ARYNews.tv | Urdu – Har Lamha Bakhabar

Tag: ہاکی ورلڈ کپ 2018

  • بیلجیم نے ہاکی ورلڈ کپ 2018 کا ٹائٹل اپنے نام کرلیا

    بیلجیم نے ہاکی ورلڈ کپ 2018 کا ٹائٹل اپنے نام کرلیا

    بھونیشور: ہاکی ورلڈ کپ کے فائنل میچ میں بیلجیم نے نیدر لینڈز کو پنلٹی شوٹ آؤٹ پر شکست دے کر ٹائٹل اپنے نام کرلیا۔

    تفصیلات کے مطابق بھارت کے شہر بھونیشور میں جاری ہاکی ورلڈ کپ کے فائنل میچ میں بیلجیم نے سخت مقابلے کے بعد نیدرلینڈز کو 3-2 سے شکست دے دی، میچ کا فیصلہ پنلٹی شوٹ آؤٹ پر کیا گیا۔

    مقررہ وقت دونوں کے درمیان کے درمیان میچ برابر تھا، بیلجیم کے گول کیپر نے نیدرلینڈز کا گول روک کر جیت میں اہم کردار ادا کیا۔

    نیدرلینڈز پاکستان ہاکی ٹیم کا چار بار ہاکی ورلڈ کپ جیتنے کا ریکارڈ برابر نہ کرسکا۔

    تیسری پوزیشن کے میچ میں آسٹریلیا نے انگلینڈ کو شکست دے کر کانسی کا تمغہ اپنے نام کرلیا۔

    کینگروز کی ٹیم نے تیسری پوزیشن کے لیے سخت محنت کی اور انگلش ٹیم کو ایک کے مقابلے میں 8 گول سے شکست دی۔

    واضح رہے کہ ہاکی ورلڈ کپ میں قومی ٹیم نے چار میچز کھیلے اور کسی بھی میچ میں کامیابی حاصل نہ کرسکی، ملائیشیا کے خلاف کھیلا جانے والا میچ برابر رہا تھا۔

  • ہاکی ورلڈ کپ 2018: نیدرلینڈز اور بیلجیئم کی ٹیمیں فائنل میں پہنچ گئیں

    ہاکی ورلڈ کپ 2018: نیدرلینڈز اور بیلجیئم کی ٹیمیں فائنل میں پہنچ گئیں

    بھونیشور: ہاکی ورلڈ کپ اپنے آخری مرحلے میں پہنچ گیا، دفاعی چیمپئین آسٹریلیا دوڑ سے باہر ہوگیا، فائنل میں بیلجیم اور نیدرلینڈز کی ٹیمیں مدمقابل ہوں گی۔

    تفصیلات کے مطابق بیلجیئم اور نیدرلینڈز  نے انڈیا میں منعقدہ ہاکی ورلڈ کپ 2018 کے فائنل میں کوالیفائی کر لیا، دونوں یورپی ٹیموں کے درمیان فائنل 16 دسمبر کا ٹاکرا ہوگا۔

    پہلے سیمی فائنل میں بیلجئیم نے انگلینڈ کو چھ گول سے آوٹ کلاس کیا، بیلجئیم کے کھلاڑی پورے میچ پر چھائے رہے۔ انگلینڈ کو کھل کر کھیلنے کا موقع نہیں ملا۔

    دوسرے سیمی فائنل میں آسٹریلیا اور نیدرلینڈز کے درمیان اعصاب شکن مقابلہ ہوا۔ مقررہ وقت تک مقابلہ دو دو گول سے برابر رہنے کے بعد نیدرلینڈز نے آسٹریلیا کو پنالٹی شوٹ آوٹس پر چار تین سے شکست دے دی۔

    مزید پڑھیں: ہاکی ٹیم کے 8 بہترین کھلاڑیوں کو سندھ رینجرز میں ملازمت مل گئی

    یاد رہے کہ ورلڈ کپ 2018 میں پاکستان کی کارکردگی انتہائی ناقص رہی، پاکستانی ٹیم کوئی ایک میچ بھی نہیں جیت سکی۔

    وطن لوٹنے کے بعد پاکستان ٹیم میں آفٹر شاکس کا سلسلہ جاری ہے۔ گذشتہ روز ہیڈ  کوچ توقیر ڈار نے مستعفی ہونے کا اعلان کیا تھا۔ سابق اولمپین کی جانب سے بھی ٹیم اور فیڈریشن پر کڑی تنقید کی جاری ہے۔

  • ہاکی ورلڈ کپ: تین اہم کھلاڑیوں کی اگلے میچ میں شرکت مشکوک

    ہاکی ورلڈ کپ: تین اہم کھلاڑیوں کی اگلے میچ میں شرکت مشکوک

    ممبئی: بھارت میں ہونے والے ہاکی ورلڈ کپ 2018 میں پاکستانی کھلاڑیوں کے ستارے گردش میں آ گئے، نیدرلینڈز کے خلاف میچ میں اہم کھلاڑیوں کی شرکت مشکوک ہوگئی۔

