Tag: ہالی ووڈ

پاکستانی فلم ’جانان‘ کے کو پروڈیوسرز میں سے ایک ریحام خان کافی عرصہ بعد منظر عام پر آئی ہیں اور انہوں نے فلم ’جانان‘ کے مرکزی کرداروں کے بارے میں اپنے خیالات کا اظہار کیا۔

اے آر وائی فلمز، آئی آر کے فلمز اور ایم ایچ پروڈکشن کے اشتراک سے بننے والی فلم ’جانان‘ پاکستانی فلم انڈسٹری کی اب تک کی کامیاب ترین اور ریکارڈ بزنس کرنے والی فلم ثابت ہوئی۔

فلم میں خیبر پختونخوا کے روایتی رسم و رواج اور ثقافت میں پنپنے والی محبت کو پیش کیا گیا ہے۔ فلم کے ہدایت کار اظفر جعفری اور پروڈیوسرز حریم فاروق، منیر حسین اور عمران رضا کاظمی ہیں۔

فلم کے پروڈیوسرز میں سے ایک نام ریحام خان کا بھی ہے جنہوں نے اس فلم کی کاسٹ کا انتخاب کیا، تاہم فلم کی شوٹنگ شروع ہونے کے بعد وہ اپنی دیگر مصروفیات کی وجہ سے پس منظر میں چلی گئیں۔

حال ہی میں دیے جانے والے ایک انٹرویو میں انہوں نے فلم کی کاسٹنگ کے بارے میں اپنے تاثرات کا اظہار کیا۔ فلم کے مرکزی کرداروں میں ارمینہ رانا خان، علی رحمان اور بلال اشرف شامل ہیں۔

ریحام خان نے ارمینہ خان کو مرکزی کردار میں لینے کی وجہ بتاتے ہوئے کہا کہ اس کردار کے لیے ایک نازک اور کم عمر دکھنے والی لڑکی کی ضرورت تھی۔ ارمینہ کا لہجہ بیرون ملک رہنے کی وجہ سے غیر ملکیوں جیسا ہے تاہم وہ اردو بہت اچھی بولتی ہیں اور یہی اس کردار کا تقاضا تھا۔

ریحام نے بتایاِ ’میں دکھانا چاہتی تھی کہ بظاہر ایک نازک اور کمزور دکھنے والی لڑکی وقت پڑنے پر بہت مضبوط بن سکتی ہے۔ یہ عورت کی شخصیت کی ایک خاصیت ہے اور میں اسی کو پردہ اسکرین پر پیش کرنا چاہتی تھی‘۔

ارمینہ رانا نئی نسل کے فنکاروں میں ایک باصلاحیت فنکارہ ہیں اور بہت جلد وہ ایک ہالی ووڈ فلم میں بھی جلوہ گر ہونے جارہی ہیں۔ ’دی ایشی لیس پروپوزل‘ نامی اس فلم میں ارمینہ خان ایک نئے روپ میں روبوٹ کا کردار ادا کرتی نظر آئیں گی۔

یہ فلم کمپیوٹر اصطلاح میں مصنوعی ذہانت کے نقصانات پر بنائی گئی ہے جس میں دکھایا گیا ہے کہ روبوٹ کی سوچنے سمجھنے کی طاقت انسانوں کے لیے کتنی نقصان دہ ثابت ہوسکتی ہے۔

آپ کو نوے کی دہائی کی مشہور کارٹون سیریز کیپٹن پلینٹ اینڈ دا پلینٹیرز تو ضرور یاد ہوگی جس میں ایک سپر ہیرو زمین پر آلودگی پھیلانے والوں کے خلاف لڑتا تھا۔ اب خوش ہوجایئے کیونکہ اب وہی کیپٹن پلینٹ بہت جلد بڑی اسکرینوں پر بھی آنے والا ہے۔

آسکر ایوارڈ یافتہ مشہور اداکار لیونارڈو ڈی کیپریو اس منصوبے پر کام کر رہے ہیں۔ اس سلسلے میں ان کی پہلی کوشش اس سیریز کے کاپی رائٹس کو حاصل کرنا ہے۔

فلم کا اسکرپٹ لکھنے کے لیے ’سنز آف انارکی‘ میں کام کرنے والے جونو میٹ اور ’سکریم کوئینز‘ کے اداکار گلین پاول مشاورت اور تبادلہ خیال کر رہے ہیں۔

فلم میں مرکزی کردار کے لیے گلین پاول کو ہی لیے جانے کا امکان ہے تاہم ابھی اس کی تصدیق نہیں کی گئی۔

اگر اس پروجیکٹ پر مزید کام جاری رہتا ہے تو یہ ہالی ووڈ کے سپر ہیروز میں ایک اور اضافہ ہوگا جو ماحول کو بچانے کے لیے بچوں کو بھی اپنے ساتھ شامل کرے گا۔

واضح رہے کہ لیونارڈو ڈی کیپریو اقوام متحدہ کے نمائندہ برائے امن ہیں اور ان کا شعبہ ماحول سے متعلق موسمیاتی تغیرات کا ہے۔

لیو کی پروڈکشن میں ایک فلم ’بیفور دا فلڈ‘ بھی پیش کی جانے والی ہے جو موسمیاتی تبدیلیوں کے
بارے میں ہے۔ یہ فلم 21 اکتوبر کو ریلیز کردی جائے گی۔