Tag: ہالی ووڈ

امریکی عوام دی راک کو صدر دیکھنے کی خواہشمند

معروف ریسلر اور ہالی ووڈ اداکار ڈوائن جانسن دی راک نے کچھ عرصہ قبل امریکی صدر بننے کی خواہش کا اظہار کیا تھا اور امریکی عوام کو یہ بات اس قدر پسند آئی کہ امریکا کے وفاقی الیکشن کمیشن میں اس حوالے سے باقاعدہ درخواست دائر کردی گئی۔

کینٹن ٹلفورڈ نامی ایک امریکی شہری نے امریکی وفاقی الیکشن کمیشن کو درخواست دی ہے کہ ڈوائن جانسن کو امریکی عہدہ صدارت کے لیے نامزد کیا جائے۔

گو کہ یہ واضح نہ ہوسکا کہ درخواست دینے والے کا دی راک سے کیا تعلق ہے، تاہم اس کا کہنا ہے کہ یہ درخواست اداکار کی جانب سے ہی دی گئی ہے۔

یاد رہے کہ کچھ عرصہ قبل دی راک نے ایک انٹرویو کے دوران کہا تھا کہ وہ سنہ 2020 کے صدارتی انتخابات کا حصہ بننے کا امکان رد نہیں کرسکتے۔

دی راک ماضی میں بھی سیاست میں حصہ لینے کا عندیہ دے چکے ہیں۔

اس سے قبل ایسی ہی ایک مثال معروف اداکار آرنلڈ شوازینگر کی بھی ہے جو ریسلنگ اور اداکاری کے میدان میں خود کو منوانے کے بعد سیاست کے میدان میں آئے اور امریکی ریاست کیلیفورنیا کے گورنر بنے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 12, 2017
ٹام کروز کے پسندیدہ کام جو وہ ہر فلم میں کرتے ہیں

معروف ہالی ووڈ اداکار ٹام کروز کی حال ہی میں ریلیز ہونے والی فلم دی ممی کچھ خاص کامیابی تو نہ حاصل نہ کرسکی البتہ پاکستان میں یہ بہت ذوق و شوق سے دیکھی گئی جس کی وجہ اس کے ہیرو ٹام کروز کا ہر دلعزیز ہونا ہے۔

پاکستان میں ٹام کروز کے مداحوں کی کمی نہیں اور ان کی ریلیز ہونے والی ہر فلم پاکستان میں نہایت شوق سے دیکھی جاتی ہے۔ بطور ایکشن ہیرو بھی ٹام کروز کو یہاں خاصا پسند کیا جاتا ہے۔

لیکن کیا آپ جانتے ہیں ٹام کروز اپنی ہر فلم میں کچھ مخصوص کام ضرور انجام دیتے ہیں۔ ان کے کیرئیر کے آغاز سے لے کر اب تک آپ ان کی ہر فلم میں انہیں یہ کام کرتے ضرور دیکھیں گے۔

آئیں دیکھتے ہیں وہ کون سے کام ہیں۔

شرٹ اتارنا

ویسے تو اس کام کے لیے بالی ووڈ اداکار سلمان خان خاصے مشہور ہیں اور ان کے بارے میں کہا جاتا ہے کہ چاہے سین کی ڈیمانڈ ہو یا نہ ہو، وہ شرٹ اتار کر اپنی باڈی دکھانے کا کوئی موقع ہاتھ سے نہیں جانے دیتے۔

تاہم اس ضمن میں ٹام کروز بھی پیچھے نہیں۔ آپ ان کی اکثر فلموں میں انہیں شرٹ اتار کر لڑتا ہوا یا مختلف کام سر انجام دیتا ہوا پائیں گے۔

بغیر سانس لیے بھاگنا

ٹام کروز کے ایکشن والے مناظر میں اگر کہیں کسی موقع پر انہیں بھاگنا پڑجائے تو یوں محسوس ہوتا ہے جیسے وہ سانس روک کر بھاگ رہے ہیں۔

اس موقع پر ان کے چہرے پر ناقابل بیان تاثرات ہوتے ہیں اور وہ دیوانگی کے عالم میں بغیر پیچھے مڑے بھاگتے دکھائی دیتے ہیں۔

