ARYNews.tv | Urdu – Har Lamha Bakhabar

Tag: ہالی ووڈ

  • ہالی ووڈ اداکار عمر شریف تراسی برس کی عمر میں چل بسے

    ہالی ووڈ اداکار عمر شریف تراسی برس کی عمر میں چل بسے

    کیریو: ہالی ووڈ کے مشہور اداکار عمر شریف تراسی برس کی عمر میں انتقال کر گئے۔ مرحوم اداکاری میں اپنی مثال آپ تھے۔

    ان کے مداحوں کی تعداد لاکھوں میں ہے، عمر شریف نے کئی ایواڈز بھی اپنے نام کئے۔

    ساٹھ کی دہائی میں ہالی ووڈ کی فلموں سے شہرت پانے والے مصری نژاد اداکار عمر شریف تراسی برس کی عمر میں چل بسے۔

    عمر شریف نے مشہور فلم لارنس آف عربیہ سمیت کئی فلموں میں اداکاری کے جوہر دکھائے اور عالمی سطح پر شہرت پائی۔

    عمر شریف نے گولڈن گلوب سمیت کئی ایوارڈز اپنے نام کئے، انھیں آسکر ایوارڈ کے لئے بھی نامزد کیا گیا تھا۔

  • ہالی ووڈ کی اینیمیٹیڈ فلم ’’ انسائیڈ آؤٹ‘‘ نے باکس آفس پر دھوم مچادی

    ہالی ووڈ کی اینیمیٹیڈ کامیڈین فلم’’ انسائیڈ آؤٹ نے باکس آفس پر تہلکہ مچادیا ہے۔

    والٹ ڈزنی اسٹوڈیوز کے تحت بنے والی تھری ڈی اینیمیٹیڈ کامیڈی فلم انسائیڈ آؤٹ نے باکس آفس پر سرفہرست آگئی ہے، جونس ریویرا کی پروڈیوس کردہ اس فلم میں مختلف اینیمٹڈ کرداروں کے کیلئے ڈائیلاگ ایمی پوئیلر، لیوس بلیک، منڈی کیلنگ اور فلاسمتھ کی آواز میں ریکارڈ کیے گئے ہیں۔

    اینیمیٹڈ فلم انسائیڈ آؤٹ کی کہانی ایسے خاندان کی ہے، جو گاؤں کی زندگی کے بعد شہری زندگی میں ڈھلنے کی کوشش کر رہے ہیں، اس دوران ان کی بیٹی کو مشکلات کا سامنا کرنا پڑتا ہے۔

    فلم نے ریلیز کے پہلے ہفتے میں پینتالیس اعشاریہ تین ملین جبکہ تیسرے ہفتے ابتک دوسو چھیالیس ملین کا کامیاب بزنس کرچکی ہے۔

  • فرحان طاہر کی ہالی ووڈ فلم فلائٹ ورلڈ وار 2کا پہلا ٹریلرریلیز

    فرحان طاہر کی ہالی ووڈ فلم فلائٹ ورلڈ وار 2کا پہلا ٹریلرریلیز

    امریکہ: ہالی ووڈ کی نئی فلم  فلائٹ ورلڈ وار ٹوکا ٹریلر ریلیز ہوگیا، فلم میں پاکستانی نژاد اداکار فاران طاہر نے اہم کردار ادا کیا ہے۔

    فلم کی کہانی میں واشنگٹن سے ایک طیارہ اڑان بھرتا ہے اور پھر اسے موسم کی خرابی کا سامنا ہوتا ہے، جس کے بعد بادلوں کے بھنور میں پھنس کر طیارہ دوسری جنگ عظیم کے زمانے میں پہنچ  جاتا ہے۔

    ہالی ووڈ کی نئی فلم فلائیٹ ورلڈوارٹو جس میں پاکستانی نژاد امریکی اداکار فرحان طاہر کمرشل پائلٹ کا کردار ادا کر رہے ہیں۔

    فرحان نے اس سے پہلے بھی آئرن مین دی جنگل بک، پکچر پرفیکٹ اسٹار ٹریک جیسی سپر ہٹ فلموں میں اپنی اداکاری کے جوہر دکھائے ہیں۔

    فرحا ن طاہر کی یہ فلم رواں سال دو جون کو امریکا میں ریلیز کی جائے گی۔

  • ہالی ووڈ فلم بیلک ماس کا پہلا ٹریلرریلیز کر دیا گیا

    ہالی ووڈ فلم بیلک ماس کا پہلا ٹریلرریلیز کر دیا گیا

    ہالی ووڈ: نئی ایکشن اور تھرل سے بھرپور فلم بلیک ماس کا پہلا ٹریلر جاری کر دیا گیا ہے۔

    ہالی ووڈ ایکشن ہیرو جونی ڈیپ اب گینگسٹر کے روپ میں جلوہ گر ہو رہے ہیں، جونی ڈیپ کی نئی فلم بلیک ماس کا پہلا ٹریلر جاری کر دیا گیا۔

