ARYNews.tv | Urdu – Har Lamha Bakhabar

Tag: ہلاک

  • جرمنی: مسافر ٹرین پٹری سے اترگئی، 3 ہلاک متعدد افراد شدید زخمی

    جرمنی: مسافر ٹرین پٹری سے اترگئی، 3 ہلاک متعدد افراد شدید زخمی

    برلین(28 جولائی 2025): جرمنی کے جنوب مغربی علاقے میں مسافر ریل خطرناک حادثے کا شکار ہوگئی جس میں 3 مسافر ہلاک جبکہ متعدد زخمی ہو گئے ہیں۔

    غیر ملکی میڈیا رپورٹ کے مطابق جرمنی کے جنوب مغربی علاقے میں ٹرین پٹری سے اتر گئی، حادثے میں تین افراد ہلاک اور متعدد مسافر شدید زخمی ہوگئے ہیں۔

    جرمن حکام کا کہنا ہے کہ  ٹرین میں 100 کے قریب مسافر سوار تھے، ہلاک افراد اور زخمیوں کو اسپتال منتقل کیا جارہا ہے اس حادثے میں کئی افراد کے زخمی ہوئے ہیں۔

    جرمن حکام کا کہنا ہے کہ حادثہ اسٹرٹگارٹ کے قریب پیش آیا، ٹرین کے پٹری سے اترنے کی وجہ ابھی تک معلوم نہیں ہوسکی تاہم حادثے سے قبل متعلقہ علاقے میں علاقے میں طوفان آیا تھا، جائے حادثہ پر درخت بھی گرے ہوئے ہیں پولیس نے تحقیقات شروع کردی ہے۔

    دوسری جانب جرمن چانسلر فیڈرک میرز نے سوشل میڈیا پر بیان میں کہا کہ ہلاکتوں پر صدمہ ہے اور لواحقین سے ہمدردی کا اظہار کیا اور کہا کہ وہ وزرائے داخلہ اور ٹرانسپورٹ سے مسلسل رابطے میں ہیں اور انہیں ہنگامی بنیاد پر خدمات فراہم کرنے اور تمام درکار تعاون کی ہدایت کی ہے۔

  • رہزنی اور پولیس پر حملوں میں ملوث ملزم مقابلے میں ہلاک

    رہزنی اور پولیس پر حملوں میں ملوث ملزم مقابلے میں ہلاک

    پشاور میں رہزنی اور پولیس پر حملوں میں ملوث ملزم مقابلے میں ہلاک ہوگیا۔

    تفصیلات کے مطابق ملزم اسد اور ساتھیوں کی گرفتاری کیلئے تھانہ متھرا پولیس نے ناکہ بندی کی تھی، روکے جانے پر موٹرسائیکل سوار ملزمان نے پولیس پر فائرنگ کردی۔

    پولیس کی جوابی فائرنگ میں ملزم اسد مارا گیا جس کے قبضے سے دو موبائل فون، موٹر سائیکل اور اسلحہ برآمد کرلیاگیا جبکہ ملزم کا ساتھی فرار ہوگیا۔

    دوسری جانب لواحقین نے الزام لگایا کہ رقم نہ دینے پر اسد کو قتل کیا گیا جبکہ دیگر افراد کو چھوڑا گیا اور پولیس نے نوجوان کو غیر قانونی طور پر حراست میں لے کر تشدد کیا۔

    https://urdu.arynews.tv/peshawar-firing-female-police-officer-dies/

    اسد کے لواحقین کی جانب سے مبینہ پولیس تشدد سے ہلاکت کیخلاف احتجاج کیا جارہا ہے، لواحقین کی جانب سے سوری پل کے سامنے احتجاج کیا جارہا ہے۔

    اس کے علاوہ پولیس نے سکھر میں کچے کے علاقے سدوجا میں آپریشن کر کے 2 مغویوں کو بازیاب کروا لیا، پولیس کے مطابق بازیاب کرائے گئے افراد کو 27 اور 28 مئی کی درمیانی شب اغواء کیا گیا تھا۔

    پولیس نے خفیہ اطلاع پر کارروائی کی تو ڈاکوؤں نے فائرنگ کردی، پولیس کا کہنا تھا کہ جوابی فائرنگ سے ڈاکو مغویوں کو چھوڑ کر فرار ہو گئے۔

  • کتے نے گولی مار کر اپنے مالک کو ہلاک کر دیا!

    کتے نے گولی مار کر اپنے مالک کو ہلاک کر دیا!