چھلانگ لگانا

ٹام کروز اپنی ہر فلم میں چھلانگیں لگاتے بھی دکھائی دیتے ہیں، اور لگتا ہے کہ یہ ان کا خاصا پسندیدہ کام ہے، تب ہی ایک بار معروف ٹی وی میزبان اوپرا ونفرے کے شو میں بھی وہ چھلانگیں لگانا نہیں بھولے۔

فضا میں لٹکنا

خطرناک ایکشن مناظر میں مجرم کا پیچھا کرتے ہوئے یا ہیروئن کو بچانے کے لیے فضا میں لٹک جانا بھی ٹام کروز کا محبوب مشغلہ ہے۔ یقین نہیں آتا تو یہ مناظر دیکھ لیں۔

ٹام کروز کے چشمے

ہر فلم میں ٹام کروز دھوپ کے مہنگے چشمے استعمال کرنا بھی نہیں بھولتے جس سے بلاشبہ ان کی کشش اور ان کے مداحوں کی تعداد میں مزید اضافہ ہوجاتا ہے۔

آپ کو ٹام کروز کا کون سا انداز سب سے زیادہ پسند آیا؟

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 5, 2017
فاسٹ اینڈ فیورس: اداکاراؤں سے امتیازی سلوک پر اداکارہ کی دھمکی

فاسٹ اینڈ فیورس فلم سیریز دنیا بھر میں یکساں طور پر مقبول فلم سیریز ہے جس کے مرکزی کردار پال واکر کی موت کے باوجود اس کی مقبولیت میں کمی نہیں آئی، تاہم فلم کی پروڈکشن کو ایک نئے مسئلے کا سامنا کرنا پڑ رہا ہے۔

فلم میں لیٹی کا کردار ادا کرنے والی اداکارہ مشل روڈرگز نے دھمکی دی ہے کہ اگر اگلی فلم میں اداکاراؤں کے کردار میں اضافہ نہ کیا گیا تو وہ یہ فلم سیریز چھوڑ دیں گی۔

سماجی رابطوں کی ویب سائٹ انسٹا گرم پر مشل نے فلم کے دیگر کرداروں کے ساتھ اپنی تصاویر پوسٹ کرتے ہوئے لکھا، ’امید ہے کہ سیریز کی اگلی فلم میں خواتین کو اہمیت دی جائے گی، ورنہ میں اس سیریز کو خیر باد کہہ دوں گی‘۔

F8 is out digitally today, I hope they decide to show some love to the women of the franchise on the next one. Or I just might have to say goodbye to a loved franchise. It’s been a good ride & Im grateful for the opportunity the fans & studio have provided over the years… One Love ❤️✨

A post shared by Michelle Rodriguez (@mrodofficial) on Jun 27, 2017 at 8:43am PDT

مشل روڈرگز نے پہلی بار اس شکایت کا اظہار چند روز پہلے دیے جانے والے ایک انٹرویو میں کیا جس میں انہوں نے کہا، ’میں اور جورڈانا گزشتہ 16 سال سے اس فلم میں کام کر رہے ہیں۔ لیکن ان 16 سالوں میں سیریز میں، میں اپنے اور جور ڈانا کے بولے جانے والے ڈائیلاگز کو ایک ہاتھ کی انگلیوں پر گن سکتی ہوں‘۔

جورڈانا پاناما سے تعلق رکھنے والی اداکارہ ہیں جو فاسٹ اینڈ فیورس میں برائن (پال واکر) کی بیوی اور ڈوم ٹوریٹو (ون ڈیزل ) کی بہن کا کردار ادا کر رہی تھیں۔

اپنے اس انٹرویو میں مشل کا کہنا تھا کہ صرف ایک فاسٹ اینڈ فیورس ہی نہیں، ہالی ووڈ کی اکثر ایکشن فلمیں مرد کرداروں کے گرد گھومتی ہیں اور ان میں اداکاراؤں کو صرف خانہ پری کے لیے رکھا جاتا ہے۔

ان کا کہنا تھا کہ وہ لاکھوں لوگوں کے سامنے اپنے آپ کو اس طرح پیش کیے جانے کو نہایت برا خیال کرتی ہیں، اور اگر یہی صورتحال جاری رہی تو وہ فلم سیریز چھوڑنے پر مجبور ہوجائیں گی۔

