اسلام آباد : سابق صدرآصف زرداری نے ہارش کمپنی کیس میں آج نیب میں پیشی سے معذرت کرتے ہوئے پیشی کے لیے15 روز کی مہلت مانگ لی۔
تفصیلات کے مطابق ہارش کمپنی کیس میں سابق صدرآصف زرداری نیب آفس میں پیش نہیں ہو رہے، آصف زرداری نے نیب میں پیشی سے معذرت کرتے ہوئے نیب کے سامنے پیشی کے لیے 15 روز کی مہلت مانگ لی۔
آصف زرداری نے تحریری طور پر درخواست نیب کو بھجوائی ، جس میں کہا احتساب عدالت میں مصروف ہوں پیش نہیں ہو سکتا۔
زرداری کا خط نیب حکام نے وصول کر لیاہے جبکہ آصف زرداری نے نیب کودی گئی درخواست احتساب عدالت میں پیش کیں۔
مزید پڑھیں : پانی کی فراہمی کا غیر قانونی ٹھیکہ دینے پر آصف زرداری نیب طلب
یاد رہے نیب راولپنڈی نےآصف زرداری کوغیرقانونی ٹھیکوں سےمتعلق ہارش کمپنی کیس میں آج طلب کیا تھا ، نیب کی جانب سے الزام عائد کیا گیا ہےکہ ہارش اینڈ کمپنی نے ‘سندھ اسپیشل انیشی ایٹو’ سے واٹر سپلائی کا ٹھیکہ لیا تھا لیکن اس منصوبے پر کوئی کام نہیںہوا اور ہارش کمپنی کو ٹھیکے پر ملنے والی رقم بھٹو ہاؤس میں استعمال ہوئی۔
مزید پڑھیں :جعلی اکاؤنٹس کیس: آصف زرداری اورفریال تالپورکی پیشی، سماعت 21 مئی تک ملتوی
بعد ازاں ہارش کمپنی کیس میں گرفتاری کے خدشے کے پیش نظر آصف زرداری نے اسلام آباد ہائی کورٹ سے عبوری ضمانت حاصل کرلی تھی۔
خیال رہے اسلام آباد کی احتساب عدالت میں جعلی بینک اکاؤنٹس کیس میں آصف علی زرداری اورفریال تالپور عدالت میں آج پیش ہوئے، عدالت نے کیس کی سماعت اکیس مئی تک ملتوی کردی۔
