اسلام آباد : چین کے نائب وزیراعظم ہی لیفینگ کو ‘ہلال پاکستان’ کے اعزاز سے نواز دیا گیا، صدر مملکت نے معزز مہمان کو اعزاز عطا کیا۔
تفصیلات کے مطابق ایوان صدر میں چین کے نائب وزیراعظم کو ہلال پاکستان کا اعزاز دینے کی تقریب کا انعقاد کیا گیا۔
چین کے نائب وزیراعظم ہی لیفینگ تقریب کے مہمان خصوصی بھی ہیں جبکہ چین کے نائب وزیراعظم ہی لیفینگ چینی صدر شی جن پنگ کے نمائندہ خصوصی بھی ہیں۔
صدر مملکت ڈاکٹر عارف علوی نے چین کے نائب وزیراعظم کو ہلال پاکستان کے اعزاز سے نوازا۔
اس سے قبل چینی نائب وزیراعظم ہی لیفنگ کا وزیراعظم ہاؤس آمد پر پرتپاک استقبال کیا گیا تھا، وزیراعظم شہبازشریف نےچین کے نائب وزیراعظم کو خوش آمدید کہا۔
وزیرخارجہ بلاول بھٹو زرداری ، وزیر خزانہ اسحاق ڈار ، وفاقی وزیر منصوبہ بندی احسن اقبال بھی معزز مہمان کے استقبال کے لئے موجود تھے۔
شہباز شریف نے چین کے نائب وزیراعظم کا وفاقی وزرا سے تعارف کرایا اور ہی لیفنگ نے وزرا اور کابینہ ارکان سے فرداً فرداً مصافحہ کیا۔