یاد رہے کہ گزشتہ 16 سال میں فرنچائز کی پہلی فلم سے لے کر اب تک کئی خواتین کرداروں کا اضافہ کیا گیا جن میں گال گیڈٹ، چارلیز تھیرون، اور ہیلن میرن شامل ہیں تاہم ان کا یہ کردار نہایت مختصر ہوتا ہے اور فلم بنیادی طور پر مرد کرداروں کے گرد ہی گھومتی ہے۔

تاحال فلم کی پروڈکشن کمپنی کی جانب سے مشل کی دھمکی یا انٹرویو پر کوئی رد عمل ظاہر نہیں کیا گیا تاہم اگر مشل اپنی دھمکی پر عمل کر ڈالتی ہیں، تو پال واکر کی موت کے بعد یہ فاسٹ اینڈ فیورس فلم فرنچائز کے لیے ایک اور بڑا نقصان ہوگا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جون 29, 2017
جارج کلونی جڑواں بچوں کے والد بن گئے

ہالی ووڈ کا معروف و مقبول جوڑا جارج کلونی اور ان کی اہلیہ امل کلونی جڑواں بچوں کے والدین بن گئے۔ بچوں کا نام ایلا اور الیگزینڈر رکھا گیا ہے۔

جارج کلونی کے ترجمان کے مطابق جوڑے کے یہاں بیٹا اور بیٹی کی پیدائش ہوئی ہے۔ بچے اور ماں خیریت سے ہیں۔

یاد رہے کہ 56 سالہ جارج کو ہالی ووڈ میں طویل عرصے تک کنوارہ رہنے کا اعزاز حاصل تھا۔

جارج اور امل کی ملاقات سنہ 2013 میں ایک تقریب میں ہوئی تھی اور یہیں سے ان کی دوستی کا آغاز ہوا۔ اگلے برس ان دونوں نے شادی کرلی جس کا شمار ہالی ووڈ کی سب سے مشہور اور مہنگی ترین شادیوں میں ہوتا ہے۔

جارج کلونی کی اہلیہ 39 سالہ امل انسانی حقوق کی وکیل ہیں۔ وہ اقوام متحدہ کے سابق سیکریٹری جنرل کوفی عنان کی مشیر بھی رہ چکی ہیں جبکہ وکی لیکس کے بانی جولین اسانج کے کیس کی بھی پیروی کر چکی ہے۔

فی الحال وہ شام میں داعش کے ہاتھوں پامالی اور تشدد کا شکار ہونے والی یزیدی خواتین کا کیس لڑ رہی ہیں۔

بچوں کی پیدائش پر دونوں بے حد خوش ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جون 7, 2017
سوڈانی اہرام پر فلم بنانے پر مصر ناراض

ہالی ووڈ کی معروف اداکارہ اور اقوام متحدہ کی خیر سگالی سفیر انجیلنا جولی شمالی افریقی ملک سوڈان کی تاریخ اور وہاں موجود اہرام پر فلم میں جلوہ گر ہونے جارہی ہیں۔

تاہم جولی کے اس اقدام سے مصر سخت ناراض ہوگیا ہے جس کا کہنا ہے کہ مصر میں موجود اہرام زیادہ تاریخی حیثیت کے حامل ہیں۔

سوڈان اور مصر میں موجود اہرام عرصہ دراز سے دونوں ممالک میں وجہ تنازعہ ہیں جو دیگر کئی سیاسی تنازعوں کی طرح طویل عرصے سے جاری ہیں۔

مصر میں سوڈان میں موجود اہرام کو ’پنیر کے تکون‘ کے نام سے جانا جاتا ہے۔ سوڈان میں موجود اہرام کی تعداد 230 جبکہ اہرام مصر 118 سے 138 کے درمیان ہیں۔

مصر کے اہرام

تاہم اہرام مصر بلند قامت، عالیشان اور زیادہ خوبصورت دکھائی دیتے ہیں۔

علاوہ ازیں یہ بھی کہا جاتا ہے کہ سوڈان کے اہرام، اہرام مصر سے 2 ہزار سال قدیم ہیں تاہم اس بارے میں ماہرین آثار قدیمہ میں اختلاف پایا جاتا ہے۔

سوڈان کے اہرام

بین الاقوامی میڈیا کے مطابق سوڈان کی قدیم تاریخ پر یہ فلم قطر کی ایک پروڈکشن کمپنی بنانے جارہی ہے جس میں مرکزی کردار انجلینا جولی اور لیونارڈو ڈی کیپریو ادا کریں گے۔

