Tag: ہتھنی نور جہاں

کراچی : سربراہ ٹیم فار پاز ڈاکٹر عامر خلیل نے انکشاف کیا ہے کہ جوجراثیم نور جہاں کے نمونوں میں پائے گئے وہی مدھوبالا میں بھی پائے گئے۔

تفصیلات کے مطابق کراچی چڑیا گھر کی ہتھنی نورجہاں سے متعلق اہم انکشافات سامنے آئے، سربراہ ٹیم فار پاز ڈاکٹر عامر خلیل نے کہا ہے کہ نورجہاں کے خون کےنمونوں کاجائزہ لیاگیا، جوجراثیم نورجہاں کےنمونوں میں پائےگئےوہی مدھوبالا میں بھی پائے گئے۔

سربراہ ٹیم فار پاز کا کہنا تھا کہ یہ جراثیم مدھوبالا کو مزید بیماریوں میں ڈال سکتے ہیں، مدھوبالا کو بروقت ادویات کی فراہمی کی ضرورت ہے۔

ڈاکٹر عامر خلیل نے کہا کہ انتظامیہ کو کہا ہے اسے منتقل کیا جائے، نور جہاں کے ٹخنے کے جوائنٹ میں شدید مسائل تھے، وہ اپنی پچھلی ٹانگیں استعمال نہیں کرتی تھی وہ معذور تھی۔

خیال رہے سفاری پارک میں مدھوبالا ہتھنی کے نئے گھر کی تیاری شروع کردی گئی ، مدھوبالا کو مقررہ وقت پر سفاری منتقل کردیا جائے گا۔

ڈائریکٹر چڑیا گھر و سفاری کنور ایوب کو 45 روز میں مدھو بالا کا گھر بنانے کا ٹاسک دے دیا تھا، جس کے بعد سفاری پارک میں مدھو بالا کا انکلوثر تعمیر کرنے کیلئے ڈیزائن تیار کرلیا گیا تھا ۔

کراچی : ہتھنی نور جہاں کی پوسٹ مارٹم ویڈیو سوشل میڈیا پر وائرل ہونے پر چڑیا گھر انتظامیہ میں کھلبلی مچ گئی، انتظامیہ نےعملے سے پوچھ گچھ شروع کردی۔

تفصیلات کے مطابق کراچی کے چڑیا گھر کی انتظامیہ نے غفلت، نااہلی اور بے حسی کی انتہا کردی، ہتھنی نورجہاں کی پوسٹ مارٹم کی ویڈیو لیک ہوگئی۔

سوشل میڈیا پر نورجہاں کی پوسٹ مارٹم ویڈیو وائرل ہونے پر چڑیا گھرانتظامیہ میں کھلبلی مچ گئی، ذرائع نے بتایا کہ چڑیا گھر انتظامیہ نے ویڈیو لیک ہونے پر عملے سے پوچھ گچھ شروع کردی ہے۔

جانوروں سے محبت کرنے والے ویڈیو وائرل ہونے پر سخت برہمی کا اظہار کر رہے ہیں۔

یاد رہے گذشتہ ہفتے تمام کوششوں کے باوجود کراچی چڑیا گھر کی علیل ہتھنی چل بسی تھی، ہتھنی نورجہاں بخارمیں مبتلا تھی ، ہتھنی نورجہاں کا علاج عالمی سطح کےماہرین کی زیرنگرانی ہورہا تھا۔

کراچی چڑیا گھر میں 17 سال سے موجود نورجہاں گذشتہ کئی روز سے زمین پر لیٹی ہوئی تھی اور اپنے پاؤں پر کھڑی نہیں ہوپارہی تھی۔