبنے سے بچانے کی کوشش کر رہے ہیں۔

    اب ان ہاتھوں کو بنانے کا مقصد محبت، یکجہتی اور دوستی کا پیغام دینا ہے۔

    50 فٹ اونچے اور 65 فٹ چوڑے ان ہاتھوں کو وینس کی آرسینل نہر پر نصب کیا گیا ہے۔ کوئن کا کہنا ہے کہ 6 ہاتھوں کے جوڑے ذہانت، امید، مدد، یقین، دوستی اور محبت کی علامت ہیں۔

    کوئن کہتا ہے کہ ذاتی طور پر اسے ہاتھوں کے مجسمے بنانا بہت پسند ہے، ’کیونکہ اشاروں کی زبان عالمی زبان ہے، اور ہم اطالوی ویسے بھی اپنے ہاتھوں سے گفتگو کرتے ہیں‘۔

  • کلائی پر ابھری ہوئی اس رگ کا کیا مقصد ہے؟

    کلائی پر ابھری ہوئی اس رگ کا کیا مقصد ہے؟

    آپ نے غور کیا ہوگا کہ اکثر آپ کے ہاتھ کی ایک مخصوص حرکت سے کلائی پر ایک رگ ابھر آتی ہے، کیا آپ جانتے ہیں یہ رگ کس کام کے لیے ہے؟

    آپ کے ہاتھ میں یہ رگ موجود ہے یا نہیں، یہ جاننے کے لیے کسی ہموار سطح پر اپنی ہتھیلی کو پشت کے بل رکھیں۔

    اب اس ہاتھ کے انگوٹھے اور چھوٹی انگلی کو ملا دیں، آپ کی کلائی پر یہ رگ ابھر آئے گی۔

    اس رگ کو پیلمیرس لونگس کہا جاتا ہے۔ ماہرین کا کہنا ہے کہ کلائی کا یہ حصہ ہمارے اجداد کے لیے بے حد فائدہ مند تھا جو انہیں درختوں پر چڑھنے میں مدد دیتا تھا۔

    نسلوں کے ارتقا کے بعد اب بھی اجداد کی یہ نشانی ہمارے جسم میں موجود ہے باوجود اس کے، کہ اس کا استعمال ختم ہوگیا ہے۔

    اور ہاں، اگر آپ کی کلائی پر یہ رگ موجود نہیں تو پریشان ہونے کی ضرورت نہیں۔ دنیا کے 14 فیصد افراد میں اب یہ حصہ موجود نہیں ہوتا، گویا آہستہ آہستہ تمام جدید انسان اس رگ سے محروم ہوجائیں گے۔

  • کراچی میں تجاوزات بنانے میں سیاسی جماعتوں کا ہاتھ ہے، وسیم اختر

    کراچی میں تجاوزات بنانے میں سیاسی جماعتوں کا ہاتھ ہے، وسیم اختر

    کراچی : میئر کراچی وسیم اختر نے کہا ہے کہ سپریم کورٹ سے بہت واضح احکامات آگئے ہیں، تجاوزات کرنے والوں کو کوئی متبادل جگہ فراہم نہیں کی جائے گی۔

    تفصیلات کے مطابق سپریم کورٹ کے باہر میڈیا نمائندگان سے گفتگو کرتے ہوئے میئر کراچی وسیم اختر نے کہا کہ وہ جماعتیں کہاں ہیں جو شور مچارہی ہوتی ہیں، کوئی بھی جماعت شہر کی خیر خواہ ہوتی تو کراچی میں تجاوزات نہ ہوتے۔

    وسیم اختر کا کہنا تھا کہ میئر اپنا سیاسی کیریئر داؤ پر لگا دیا، جس کو دیکھو کراچی کو لوٹ مار کا بازار سمجھ لیا ہے۔

    میئر کراچی کا کہنا تھا کہ شہر قائد میں تجاوزات کے بننے میں تمام سیاسی جماعتوں کا ہاتھ ہے، یہ کب تک ہوتا رہے گا ہمیں اپنا شہر ٹھیک کرنا ہے۔

    ان کا کہنا تھا کہ تجاوزات بنانے والے اپنا بندوبست کرلیں، سپریم کورٹ سے بہت واضح احکامات آگئے ہیں، تجاوزات کرنے والوں کو دوبارہ نہیں آنے دیں گے۔

    وسیم اختر کا کہنا ہے کہ سپریم کورٹ کے احکامات پر آرٹیکل 189 موجود ہے آرٹیکل پر عمل کرنا ہر ادارے کا فرض ہے، ہم نے اپنا پلان سپریم کورٹ میں جمع کرا دیا ہے۔ ہمارے پاس اعداد و شمار موجود ہیں، وقت کے ساتھ ساتھ آپریشن کریں گے۔