    فلم بلیک ماس میں جونی ڈیپ ایک غنڈے کا روپ دھارے ہوئے ایکشن میں نظر آئیں گے۔

    فلم کی کہانی میں سینیٹر کا بھائی اپنے خلاف اٹھنے والی مافیا کو تباہ کر نے کے لئے ایف بی آئی کا مخبر بن جاتا ہے۔

    ایکشن اور تھرل سے بھرپور فلم اٹھارہ ستمبر کو سینماگھروں میں ریلیز کر دی جائے گی۔

  • ہالی ووڈ کی معروف گلوکارہ میڈونا نے پرفارمنس کے دوران شرمناک حرکت کردی

    ہالی ووڈ کی معروف گلوکارہ میڈونا نے پرفارمنس کے دوران شرمناک حرکت کردی

    کیفورنیا: امریکی  گلوکارہ میڈونا سٹیج پرفارمنس کے دوران نوجوان گلوکار کو زبردستی بوسہ دینے سے تنقید کی ذد میں آگئیں۔

    تفصیلات کے مطابق ہالی ووڈ کی مشہور گلوکارہ میڈونا نے پرفارمنس کے دوران نوجوان کینیڈین ریپر کو زبردستی بوسہ دیا جس کے بعد مشہور ریپر ڈریک انتہائی غصے کے عالم میں دیکھائی دیئے۔

    کیلیفورنیاکی کواشیلا میوزک ویلی میں میڈونا اور ڈریک سٹیج پر پرفارم کرہے تھے۔

    ڈریک سٹیج پر رکھی کرسی پر بیٹھے تھےکہ میڈونا نے اچانک آگے بڑھ کر ڈریک کو کھاجانے والے انداز میں بوسہ دیا۔جس کے بعد معروف گلوکارہ تنقید کی زد میں آگئیں۔

  • ہالی ووڈ کی فلم پولٹر گائسٹ 22 مئی کو ریلیز ہوگی

    ہالی ووڈ کی فلم پولٹر گائسٹ 22 مئی کو ریلیز ہوگی

    لاس اینجلس : خوف  دہشت اور سنسنی سے بھرپور ہالی ووڈ کی فلم ۔پولٹر گائسٹ ۔ مئی میں نمائش کیلئے پیش کی جائے گی۔

    شائقین کو خوفزدہ کرنے کی ایک اور کامیاب کوشش۔ مذکورہ فلم میں ایک ایسے خاندان کو دکھایا گیا ہےجسے پراسرار قوتیں پریشان کرتی ہیں۔

    کھر کے مکینوں کی خوش باش ہنستی کھیلتی زندگی اچانک ہی خوف میں بدل جاتی ہے۔ گھر میں اچانک کچھ تبدیلیاں آنے لگتیں ہیںاور پھر دیکھتے ہی دیکھتے خوف کے سائے چھا نے لگتے ہیں۔

    ہالی ووڈ کی سنسنی سے بھرپورفلم۔۔پولٹر گائسٹ۔۔کو دیکھ کرشائقین کو ایول ڈیتھ۔ اور دی گرج کی  یاد آئے گی۔

    مذکورہ فلم کی کہانی ایک ایسے خاندان کے گرد گھومتی ہے جسے غیر مرئی طاقتیں تنگ کرتی ہیں۔سنسنی سے بھرپور ہارر فلم۔۔بائیس مئی کو ریلیزہوگی۔

  • لاس اینجلس: فلم سنڈریلا کے ستاروں سے جگمگا اٹھا

    لاس اینجلس: فلم سنڈریلا کے ستاروں سے جگمگا اٹھا

    لاس انجلس میں چھایا سنڈ ریلا کا جادو، جہاں فلم کی تشہیر کیلئے فلم کی کاسٹ پہنچی تو پرستاروں کا ہجوم لگ گیا۔

    کہانیوں سے نکل کر سنڈریلا لاس انجلس پہنچ گئی، سنڈریلا کی شاندارانٹری نےسب کو حیران کیا، فینٹسی فلم سنڈریلا کے ورلڈ پریمیئر کے موقع پر اپنے پسندیدہ ستاروں کی ایک جھلک دیکھنے کیلئے مداحوں کی بڑی تعداد بے تاب نظر آئی۔

    فلم کی کہانی ایلا نامی لڑکی کے گرد گھومتی ہے جس کی ماں اور سوتیلی بہنیں اس پر ظلم کے پہاڑ توڑ دیتی ہیں۔

    اچانک اس کی ملاقات ہوتی ہے مہربان پری سے جو ایلا کی دنیا بدل دیتی ہے، ڈرامہ اور فینٹسی سے بھرپور فلم تیرہ مارچ کو سنیما گھروں میں دھوم مچائے گی۔

