Tag: ہاکی

برطانیہ: برطانیہ آرمی کی خواتین ہاکی ٹیم نے فائنل میں پاکستانی ٹیم کو شکست دے کر ٹائٹل جیت لیا۔

تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ پاک برطانیہ آرمی کی خواتین ہاکی ٹیموں کافائنل مقابلہ ہوا۔

پاک برطانیہ خواتین آرمی ٹیموں کافائنل آرمی اسٹیڈیم راولپنڈی میں ہوا جس کے مہمان خصوصی آرمی چیف جنرل قمر جاوید باجوہ تھے۔

قائم مقام برطانوی ہائی کمشنربھی اس موقع پرموجودتھے۔فائنل میں برطانوی خواتین ہاکی آرمی ٹیم نےفتح سمیٹی۔

بعدازاں آرمی چیف جنرل قمر جاوید باجوہ نےکامیاب قرارپانےوالی ٹیم سےملاقات کی۔

کراچی: نئے تعینات ہونے والے پاکستان ہاکی فیڈریشن کے سیکریٹری محمد آصف باجوہ نے کہا ہے کہ انھوں نے ہاکی ٹیم کو ٹاپ ٹین میں لانے کے بعد ٹاپ فور تک پہنچانے کا عزم کیا ہے۔

تفصیلات کے مطابق سابق اولمپئن اور پی ایچ ایف کے سیکریٹری آصف باجوہ نے کراچی میں پریس کانفرنس کرتے ہوئے کہا ہے کہ انھوں نے پاکستان ہاکی کو دوبارہ اجاگر کرنے کے لیے چیلنج سمجھ کر یہ عہدہ قبول کیا۔

آصف باجوہ نے کہا کہ ہاکی ٹیم کو ٹاپ ٹین میں لا کر ٹاپ فور تک پہنچانا ہے، قومی کھیل ہاکی کی موجودہ صورت حال کسی سے چھپی نہیں، عالمی رینکنگ میں پاکستان کی پوزیشن گرتی چلی جا رہی ہے۔

یہ بھی پڑھیں:  ازبکستان کی ہاکی اور رگبی ٹیمیں پاکستان پہنچ گئیں

انھوں نے کہا کہ اولمپئینز سمیت حکام کی عزت کو داغ دار نہیں کیا جائے گا، پاکستان ہاکی کی تباہی کی اصل وجہ پالیسی برقرار نہیں رکھنا ہے، آئندہ سالوں میں پروفیشنل لیگ کے انعقاد کو یقینی بنائیں گے۔

یاد رہے کہ گزشتہ روز لاہور میں انھوں نے کہا تھا کہ ہاکی کھیل کی بہتری کے لیے تمام اسٹیک ہولڈرز کو آن بورڈ لا کر ان سے مشاورت کی جائے گی۔

انھوں نے نیشنل ہاکی اسٹیڈیم میں پریس کانفرنس میں کہا تھا کہ تمام سابق اولمپئنز اور کھلاڑیوں کو اعتماد میں لے کر ان سے تکنیکی معاونت لی جائے گی۔

کراچی: پاکستان ہاکی ٹیم کے اولپمک کوالیفائنگ راؤنڈ میچز کھیلنے کے امکانات معدوم ہو گئے، فنڈز کی عدم فراہمی کا معاملہ آڑے آ گیا۔

تفصیلات کے مطابق فنڈز کی فراہمی کا معاملہ برقرار ہے، کھلاڑی ڈیلی الاؤنس سے بھی محروم ہیں، پاکستان ہاکی ٹیم کے اولپمک کوالیفائنگ راؤنڈ میچز کھیلنے کے امکانات معدوم ہو گئے۔

[bs-quote quote=”کھلاڑیوں کے ویزہ فارم بھی بھرے نہیں جا سکے جب کہ ٹیم کو ارجنٹائن کے لیے 27 جنوری کو روانہ ہونا ہے۔” style=”style-7″ align=”left” color=”#dd3333″][/bs-quote]

دوسری طرف اولمپک کوالیفائنگ راؤنڈ میچز پاکستان ٹیم کے لیے اہمیت کے حامل ہیں۔

تا حال کھلاڑیوں کے ویزہ فارم بھی بھرے نہیں جا سکے ہیں جب کہ پاکستان ٹیم کو ارجنٹائن کے لیے 27 جنوری کو روانہ ہونا ہے۔

شیڈول کے مطابق پاکستان اور ارجنٹائن 2 میچز 2 اور 3 فروری کو کھیلیں گے، جب کہ آسٹریلیا میں قومی ہاکی ٹیم 9 اور 11 فروری کو میچز کھیلے گی۔

نیوزی لینڈ کے دورے میں شیڈول کے مطابق 15 اور 17 فروری کو مقابلے ہوں گے۔

لیکن ادھر ہاکی ٹیم کے کھلاڑیوں کا کوئی پرسانِ حال نہیں ہے، سرد موسم میں کھلاڑیوں کے لیے رہائش گاہ بھی تبدیل نہیں ہو سکی، قومی کھلاڑی ڈریسنگ روم میں زمین پر بچھے گدوں پر سونے پر مجبور ہیں۔

