ARYNews.tv | Urdu – Har Lamha Bakhabar

Tag: ہالی ووڈ

  • ہالی ووڈ اداکار جارج کلونی کی اسکوٹر کو حادثہ، اداکار زخمی

    ہالی ووڈ اداکار جارج کلونی کی اسکوٹر کو حادثہ، اداکار زخمی

    ہالی ووڈ کے معروف اداکار جارج کلونی شوٹنگ کے لیے جاتے ہوئے زخمی ہوگئے جنہیں فوری طور پر اسپتال منتقل کردیا گیا۔

    برطانوی میڈیا کے مطابق جارج کلونی اٹلی کے ایک جزیرے سردینیا میں اپنی ٹی وی سیریز کیچ 22 کی شوٹنگ کر رہے تھے۔

    حادثہ اس وقت پیش آیا جب وہ صبح 8 بجے اپنے ہوٹل سے شوٹنگ پر جانے کے لیے نکلے۔ ان کی اسکوٹر ایک کار سے جا ٹکرائی جس میں انہیں معمولی چوٹیں آئیں۔

    مقامی انتظامیہ کے مطابق جارج کلونی کو آنے والی چوٹیں سنجیدہ نوعیت کی نہیں ہیں تاہم ابھی انہیں اسپتال سے ڈسچارج نہیں کیا گیا۔

    جارج کلونی کا مذکورہ ڈرامہ اگلے برس 2019 میں نشر کیا جائے گا، ابھی کچھ کہنا قبل از وقت ہے کہ ان کے زخمی ہونے کی وجہ سے ڈرامے کی شوٹنگ میں کتنا وقفہ آسکتا ہے۔

    57 سالہ جارج کلونی بے شمار ہالی ووڈ فلموں میں کام کرچکے ہیں جبکہ انہیں بے شمار ایوارڈز سے بھی نوازا جا چکا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایکشن سے بھرپور فلم ’’ایکولائزر ٹو‘‘ کا سنسنی خیز ٹریلر جاری

    ایکشن سے بھرپور فلم ’’ایکولائزر ٹو‘‘ کا سنسنی خیز ٹریلر جاری

    لاس اینجلس : ہالی ووڈ کی ایکشن سے بھرپور فلم ’’ ایکولائزرٹو ‘‘ کا نیا سنسنی خیز ٹریلر جاری کردیا گیا، ہدایت کار انٹوئن فوکا کی یہ فلم دوہزار چودہ کی بلاک بسٹر مووی کا سیکوئل ہے۔

    جس کی کہانی ایک سابق انٹیلی جنس آپریشنل کمانڈو کے گرد گھوم رہی ہے،جو جرائم پیشہ افراد کے خاتمے کیلئے قانون کو اپنے ہاتھ میں لے لیتا ہے۔

    فلم میں مرکزی کردار ایک بارپھر ڈینزل واشنگٹن نبھارہے ہیں، قدم قدم پر لرزہ خیز مناظر سے بھرپور یہ فلم بیس جولائی کو امریکی سنیماؤں کی زینت بنے گی۔

  • مسلمانوں کو دہشت گرد دکھانے پر فاطمہ بھٹو کو ہالی ووڈ سے معذرت کا انتظار

    مسلمانوں کو دہشت گرد دکھانے پر فاطمہ بھٹو کو ہالی ووڈ سے معذرت کا انتظار

    امریکی ٹی وی سیریز میں بھارتیوں کو دہشت گرد دکھانے پر امریکی اسٹوڈیوز کی معذرت کے بعد معروف مصنفہ فاطمہ بھٹو نے کہا ہے کہ اب انہیں ان فلموں اور ڈراموں کی جانب سے معذرت کا انتظار ہے جن میں مسلمانوں کو دہشت گرد دکھایا گیا ہے۔

    خیال رہے کہ چند روز قبل بالی ووڈ اداکارہ پریانکا چوپڑا کی امریکی ڈرامہ سیریز ’کوانٹیکو‘ کی ایک قسط میں دکھایا گیا تھا کہ 3 بھارتی دہشت گرد نیویارک کے علاقے مین ہٹن میں بم دھماکہ کرنے اور اس کا الزام پاکستان پر لگانے کا منصوبہ بناتے ہیں۔

