ہرارے : زمبابوے میں شیڈول سہ فریقی ٹی ٹوئنٹی سیریز میں پاکستان آج اپنا تیسرا میچ میزبان ٹیم زمبابوے کے خلاف کھیلے گا۔
تفصیلات کے مطابق ہرارے اسپورٹس کلب میں آج پاکستان اور رمبابوے کے درمیان میچ پاکستان وقت کے مطابق دوپہرایک بجے شروع ہوگا، دونوں ٹیمیں جیت کے لیے پرعزم ہیں۔
قومی کرکٹ ٹیم نے سیریز کے افتتاحی میچ میں میزبان ٹیم زمبابوے کو شکست دی تھی جبکہ دوسرے میچ میں آسٹریلیا نے پاکستان کو شکست دی تھی۔
سہ فریقی ٹی ٹوئنٹی سیریز میں شامل تینوں ٹیمیں اب تک 2،2 میچز کھیل چکیں ہیں اور آسٹریلیا اپنے دونوں میچز میں جیت کے بعد پوائنٹس ٹیبل پر 8 پوائنٹس کے ساتھ سرفہرست ہے۔
دوسری جانب قومی کرکٹ ٹیم پوائنٹس ٹیبل پر4 پوائنٹس کے ساتھ دوسرے نمبر ہے جبکہ زمبابوے اب تک کوئی میچ جیت نہیں سکی۔
سہ فریقی ٹی ٹوئنٹی سیریز: آسٹریلیا نے پاکستان کو 9 وکٹوں سے ہرادیا
خیال رہے کہ دو روز قبل سہ فریقی ٹی ٹوئنٹی سیریز کے دوسرے میچ میں آسٹریلیا نے پاکستان کو 9 وکٹوں سے شکست دی تھی، کینگروز کے بلی اسٹینلک کو میچ کا بہترین کھلاڑی قرار دیا گیا تھا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
