Tag: ہالی ووڈ

دل دہلا دینے والی مناظر سے بھرپور ہالی وڈ کی ایکشن فلم آئی فرینکینسٹائن کا ٹریلر شایقین کیلئے پیش کردیا گیا۔

امریکی باکس آفس پر ان دنوں خوف اور دہشت کا راج چھانے والا ہے، شیطانی طاقت اور خوف سے بھرپور، ہالی ووڈ کی سائنس فکشن ایکشن فلم "آئی فرینکینسٹائن" کا نیا ٹریلر منظرِ عام پر آگیا ہے۔

اسٹورٹ بیئٹی کی ڈائریکشن میں بننے والی اس فلم کی کہانی ایک قدیم شہر میں ہونے والی دوطاقتوں کے درمیان جاری لرزہ خیز جنگ کی منظر کشی پیش کررہی ہے، جس میں" فرینکینسٹائن" نامی ایک خطرناک شیطانی طاقت بھی شامل ہو جاتی ہے۔

خطرناک جادوئی طاقتوں کے درمیان جاری گھمسان کی لڑائی اور مقابلے کے گِرد گھومتی اس فلم کا مرکزی کردارایرون ایکارٹ نبھا رہے ہیں، ہارر فینٹسی ایکشن فلم چوبیس جنوری کو سنیما گھروں میں ریلیز کی جائیگی۔

ایک بہادر جنگجو نوجوان کی زندگی کے گِرد گھومتی ایکشن سے بھرپور فلم " ہرکیولس دی لیجنڈ بِیگنز" کا نیا ٹریلر جاری کر دیا گیا ہے۔

رِینی ہرلین کی ہدایتکاری میں بننے والی اس تھری ڈی فلم میں بارہ سو قبل مسیح قدیم یونان میں موجود ایسے ظالم آمر بادشاہ کی حکومت کا زمانہ دِکھایا گیا ہے، جس کا تختہ اُلٹنے ایک بہادر جنگجو ہرکیولس میدان میں اُتر آتا ہے۔

ایکشن اور سسپنس سے بھرپوراس فلم میں ہرکیولس کا کردارکیلن لوٹز نبھا رہے ہیں، ایکشن ، ایڈونچر اور میدان جنگ کی خونریزی کے دِل دہلا دینے والے واقعات کی منظر کشی کرتی تھری ڈی فلم ہرکیولس دی لیجنڈ بِیگنز پچیس جولائی کو دنیا بھر کے سنیما گھروں میں تہلکہ مچانے آرہی ہے۔

ہالی ووڈ میں پروڈیوسرز گِلڈ ایوارڈز سجنے جا رہا ہے، ایوارڈز کے لئے ایکشن، سسپنس، رومانس اور تھرل سے بھرپور دس فلموں کا انتخاب کرلیا گیا۔

ہالی وڈ میں اداکاروں، گلوکاروں کے لئے تو ایوارڈز کے بہاریں سجتی ہی رہتی ہیں لیکن اس مرتبہ سال نو کی ابتدا پروڈیوسرز گیلڈ ایوارڈ زکے زریعے پروڈیوسرز کو خراج تحسین پیش کرکے ہو رہی ہے۔

بہترین پروڈکشن کے لئے معروف فلمیں ٹوو ئیلو ائیر آ سیلو اور اسپیس تھرلر گریویٹی  کو بھی نامزد کیا گیا ہے، پروڈیوسرز ایوراڈز کے لئے دس فلموں کا انتخاب کیا گیا ہے، جن میں رومانس بھی شامل ہے اور ایکشن بھی  ہے۔

اب یہ تو انیس جنوری کو ہی پتہ چلے گا کہ خلا سے جنگ ایوراڈ کی حق دار بنے گی یا رومانس یا ایکشن میدان مار لے گا کیونکہ ایوراڈ کی تقریب بیولی ہیلز میں انیس جنوری کو رونقیں بکھرے گی، گزشتہ سال پروڈیوسر گیلڈ ایوارڈ آرگو فلم کو ملا تھا۔
    
   

سال کا اختتام ہورہا ہے، دنیا بھر کی اہم شخصیات میں سال دوہزار تیرہ میں کس شخصیت کو سب سے زیادہ انٹرنیٹ پر سرچ کیا گیا۔