    تاہم پریانکا چوپڑا جو ڈرامے میں فیڈرل بیورو آف انویسٹی گیشن (ایف بی آئی) ایجنٹ کا کردارا دا کر رہی ہیں، اپنی ٹیم کے ساتھ اس منصوبے کو ناکام بنا دیتی ہیں۔

    قسط کے نشر ہوتے ہی بھارت میں ہنگامہ کھڑا ہوگیا۔ بھارتیوں کو سچائی پسند نہ آئی اور وہ تنقید کے نشتر لے کر پریانکا چوپڑا پر چڑھ دوڑے۔

    انہوں نے پریانکا کو غدار قرار دیتے ہوئے انہیں پاکستان جانے کا مشورہ دیا جبکہ ہندو انتہا پسند تنظیم شیو سینا نے ان کے خلاف ملک گیر احتجاج بھی شروع کردیا۔

    مجبور ہو کر نہ صرف پریانکا چوپڑا کو اپنے جذباتی ہم وطنوں سے معافی مانگنی پڑی بلکہ اس کے ساتھ ڈرامہ پیش کرنے والے اے بی سی اسٹوڈیوز نے بھی بھارتیوں کو آئینہ دکھانے پر معذرت طلب کرلی۔

    اے بی سی اسٹوڈیوز کے معافی مانگنے کے بعد سابق وزیر اعظم بے نظیر بھٹو کی بھتیجی اور مصنفہ فاطمہ بھٹو نے اپنے ٹویٹ میں کہا کہ اب انہیں ان فلموں اور ڈراموں کی جانب سے معذرت کا انتظار ہے جس میں مسلمانوں کو دہشت گرد دکھایا گیا ہے۔

    انہوں نے کہا کہ گزشتہ برس وہ ایک تقریب میں اس پر گفتگو بھی کر چکی ہیں کہ کس طرح ہالی ووڈ پروپیگنڈے کو فروغ دیتا ہے خصوصاً ہالی ووڈ فلموں میں مسلمانوں کو صرف دہشت گردوں کے طور پر دکھایا جاتا ہے۔

    گزشتہ برس کی گئی اپنی گفتگو میں انہوں نے چند فلموں کے مناظر بھی دکھائے تھے جس میں مسلمانوں کو دہشت گرد دکھایا گیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہالی ووڈ کی ہاررفلم ’’اے کوائٹ پلیس‘‘ کا سنسنی خیزٹریلرجاری

    ہالی ووڈ کی ہاررفلم ’’اے کوائٹ پلیس‘‘ کا سنسنی خیزٹریلرجاری

    لاس اینجلس : خوف سنسنی اور دہشت سے بھرپور ہالی ووڈ کی ہارر فلم ’’اے کوائٹ پلیس‘‘ کا سنسنی خیز ٹریلر جاری کردیا گیا، خوفناک مناظر اور تھرل سے بھرپور فلم ماہ اپریل میں تہلکہ مچانے آرہی ہے۔

    تفصیلات کے مطابق دہشت اور خوفناک مناظر سے بھرپور ہالی ووڈ کی ہارر فلم ’’اے کوائٹ پلیس‘‘ کا نیا ٹریلر جاری کر دیا گیا ہے۔

    اس میں خاموش قاتل صرف ایک آواز کا انتظارکر رہا ہے، فلم کی کہانی شہر سے دور سنسان علاقے میں رہنے والے ایک ایسے خاندان کے گرد گھوم رہی ہے جنہیں ایک ایسی پراسرار مخلوق کا سامنا ہے جو صرف آواز سن کر شکار کرتی ہے۔

    اس کے حملے سے بچنے کیلئے یہ خاندان اشاروں کی زبان بولنے پر مجبور ہوجاتا ہے، سپرنیچرل ہارر فلم کا نیا ٹریلر دہشت ناک مناظر سے بھرپور ہے۔

    مذکورہ فلم چھ اپریل کو سینما گھروں میں خوف پھیلانے آ رہی ہے، فلم کے اداکاروں میں جوہن کراسنسکی، ایمیلی بلنٹ، نواح جیوپ اور میلیسنٹ سیمونڈز سمیت دیگر شامل ہیں۔

