ہالی ووڈ: خوف اور دہشت سے بھرپور ہالی ووڈ فلم کرمسن پیک کا نیا ٹریلر جاری کر دیا گیا ہے۔
گلیرموڈیل کی ہدایتکاری میں بننے والی فلم کرمسن پیک کی کہانی انیسوں صدی میں شمالی انگلینڈ سے تعلق رکھنے والی ایک مصنفہ ایڈیتھ کشنگ کی ہے، جسے اچانک پتہ چلتا ہے کہ اسکا شوہر سر تھامس شارپ انسان نہیں بلکہ کسی اور دنیا سے تعلق رکھتا ہے۔
خوف اور دہشت کے مناظر سے بھرپور یہ فلم کرمسن پیک سولہ اکتوبر کو امریکی سینما گھروں کی زینت بنے گی۔
ہالی ووڈ :سائنس فکشن فلم آنٹ مین کا ٹریلر جاری کر دیا گیا ہے۔
ذہین سائنسدان کے غیر معمولی کارنامے لیے ہالی ووڈ کی نئی سائنس فکشن فلم آنٹ مین کا پہلا ٹریلر جاری ہوگیا ہے، ہدایت کار پیٹون ریڈ کی اس سنسنی خیز فلم کی کہانی ایک نہایت ذہین سائنسدان کے گِرد گھوم رہی ہے۔ جوایسا مادہ تیار کرتا ہے، جس کے استعمال کے بعد نہایت آسانی سے جسمانی حجم میں تبدیلی ممکن ہو جاتی ہے۔
اسی مادے کی بدولت غیر معمولی صلاحیتوں کا مالک آنٹ مین دشمنوں سے مقابلے کیلئے میدان میں آتا ہے اور ایک ایک کرتے ہوئے اپنے تمام دشمنوں کو کچل ڈالتا ہے۔
فلم میں مرکزی کردارہالی وڈ اداکارپال روڈ نبھا رہے ہیں جن کے علاوہ فلم کی دیگر کاسٹ میں ایوینجلین لِلی، مائیکل ڈوگلس، جورڈی مولا، مائیکل پینا، وڈ ہیرس، ہیلے ایٹ ویل اورجوڈی گریئر شامل ہیں۔
امید کی جا رہی ہے کہ نت نئے کارنامے انجام دینے والے کرداروں کے ساتھ بنی یہ فلم سائنس فکشن کے شوقین شائقین کی بھر پور توجہ کا مرکز ہوگی ، یہ فلم سترہ جولائی کو ریلیز کر دی جائے گی۔
ہالی ووڈ: نئی فلم چیپی کے پہلے ٹریلر نے آتے ہی دھوم مچادی ہے۔ فلم رواں برس چھ مارچ کو سینما گھروں کی زینت بن رہی ہے۔
ایکشن سے بھرپور فلم کی کہانی ایک روبوٹ "چیپی ” کے گرد گھومتی ہے، جو عام انسانوں کی طرح سوچتا اور محسوس کرتا ہے، اس روبوٹ کی اپنی زندگی ہے جسے وہ اپنے طریقے سے گذارنا چاہتا ہے۔
فلم کے ہدایتکار نیل بلام کیمپ ہیں، روبوٹ کے ساتھ شارلٹو کوپلے ، دیو پاٹیل ، ننجا اور ہیوگ جیک مین بھی ایکشن دکھاتے نظر آرہے ہیں۔
ایکشن ،ایڈونچر اور تھرل سے بھرپور فلم چیپی چھ مارچ کو سینما گھروں میں نمائش کیلئے پیش کی جائیگی۔
ہالی ووڈ: گزشتہ سال ہالی ووڈ کی فلمی صنعت کے لئے بہت حوصلہ افزا نہیں رہا اور بڑی بڑی فلمیں امید کے مطابق کمائی نہیں کر سکیں۔
