Tag: ہفتے کی چھٹی

اسلام آباد : وفاقی کابینہ نے ہفتے کی چھٹی کو بحال کردیا ،مریم اورنگزیب نے بتایا کہ جمعہ کے روز ورک فرام ہوم کی تجویز سامنے آئی ہے۔

تفصیلات کے مطابق وزیر اطلاعات مریم اورنگزیب نے کابینہ اجلاس کے بعد میڈیا بریفنگ دیتے ہوئے کہا کہ عوام مشکل صورتحال میں ہے تو ہم نے بھی اقدامات کاآغاز کردیا، ہفتے کی چھٹی کو پہلے ختم کیا گیا تھا مگر کابینہ نے ہفتے کی چھٹی کو بحال کردیا ہے۔

وزیر اطلاعات نے بتایا کہ جمعہ کے روز ورک فرام ہوم کی تجویز سامنے آئی ہے، تجویز پر غور کیا جائے گا پھر کابینہ اعلان کرے گی۔

مریم اورنگزیب کا کہنا تھا کہ کابینہ میں مارکیٹوں کو جلدبند کرنے کے حوالے سے بھی تجاویز آئی تاہم مارکیٹوں پر فیصلہ صوبوں ،تاجروں سےمشاورت کے بعد کیا جائے گا۔

انھوں نے بتایا کہ موجودہ ہنگامی صورتحال سے نمٹنے کے لیے اقدامات جاری ہے، آنےوالے سال میں دیگر ذرائع سے بھی بجلی پیدا کریں گے ، سولراور ونڈ سے بھی آنے والے سالوں میں بجلی پیداہوگی۔

مریم اورنگزیب کا کہنا تھا کہ کے تھری منصوبےاور دیگر سے2ہزار871میگاواٹ سسٹم میں شامل کیاگیا ، گزشتہ حکومت نے بجلی کے منصوبوں پر کوئی توجہ نہیں دی، پورٹ قاسم سے600میگاواٹ بجلی سسٹم میں شامل کی جائے گی، مختلف پراجیکٹس پر بھی ہنگامی بنیادوں پر کام شروع کردیا گیا۔