    کتا وفادار جانور مانا جاتا ہے جو اپنے مالک کے لیے اپنی جان بھی دے دیتا ہے لیکن ایک پالتو کتے نے اپنے ہی مالک کی جان لے لی۔

    یہ واقعہ امریکا میں پیش آیا جہاں پستول سے کھیلنے کے دوران پالتو کتے سے گولی چل گئی جو مالک کی موت کا سبب بن گئی۔

    غیر ملکی میڈیا کے مطابق امریکی ریاست ٹینیسی میں امریکی شہری اپنے بستر پر سو رہا تھا جب کہ بیڈ کے قریب ہی اس کی پستول پڑی ہوئی تھی۔

    اسی دوران پالتو کتا کمرے میں آ گیا اور وہاں پڑی پستول سے کھیلنے لگا۔ کھیلتے ہوئے جانور کا پاؤں پستول کے ٹریگر میں پھنس گیا اور اس کو نکالنے کے دوران اتفاقی گولی چل گئی جو سیدھی گہری نیند سوئے اس کے مالک کو لگی۔

    زخمی شخص کو اسپتال لے جایا گیا تاہم وہ زیادہ خون بہہ جانے کی وجہ سے زندگی کی بازی ہار گیا۔

  • شامی فورسز پر حملے، جوابی کارروائی میں معزول صدر بشار الاسد کے 28 حامی ہلاک

    شامی فورسز پر حملے، جوابی کارروائی میں معزول صدر بشار الاسد کے 28 حامی ہلاک

    شامی سیکیورٹی فورسز نے معزول اور مفرور صدر بشار الاسد کے 28 حامیوں کو ایک جوابی حملے میں ہلاک کر دیا 16 سیکیورٹی اہلکار بھی جاں بحق ہوئے۔

    غیر ملکی خبر رساں ایجنسی کے مطابق شام کے معزول صدر بشار الاسد کے حامی جنگجوؤں نے گزشتہ شب صوبہ لطقیہ کے قصبے جبلہ میں حکومتی فورسز پر حملہ کیا تھا جس کی جوابی کارروائی میں 28 جنگجو مارے گئے۔

    رپورٹ کے مطابق بشار الاسد کے حامیوں نے جبلہ اور آس پاس کے دیہی علاقوں میں سکیورٹی گشت اور چوکیوں کو نشانہ بنایا۔ جس کے نتیجے میں 16 سیکورٹی اہلکار اور 4 عام شہری جاں بحق ہو گئے۔

    شامی سیکیورٹی فورسز نے جوابی کارروائی کرتے ہوئے آپریشن کیا اور 28 جنگجوؤں کو موت کے گھاٹ اتار دیا۔ جب کہ جھڑپوں کے بعد سیکیورٹی فورسز نے کرفیو نافذ کردیا گیا ہے۔

    شامی سیکیورٹی حکام کا کہنا ہے کہ خطے میں استحکام بحال کریں گے اور اپنے عوام کی جان ومال کا تحفظ کریں گے۔

    واضح رہے کہ دو ماہ قبل شامی باغیوں کے ملک بھر سمیت درالحکومت پر قبضے کے بعد بشار الاسد ملک چھوڑ کر روس فرار ہوگئے تھے اور یوں شام سے اسد خاندان کے 51 سالہ دور حکومت کا خاتمہ ہوا تھا۔

    شام کی عبوری حکومت نے ملک کے نئے آئین کی تیاری کے لیے کمیٹی تشکیل دے دی ہے۔

    https://urdu.arynews.tv/syria-constitution-committee-formed-women/

  • گریمی ایوارڈز کی نامزد گلوکارہ خطرناک حادثے میں ہلاک

    گریمی ایوارڈز کی نامزد گلوکارہ خطرناک حادثے میں ہلاک

    گریمی ایوارڈز کے لیے نامزد گلوکارہ اینجی اسٹون کار حادثے میں ہلاک ہوگئیں۔

    گریمی کے لیے نامزد کردہ لاورن براؤن اینچی کے نام سے مشہور گلوکارہ اینجی اسٹون المناک طور پر ایک کار حادثے میں اپنی جان سے ہاتھ دھو بیٹھیں، ان کی عمر 63 برس تھی۔

    میوزک انڈسٹری میں گہرے نقوش چھوڑنے والی اینجی اسٹون کو ان کے ہپ ہاپ گروپ The Sequence اور  R&B ہٹ گانوں جیسے Wish I Didn’t Miss You کی وجہ سے جانا جاتا تھا۔

    غیر ملکی میڈیا رپورٹ کے مطابق یکم مارچ کی صبح 4 بجے کے قریب گاڑی اینجی اسٹون الاباما سے اٹلانٹا واپسی کے راستے میں سفر کر رہی تھی، اس دوران ان کی کار کو حادثہ ایک 18 وہیلر ٹرک کے ساتھ تصادم کے نتیجے میں پیش آیا۔

    41 سالہ لادی ڈائمنڈ نے اپنی والدہ کے انتقال کی افسوسناک خبر کی تصدیق کرتے ہوئے فیس بک پر لکھا، ’’میری ماں چلی گئی ہے۔ ‘‘