    مزید پڑھیں: ہالی ووڈ فلم ’’ وینم ‘‘ کا ایکشن اورسنسنی سے بھرپور ٹریلرریلیز

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • نئی ہالی ووڈ ڈرامہ فلم’’ ڈارکسٹ آور‘‘ ریلیز کے لئے تیار

    نئی ہالی ووڈ ڈرامہ فلم’’ ڈارکسٹ آور‘‘ ریلیز کے لئے تیار

    لاس اینجلس : دوسری جنگِ عظیم کے دوران پیش آنیوالے سنسنی خیز واقعات کے گِرد گھومتی نئی ہالی ووڈ ڈرامہ فلم ڈارکسٹ آور ریلیز کے لئے تیارہے، ہٹلر کی ضد کے آگے چرچل بھی بے بس ہوگئے۔

    تفصیلات کے مطابق ہالی ووڈ کی سننی خیز جنگی مناظر کی عکاس فلم ڈارکسٹ آور دوسری جنگِ عظیم دوم کی ہولناکیاں یاد دلادے گی۔

    فلم میں بموں کی برسات اور گہرے پانیوں میں جنگی جہازوں کی گھن گرج کے دل دہلا دینے والے مناظر فلمائے گئے ہیں۔ برطانوی وزیرِاعظم وِنسنٹن چرچل کی جنگ عظیم روکنے کی کوششیں کیسے ناکام ہوئیں؟

    ہٹلر کو جنگ سے باز نہ رکھا جاسکا، فلم اس کی بہترین عکاسی کرتی ہے، اس فلم میں گیری اولڈ مین چرچل کے روپ میں جلوہ گر ہو رہے ہیں ۔

    :فلم کا ٹریلر

    فلم کے دیگر اداکاروں میں بین میڈلسن، کرسٹن اسکاٹ تھامس، للِی جیمز سمیت کئی اہم فنکار شامل ہیں، ڈرامائی تشکیل سے بھرپورتاریخی فلم بائیس نومبر کو سنیما گھروں کی زینت بنے گی۔

  • الفریڈ ہچکاک کی فلموں کی ننھی منی تخلیق

    الفریڈ ہچکاک کی فلموں کی ننھی منی تخلیق

    آپ نے یوں تو آرٹ کے کئی نمونے دیکھے ہوں گے لیکن آج جو نمونہ ہم آپ کو دکھانے جارہے ہیں وہ اپنی نوعیت کا منفرد آرٹ ہے۔

    یہ کارنامہ ایک چھوٹے سے آرٹسٹ کا ہے جو نہ صرف معروف فلم ساز الفریڈ ہچکاک کا دیوانہ ہے بلکہ یہ ان کی 70 اور 80 کی دہائی میں آنے والے فلموں کے کاغذی منی ایچرز بنا رہا ہے۔

    وہ نہ صرف فلموں کے سین بلکہ اپنے آس پاس کے مختلف مناظر، خواب اور اپنے تصورات کو بھی منی ایچرز کی شکل میں ڈھالتا ہے۔

    یاد رہے کہ الفریڈ ہچکاک ہالی ووڈ کے مشہور فلم ساز اور ہدایت کار تھے جو پراسراریت پر مبنی اور پر تجسس فلمیں بنانے کے لیے مشہور تھے۔

    سائیکو

    الفریڈ ہچکاک کی فلم سائیکو 60 کی دہائی میں آئی جو سسپنس سے بھرپور ہے۔

    اس میں ایک ذہنی مریض کی کہانی بیان کی گئی ہے، لیکن وہ کون ہوتا ہے، اس کا اندازہ سب کو آخر میں جا کر ہوتا ہے۔

    ورٹیگو

    ہچکاک کی ایک اور فلم ورٹیگو پراسراریت پر مبنی ہے اور یہ فلم ہر دور کی بہترین فلم مانی جاتی ہے۔

    اس میں ایک جاسوس کا واسطہ ایک ایسے دولت مند سے پڑتا ہے جو اپنی بیوی کو اس کے ذریعے مرواتا ہے، لیکن آخر میں کھلتا ہے کہ اس دولت مند شخص نے اپنی مردہ بیوی کی موت کو باقاعدہ منظر عام پر لانے کے لیے کسی دوسری عورت کی شکل میں یہ سارا ڈرامہ رچایا۔

