ہالی وڈ: کی نئی فلم ایلوہا کا نیا ٹریلر ریلیز کردیا ہے۔
ہالی وڈ کی ڈرامہ اور سنسنی سے بھرپور فلم ایلوہا کا ٹریلر ریلیز کردیا گیا ہے، فلم کی کہانی ایک فوجی کانٹریکٹر کے گرد گھومتی ہے، جو اپنا دل ایک فلائیٹ افسر خاتون پر ہار بیٹھتا ہے، محبت کی خاطر اسے اپنی نوکری سے ہاتھ دھونا پڑتا ہے۔
فلم کے مرکزی کرداروں میں ہالی وڈ کے صف اول کے اداکار ایما اسٹون اور بریڈلی کوپر نظر آئیں گے ۔
ایکشن، سسپینس اور رومانس کے تڑکے سے بھرپور فلم انتیس مئی کو ریلیز ہو گی۔
ہالی وڈ: نئی کامیڈی اور ڈرامہ سے بھرپور فلم” گیٹ ہارڈ”کا نیا ٹریلر شائقین کو بھا گیا۔
ہالی ووڈ کی نئی فلم گیٹ ہارڈ جیل میں ہونے والی ہلکی پھلکی نوک جھوک لئے آرہی ہے، جسکے کامیڈی سے بھرپور ٹریلر نے دھوم مچادی۔
فلم کی کہانی ایک ایسے شخص کے گرد گھومتی ہے، جسے فراڈ کے الزام میں دس سال کی سزا ہوجاتی ہے، جیل میں وقت گزارنے کے لئے وہ ایک شخص سے دلچسپ ترکیب سیکھتا ہے ۔
فلم کے مرکزی کرداروں میں کیون ہارٹ، اور ایلی سن بری نظر آئینگے، ڈراما اور کامیڈی سے بھرپور فلم ستائس مارچ کو سینما گھروں میں ریلیز کی جائے گی ۔
ہالی ووڈ: نٹ کھٹ کارٹون کریکٹر اسنوپی کی شرارتوں سے بھری ہالی ووڈ کی نئی انیمیٹڈ فلم ’دی پینٹس‘ ایک بار پھر سب کے دل جیتنے آرہی ہے۔
رنگوں کی دنیا میں تہلکا مچانے والے کارٹون کریکٹرز بڑے پردے پر دھوم مچانے آرہے ہیں، پینتیس سال قبل چارلس شولز کی کامیاب فلم کا سیکوئل سب کے دل جیتنے آ رہا ہے ۔
فلم کے نئے رنگا رنگ ٹریلر نے شائقین کے چہروں پر مسکراہٹیں بکھیر دیں، فلم کا مرکزی کردار مشہور کارٹونسٹ چارلس سولز کے مزاحیہ کارٹون پینٹ سے منسوب ہے جبکہ فلم کے پروڈیوسرچارلس شولز کے بیٹے’کریگ‘ اوران کے بیٹے’برائن‘ ہیں فلم میں کام کررہے ہیں
فلم کی کہانی اور پروڈکیشن کررہے ہیں، رنگوں سے سجی فلم دی پینٹس رواں سال چھ نومبر کو ریلیز کی جائیگی۔
ہالی وڈ :شہرۂ آفاق ہالی وڈ سائنس فکشن ایڈونچر فلم جراسک پارک سلسلے کی چوتھی فلم”جراسک ورلڈ "کا پہلا ٹیزر ٹریلر ریلیز کردیا گیا ہے۔
دیوہیکل خطرناک ڈائناسار ایک بار پھر بڑے پردے پر تہلکا مچانے آرہے ہیں، ہالی وڈ باکس آفس پر ہالی وڈ بلاک بسٹر فلم جراسک پارک کی چوتھی سریز جراسک ورلڈ ایک بار پھر قبضہ کرنے آرہی ہے، جس کے پہلے ٹریلر نے ہی شائقین کو خوفزدہ کردیا۔
فلم کی کہانی خطرناک ڈائنا سارز کے گرد گھومتی ہے، جو جراسک تھیم پارک کے عملے کی غفلت کے سبب آپے سے باہر ہوجاتے ہیں اور تباہی کا سبب بنتے ہیں، دہشت اور خوف سے بھرپور فلم جراسک ورلڈ آئندہ سال جون میں سینما گھروں میں نمائش کیلئے پیش کی جائے گی۔
ہالی ووڈ: باکس آفس پر کامیابی کے جھنڈے گاڑنے والی سپرہٹ سریز دی ہوبٹ کے تیسرے پارٹ کا سنسنی خیز ٹریلر جاری کردیا گیا ہے۔
ہالی وڈ کی سپرہٹ سریز ہوبٹ کی تیسری فلم بیٹل آف دی فائیو آرمیز آرہی ہے، سنیما گھروں میں تہلکا مچانے والی ایکشن اور سنسنی مناظر سے بھرپور فلم برطانوی مصنف جے آر ٹولکن کے ناول سے ماخوذ ہے، جس کی کہانی ایسے پانچ ساتھیوں کے گرد گھومتی ہے، جو چوری کے خزانے کی تلاش میں پہاڑی علاقے کی طرف نکلتے ہیں۔
اس خطرناک اور دشوار سفر کے دوران ان کو شدید مشکلات کا سامنا کرنا پڑتا ہے،ایکشن اور اسپیشل افیکٹس سے بھرپور فلم اگلے ماہ سنیما گھروں میں دھوم مچائے گی ۔
