ہارر فلم ’بلیک فون 2‘ کا آفیشل ٹریلر ریلیز کردیا گیا ہے، ساتھ ہی فلم کی ریلیز کی تاریخ کا اعلان بھی کردیا گیا ہے۔

رپورٹس کے مطابق ہارر فلم ’بلیک فون 2‘ کے آفیشل ٹریلر نے شائقین کو اپنے حصار میں جکڑ لیا ہے، فلم 27 جون 2025 کو سینما گھروں میں ریلیز کی جائے گی۔

جو فلمی شائقین ہارر فلمیں دیکھنے کے شوقین ہیں ان کے لیے اچھی خبر یہ ہے کہ یونیورسل اور بلم ہاؤس نے 2022 کی کامیاب فلم ”دی بلیک فون” کے سیکوئل کا باضابطہ طور پر اعلان کردیا ہے۔

ابھی تک، اس فلم کی کاسٹ کی تفصیلات سامنے نہیں آئی ہیں جبکہ شائقین فلم کا بے تابی سے انتظار کررہے ہیں، واضح رہے کہ یونیورسل اور بلم ہاؤس کی جانب سے ”M3GAN” اور ”The Exorcist: Believer” جیسی فلمیں کامیابی کے جھنڈے گاڑ چکی ہیں۔

اگر آپ نے ابھی تک ”The Black Phone” نہیں دیکھی ہے تو اسے آپ ضرور دیکھ لیں، کیونکہ اس دوران، ہم سب اپنی نشستوں کے کنارے پر ہوں گے، کاسٹ اور تخلیقی ٹیم کے بارے میں کسی بھی خبر کا بے تابی سے انتظار کریں گے۔

اس سے قبل ویڈیو اسٹریمنگ پلیٹ فارم نیٹ فلکس نے مقبول سیریز ’اسکوئڈ گیم 3‘ کا آفیشل ٹریلر جاری کر دیا جو اس بار مزید سنسنی خیز اور دلچسپ کہانیوں سے بھرپور ہے۔

’اسکوئڈ گیم 3‘ کے ٹریلر میں توجہ کا مرکز پلیئر 456 (Seong Gi-hun) ہیں جو اب بھی اپنے قریبی دوست جنگ بے کے قاتلوں سے نمٹ رہے ہیں۔ وہ چیختے ہوئے فرنٹ مین سے کہتے ہیں کہ ’تم نے مجھے زندہ کیوں رکھا ہے؟‘ تو سامنے سے سوال کیا جاتا ہے کہ ’پلیئر 456، کیا آپ کو اب بھی لوگوں پر یقین ہے؟‘

ٹریلر میں کہا گیا کہ ’ہر گیم کا اختتام ہوتا ہے‘ جو اس امکان کی طرف اشارہ ہے کہ یہ ایک جان بچانے کا گرینڈ فائنل ہوگا۔ مشہور گیم ’ریڈ لائٹ، گرین لائٹ‘ کے ساتھ ڈراؤنی گڑیا دوبارہ نمودار ہوئی ہے۔

اس میں سیزن 1 سے پرانے ٹگ آف وار گیم کی واپسی کو بھی دکھاتا گیا ہے تاہم جو چیز واقعی خوفزہ کرتی ہے وہ بچوں کے کمرے میں وحشیانہ شو ڈاؤن ہے۔

فرنٹ مین سے بات کرنے کیلیے گی ہن کو آمنے سامنے آتے ہوئے بھی دکھایا گیا ہے۔ سیزن 2 کے اختتام پر جنگ بے کی موت کو گی ہن نے فرنٹ مین کے خلاف کھلاڑیوں کے ایک گروپ کی قیادت کرتے ہوئے دکھایا گیا تھا لیکن نیا سیزن مزید راز افشا کرے گا۔

سیزن 3 کا پریمیئر نیٹ فلکس پر 27 جون 2025 کو ہوگا۔