پاکستان کے معروف گلوکار اور اداکار ہارون شاہد نے کہا ہے کہ جنید جمشید بلاشبہ پاکستان ٹی وی پر نظر آنے والے سب سے زیادہ خوبصورت شخص تھے۔
نجی ٹی وی کے پروگرام میں شرکت کے دوران ہاروش شاہد نے میزبان فیصل قریشی کے ساتھ مرحوم نعت خواں جنید جمشید کی خوبصورت شخصیت کے حوالے سے گفتگو کرتے ہوئے ان کی مرادنہ وجاہت، خوبصورت سراپے اور بولنے کے انداز کو جی بھر کے سراہا۔
ہارون شاہد نے برملا اعتراف کرتے ہوئے کہا کہ اس بات میں کوئی شک نہیں کہ جنید جمشید پاکستان ٹیلی ویژن پر جلوہ گر ہونے والے اب تک کے سب سے خوبصورت شخص ہیں۔
اداکار نے مزید کہا کہ میں کبھی کبھار ان کے انٹرویوز دیکھتا ہوں تو کہتا ہوں کہ یار یہ کتنے خوبصورت ہیں اور بولتے بھی اتنا ہی خوبصورت ہیں۔
ہارون شاہد نے ماضی کو یاد کرتے ہوئے کہا کہ جب میں جنید جمشید سے ملا تو ان کی داڑھی تھی میں کہہ رہا تھا کہ یار یہ کتنے خوبصورت آدمی ہیں۔
اس موقع پر میزبان فیصل قریشی نے ان کی بات کو آگے بڑھاتے ہوئے کہا کہ ماشااللہ وہ ایک لمبے قد کے، پرکشش اور گڈ لکنگ آدمی تھے اس میں کوئی شک نہیں۔
https://urdu.arynews.tv/junaid-jamsheds-last-voice-message-before-his-death/