ممبئی: بالی ووڈ کے سپر اسٹار ریتک روشن جنہیں بے شمار ہالی وڈ فلموں میں کام کرنے کی پیش کش ہوچکی ہے لیکن انکا کہنا ہے کہ ہالی وڈ میں ابھی تک کوئی دلچسپ اسکرپٹ ہی نہیں ملا جس پر وہ کام کرسکیں۔
ریتک روشن کا ایک انٹرویو کے دوران کہنا تھا کہ ہالی وڈ پراجیکٹ ہمیشہ ان کے پاس رہتے ہیں، اور بہت سی فلموں میں انہیں کام کرنے کی آفر بھی ہوئی ہیں لیکن ابھی تک کوئی ایسا دلچسپ اسکرپٹ نہیں ملا جس پر وہ کام کریں۔
اپنی نئی آنے والی بالی وڈ فلم ’بینگ بینگ‘ سے متعلق ریتک روشن کا کہنا تھا کہ وہ ان کی زندگی کی سب سے آسان فلم ہے، انہوں نے کہا کہ اگر کوئی شخص زندگی میں نہایت مشکل اور کٹھن حالات سے گزرا ہوتو اسے زندگی آسان لگنے لگتی ہے اور وہ ہر چیلنج کا ڈٹ کر سامنا کرتا ہے۔
ہالی ووڈ: بدلے کی آگ اور نتقام پر مبنی ہالی وڈ کی ایکشن فلم جان وک سنیما گھروں میں دھوم مچانے کیلے تیار ہے، فلم چوبیس اکتوبر کو ریلیز کی جائے گی۔
ہالی وڈ باکس آفس پر ایکشن سے بھر پور فلموں کا راج جاری ہے، انتقام پر مبنی ہالی وڈ کی ایکشن فلم جان وک کی ریلیز کی تیاریاں مکمل کر لی گئیں ہیں، کینڈین ایکٹر کیانو ریوز ایک بار پھر بڑے پردے پر اپنے ایکشن کا جادو چلا ئیں گے ۔
مار دھاڑ سے بھرپور فلم کی کہانی ایک شارپ شوٹر کی ہے، جو اپنے پیشے سے علیحدگی اختیار کرتا ہے تو اس کے مخالفین جرائم اسے مارنے کی ٹھان لیتے ہیں۔
ایکشن فلم چوبیس اکتوبر کوسینما گھروں کی زینت بنے گی۔
ہالی ووڈ: ایکشن سے بھرپور ڈرامہ فلم ان دی ہارٹ آف دی سی کا سنسنی خیز ٹریلر ریلیز کردیا گیا ہے۔
وہیل مچھلی کے شکار کیلئے نکلے ایسکیس اور اسکے دوست کے گرد گھومتی فلم ان دی ہارٹ آف دی سی کے نئے ٹریلر نے دھوم مچادی، دل دہلادینے والے مناظر سے بھرپور والی فلم کی کہانی ایسے منچلے دوستوں کے گرد گھومتی ہے، جن کا وہیل کو پکرنے کا شوق مہنگا پڑھ جاتا ہے۔
وہیل مچھلی کے شکار کیلئے نکلے ایسکس کی کشتی وہیل کا شکار ہو جاتی ہیں۔ خطرناک موجوں سے لڑتے ایسکیس اور ان کے دوست اپنی جان کس طرح بچاتے ہیں، اس کیلئے آپ کو پندرہ مارچ تک انتظار کرنا پڑے گا۔
ہالی ووڈ: نٹ کھٹ پینگوئنز کی مستی اور شرارتوں سے بھرپور فلم دی پینگوئنز آف مڈغاسکر کے نئے ٹریلر نے شائقین کے دل موہ لیے ہیں۔
پینگوئنز کی زندگی کے مختلف پہلووں کو اجاگر کرنے والی ہالی ووڈ کی اینیمیٹڈ فلم ” دی پینگوئنز آف مڈغاسکر کے نئے ٹریلر نے دھوم مچادی ہے ۔
ایڈونچر اور کامیڈی سے بھرپورفلم کی کہانی چارنٹ کھٹ پیاری پینگوئنز کے گرد گھومتی ہے، جو دنیا کوشیطان صفت آکٹوپس سے بچانا چاہتی ہیں، پیاری پینگوئنز خطرناک آکٹوپس کا مقابلہ کرتی ہیں اور اس کے ناپاک ارادوں کو ناکام بناتی ہیں۔
کیا یہ چاروں پینگوئنز اپنے مقصد میں کامیاب ہو سکیں گی یہ جاننے کے لئے چھبیس نومبر کا انتظار کرنا پڑے گا۔
ہالی ووڈ: دنیا کے حیرات انگیز رازوں کو فاش کرتی ہالی وڈ کی نئی فلم ’’ٹومارولینڈ‘‘ کے ٹریلر نے سب کو حیران کردیا ہے۔
حالی میں شادی کے بندھن میں بندھے ہالی وڈ کی معروف اداکار جارج کلونی کی نئی فلم ایک بار پھر شائقین کا دل جیتنے آرہی ہے، دنیا کے رازوں پر سے پردہ اٹھاتی فلم ٹومارو لینڈ کے ایڈونچر سے بھرپور ٹریلر نے سب کو حیران کردیا ہے۔
فلم کی کہانی ایک ایسے جوڑے کے گرد گھومتی ہے، جو دنیا کے رازوں کو فاش کرنے کی دھن میں ایک خطرناک مشن پر روانہ ہوجاتے ہیں۔
ہالی وڈ کے معروف ہدایتکار بریڈ برڈ کی فلم آئندہ برس بائیس مئی کو سینما گھروں کی زینت بنے گی۔