    ریئر ونڈو

    یہ فلم بھی الفریڈ ہچکاک کی ہدایت کاری میں بنائی گئی ہے جسے اس آرٹسٹ نے منی ایچر میں ڈھالا۔

    اس فلم میں ٹانگوں سے معذور ایک فوٹو گرافر اپنے پڑوسیوں کی کھڑکی سے نظر آنے والے مختلف مناظر کو کیمرے کی آنکھ میں محفوظ کرتا ہے۔ تاہم اس وقت فلم میں ایک ڈرامائی موڑ آجاتا ہے جب وہ ایک قتل کی واردات کو عکس بند کر لیتا ہے۔

    دی برڈز

    ہچکاک کی فلم دی برڈز پرندوں کے تباہ کن حملے پر مبنی ہے۔

    اس میں 2 معصوم سے پرندے اچانک خونخوار ہوجاتے ہیں اور وہاں موجود لوگوں پر حملہ کردیتے ہیں۔ اس کے بعد یہ حملہ آور پرندے پورے شہر میں پھیل جاتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اپنے گھر پر فلم کی شوٹنگ کے لیے ٹرمپ نے کیا شرط عائد کی؟

    اپنے گھر پر فلم کی شوٹنگ کے لیے ٹرمپ نے کیا شرط عائد کی؟

    واشنگٹن: گو کہ ڈونلڈ ٹرمپ آج کل امریکا کے صدر ہیں لیکن اس سے پہلے بھی وہ کوئی معمولی شخصیت نہیں تھے۔ ٹرمپ کا شمار امریکا کے نہایت دولت مند اور بااثر کاروباری افراد میں ہوا کرتا تھا۔

    سنہ 1990 کی دہائی میں ہالی ووڈ میں بننے والی فلموں میں اگر کوئی عالیشان اور شاندار عمارت دکھانی مقصود ہوتی تھی تو اکثر ہدایت کار ڈونلڈ ٹرمپ سے رابطہ کیا کرتے تھے کہ کیا وہ ٹرمپ ٹاور یا اپنی کسی اور عمارت میں انہیں شوٹنگ کی اجازت دیں گے۔

    مزید پڑھیں: امریکا کے ارب پتی صدر ٹرمپ کا گھر دیکھیں

    اور ٹرمپ انہیں ایک شرط پر اس کی اجازت دیا کرتے تھے جو یہ تھی کہ فلم کے کسی منظر میں چند سیکنڈز کے لیے ڈونلڈ ٹرمپ خود بھی جلوہ گر ہوں گے۔ فلمی تکنیکی زبان میں اس منظر کو کیمیو کہا جاتا ہے۔

    اس بات کا انکشاف ہالی ووڈ اداکار میٹ ڈیمن نے اپنے ایک حالیہ انٹرویو میں کیا۔

    انہوں نے بتایا کہ سنہ 1992 میں ریلیز کی گئی ایک فلم سینٹ آف دا ویمن کے کچھ مناظر ٹرمپ کی ملکیتی عمارت میں عکس بند کرنے کی اجازت لی گئی اور ٹرمپ نے فلم کے ہدایتکار مارٹن برسٹ سے کہا کہ وہ ٹرمپ کے لیے بھی کوئی سین لکھیں جس سے وہ فلم میں آسکیں۔

    سینٹ آف دا ویمن ایک نابینا ریٹائرڈ آرمی افسر اور اس کی نوجوان نگہبان کے تعلق پر مبنی فلم ہے۔

    میٹ ڈیمن کے مطابق ٹرمپ کی مصروفیت کے پیش نظر اس منظر کی عکس بندی کے لیے پورا ایک گھنٹہ ضائع ہوا۔

    اس منظر میں ٹرمپ کو اس طرح پیش کیا جانا تھا کہ وہ کمرے میں داخل ہوتے، فلم کے مرکزی کردار ال پچینو ان سے کہتے، ’ہیلو مسٹر ٹرمپ‘، اس کے بعد ٹرمپ کو وہاں سے چلے جانا تھا۔