    میئر کراچی کا مزید کہنا تھا کہ رفاہی پلاٹوں پر اگر کسی نے کچھ بنایا ہوا ہے تو وہ اسے ہٹا دے صرف کے ایم سی کے کرائے داروں کو متبادل جگہ دیں گے، تجاوزات بنانے والوں کو کوئی متبادل نہیں دیا جائے گا۔

    مزید پڑھیں : انسداد تجاوزات آپریشن، متاثرین کو متبادل فراہم کیا جائے گا، میئر کراچی

    یاد رہے کہ کچھ روز قبل اے آر وائی نیوز سے گفتگو کرتے ہوئے میئر کراچی وسیم اختر نے کہا تھا کہ انسداد تجاوزات آپریشن سپریم کورٹ کے حکم پر جاری ہے، نالوں اور پارکس پر بنائی جانے والی مارکیٹیں ختم کی جائیں گی، جن کاکاروبارمتاثرہواہےان کومتبادل دیں گے اور ایمپریس مارکیٹ کے متاثرین کو شہاب الدین مارکیٹ میں جگہ فراہم کی جائے گی۔

  • جسم کے ان حصوں کو چھونے سے گریز کریں

    جسم کے ان حصوں کو چھونے سے گریز کریں

    دن بھر مختلف سرگرمیاں انجام دیتے ہوئے ہمارے ہاتھ جراثیموں اور دھول مٹی کے ذرات سے اٹ جاتے ہیں جس کا ہمیں احساس بھی نہیں ہوپاتا۔ اگر ان ہاتھوں سے ہم اپنے جسم کے کچھ حصوں خصوصاً چہرے کو چھوئیں تو یہ ہماری جلد کے لیے سخت نقصان دہ ثابت ہوسکتا ہے۔

    اسی لیے آج ہم آپ کو جسم کے ان حساس حصوں کے بارے میں بتا رہے ہیں جنہیں بغیر ہاتھ دھوئے چھونا سخت نقصان دہ ہوسکتا ہے۔

    آنکھیں

    اگر آنکھ میں کچھ چلا جائے تو فوری طور پر آنکھ کو مسلنے سے گریز کریں۔ آنکھ میں گیا کچرا اور آپ کے ہاتھوں پر لگے دھول مٹی کے ذرات آنکھ کی تکلیف میں کئی گنا اضافہ کر سکتے ہیں۔

    آنکھ کی صفائی کے لیے اسے اچھی طرح دھوئیں اور اگر ہاتھوں سے صفائی کرنا مقصود ہو تو ہاتھوں کو بھی پہلے اچھی طرح صابن سے دھوئیں۔

    کان

    کان کے اندرونی پردے بے حد حساس ہوتے ہیں چنانچہ انہیں اندر گہرائی تک چھونے یا کھجانے سے پرہیز کرنا چاہیئے۔ یہ عمل آپ کی لاعلمی میں آپ کو سماعت سے محروم کر سکتا ہے۔

    ناک

    اسی طرح ناک کو چھونا بھی خطرے سے خالی نہیں۔ ناک کے اندر موجود جراثیم ناک کے لیے فائدہ مند ہوتے ہیں جو اسے باہر کے گرد و غبار سے محفوظ رکھتے ہیں۔

    ہاتھوں سے ناک صاف کرنا مضر صحت جراثیم کو جسم میں داخلے کی دعوت دینے کے مترادف ہے۔

    ہونٹ

    ہاتھوں سے ہونٹ چھونا بھی ہونٹوں اور منہ کے اندر موجود فائدہ مند جراثیم کو نقصان پہنچانا اور نئے جراثیم اندر داخل کرنا ہے۔ یہ عمل نہ صرف آپ کے ہونٹوں، بلکہ دانتوں اور گلے کو بھی نقصان پہنچا سکتا ہے۔

    چہرہ

    دراصل اپنے ہاتھوں سے پورے چہرے کو ہی چھونے سے گریز کیا جائے۔ آپ کے ہاتھوں پر موجود چکنائی، گرد وغبار اور جراثیم آپ کی جلد کو نقصان پہنچا سکتے ہیں اور آپ کے چہرے پر کیل مہاسے پید کرنے کا سبب بن سکتے ہیں۔

    ناخن

    ہاتھ اور پاؤں کو اگر اچھی طرح سے دھو لیا جائے تب بھی ناخنوں کے اندر میل، گرد و غبار اور جراثیم موجود ہوتے ہیں لہٰذا بلاو جہ ناخن کو چھونے سے بھی پرہیز کرنا چاہیئے۔