اسلام آباد: تعلیمی اداروں میں ہفتے کی چھٹی ختم کرنے سے متعلق اہم اعلان کردیا گیا، جس کا اطلاق کل سے یکم فروری 2025 تک ہوگا۔
تفصیلات کے مطابق وفاق کے زیر انتظام تعلیمی اداروں میں ہفتے کی تعطیل ختم کردی گئی ہے اور اس حوالے سے نوٹیفکیشن جاری کردیا ہے۔
نوٹیفکیشن میں کہا گیا کہ نئے فیصلے کا اطلاق 30 نومبر سے یکم فروری 2025 تک ہوگا، کئی روز تعلیمی ادارے بند رہنے سے طلبہ کی تعلیم میں حرج ہوا، تعلیمی اداروں میں کل سے ہفتے کا دن ورکنگ ڈے گردانا جائے گا۔
یاد رہے گذشہ روز وفاقی دارلحکومت اور راولپنڈی میں 4 روز بعد تمام تعلیمی ادارے کھلے تھے اور تعلیمی سرگرمیاں بحال ہوئیں تھیں۔
مزید پڑھیں : اسلام آباد اور راولپنڈی میں 4 روز بعد تمام تعلیمی ادارے کھل گئے
حکام کا کہنا تھا کہ تین دن اداروں کی بندش سےہونیوالاتعلیمی نقصان پوراکریں گے، اسکولز احتجاج اورراستوں کی بندش کے باعث بند کئے گئے تھے۔
خیال رہے پاکستان تحریک انصاف (پی ٹی آئی) کے احتجاج کے باعث کئی روز تک تعلیمی ادارے بند رہنے سے طلبہ کی تعلیم متاثر ہوئی جبکہ اس دوران سڑکیں بند اور تجارتی سرگرمیاں بھی معطل رہیں۔