    تاہم بعد ازاں اس منظر کو ٹرمپ جیسے بدطنیت اور بااثر تاجر کی خفگی کے خوف کے باوجود کاٹ دیا گیا اور یوں یہ منظر سینٹ آف دا ویمن میں نہیں دکھایا گیا۔

    البتہ ہوم الون 2 میں ایسا نہیں ہوا۔

    سنہ 1992 میں ہی ریلیز ہونے والی فلم ہوم الون 2 میں فلم کا مرکزی کردار جو ایک بچہ ہے ایک شاندار عمارت میں جا پہنچتا ہے جو درحقیقت ٹرمپ کا گھر ہے۔ وہاں ایک منظر میں بچہ ٹرمپ سے راستہ پوچھتا دکھائی دیتا ہے۔

    میٹ ڈیمن کا کہنا ہے کہ انہیں علم نہیں کہ یہ منظر فلم میں کیوں رکھا گیا، ’شاید فلم کے منتظمین دولت مند ٹرمپ کی ناراضگی مول نہیں لینا چاہتے تھے‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بدترین صنفی امتیاز کو واضح کرتی سب سے زیادہ آمدنی والے مردوں کی فہرست جاری

    بدترین صنفی امتیاز کو واضح کرتی سب سے زیادہ آمدنی والے مردوں کی فہرست جاری

    امریکی میگزین فوربز نے رواں سال سب سے زیادہ آمدنی حاصل کرنے والی اداکاراؤں کے بعد اداکاروں کی فہرست بھی جاری کردی جس نے ایک بار پھر خواتین اور مرد اداکاروں کے معاوضوں اور آمدنی میں وسیع ترین فرق کو واضح کردیا۔

    فوربز کے مطابق رواں سال سب سے زیادہ آمدنی حاصل کرنے والے فنکار کا اعزاز مارک والبرگ کے نام رہا جنہوں نے اس برس اپنی فلموں ’ڈیڈیز ہوم 2‘ اور ’ٹرانسفارمرز: دا لاسٹ نائٹ‘ سے 6 کروڑ 80 لاکھ ڈالرز کی آمدنی حاصل کی۔

    اس کے برعکس گزشتہ ہفتے جاری کی جانے والی فہرست کے مطابق سب سے زیادہ آمدنی حاصل کرنے والی اداکارہ ایما اسٹون کی آمدنی صرف 2 کروڑ 60 لاکھ ڈالرز رہی۔

    فوربز نے اپنی فہرست کے ساتھ ایک بار پھر معاوضوں میں بدترین صنفی تفریق کی طرف اشارہ کیا۔

    مزید پڑھیں: ایما اسٹون سب سے زیادہ آمدنی حاصل کرنے والی اداکارہ

    میگزین کا کہنا ہے کہ رواں برس سب سے زیادہ کمانے والے سرفہرست 10 مردوں کی کل آمدنی مجموعی طور پر 48.85 کروڑ ڈالرز بنتی ہے، جبکہ سب سے زیادہ آمدنی حاصل کرنے والی سرفہرست 10 خواتین کی کل رقم صرف 17.25 کروڑ ہے جو مردوں کی کل آمدنی سے 3 گنا کم ہے۔

    دوسری جانب 46 سالہ ہالی ووڈ اداکار مارک والبرگ نے رواں سال کی اس کثیر آمدنی سے گزشتہ برس سب سے زیادہ کمانے والے اداکار ڈوائن دا راک جانسن کو دوسرے نمبر پر دھکیل دیا جنہوں نے رواں برس 6 کروڑ 50 لاکھ ڈالرز کی آمدنی حاصل کی۔

    فلم ’پائریٹس آف دی کیریبئن‘ کے اداکار جونی ڈیپ جو آمدنی کے حوالے سے گزشتہ کئی سال سے ٹاپ 5 میں شامل تھے، اس بار ٹاپ 20 میں بھی اپنی جگہ بنانے میں ناکام رہے۔

