چونیاں(22 اگست 2025): پولیس کا کہنا ہے کہ 10 سالہ بچی کو ہراساں کرنیوالے ملزم کو زخمی حالت میں گرفتار کرلیا گیا ہے۔
تفصیلات کے مطابق چونیاںپولیس نے گرفتاری کیلئے چھاپہ مارا تو ملزم نے فائرنگ کردی، پولیس کا کہنا ہے کہ ملزم اپنی ہی گولی لگنے سے زخمی ہوا ہے، ملزم کو زخمی حالت میں گرفتار کرکے اسپتال منتقل کردیا گیا ہے۔
پولیس کا کہنا ہے کہ واقعہ تھانہ سٹی کے علاقہ ظہیر آباد کالونی میں پیش آیا ہے، 10 سالہ بچی پھوپھو کے گھر جا رہی تھی کہ اس دوراب ملزم نے ہراساں کیا، بچی کے والد کی مدعیت میں ملزم کیخلاف مقدمہ درج کرکے تفتیش جاری ہے۔
اس سے قبل لاہور پولیس نے 7 سالہ بچی سے نازیبا حرکات کرنے والے ملزم کو گرفتار کیا تھا، ترجمان پولیس کے مطابق ساندہ کے علاقے میں ملزم محمد جان پٹھان نے بچی سے نازیبا حرکات کیں۔
پولیس نے بتایا کہ بچی کے شور مچانے پر ملزم اسے تشدد کا نشانہ بنانے کے بعد موقع سے فرار ہو گیا اطلاع ملنے پر پولیس نے 7 سالہ متاثرہ بچی مریم کے والد کی مدعیت میں مقدمہ درج کر کے سفاک ملزم کو ٹریس کر کے فوری گرفتار کر لیا۔