    تفصیلات کے مطابق ہاکی ورلڈ کپ میں پاکستانی کھلاڑیوں کے ستارے گردش میں آ گئے، کپتان رضوان سینئر انگلی میں فریکچر کے باعث ورلڈ سے باہر ہونے کے خدشے سے دوچار ہو گئے ہیں۔

    [bs-quote quote=”نائب کپتان عماد بٹ پر ملائیشیا کے کھلاڑی کو ہٹ کرنے کا الزام، انٹرنیشنل ہاکی فیڈریشن نے ایک میچ کی پابندی عائد کر دی” style=”style-7″ align=”left” color=”#dd3333″][/bs-quote]

    کپتان کے علاوہ ابوبکر بھی انجرڈ ہیں، جب کہ نائب کپتان عماد بٹ پر ملائیشیا کے کھلاڑی کو ہٹ کرنے کے الزام میں انٹرنیشنل ہاکی فیڈریشن نے ایک میچ کی پابندی عائد کر دی۔

    تینوں کھلاڑیوں کی 9 دسمبر کو نیدرلینڈز کے خلاف میچ میں شرکت مشکوک ہو گئی ہے، خیال رہے کہ پاکستان اور نیدرلینڈز کے درمیان میچ 9 دسمبر کو ہوگا جس کے لیے متبادل کھلاڑیوں کا فیصلہ کل تک کیا جائے گا۔

    قومی ہاکی ٹیم کے کپتان رضوان سینئر ملائیشیا کے خلاف میچ میں زخمی ہوئے، ان کے دائیں پاؤں کی دوسری انگلی میں فریکچر ہوا ہے۔

    یہ بھی پڑھیں:  ہاکی ورلڈ کپ: پاکستان اور ملائیشیا کا میچ ایک، ایک گول سے برابر

    دریں اثنا پاکستان ہاکی فیڈریشن نے ایف آئی ایچ کے روبرو نائب کپتان عماد بٹ پر عائد پابندی کے خلاف اپیل دائر کر دی ہے، جس کے لیے فیڈریشن نے 600 ڈالر فیس بھی بھری۔

    بھارت میں جاری ہاکی ورلڈ کپ میں پاکستان نے اپنا دوسرا گروپ میچ گزشتہ روز ملائیشیا کے خلاف کھیلا تھا جو ایک ایک گول سے برابر رہا۔

  • ہاکی ورلڈ کپ 2018، رنگارنگ افتتاحی تقریب، شاہ رخ، مادھوری، اے آر رحمان کی پرفارمنس

    ہاکی ورلڈ کپ 2018، رنگارنگ افتتاحی تقریب، شاہ رخ، مادھوری، اے آر رحمان کی پرفارمنس

    نئی دہلی: بھارتی شہر بھونیشور میں ہاکی ورلڈ کپ 2018 کی رنگارنگ افتتاحی تقریب کا انعقاد کیا گیا جس میں شاہ رخ خان، مادھوری ڈکشت اور اے آر رحمان نے پرفارم کیا۔

    تفصیلات کے مطابق بھارتی شہر بھونیشور میں ہاکی ورلڈ کپ 2018 کی رنگارنگ افتتاحی تقریب منعقد ہوئی جس میں شاہ رخ خان، مادھوری ڈکشت اور اے آر رحمان نے جلوے بکھیرے۔

    بالی ووڈ اداکار شاہ رخ خان نے پرفارم کرنے سے قبل ہاکی سے متعلق ریلیز ہونے والی ’چک دے انڈیا’ کا حوالہ بھی دیا، فلم چک دے انڈیا میں شاہ رخ خان نے بھارتی ویمن ہاکی ٹیم کے کوچ کا کردار ادا کیا تھا۔

    بعدازاں مادھوری ڈکشت نے اپنی فلموں کے مشہور گانوں پر شاندار پرفارمنس کا مظاہرہ کیا، اے آر رحمان کے گانوں پر بھی شائقین خوب محظوظ ہوئے۔

    ہاکی ورلڈ کپ کی افتتاحی تقریب میں سیکیورٹی کے سخت انتظامات کیے گئے ہیں، ورلڈ کپ میں پاکستان سمیت 16 ٹیمیں شریک ہیں، قومی ٹیم 8 سال بعد میگا ایونٹ میں شرکت کررہی ہے۔

    قومی ٹیم نے 2010 میں آخری بار بھارت میں ہی ورلڈ کپ کھیلا تھا جس میں اس نے آخری پوزیشن پائی تھی جبکہ 2014 میں گرین شرٹس ورلڈ کپ میں جگہ بنانے میں ناکام رہے تھے۔

    پاکستان کو چار بار ہاکی ورلڈ کپ جیتنے کا اعزاز حاصل ہے، قومی ہاکی ٹیم اور جرمنی یکم دسمبر کو آمنے سامنے ہوں گے، قومی ٹیم کو گروپ ڈی میں جرمنی، ملائیشیا اور ہالینڈ کے ساتھ رکھا گیا ہے، اگلا چیمپئن کون ہوگا اس کا فیصلہ 16 دسمبر کو ہونے والے فائنل میچ میں ہوگا۔