چندی گڑھ: بھارتی شہری منیندر سنگھ نے آن ایئر ٹی وی پر اپنی گرل فرینڈ کو ہوٹل کے کمرے میں قتل کرنے کا اعتراف کیا۔
تفصیلات کے مطابق بھارتی شہری مینندر سنگھ نے آن ایئر ٹی وی پر اعتراف کیا کہ اس نے اپنی گرل فرینڈ کو قتل کیا۔ اس اقدام کا سبب ہالی ووڈ فلم جوکر بتائی جا رہی ہے۔
بھارتی شہری نے لائیو شو کے دوران میزبان کو بتایا کہ سربجیت کور کو اس نے ہوٹل کے کمرے میں قتل کیا تھا، کیونکہ اس کے اہل خانہ کو یہ پسند نہیں تھا کہ میرا تعلق دوسری ذات سے ہے۔
منیندر سنگھ نے شو کے دوران بتایا کہ اس نے پولیس کی جانب سے اہل خانہ کو ہراساں کرنے کے بعد گرل فرینڈ کے قتل کا اعتراف کرنے کا فیصلہ کیا۔ سربجیت کور کی لاش 30 دسمبر کو ہوٹل کے کمرے سے ملی تھی۔
خیال رہے کہ ہالی ووڈ فلم جوکر میں ایوارڈ یافتہ اداکار جیکون فینکس نے ایک ناکام کامیڈین کا کردار نبھایا، فلم کا مرکزی کردار لائیو ٹی شو میں قتل کرنے کا اعتراف کرتا ہے۔
اداکارہ نے ماں کو چھریوں کے وار سے قتل کرنے کا اعتراف کرلیا
واضح رہے کہ ہالی ووڈ کی مشہور فلم کیپٹن امریکہ میں اداکاری کے جوہر دکھانے والی اداکارہ مولائی فٹز گیرالڈ نے اپنی والدہ کے قتل کا اعتراف کر لیا۔ اداکارہ نے کانساس سٹی میں گزشتہ ماہ اپنی ماں کو گھر میں چھریوں کے وار سے قتل کیا اور پھر اس بات کی اطلاع پولیس ہیلپ لائن پر خود ہی دی۔