فلمی پنڈتوں کا کہنا ہے کہ رواں سال شائقین کو پہلے سے بہتر فلیمں دیکھنے کو ملیں گی ، اپریل میں اوینجرز، ایج آف الٹرون آ رہی ہے، اکتوبر میں ڈینیئل کریگ جمیز بانڈ کی چوبیس ویں فلم اسپیکٹر کے ساتھ آنے والے ہیں۔
جارج لوکس کی خلائی مہمات پر مبنی فلم اسٹار وارز کا ایک نیا سیکوئل آ رہا ہے اور اس فلم کا نام اسٹار وارز، دا فورس اویکنز ہے، یہ فلم اس سال کرسمس سے ایک ہفتے پہلے ریلیز ہوگی۔
امید کی جاتی ہے کہ یہ سال کی تمام فلموں کو پیچھے چھوڑ دے گي۔
نیویارک: آن لائن متنازع فلم دی انٹرویو نے بزنس میں بڑی بڑی فلموں کو پیچھے چھوڑ دیا۔
آن لائن مووی ریلیز کی دوڑ میں ہالی ووڈ کی متنازع فلم دی انٹرویو سب کو پیچھے چھوڑ چکی ہے، فلم پہلے چار دنوں میں ایک کروڑ پچاس لاکھ ڈالر اپنے نام کرچکی ہے۔
فلم دی انٹرویو کو دھمکیوں کےبعد سینماوں میں ریلیز نہیں کیا جا سکا، دھمکیوں کے بعد سونی کمپنی نے فلم کو چوبیس دسمبر کو آن لائن ریلیز کیا تھا۔
فلم دی انٹرویو ایک تصوراتی کہانی ہے، جس میں شمالی کوریا کے لیڈر کم جونگ کو قتل کرنے کی امریکی سازش کو دکھایا گیا ہے۔
ہالی ووڈ : کرسمس کے موقع پر ہالی ووڈ باکس آفس پر فلم اَن بروکن نے کمال کردیا،اورکامیابی کے ریکارڈ توڑڈالے، ۔دوسری جنگ عظیم پر بننے والی فلم ان بروکن ریلیز ہوتے ہی چھاگئی۔
کرسمس کے موقع پر انجلینا جولی کی ہدایت کاری میں بننے والی فلم آن بروکن نے خوب پیسے کمائے ۔ فلم نے شائقین کے دل جیت کر پندرہ اعشاریہ چھ ملین ڈالر کا بزنس کیا۔باکس آفس پر دوسرے نمبر پر فینٹسی سے بھرپور فلم ان ٹو دی ووڈز رہی۔
جس نے پندرہ ملین ڈالر کمائے۔ شائقین فلم میں سینڈریلا سمیت ریپنزل اور لٹل ریڈ رائیڈنگ ہُڈ کی کہانیوں سے خوب لطف اندوز ہوئے ۔باکس آفس پرتیسرے نمبر پر رہی ہالی وڈ ی ڈرامہ سے بھرپو ر فلم دی انٹرویو جو ایک ملین ڈالر کمانے میں کامیاب ہوئی۔
ہالی ووڈ: مشہور فرانسیسی ناول نگار جین پیٹرک کے شہرۂ آفاق بیسٹ سیلر ناول پر مبنی ایکشن اور تھرل سے بھرپور ہالی ووڈفلم دی گن مین کا پہلا ٹریلر جاری کردیا گیا ہے۔
پیرے موریل کی ہدایتکاری میں بننے والی اس فلم کی کہانی دی پرون گن مین نامی ناول پر مبنی ہے، جو ایک ایسے جاسوس کے گرد گھومتی ہے، جو جرائم کی دنیا کو خیرباد کہہ دیتا ہے لیکن بعد میں اسے اس دلدل میں دوبارہ دھکیل دیا جاتا ہے۔
