Tag: ہاکی فیڈریشن

  • ہاکی فیڈریشن کے صدر نے عہدہ چھوڑنے سے انکار کر دیا

    ہاکی فیڈریشن کے صدر نے عہدہ چھوڑنے سے انکار کر دیا

    لاہور: بریگیڈیئر ریٹائرڈ خالد سجاد کھوکھر نے بطور صدر پاکستان ہاکی فیڈریشن کا عہدہ چھوڑنے سے انکار کردیا۔

    تفصیلات کے مطابق صدر پاکستان ہاکی فیڈریشن بریگیڈیئر ریٹائرڈ خالد سجاد کھوکھر نے اسلام آباد میں پریس کانفرنس میں کہا کہ نگران حکومت نے ہاکی فیڈریشن کے ایڈہاک بنیادوں پر صدر لگا کر دائرہ اختیار سے تجاوز کیا۔

    خالد سجاد کھوکھر نے کہا کہ نگران حکومت کی طرف سے  ایڈہاک صدر کا تقرر غیر قانونی اور غیر آئینی ہے، انٹرنیشنل اولمپک کمیٹی سے معاہدے کی خلاف ورزی کی گئی اگر نوٹیفکیشن واپس نہ لیا گیا تو ایف آئی ایچ، آئی او سی کو خطوط لکھے جائیں گے۔

    انہوں نے کہا کہ پاکستان ہاکی فیڈریشن کے معاملات میں الیکشن کمیشن کا حوالہ دینا اور این او سی سمجھ سے بالاتر ہے، حکومت اسپورٹس فیڈریشن کے معاملات میں مداخلت نہیں کر سکتی۔

    صدر پی ایچ ایف کا مزید کہنا تھا کہ نگران حکومت کی مداخلت فیڈریشن پر پابندی کا باعث بن سکتی ہے، پاکستان ہاکی فیڈریشن کے دفاتر پر غیر قانونی قبضہ کرنے کی کوشش افسوسناک ہے۔

  • حکومت کا ہاکی فیڈریشن کا 3 سال کا فرانزک آڈٹ فوری شروع کرنے کا فیصلہ

    حکومت کا ہاکی فیڈریشن کا 3 سال کا فرانزک آڈٹ فوری شروع کرنے کا فیصلہ

    اسلام آباد: وزیراعظم عمران خان نے ہاکی فیڈریشن کے معاملات پر برہمی کا اظہار کرتے ہوئے ہاکی فیڈریشن کا 3 سال کا فرانزک آڈٹ فوری شروع کرنے کا فیصلہ کرلیا ، حکام بین الصوبائی رابطہ نے واضح پیغام دیا کہ ایک ماہ میں قبلہ درست کریں ورنہ گھرجا ئیں۔

    تٍفصیلات کے مطابق وزیراعظم عمران خان ہاکی فیڈریشن کے معاملات پر برہم ہوئے اور قومی کھیل کے موجودہ حالات پر سخت تشویش کا اظہار کیا ، ذرائع کا کہنا ہے کہ وزارت بین الصوبائی رابطہ کومعاملات درست کرنے کا اختیار دے دیاگیا ، جس پر وزارت بین الصوبائی رابطہ میں پاکستان ہاکی فیڈریشن کے عہدیداران کو طلب کرلیا ہے۔

    [bs-quote quote=”ایک ماہ میں قبلہ درست کریں ورنہ گھرجا ئیں” style=”style-7″ align=”left” author_name=”ہاکی فیڈریشن کو واضح پیغام”][/bs-quote]

    سیکرٹری بین الصوبائی رابطہ اکبر درانی کی زیر صدارت ہنگامی اجلاس ہوا، اجلاس میں پاکستان ہاکی فیڈریشن کے صدر خالد سجاد کھوکھر پر اظہار برہمی کیا تو کرسی بچانے کے لئے ہاکی فیڈریشن اور اسپورٹس بورڈ نے ملبہ ایک دوسرے پر ڈال دیا۔

    ڈی جی خاقان بابر نے کہا کروڑوں کے فنڈز ہاکی فیڈریشن کھائے ہم کیوں ان کا دفاع کریں، جس پر صدرہاکی فیڈریشن کا کہنا تھا کہ اسپورٹس بورڈنے سہولیات نہیں دیں، کیمپ کہاں لگاتے تو خاقان بابر نے مزید کہا جوائے رایئڈز کرنے والے اسپورٹس بورڈ کو ذمےدار نہ ٹھہرائیں۔

    حکومت نے ہاکی فیڈریشن کا 3 سال کا فرانزک آڈٹ فوری شروع کرنے کا فیصلہ کیا ہے ، حکام بین الصوبائی رابطہ کا کہنا ہے کہ دنیا میں پی ایچ ایف کی وجہ سے جگ ہنسائی ہورہی ہے۔

    حکام بین الصوبائی رابطہ نے ہاکی فیڈریشن کوواضح پیغام دیا کہ ایک ماہ میں قبلہ درست کریں ورنہ گھرجا ئیں۔