  • ہالی ووڈ اینیمیٹڈ فلم ہوم کا ٹائٹل ٹریک اور ٹریلر جاری

    ہالی ووڈ اینیمیٹڈ فلم ہوم کا ٹائٹل ٹریک اور ٹریلر جاری

    ہالی ووڈ:  نئی اینی میٹڈ فلم ہوم کا ٹائٹل ٹریک اور ٹریلر جاری کر دیا گیا ہے۔

    بہت جلد آنے والی اینی میٹڈ فلم ہوم، جس کا ٹائٹل ٹریک جینیفر لوپیز نے گایا ہے، اب اس کا ٹریلر بھی جاری کردیا گیا ہے، ہدایتکار ٹم جانسن کی یہ فلم 2007ء میں معروف مصنف ایڈم ریکس کی جانب سے پیش کی گئی چلڈرن بک دی ٹریو میننگ آف اسمیک ڈے سے ماخوذ ہے۔

    کرس جینکنز اور سوزین بورجی کی پروڈیوس کردہ اس فلم کی کہانی خلائی مخلوق کے گرد گھوم رہی ہے جو اپنے دشمنوں سے بچنے کیلئے زمین پر آ کر چھپ جانا چاہتے ہیں۔

    اس فلم میں مختلف کرداروں کیلئے ہالی ووڈ کے صفِ اول کے اداکاروں اور گلوکاروں اسٹیو مارٹن، جنیفر لوپیز، ریحانہ اور جم پارسنز کی آوازیں ریکارڈ کی گئی ہیں۔

    ڈریم ورکس اینیمیشن کے اشتراک سے بننے والی یہ اینیمیٹڈ کامیڈی فلم ہوم آلموسٹ ہوم ٹوئنٹیتھ سنچری فاکس کے تحت اگلے سال 27 مارچ کو امریکی سینما گھروں کی زینت بنے گی۔

    ۔

  • خوف و دہشت سے بھرپور فلم دی لازارس ایفکیٹ کا ٹریلر جاری

    خوف و دہشت سے بھرپور فلم دی لازارس ایفکیٹ کا ٹریلر جاری

    ہالی ووڈ: خوف اوردہشت سے بھرپور فلموں کے شائقین تیار ہو جائیں،  ہالی وڈ کی نئی فلم دی لازارز ایفیکٹ کا نیا ٹریلر جاری کر دیا گیا ہے۔

    فلم ساز ڈیوڈ گلب کی ہدایت کاری میں بننے والی فلم کی کہانی نوجوان ڈاکٹروں کے گرد گھومتی ہے، جو موت کا علاج تو تلاش کر لیتے ہیں لیکن زندہ ہونے والے انسانوں میں کچھ بری طاقتیں بھی آ جاتی ہیں۔

    تمام ڈاکٹرز موت کو شکست دینا تو سیکھ لیتے ہیں لیکن ایک حادثے میں مر جانے والی ساتھی ڈاکٹر کو زندہ کر کے مشکل میں پھنس جاتے ہیں۔

    ڈاکٹرز ایک ساتھی کو زندہ کرتے ہیں تاہم اس میں کچھ غیر فطری طاقتیں بھی آ جاتی ہیں، جو لوگوں کے لئے مشکل کا سبب بن جاتی ہیں۔

    دہشت انگیز مناظر سے بھرپور فلم یکم مارچ سے سینما گھروں میں تہلکہ مچائے گی۔

  • ٹرمینیٹرکی اگلی فلم ٹرمینیٹر جینیسیز کا نیا ٹریلر ریلیز

    ٹرمینیٹرکی اگلی فلم ٹرمینیٹر جینیسیز کا نیا ٹریلر ریلیز

    ہالی ووڈ: مشہورِ زمانہ ہالی وڈ سائنس فکشن ایکشن فلم سیریز ٹرمینیٹرکی اگلی فلم ٹرمینیٹر جینیسیز کا نیا ٹریلر منظرِعام پر آگیا ہے۔

    سائنس فکشن فلم ٹرمینیٹر جینیسیز میں ایک بار پھر سے آرنلڈ شوارزنیگر طاقتور روبوٹک مشین کے کردار میں جلوہ گر ہورہے ہیں، ہدایت کار ایلن ٹیلر کی اس فلم کی کہانی گزشتہ فلموں کی طرح عظیم مشن انجام دیتے جدید روبوٹس کے گِرد گھوم رہی ہے۔

    جو اپنا ٹاسک مکمل کرتے ہوئے بڑے سے بڑا خطرہ مول لے لینے سے بھی گریزنہیں کرتے۔

    ایک سو ستر ملین ڈالر لاگت سے مکمل ہونیوالی ایکشن اور ایڈونچر سے بھرپور یہ سائنس فکشن فلم یکم جولائی کو سنیما گھروں میں نمائش کیلئے پیش کی جائے گی۔