فلم میں مرکزی کردار دو مرتبہ اکیڈمی ایوارڈ یافتہ اداکار سین پین نبھا رہے ہیں جبکہ دیگر اداکاروں میں ایڈریس ایلبا، پیٹر فرانزین، مارک شارڈین، جیویئر بارڈیم اور جیسمین ٹرینکا شامل ہیں۔
یہ فلم آئندہ برس بیس مارچ کو سینما گھروں میں نمائش کیلئے پیش کی جائے گی۔
ہالی ووڈ: سائنس فکشن فلم میڈ میکس فیوری روڈ کا ٹریلر جاری کر دیا گیا ہے۔
تخیلاتی سیارے پر دو قبیلے بقاء کی جنگ لڑیں گے، میڈ میکس سیریز کی فلم فیوری روڈ کا پہلا ٹریلر جاری کردیا گیا ہے، فلم کی کہانی ایسی دنیا پر ہے، جہاں لاقانیونت کا راج ہے، انسان زندہ ہیں لیکن انسانیت مرچکی ہے، دو قبیلے سیارے پر حکومت کرنے کی جنگ لڑرہے ہیں۔
فلم میں چارلیز تھیرون، ٹام ہارڈی، اور نکولس ہولٹ مرکزی کردار ادا کررہے ہیں، بقاء کی جنگ پر مبنی سائنس فکشن فلم آئندہ سال پندرہ مئی کو نمائش کیلئے پیش کی جائے گی۔
لاس انجلس :ہالی ووڈ کی سپرہٹ سریز ہوبٹ کی تیسری فلم دی بیٹل آف دی فائیو آرمیز کی کاسٹ فلم کی تشہیر کیلئے لندن کے بعد لاس اینجلس پہنچ گئی ہے۔
ہوبٹ کے لونلی ماؤنٹین پر جنگ چھڑے گی، جب پانچ دوستوں کا آگ اگلتے ڈریگن سے آمنا سامنا ہوگا، ہالی ووڈ کی نئی ایکشن سے بھرپور فلم ہوبٹ تھری کی کاسٹ لاس انجلس پہنچی، جہاں فلم کا رنگارنگ پرئمیر سجا۔
ریڈکارپٹ پر فلم کی کاسٹ نے جلوے دکھائے اور مداحوں کے ساتھ تصویریں بنوائی، فلم کی کہانی ایسے پانچ ساتھیوں کے گرد گھومتی ہے، جو چوری کے خزانے کی تلاش میں پہاڑی علاقے کی طرف نکلتے ہیں۔
اس خطرناک اور دشوارگزار سفر کے دوران ان کو شدید مشکلات کا سامنا کرنا پڑتا ہے،ایکشن اور اسپیشل افیکٹس سے بھرپور فلم برطانیہ میں بارہ دسمبر اور امریکا میں سترہ دسمبر کو سنیما گھروں میں دھوم مچائے گی۔
ہالی ووڈ: دیوہیکل ڈریگن اور بہادر نوجوان کے گرد گھومتی ایڈونچر سے بھرپور فلم ڈریگن ہارٹ تھری کا ٹریلر ریلیز کردیا گیا ہے۔.
دہشت پھیلانے والا دیو ہیکل ڈریگن اب دوست بنے گا، آگ اگلتے ڈریگن اور بہادر نوجوان کی انوکھی دوستی پر مبنی سنسنی سے بھرپور فلم ڈریگن ہارٹ تھری دی کے ٹریلر نے دھوم مچا دی ہے، فلم کی کہانی ایک خوفناک اور جان لیوا ڈریگن کے گرد گھومتی ہے، جو غیر فطری طور پر ایک نوجوان کا دوست بن جاتا ہے اور پھر دونوں مل کر دشمنوں کا بہادری سے مقابلہ کرتے ہیں۔
ایڈونچر سے بھرپور یہ فلم آئندہ سال فروری میں سنیما گھروں میں ریلیز کی جائیگی ۔