Tag: ہربھجن سنگھ

بھارت کے سابق کرکٹر ہربھجن سنگھ ہندی کرکٹ کمنٹری کو ’بکواس‘ کہنے پر سیخ پا ہوگئے اور مداح کو فوراً ہی کھری کھری سنا دی۔

ہندی کرکٹ کمنٹری کو دنیا کی ’سب سے زیادہ بکواس اور بری چیزوں‘ میں سے ایک کہنے پر سابق بھارتی کرکٹر ہربھجن سنگھ نے سوشل میڈیا پر بھارتی مداح کو تنقید کا نشانہ بنایا ہے۔، مداح کی پوسٹ پر کمنٹ کرتے ہوئے ہربھجن نے اسے ڈانٹ پلائی اور غصے کا اظہار کیا۔

معاملہ اس وقت شروع ہوا جب ایک بھارتی مداح نے کرکٹر کی جانب سے شیئر کی گئی ایک تصویر پر اپنا عجیب و غیرب ردعمل ظاہر کیا۔

بھارت کی پاکستان کے خلاف جیت کے بعد ہربھجن سنگھ نے جو تصویر شیئر کی تھی اس میں وہ دبئی کے ایک ہوٹل کے باہر پوز دیتے دکھائی دے رہے تھے اور کیپش میں انھوں نے لکھا تھا ’جیت کا جشن‘۔

اس تصویر پر مداح نے تبصرہ کرتے ہوئے لکھا کہ ’ہندی کمنٹری اس خوبصورت نیلے سیارے پر سب سے زیادہ کربناک چیزوں میں شمار کی جا سکتی ہے‘۔

اس تبصرے کے بعد ہربھجن سنگھ سے رہا نہیں گیا اور انھوں نے مداح پر جوابی حملہ کیا اور اسے اپنی زبان کی تعریف نہ کرنے پرتنقید کا نشانہ بنایا۔

ہربھجن سنگھ نے لکھا کہ ’واہ انگریز کی اولاد، آپ کو شرم آتی ہے، آپ کو اپنی زبان بولنے اور سننے میں فخر محسوس کرنا چاہیے‘۔

اس پوسٹ پر ایک ملین سے زیادہ ویوز آچکے ہیں تاہم ہر کوئی ہربھجن سنگھ کے اس موقف سے متفق نہیں تھے اور بہت سے لوگوں نے مداح کا دفاع کرتے ہوئے دعویٰ کیا کہ وہ صرف ہندی کمنٹری پر تنقید کر رہے تھے ہندی زبان پر تنقید نہیں کررہا تھا۔

بھارت کے سابق آف اسپنر ہربھجن سنگھ نے کہا ہے بھارتی کرکٹ ٹیم نے فاسٹ بولر جسپریت بمراہ کا گنے کی مشین میں ڈال کر جوس نکال دیا۔

بارڈر گواسکر ٹرافی میں بھارت کے 3-1 سے شرمناک شکست کے بعد وہاں ہاہاکار مچی ہوئی ہے، سابق کرکٹرز، تجزیہ کار اور شائقین اس شرمناک شکست پر آگ بگولا ہوئے بیٹھے ہیں، ایسے میں ہربھجن سنگھ نے جسپریت بمراہ کو بہت زیادہ استعمال کرنے پر شدید تنقید کی ہے۔

سابق آف اسپنر نے کہا کہ بمراہ کو ایسے استعمال کیا گیا جیسے گنے کا سارا رس نچوڑ لیا گیا ہو، سیریز میں ایسا ہی تھا کہ ٹریوس ہیڈ آئے، مارنس لیبوشین آئے یا اسٹیون اسمتھ بیٹنگ کے لیے آئے جسپریت بمراہ کو بال پکڑا دی جاتی تھی۔

یوٹیوب چینل پر اظہار خیال کرتے ہوئے ہربھجن سنگھ نے کہا کہ فاسٹ بولر بمراہ کتنے اوورز بال کرسکتے ہیں، انھیں استعمال کرکرکے اس حالت تک پہنچا دیا گیا۔

ہربھجن سنگھ نے کہا کہ آپ نے بمراہ کی کمر توڑ دی، ٹیم مینجمنٹ کو اس بات کا فیصلہ کرنا چاہیے تھا کہ جسپریت کو کتنے اوورز کرنے ہیں، وہ اگر فٹ ہوتے تو بھارت پانچواں ٹیسٹ جیت جاتا۔

خیال رہے کہ جسپریت بمراہ کو بارڈر گواسکر سیریز میں شاندر بولنگ کرنے پر مین آف دی سیریز کا ایوارڈ دیا گیا، انھوں نے پانچ ٹیسٹ میچز میں 32 وکٹیں حاصل کی تھیں۔

سابق بھارتی کرکٹر ہربھجن سنگھ نے سلیکٹرز کو سپر اسٹارز سے پیچھا چھڑانے کا مشورہ دے دیا۔

بارڈر گواسکر ٹرافی میں بھارت کو آسٹریلیا کے خلاف پانچ میچوں کی سیریز میں 3-1 سے شکست ہوئی اور بھارتی ٹیم ٹیسٹ چیمپئن شپ کے فائنل سے بھی باہر ہوگئی، سڈنی ٹیسٹ میں شکست نے کوچ گمبھیر اور ٹیم کی مشکلات بڑھا دی ہیں۔

یوٹیوب چینل پر سابق کرکٹر ہربھجن سنگھ نے گمبھیر سے پہلے اور بعد کے دور کا موازنہ کیا اور سوال کیا کہ بھارتی ٹیم کے لیے چیزیں کہاں غلط ہورہی ہیں۔

ہربھجن نے کہا کہ راہول ڈریوڈ تک سب کچھ ٹھیک تھا، بھارت نے ورلڈ کپ جیتا اور سب کچھ ٹھیک تھا لیکن اچانک کیا ہوا؟ پچھلے چھ ماہ میں ہم سری لنکا سے ہار گئے، نیوزی لینڈ کے خلاف سیریز میں وائٹ واش ہوا اور اب آسٹریلیا میں سیریز 3-1 سے ہار گئے۔

انہوں نے کہا کہ سلیکٹرز اور بورڈ کو مشورہ دیا کہ وہ سپر اسٹار پر انحصار کرنا چھوڑ دیں جو کافی عرصے سے ختم ہورہی ہے اور ان کی رائے تھی کہ صرف پرفارم کرنے والے کھلاڑیوں کو ہی بھارت کی اگلی ریڈ بال ٹیم کے لیے شارٹ لسٹ کیا جائے۔

سابق کرکٹر نے کہا کہ ہر کھلاڑی کی ایک ساکھ ہوتی ہے اگر یہ بات ہے تو پھر کپل دیو، انیل کمبلے یا ان لوگوں کو شامل کریں جو ہندوستان کے سب سے برے میچ ونر رہے ہیں، آپ کو ساکھ کی بنیاد پر کھلاڑیوں کا انتخاب نہیں کرنا چاہیے۔