  • ہاکی کے فروغ کیلئے اے آر وائی نیٹ ورک اور پی ایچ ایف میں ایم او یو سائن

    ہاکی کے فروغ کیلئے اے آر وائی نیٹ ورک اور پی ایچ ایف میں ایم او یو سائن

    کراچی:اے آر وائی نیٹ ورک اور پاکستان ہاکی فیڈریشن کے درمیان ایک مفاہمتی یادداشت پر دستخط کیے گئے ہیں جس کے تحت ہاکی کو فروغ دینے کے لیے اقدامات کیے جائیں گے جبکہ سات اگست سے پاکستان کپ کا انعقاد کیا جائےگا۔

    میموری آف انڈراسٹینڈنگ (ایم او یو) پر اے آر وائی نیٹ ورک کے صدر و سی ای او سلمان اقبال اور پی ایچ ایف کے جنرل سیکریٹری شہباز سینئر نے دستخط کیے۔

      salman-post-1

    اے آر وائی نیٹ ورک کے صدر و سی ای او سلمان اقبال نے بتایا کہ شکریہ پاکستان مہم کے تحت سات اگست سے پاکستان کپ شروع ہوگا جس کا فائنل میچ 14 اگست کو ہاکی اسٹیڈیم میں منعقد ہوگا جبکہ ہاکی کے فروغ کے لیے اسکالر شپ پروگرام بھی شروع کیا جائے گا۔

    salman-post-2

    انہوں نے مزید کہا کہ جس طرح کرکٹ کو پروان چڑھایا ہاکی کو بھی پروان چڑھائیں گے،اسکول کی سطح پر بچوں کو بھی ہاکی کی تربیت دی جائے گی،ہاکی کا کھیل پاکستان میں پھر بحال کیا جائے گا۔

    salman-post-3

    صدر پاکستانی ہاکی فیڈریشن بریگیڈئیر(ر) خالد کھرل نے کہا ہے کہ اے آر وائی نیٹ ورک نے ایک بڑا قدم اٹھایا ہے۔ جنرل سیکریٹری شہباز سینئر نے ہاکی کی بحالی کے لیے اس اقدام پر اے آر وائی نیٹ ورک کا شکریہ ادا کیا اور کہا کہ پاکستان میں صلاحیت کی کمی نہیں، پاکستان دوبارہ عالمی چیمپین بن سکتا ہے، مجھے اس فیصلے سے بہت خوشی ہوئی، پرامید ہوں کہ ہاکی کی دنیا میں انقلاب کا آغاز ہوگیا۔

  • بیلجیئم میں موجود پاکستانی ہاکی ٹیم کو کھانے کے لالے پڑ گئے

    بیلجیئم میں موجود پاکستانی ہاکی ٹیم کو کھانے کے لالے پڑ گئے

    بیلجیئم :  پاکستانی ہاکی ٹیم کو کھانے کے لالے پڑ گئے جبکہ پاکستان ہاکی فیڈریشن اور حکومت ادائیگی کا ذمہ دار ایک دوسرے کو ٹھہرا رہے ہیں۔

    بیلجئیم میں پاکستان کی ہاکی ٹیم کو شدید مالی مشکلات کا سامنا ہے،مالی بحران کے باوجود کھلاڑی کھیلنے کے لئے پر عزم ہیں اور ہاکی فیڈریشن مالی مسائل کی تردید کرتی نظر آرہی ہے۔

    دیار غیر میں قومی کھیل ہاکی کےکھلاڑی بےیارومددگار اور کھانے پینے کے پیسے نہ ہونے پر عدم تحفظ کا شکار ہیں۔عدم ادائیگی پرہوٹل انتظامیہ نے کھلاڑیوں کو وارننگ جاری کردی ہے۔

    تمام تر مالی مشکلات کے باوجود کھلاڑیوں نےجیت کےعزم کا اظہار کیا،قومی ٹیم کے کوچ شہناز شیخ خستہ حالی کے باوجود پر جوش نظر آئے۔

    دوسری جانب ہاکی فیڈریشن کےصدراختررسول نے ٹیم کومالی مشکلات کی خبروں کی تردید کرتے ہوئے اسے بے بنیاد قرار دیا  تمام تر صورتحال کے باوجودقومی ہاکی ٹیم نے پہلے مقابلے میں فتح حاصل کی،اب دیکھنا یہ کہ ہاکی فیڈریشن قومی ہاکی ٹیم کے مسائل حل کرنے میں کامیاب ہوتی ہے یا نہیں۔

    دوسری جانب پاکستان ہاکی فیڈریشن کے سیکرٹری رانا مجاہد کا کہنا ہے قومی ہاکی ٹیم کو مشکلات کا سامنا نہیں۔ بیلجئم میں کھلاڑیوں کو بہترین سہولیات دی جارہی ہے۔ اولمپک کوالیفائنگ راؤنڈ میں پاکستان نے اچھا آغاز کیا۔