سال دوہزارتیرہ میں گلوکار جسٹن بیبر کو سب سے زیادہ انٹرنیٹ پر سرچ کیا گیا، بیبر کی شہرت کا عالم یہ ہے کہ ٹوئیٹر پرسال کے شروع میں نمبر ون رہے، دوسرے نمبر پر سب سے زیادہ سرچ کی جانے والی شخصیت کا اعزاز پوپ سنگر ریحنا کو ملا، جن کو متنازعہ خبروں کی وجہ سے بھی شہرت ملی۔

ہالی ووڈ کی دنیا سے تعلق رکھنے والی سیلیبرٹی کم کرڈیشین نے میدان مار  کر تیسری پوزیشن حاصل کی، اس سال کیٹی پیری نے بھی کمال کیا اور مداحوں کی توجہ حاصل کئے رکھی، شہرت اور مقبولیت میں کیٹی کا چوتھا نمبر ہے۔

ان سب کے بعد شکیرا، بیونسے اور لیڈی گاگا ایڈیلی اور میڈونا ٹاپ ٹین موسٹ سرچڈ سیلیبرٹیز میں شامل ہوئیں جبکہ انٹرنیٹ پر پانچویں نمبر پر ہالی ووڈ ایکشن گرل انجلینا جولی مقبول رہیں۔
   

ہالی ووڈ کی فلمی دنیا میں ہلچل مچ گئی ہے، آسکر ایوارڈز دوہزار چودہ کا ٹریلر ریلیز ہوگیا۔

فلمی دنیا کے سب سے معززایوارڈ آسکر ایوارڈ کا فلمی ستاروں کو شدت سے انتظارہوتا ہے،ابھی آسکرایوارڈ میں دوماہ باقی ہیں مگر آسکرایوارڈز2014 کا شاندار ٹریلر فلمی دنیا میں کھلبلی مچا گیا۔

ٹریلر میں امریکی اداکارہ و ٹی وی میزبان ایلن ڈی جینیرس ڈھائی سو ڈانسرز کے ساتھ گانے"دی والکر" پر جلوے بکھیر رہی ہیں، ایلن آسکر 2014 کی تقریب میں میزبانی کے فرائض بھی انجام دیں گی، اس ٹریلر کو تین جنوری سے امریکا کے سینما گھروں میں چلایا جائے گا۔

ہالی ووڈ کی دنیا میں ان دنوں گلوکارائوں کا بول بالا ہے، گلوکار جسٹن بیبر کے بارے میں یہ کہاوت بالکل درست ثابت ہوئی تھی اور وہ سولہ برس کی عمر سے ہی سر لگائےجارہے ہیں، مقبولیت کا یہ عالم دیکھ کر فلم پروڈیوسر نے میوزیکل فلم بیلیو بنائی۔

جسٹن بیبر نے فلم کے پریمیئر میں شرکت کرتے ہوئے خوب رونقیں تو لوٹیں مگر مداحوں کو ایک دھچکا بھی لگا دیا, جسٹن نے اپنے انٹرویو میں کہا کہ ہوسکتا ہے کہ اس فلم کے بعد وہ ریٹائر ہوجائیں, مداح پریشان ہیں کہ یہ کوئی عمر ریٹائرمنٹ کی ہیں؟

برطانیہ میں گلوکارہ ایڈلی کے گانے زبان زد عام ہیں، انھوں نے اپنا البم ٹوئنٹی ون کیا لائنچ کیا، ہر جگہ واہ واہ ہوگئی، ایڈلی اس البم سے اتنی مقبول ہوئیں کہ ان کا نام بیسٹ سیلز آل ٹائن سنگرز میں شامل ہوگیا، صرف یہی نہیں ملکہ برطانیہ بھی انہیں ایوارڈ سے نوازیں گی۔

ادھر امریکا میں گلوکارہ بیونسے کےچرچے ہیں، انھوں نے اچانک ہی اپنا نیا البم  سرپرائز انٹرنیٹ پر ریلیز کرکے ہم عصر گلوکاروں کو ہکا بکا کردیا، لیڈی گاگا اور برٹنی اسپیئرز کافی عرصے سے اپنے البمز کی تشہیر میں مصروف تھیں۔

مگر بیونسے نے سرپرائز البم مارکیٹ میں پھینک کر سب کی محنت پر پانی پھیر دیا اوردیکھتے ہی دیکھتے ہٹ ہوگئیں، یوں ہر طرف گلوکاروں نے سر بکھرائے ہیں۔