Tag: ہدایات

اقوام متحدہ اپنے قیام کی 80 سالہ تاریخ میں پہلی بار نیویارک میں اپنے ہیڈ کوارٹر کے عملے کو اہم ہدایات جاری کر دی ہیں۔

غیر ملکی میڈیا کے مطابق اقوام متحدہ نے نیویارک میں واقع اپنے ہیڈ کوارٹر کے عملے کو شناختی دستاویزات، پاسپورٹ اور ویزے کی کاپیاں ہر وقت ساتھ رکھنے کی ہدایت کی ہے۔

رپورٹ کے مطابق اقوام متحدہ کے قیام کے بعد 80 سالہ تاریخ میں پہلی بار اس قسم کی ہدایات جاری کی گئی ہیں۔

اقوام متحدہ کی جانب سے عملے کو اس قسم کی ہدایات جاری کرنے کا پس منظر امیگریشن حکام کی جانب سے امریکا بھر میں اسکروٹنی بڑھانا ہے۔

کہا گیا ہے کہ امیگریشن حکام نے امریکا بھر میں جگہ جگہ اسکروٹنی بڑھا دی ہے۔ اس کی وجہ سے امریکا میں رہائشی قانونی اجازت نامے رکھنے والے بھی متاثر ہورہے ہیں اور اقوام متحدہ کی نئی ہدایات اسی پس منظر میں دی گئی ہیں۔

ریاض: سعودی حکومت نے گھریلو ملازمین کے حقوق سے متعلق اہم ہدایات جاری کر دیں۔

تفصیلات کے مطابق سعودی عرب میں انسداد انسانی اسمگلنگ کمیٹی نے سماجی رابطے کی ویب سائٹ ٹویٹر پر بیان جاری کیا ہے جس میں بتایا گیا ہے کہ آجروں پر گھریلو ملازمین کے سات حقوق مقرر ہیں۔

1-گھریلو عملے سے صرف وہی کام لیا جاسکتا ہے جس پر آجر اور اجیر پہلے سے متفق ہوں، انتہائی مجبوری میں عملے سے کوئی ایسا کام لیا جاسکتا ہے جو اس کے کام سے بہت زیادہ مختلف نہ ہو۔

2-گھریلو ملازمین سے ایسا کوئی کام نہیں لیا جاسکتا ہے جس سے اس کی صحت وسلامتی کو خطرہ ہو یا وہ کام انسانی وقار کے منافی ہو۔

3-آجر گھریلو عملے کو ہر ہجری مہینے کے آخر میں متفقہ محنتانہ ادا کرے،الا یہ کہ فریقین تحریری طور پر اس حوالے سے کوئی اور معاملہ طے کرچکے ہوں۔

4-آجر گھریلو عملے کا محنتانہ کیش یا چیک کی صورت میں دے گا، اگر گھریلو ملازم کسی خاص بینک کے اکاؤنٹ میں محنتانہ وصول نہ کرنا چاہتا ہو تو ایسی صورت میں جب بھی محنتانے کا لین دین ہوگا تو اسے تحریر میں لایا جائےگا۔

5-انسداد انسانی اسمگلنگ کمیٹی کی جانب سے جاری ہدایات کے مطابق آجر گھریلو عملے کو مناسب رہائش فراہم کرنے کا پابند ہے۔

6-گھریلو کارکن کا حق ہے کہ روزانہ کم از کم 9 گھنٹے آرام کے لیے دیے جائیں۔

7-آجر کی ذمہ داری ہے کہ وہ گھریلو کارکنان کو اپنے کاروبار کی اجازت نہ دے۔

انسداد انسانی اسمگلنگ کمیٹی نے انتباہ کیا کہ اگر آجر ان سات حقوق میں سے کوئی ایک حق ادا نہیں کرے گا تو اس کا احتساب کیا جائے گا۔