    رواں برس بالی ووڈ کے 3 اداکار شاہ رخ خان، سلمان خان اور اکشے کمار بھی بالترتیب 3 کروڑ 80 لاکھ، 3 کروڑ 70 لاکھ، اور 3 کروڑ 55 کے ساتھ آٹھویں، نویں اور دسویں نمبر پر جگہ بنانے میں کامیاب ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مشن امپاسبل کی شوٹنگ کے دوران ٹام کروز شدید زخمی

    مشن امپاسبل کی شوٹنگ کے دوران ٹام کروز شدید زخمی

    لاس اینجلس: معروف ہالی ووڈ اداکار ٹام کروز اپنی آنے والی فلم مشن امپاسبل 6 کی شوٹنگ کے دوران ایک اسٹنٹ کرتے ہوئے اپنا ٹخنہ تڑوا بیٹھے۔ ٹام کے زخمی ہونے کے بعد عارضی طور پر فلم کی شوٹنگ روک دی گئی۔

    فلم کمپنی پیراماؤنٹ پکچرز کے مطابق ٹام کی مکمل صحت یابی کے بعد شوٹنگ کا دوبارہ آغاز کردیا جائے گا، تاہم اس سے فلم کی ریلیز پر کوئی اثر نہیں پڑے گا اور فلم اپنے مقررہ وقت پر ہی ریلیز ہوگی۔

    واضح رہے کہ ٹام کروز اپنی فلموں میں زیادہ تر خطرناک اسٹنٹس خود ہی انجام دیتے ہیں۔

    ایک فلم ویب سائٹ کی جانب سے جاری کی جانے والی ایک ویڈیو میں دیکھا جاسکتا ہے کہ ٹام کو 2 عمارتوں کے درمیان ایک سے دوسری عمارت کی چھت پر چھلانگ لگانی ہے مگر اس دوران وہ اپنا اسٹنٹ صحیح سے انجام نہ دے سکے اور چھلانگ لگاتے ہوئے دوسری عمارت کی دیوار سے ٹکرا گئے۔

    واقعے کے بعد فوری طور پر ٹام کو طبی امداد دی گئی۔ بعد ازاں  وہ سیٹ پر لنگڑا کر چلتے ہوئے بھی دیکھے گئے۔

    پیرا ماؤنٹ پکچرز نے یہ واضح نہیں کیا کہ فلم کی دوبارہ شوٹنگ کا آغاز کب ہوگا۔ فلم مشن امپاسبل 6 اگلے برس جولائی کی 27 تاریخ کو ریلیز کردی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اب آپ ہیری پوٹر کا گھر خرید سکتے ہیں

    اب آپ ہیری پوٹر کا گھر خرید سکتے ہیں

    کیا آپ اپنی عمر سے قطع نظر ہیری پوٹر فلم سیریز کے دیوانے ہیں اور اس میں دکھائی جانے والی جادوئی اشیا آپ کو مسحور کردیتی ہیں؟ تو پھر یہ اچھی خبر یقیناً آپ کے لیے ہے۔

    برطانیہ میں ہیری پوٹر فلم سیریز کے مرکزی کردار ہیری پوٹر کے آبائی گھر کو فروخت کے لیے پیش کردیا گیا ہے۔

    یہ گھر سیریز کی ساتویں فلم ہیری پوٹر اینڈ دا ڈیتھلی ہالوز میں دکھایا گیا ہے۔

    فلم میں دکھایا گیا ہے کہ اس گھر میں ہیری کے ماں باپ کو قتل کردیا جاتا ہے جس کے بعد ہیری اپنے انکل اور آنٹی کی تحویل میں آجاتا ہے اور ان کے گھر رہنے لگتا ہے۔ فلم کے مطابق ہیری کی پیدائش اسی گھر میں ہوئی ہے۔

    خوبصورت باغ اور 6 بیڈرومز پر مشتمل اس گھر کی قیمت 10 لاکھ ڈالرز مقرر کی گئی ہے۔

    اس کا داخلی دروازہ نہایت خوبصورت اور منفرد ہے جو سیاحوں اور مقامی افراد میں نہایت مقبول ہے۔

    اس دروازے کو برطانوی وزیر اعظم کی رہائش گاہ 10 ڈاؤننگ اسٹریٹ کے دروازے کے بعد سب سے زیادہ عکس بند کیے جانے والے دروازے کا اعزاز بھی حاصل ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