Tag: ہدایت نامہ جاری

اسلام آباد : ملازمت اور وزٹ ویزے پر یو اے ای جانے والے پاکستانیوں کیلئے ہدایت نامہ جاری کردیا گیا، جس میں خبردار کیا ہے کہ قوانین کی خلاف ورزی کے سنگین نتائج ہوں گے۔

تفصیلات کے مطابق ملازمت یا وزٹ ویزا پر متحدہ عرب امارات ( یو اے ای ) جانے والے پاکستانیوں کیلئے خصوصی پیغام جاری کر دیا گیا۔

ہدایت نامہ میں کہا گیا ہے کہ سوشل میڈیا پر ایسی پوسٹیں شیئر کرنے سے گریز کریں، جس سے مذہبی جذبات مجروح ہوتے ہوں اور غیراخلاقی یا بیہودہ مواد یا انسانی اسمگلنگ سےمتعلق مواد اپ لوڈ نہ کریں۔

ہدایت نامے میں کہنا ہے کہ دوسرے ملکوں کی پالیسیوں پر تنقید کرنے والی پوسٹ کرنے سے گریزکریں ساتھ ہی احتجاج میں حصہ لینےیا دھمکی آمیزمواد کو سوشل میڈیا پرپوسٹ نہ کریں۔۔

ہدایت نامے میں مزید کہا گیا ہے کہ بغیراجازت کسی کی تصویر یا وڈیوز شیئرنہ کریں، حساس علاقوں کی تصویریں نہ لیں اور دوسروں کی رازداری کا احترام کریں جبکہ افواہوں یا گمراہ کن معلومات کو پھیلانے سے گریز کریں۔

ہدایت نامے کے مطابق منشیات اورممنوعہ اشیاء پرمشتمل ادویات کے استعمال سے سختی سے پرہیزکریں۔۔

دبئی میں پاکستانی قونصل جنرل حسین محمد نے خبردار کیا ہے لپ متحدہ عرب امارات میں قوانین کی خلاف ورزی پر سنگین نتائج کا سامنا کرنا پڑسکتا ہے، جس میں جیل، بھاری جرمانے اور ملک بدری شامل ہے۔

اسلام آباد : سینیٹ انتخابات میں ووٹنگ کے حوالے سے  ممبران قومی اسمبلی کے لیے ہدایت نامہ جاری کردیا گیا ، جس ووٹنگ کا طریقہ بتایا گیا ہے۔

تفصیلات کے مطابق سینیٹ انتخابات سے متعلق ممبران قومی اسمبلی کے لیے الیکشن کمیشن نے ہدایت نامہ جاری کردیا، جس میں کہا ہے کہبال پوائنٹ کے ذریعے بیلٹ پیپرزپرترجیحات درج کرنا ہوں گی۔

ترجیح امیدوارکے نام کے سامنے 1 اور دوسرے امیدوار کے سامنے 2 لکھنا ہوگا ، ترجیح صرف انگریزی یا اردو میں درج کرنا ہوگی، اردو اور انگریزی کو ملا کر لکھنے سے ووٹ مسترد ہوگا۔

ترجیحات کے خانے کے اندر ہندسہ درج نہ ہو، ہندسہ1 ایک سےزائدناموں کے سامنے درج ہونے سے ووٹ مسترد ہوگا، کسی امیدوار کے نام کے سامنے ہندسہ 1 کے ساتھ کوئی دوسرا ہندسہ درج نہ ہو۔

خیال رہے سینیٹ کی 30 نشستوں پر انتخابات کیلئے پولنگ کا آغاز ہوگیا ہے، سندھ ،خیبرپختونخوا،پنجاب اور قومی اسمبلی کےارکان حق رائے دہی استعمال کریں گے، پولنگ صبح 9 سے 4 بجےتک جاری رہے گی۔

سینیٹ کی 30 نشستوں پر59 امیدوارمقابل ہیں، وفاقی دارالحکومت کی ایک جنرل اور ایک ٹیکنوکریٹ نشست پر انتخاب ہوگا ، اسلام آباد سے رانا محمودالحسن اور فرزند حسین شاہ امیدوار ہیں جبکہ ٹیکنوکریٹ کی نشست کیلئے اسحاق ڈار اور راجہ انصر محمود مقابل ہیں۔

پنجاب کی 2 خواتین اور 2 ٹیکنوکریٹ اور ایک غیرمسلم نشست پر ، سندھ اور خیبرپختونخوا کی 7،7 جنرل نشستوں پر انتخاب ہوگا۔

اس کے علاوہ سندھ اور خیبرپختونخوا کی دو،دو خواتین،دو،دو ٹیکنوکریٹ کی نشستوں پرانتخابات ہوں گے ، سندھ کی ایک غیرمسلم نشست پر بھی انتخاب ہوگا۔

18 امیدوار بلامقابلہ منتخب ہوچکے ہیں، پنجاب اور بلوچستان کی 7،7 جنرل نشستوں پرامیدوار بلامقابلہ کامیاب ہوگئے ہیں جبکہ خواتین کی 2 اور ٹیکنوکریٹ کی 2 نشستوں پربھی امیدوار بلامقابلہ کامیاب ہوئے۔