یہ بھی پڑھیں:  فنڈز کی کمی، قومی ہاکی ٹیم کا پرو لیگ سے دست برداری پر غور

یاد رہے کہ دو ہفتے قبل قومی ہاکی ٹیم نے فنڈز کی عدم فراہمی کی وجہ سے پروفیشنل ہاکی لیگ سے دست برداری پر غور شروع کر دیا تھا، پرو لیگ میں عدم شرکت کی وجہ سے قومی ٹیم پر پابندی اور جرمانہ ہو سکتا ہے۔

پاکستان ہاکی ٹیم نے پرفیشنل لیگ میں شرکت نہیں کی تو اس پر دو سال کی پابندی لگ سکتی ہے، پاکستان اولمپکس میں شرکت سے بھی محروم ہو جائے گا۔

لاہور: ہاکی ورلڈ‌ کپ میں‌ پاکستانی ٹیم کی ناقص کارکردگی ہیڈ کوچ کو  لے ڈوبی.

تفصیلات کے مطابق میگا ایونٹ میں پاکستان کی ناقص کارکردگی کے آفٹر شاکس جاری ہیں، ہیڈ‌ کوچ نے اپنے عہدے سے استعفی دے دیا.

لاہور میں پریس کانفرنس کے دوران توقیر ڈار نے کہا کہ انھیں حسن سردار نے ورلڈ کپ کے لیے ذمے داریاں سنبھالنے کے لیے کہا تھا.

[bs-quote quote=”حکومت اس کھیل پر توجہ نہیں‌ دینا چاہتی، تو ہاکی کو بند کر دیا جائے” style=”style-7″ align=”left” author_name=”توقیر ڈار”][/bs-quote]

توقیر ڈار کا کہنا تھا کہ انھوں نے فیڈریشن سے صرف ورلڈکپ میں دستیابی سے متعلق بات کی تھی.

اس موقع پر انھوں نے ورلڈ کپ سے قبل پاکستان ٹیم کو درپیش مالی مسائل اور تربیتی کیمپ کے ملتوی ہونے کا بھی ذکر کیا، انھوں نے کہا کہ ورلڈکپ  سے پہلے ہم بھیک مانگ رہے تھے، مگر حکومت نے اس داد رسی نہیں کی.

انھوں نے فیڈریشن کے معاملات میں‌ سابق اولمپئنز کے کردار پر تنقید کرتے ہوئے کہا کہ ہاکی کی حالیہ صورتحال کے ہم سب ذمہ دار ہیں۔

مزید پڑھیں: ہاکی ورلڈ کپ، بیلجیم نے پاکستان کو شکست دے کر ورلڈ کپ سے باہر کردیا

انھوں نے مطالبہ کیا کہ اگر حکومت اس کھیل پر توجہ نہیں‌ دینا چاہتی، تو ہاکی کو بند کر دیا جائے.

واضح رہے کہ ورلڈ‌کپ میں‌ پاکستانی کوئی ایک میچ بھی نہیں جیت سکی تھی، پر کوارٹر فائنل میں‌ گرین شرٹ کو بیلجیم کے ہاتھوں عبرت ناک شکست ہوئی.

مسقط: اومان میں کھیلے جانے والے ایشین ہاکی چیمپئنز ٹرافی ٹورنامنٹ میں پاکستان نے ملائشیا کو 0-1 سے شکست دے کر سیمی فائنل تک رسائی حاصل کرلی۔

تفصیلات کے مطابق اومان کے سلطان قبوس اسپورٹس کمپلیکس میں جمعرات کے روز ایشین ہاکی ٹورنامنٹ 2018 کے میچ میں پاکستان اور ملائشیا کی ٹیمیں مد مقابل تھیں۔

پہلے ہاف سے ہی دونوں ٹیموں نے ایک دوسرے پر حملے کر کے گیند کو گول میں پھینکنے کی کوشش کی مگر دوسرے ہاف تک کسی ٹیم کو کامیابی نہ مل سکی۔

آخری کوارٹر میں پاکستانی کھلاڑی محمد عرفان نے شاندار گول کر کے ٹیم کو برتری دلائی جو میچ کے اختتام تک برقرار رہی، قومی ٹیم نے ملائشیا کو شکست دے کر سیمی فائنل تک رسائی حاصل کرلی۔ محمد عرفان کو مین آف دی میچ کا ایوارڈ دیا گیا۔

چیمپئنز ٹرافی میں پاکستانی ٹیم نے اب تک پانچ میچز کھیلے جن میں سے قومی ٹیم کو تین میں فتح جبکہ بھارت کے خلاف شکست کا سامنا کرنا پڑا اور جاپان کے خلاف میچ برابر ہوا تھا۔

چیمپئن شپ میں پاکستان، بھارت، ملائشیا، جاپان ، جنوبی کوریا اور مہمان ملک اومان کی ٹیمیں حصہ لے رہی تھیں، ایونٹ کا آغاز 18 اکتوبر سے ہوا جبکہ فائنل 28 اکتوبر کو ہوگا۔ واضح رہے کہ پاکستان دو بار ٹائٹل اپنے نام کرچکا ہے۔