ARYNews.tv | Urdu – Har Lamha Bakhabar

Tag: ہفتہ وار مہنگائی

  • نئی حکومت کے پہلے ہفتے ہی مہنگائی کی شرح میں بڑا اضافہ ریکارڈ

    نئی حکومت کے پہلے ہفتے ہی مہنگائی کی شرح میں بڑا اضافہ ریکارڈ

    اسلام آباد : ایک ہفتے میں مہنگائی کی شرح میں 1.11 فیصد کا بڑااضافہ ریکارڈ کیا گیا اور ہفتہ وارمہنگائی کی سالانہ شرح 32.39 فیصد پر پہنچ گئی۔

    تفصیلات کے مطابق نئی حکومت کے پہلے ہفتے ہی مہنگائی کی شرح میں بڑا اضافہ ریکارڈ کیا گیا، ادارہ شماریات نے ہفتہ وار مہنگائی کی رپورٹ جاری کردی۔

    جس میں بتایا کہ ایک ہفتے میں مہنگائی کی شرح میں 1.11 فیصد اضافہ ریکارڈ ہوا اور ہفتہ وارمہنگائی کی سالانہ شرح32.39 فیصد ہوگئی۔

    ادارہ شماریات نے کہا ہے کہ ایک ہفتے میں 14 اشیائے ضروریہ کی قیمتوں میں اضافہ ہوا، پیاز 60 روپے28 پیسے اضافے سے 238 روپے 30 پیسےفی کلو ہوگئی جبکہ ایک ہفتے میں آلو 13 روپے 36 پیسےفی کلو مہنگے ہوئے۔

    رپورٹ میں کہا گیا کہ کیلے10روپے22پیسے، انڈے6روپے71پیسے فی درجن مہنگے ہوئے جبکہ بیف 11 روپے 76 پیسے، مٹن 8 روپے 83 پیسے فی کلو مہنگا ہوا۔

    ادارہ شماریات کے مطابق ایک ہفتے میں 14 اشیائے ضروریہ کی قیمتوں میں کمی ہوئی، برائلر مرغی 31 روپے 3 پیسے فی کلو سستی اور چائے کا 190 گرام پیکٹ 7 روپے 13 پیسے سستا ہوا۔

    لہسن 2 روپے 33 پیسے فی کلو، اڑھائی کلو گھی کا ڈبہ 2روپے49پیسے سستا ہوا جبکہ دال چنا، باسمتی چاول، آٹے کا تھیلا اور چینی بھی سستی ہوئی تاہم ایک ہفتے میں 23 اشیائے ضروریہ کی قیمتوں میں استحکام رہا۔

  • ملک بھر میں مہنگائی کا پارہ پھر سے چڑھنے لگا

    ملک بھر میں مہنگائی کا پارہ پھر سے چڑھنے لگا

    اسلام آباد: ملک بھر میں مہنگائی کا پارہ پھر سے چڑھنے لگا، 4 مارچ کو ختم ہونے والے ہفتے میں مہنگائی میں 0.6 فی صد اضافہ ریکارڈ کیا گیا۔

    اے آر وائی نیوز کے مطابق ملک میں سالانہ بنیاد پر مہنگائی کی شرح 14.95 فی صد پر پہنچ گئی ہے، پاکستان شماریات بیورو نےگزشتہ ہفتے کے مہنگائی اعداد و شمارجاری کر دیے۔

    گزشتہ ہفتے 51 اشیا میں سے 22 کی قیمت میں اضافہ، 5 میں کمی، 24 میں استحکام رہا، ایک ہفتے میں مرغی کی قیمت میں 5.3 فی صد، اور انڈوں میں 1.1 فی صداضافہ ہوا۔

    آلو کی قیمت میں3.7 فی صد، پیاز 2.2 فی صد اور چینی میں 2.8 فی صد اضافہ ہوا، ایک ہفتے کے دوران کیلے کی قیمت میں 4.2 فی صد اضافہ ہوا۔

    دوسری طرف گزشتہ ہفتے لہسن کی قیمت میں 6، آٹے کے تھیلے میں 0.8، ٹماٹر میں 0.5 فی صد کمی ہوئی۔

    ایک ہفتے میں مرغی کی قیمت میں 13 روپے فی کلو کا اضافہ ہوا، مرغی کی قیمت 250 روپے فی کلو سے بڑھ کر 263 روپے فی کلو ہوگئی۔

    چینی کی قیمت 94 روپے سے بڑھ کر 96.68 روپے فی کلو ہوگئی، جب کہ دال ماش دھلی ہوئی 258 روپے سے بڑھ کر 261.32 روپے فی کلو ہوگئی۔

  • رواں ہفتے مہنگائی میں کتنا اضافہ ہوا؟

    رواں ہفتے مہنگائی میں کتنا اضافہ ہوا؟

    کراچی: ادارہ شماریات نے ہفتہ وار مہنگائی کے اعداد و شمارجاری کر دیے۔

    ادارہ شماریات کا کہنا ہے کہ رواں ہفتے مہنگائی میں 0.32 فی صد اضافہ ریکارڈ کیا گیا، ایک ہفتے میں 19 اشیائے ضروریہ کی قیمتوں میں اضافہ ہوا۔

    ادارہ شماریات کی رپورٹ میں کہا گیا ہے کہ رواں ہفتے 8 اشیائے ضروریہ کی قیمتوں میں کمی ہوئی،جب کہ 24 اشیا کی قیمتیں مستحکم رہیں۔

    ایک ہفتے میں زندہ مرغی کی فی کلو قیمت میں 8 روپے 44 پیسے کا اضافہ ہوا، پٹرول فی لیٹر قیمت میں 3 روپے 23 پیسے کا اضافہ، ہائی اسپیڈ ڈیزل کی قیمت میں 2 روپے 97 پیسے اضافہ ہوا۔

    ڈھائی کلو برانڈڈ گھی کی قیمتوں میں 20 روپے کا اضافہ ہوا، 5 لیٹر کھانے کا برانڈڈ تیل 35 روپے تک مہنگا ہوا، ایک ہفتے میں جن دیگر اشیا کی قیمتیں بڑھیں ان میں دال مونگ، پیاز، ماچس، مسٹرڈ آئل، گڑ، مٹن، بیف شامل ہیں۔

    ادارہ شماریات کے مطابق رواں ہفتے کچھ اشیا کی قیمتوں میں کمی بھی ہوئی ہے، ٹماٹر کی فی کلو قیمت میں 11 روپے 13 پیسے کی کمی ہوئی۔

    فی درجن انڈے 13 روپے 40 پیسے کمی سے 154 روپے پر آ گئے، چینی کی فی کلو قیمت میں 1 روپے 24 پیسے کی کمی آئی، 20 کلو آٹے کا تھیلا 2 روپے سستا ہوا۔

    ایل پی جی گھریلو سلنڈر، آلو، لہسن، جلانے کی لکڑی بھی سستی ہوئی۔