اس فلم کا مقصد انسانی تاریخ و تمدن کی ترقی میں سوڈانی ثقافت، جسے نیوبین ثقافت بھی کہا جاتا ہے، کے کردار کو اجاگر کرنا ہے۔

یہ فلم سوڈان کے سیاحتی شعبے میں اضافے کا باعث بھی بنے گی۔

رپورٹس کے مطابق انجلینا جولی مئی میں سوڈان کے اہرام کا دورہ بھی کریں گی جس کے بعد فلم کی مزید تفصیلات طے کی جائیں گی۔

قطری شہزادی کا دورہ سوڈان

اہرام سے متعلق ان دونوں ممالک کے تنازعے کو اس وقت مزید ہوا ملی جب رواں برس مارچ میں ایک قطری شہزادی شیخا معظہ بنت نصیر نے اقوام متحدہ کی سفیر کی حیثیت سے سوڈان کے اہرام کا دورہ کیا۔

مصر میں اس دورے کو نہایت ناپسندیدگی کی نگاہ سے دیکھا گیا اور کہا گیا کہ قطر، مصر کے مقابلے میں سوڈان کی سیاحت و معیشت کو فروغ دینا چاہتا ہے۔

قطری شہزادی کے دورے کے بعد ہی اہرام سوڈان کے بارے میں فلم کی افواہیں سامنے آئیں جن کی تاحال تصدیق یا تردید نہیں ہوسکی۔

فی الحال مصر اور سوڈان کے سوشل میڈیا پر یہ بحث چل رہی ہے کہ انجلینا جولی نیوبیا تہذیب کی شہزادی کے روپ میں کیسی دکھائی دیں گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 23, 2017
چارلی چپلن کے 600 ہم شکل

جنیوا: اداکاری کے شعبے میں نئے معیار ترتیب دینے والے خاموش فلموں کے معروف اداکار چارلی چپلن کو ان کے 600 ہم شکل افراد نے جمع ہو کر خراج عقیدت پیش کیا۔

یہ افراد اس معروف اداکار کی 128 ویں سالگرہ کے موقع پر سوئٹزر لینڈ کے شہر جنیوا میں واقع ان کے گھر کے باہر جمع ہوئے۔

اس گھر میں چارلی چپلن کا خاندان 25 برس تک مقیم رہا۔ اب اس گھر کو میوزیم میں تبدیل کردیا گیا ہے۔

چارلی چپلن سے مشابہت رکھنے والے افراد میں صرف مرد ہی نہیں بلکہ خواتین، بچے اور بچیاں بھی شامل تھے جنہوں نے اداکار کی طرح مونچھیں لگا کر، ٹوپی پہن کر اور چھڑی تھام کر ان کو خراج عقیدت پیش کیا۔

جینیوا میں ان 662 افراد نے جمع ہو کر چارلی چپلن کے سب سے زیادہ مشابہہ افراد ہونے کا عالمی ریکارڈ بھی بنا لیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اپریل 20, 2017
ڈسپیک ایبل می 3: گرو کے جڑواں بھائی کی آمد

بچوں اور بڑوں میں یکساں مقبول اینی میٹڈ سیزیر منینز کے چوتھے حصہ ڈسپیک ایبل می 3 کا ایک اور ٹریلر جاری کردیا گیا ہے۔ فلم میں گرو کا جڑواں بھائی دکھایا گیا ہے لیکن یہ گرو کے برعکس نہایت خوبصورت بالوں کا مالک ہے۔

منینز کا پہلا حصہ ڈسپیک ایبل می سنہ 2010 جبکہ دوسرا حصہ 2103 میں پیش کیا گیا تھا۔ فلم کا تیسرا حصہ منینز کے نام سے 2015 میں پیش کیا گیا جو دراصل ڈسپیک ایبل می کا پریکوئل تھا۔ اس میں یہ زرد کردار اپنے مالک کی تلاش میں سرگرداں نظر آئے۔

اب چوتھے حصے کے ٹریلر سے معلوم ہوتا ہے کہ اپنے زمانے کا مشہور چور گرو جرائم سے تائب ہو کر اپنی اہلیہ لوسی کے ساتھ جرائم کے خاتمے کے لیے کوشاں ہے۔

ان کا سامنا ایک انوکھے چور سے ہے جو عالمی شہرت یافتہ آنجہانی گلوکار مائیکل جیکسن کا بے حد مداح ہے اور اس کی طرح رقص کرتے ہوئے اپنا کام دکھا جاتا ہے۔ اس کا ہتھیار ببل گم ہے جس کے ذریعے یہ سب کو بے بس کردیتا ہے۔

فلم کا ایک اور پہلو گرو کا جڑواں بھائی ڈرو ہے جو طویل عرصے بعد گرو سے ملنے آتا ہے۔ اس کے خوبصورت بالوں کو دیکھ کر گرو کا اپنے بالوں سے محرومی کا احساس بڑھ جاتا ہے۔

دونوں بھائی مل کر ببل گم کے ذریعے چوری کرنے والے چور کو پکڑنے چل پڑتے ہیں۔

فلم ڈسپیک ایبل می 3 اگلے سال 30 جون کو ریلیز کردی جائے گی۔

مارچ 16, 2017
آسکرز 2017 کی ’غلطی‘ کی ترجمانی کرتی تصویر

رواں برس ہونے والی 89 ویں آسکر ایوارڈز کی تقریب اپنی ’شاندار غلطی‘ کی وجہ سے یادگار ہوگئی۔ تقریب میں ہونے والی یہ غلطی جس میں بہترین فلم کا ایوارڈ ’لا لا لینڈ‘ کو دے دیا گیا، اور پھر اس سے واپس لے کر ’مون لائٹ‘ کو دیا گیا، اب تک سماجی رابطوں کی ویب سائٹس پر موضوع بحث ہے۔

معروف ہالی ووڈ اداکار وارن بیٹی نے جب بہترین فلم کے لیے لا لا لینڈ کے نام کا اعلان کیا، تو شائقین و حاضرین کو پہلے سے ہی اس کی توقع تھی۔

جب فلم کی کاسٹ اسٹیج پر آئی اور فلم کے 2 پروڈیوسرز نے اپنی تقریر کر ڈالی، تب ایک اور پروڈیوسر جارڈن ہوروٹز کو غلطی کا احساس ہوا اور انہوں نے صحیح فلم کا نام بتایا۔

WATCH: Moment where crew/cast of ‘La La Land’ realizes a mistake had been made and ‘Moonlight’ actually won Best Picture. #Oscars pic.twitter.com/WCCopwsJ66

— Good Morning America (@GMA) February 27, 2017

بعد ازاں وارن بیٹی نے وضاحت کی کہ انہیں غلط لفافہ تھما دیا گیا تھا جو دارصل بہترین اداکارہ، ’ایما اسٹون ۔ لالا لینڈ‘ کا تھا۔

اس موقع پر ہچکچاہٹ، بے یقینی اور حیرت کے جذبات صرف اسٹیج پر موجود افراد کے ہی نہیں بلکہ ان سینکڑوں شرکا کے بھی تھے جو وہاں موجود تھے۔

سب ہی حیرت اور بے یقینی سے اسٹیج پر ہونے والی اس کارروائی کو دیکھ رہے تھے۔

امریکی اداکارہ بزی فلپس نے ایسی ہی ایک تصویر اپنے سماجی رابطوں کی ویب سائٹ انسٹا گرام پر پوسٹ کرتے ہوئے کہا، ’جب میں سو کر اٹھی تو میرے 4 ہزار قریبی دوست اس بارے میں مجھے پیغامات بھیج چکے تھے۔ مجھے خوشی ہے کہ میرے پاس اس لمحے کا تصویری ثبوت موجود ہے جو یہ بتا رہا ہے کہ اس وقت وہاں پر موجود ہونا کیسا ہوتا‘۔

Just woke up. 4000 of my closest friends have texted & emailed me about this picture. I’m so glad there’s visual evidence of what it was like to be sitting there in that moment. I MEAN!!!!

A post shared by Busy Philipps (@busyphilipps) on Feb 27, 2017 at 10:48am PST

تصویر میں میرل اسٹریپ، سلمیٰ ہائیک، ڈوائن جانسن اور میٹ ڈیمن سمیت کئی افراد حیرت و بے یقینی میں مبتلا ہیں۔

ایسے ہی کچھ مزید تاثرات کو مختلف کیمروں نے اپنے اندر قید کرلیا۔

مارچ 1, 2017
بافٹا ایوراڈز 2017: لالا لینڈ بہترین فلم قرار

لندن: برطانوی اکیڈمی آف فلم اینڈ ٹیلی ویژن آرٹس (بافٹا) ایوارڈز کی رنگا رنگ تقریب لندن میں منعقد ہوئی۔ تقریب میں میوزیکل فلم لا لا لینڈ نے بہترین فلم کے ایوارڈ سمیت 5 ایوارڈز حاصل کرلیے۔

میوزیکل فلم ’لالا لینڈ‘ سال کی بہترین فلم ثابت ہو رہی ہے اور اب تک یہ فلم تمام بڑے ایوارڈز جیت چکی ہے۔ برطانیہ کے شہر لندن میں سجنے والی 70ویں بافٹا ایوارڈز کی تقریب میں بھی فلم نے 5 ایوارڈز حاصل کیے۔

فلم کو 11 زمروں میں نامزد کیا گیا تاہم اس نے بہترین فلم، بہترین ہدایت کار، بہترین اداکارہ، بہترین سینماٹو گرافی، اور بہترین موسیقی کا ایوارڈ اپنے نام کیا۔

لالا لینڈ چند دن قبل ہی گولڈن گلوب ایوارڈز میں 7 زمروں میں ایوارڈز حاصل کر چکی ہے، جبکہ رواں سال اس فلم کو آسکر ایوارڈز کے لیے بھی 14 زمروں میں نامزد کیا گیا ہے۔

ستاروں سے سجی تقریب کو اس وقت چار چاند لگ گئے جب برطانوی شاہی جوڑے شہزادہ ولیم اور شہزادی کیٹ مدلٹن جلوہ گر ہوئے۔

تقریب میں شامل تمام شرکا نے شاہی جوڑے کا کھڑے ہو کر استقبال کیا۔

فروری 13, 2017
آسکرز 2017: 150 سے زائد فنکاروں کا گروپ فوٹو

آسکر ایوارڈز 2017 کا میلہ سجنے میں 3 ہفتے باقی رہ گئے ہیں اور ہر بار کی طرح اس بار بھی بہت سے ریکارڈ ٹوٹنے اور بننے کے قریب ہیں۔

رواں سال 89 ویں آسکر ایوارڈز کے لیے نامزد کیے جانے والے تمام فنکار ایک گروپ فوٹو کے لیے اکٹھے ہوئے۔ اس گروپ فوٹو کے لیے تمام افراد کو درست طریقے سے بٹھانا یا کھڑا کرنا یقیناً ایک نہایت مشکل عمل ہوگا۔

یہ دراصل ایک رسمی گروپ فوٹو ہوتا ہے جو ہر سال ایوارڈز کی تقریب سے پہلے کھینچا جاتا ہے اور اس میں آسکر کے لیے نامزد ہونے والے تمام اداکار، اداکارائیں، ہدایتکار، گلوکار اور دیگر فنکار شامل ہوتے ہیں۔

گروپ فوٹو کھینچنے کے لیے ماہر اور پیشہ وارانہ فوٹوگرافرز نے کسی کو کھڑا کر کے، اور کسی کو بٹھا کر ہر بار کی طرح نہایت شاندار تصویر کھینچی۔

آسکرز ایوارڈز کا ذکر ہوا تو آپ کو بتاتے چلیں کہ اس سال کی سر فہرست فلم ’لا لا لینڈ‘ ہے جسے بہترین ہدایت کار، اداکار و اداکارہ سمیت 14 زمروں میں نامزد کیا گیا ہے۔

معروف ہالی ووڈ اداکارہ میرل اسٹریپ نے 20 ویں بار نامزد ہو کر سب سے زیادہ بار نامزد ہونے کا اپنا ہی ریکارڈ توڑ ڈالا۔ اس سے قبل سب سے زیادہ نامزدگیوں کا ریکارڈ اداکار جیک نکولسن اور کیتھرین ہپ برن کے پاس تھا جنہیں 12، 12 دفعہ نامزد کیا گیا۔

اور ہاں، نامزدگیوں کی طویل فہرست میں اس بار بھی ایک پاکستانی شامل ہے۔ لائیو ایکشن شارٹ فلم کے زمرے میں نامزد کی جانے والی فلم کی تخلیق میں ایک پاکستانی نژاد سینماٹو گرافر نوشین دادا بھائی بھی شامل ہیں۔

مزید پڑھیں: بہترین گروپ فوٹو کھینچنے کی تکنیک سیکھیں

فروری 9, 2017