    واضح رہے کہ اینچی اسٹون 18 دسمبر 1961 کو کولمبیا جنوبی کیرولائنا میں پیدا ہوئی تھیں، انہوں نے 10 سولو البمز ریلیز کیے اور 3 بار گریمی ایوارڈز کے لیے نامزد ہوئیں، انہوں نے موسیقی کے علاوہ ٹی وی اور فلم میں بھی کام کیا۔

  • حسینہ واجد حکومت نے 1400 مظاہرین کو ہلاک کیا، اقوام متحدہ کی رپورٹ

    حسینہ واجد حکومت نے 1400 مظاہرین کو ہلاک کیا، اقوام متحدہ کی رپورٹ

    بنگلہ دیش میں حسینہ واجد کی انسانی حقوق کی خلاف ورزیوں کا پردہ چاک ہوگیا اقوام متحدہ نے سنسنی خیز رپورٹ جاری کر دی ہے۔

    اقوام متحدہ نے بنگلہ دیش کی مفرور اور معزول وزیراعظم حسینہ واجد کے دور میں کی جانے والی انسانی حقوق کی خلاف ورزیوں کا پردہ چاک کر دیا ہے جس میں گزشتہ سال جولائی میں ہونے والے قتل عام کا ذمہ دار اس وقت کی وزیراعظم حسینہ واجد کو قرار دیا گیا ہے۔

    نیویارک ٹائمز کے مطابق اقوام متحدہ کی جانب سے گزشتہ سال جولائی اگست میں بنگلہ دیش میں عوامی احتجاج میں بڑے پیمانے پر انسانی جانوں کے ضیاع پر ایک تفصیلی رپورٹ جاری کی گئی ہے۔ رپورٹ میں گزشتہ سال جولائی میں ہونے والے قتل عام میں حسینہ واجد کو ملوث قرار دیا گیا ہے۔

    اقوام متحدہ کے دفتر برائے انسانی حقوق کے سربراہ فولکر ترک کی جانب سے 12 فروری کو جاری رپورٹ میں کہا گیا ہے کہ گزشتہ سال جولائی میں حکومتی کریک ڈاؤن میں تقریباً 1,400 افراد ہلاک ہوئے تھے۔ ان میں سے اکثر کو بنگلہ دیش کی سیکیورٹی فورسز نے نشانہ بنایا تھا۔

    رپورٹ کے مطابق حکومت کی جانب سے پُر تشدد کریک ڈاؤن باقاعدہ پالیسی کا حصہ تھے۔ مظاہرین اور ان کے حامیوں پر کیے گئے پُر تشدد حملوں کے شواہد ملے ہیں اور اقوام متحدہ نے ان اقدامات کو انسانیت کیخلاف جرائم میں شامل کرنے کا امکان ظاہر کیا ہے۔

    رپورٹ میں کہا گیا ہے کہ یکم جولائی سے 15 اگست 2024 کےدوران حکومت کیخلاف مظاہروں اور بغاوت کے دوران ہلاکتوں کی تعداد میں اضافہ ہوا۔ ان ہلاکتوں میں 12 سے 13 فیصد بچے تھے۔

    یو این انسانی حقوق کے سربراہ فولکر ترک کا کہنا ہے کہ بنگلہ دیش کی سابق حکومت، سیکیورٹی فورسز اور عوامی لیگ انسانی حقوق کی خلاف ورزیوں میں ملوث رہے۔ اُس کریک ڈاؤن کا مقصد حسینہ واجد کی جانب سے اقتدار میں رہنا تھا۔

    فولکر ترک نے مزید کہا کہ ہم نے جو شواہد جمع کیے ہیں، وہ ریاستی تشدد اور گھات لگا کر قتل کی کارروائیوں کی عکاسی کرتے ہیں۔ یہ نہ صرف انسانی حقوق کی خلاف ورزیوں کے زمرے میں آتے ہیں بلکہ بین الاقوامی جرائم بھی بن سکتے ہیں۔

    واضح رہے کہ طلبہ کی ملک گیر احتجاجی تحریک کے بعد بنگلہ دیش کی مطلق العنان حکمران حسینہ واجد اپنا 16 سالہ اقتدار اور ملک چھوڑ کر اپنے دوست ملک بھارت فرار ہوگئی تھیں اور اب تک وہیں مقیم ہیں۔

  • اپنی ہی گن سے گولی چلنے سے بھارتی سیاستدان موقع پر ہلاک

    اپنی ہی گن سے گولی چلنے سے بھارتی سیاستدان موقع پر ہلاک

    بھارت میں عام آدمی پارٹی کے رکن اسمبلی اپنی ہی بندوق کی گولی چلنے سے ہلاک ہوگئے۔

    بھارتی میڈیا رپورٹس کے مطابق بھارتی سیاستدان عام آدمی پارٹی کے رکن اسمبلی گرپریت بسی اپنی ہی گن سے گولی چلنے سے جان کی بازی ہار گئے۔

    بھارتی پولیس کا کہنا ہے کہ بھارتی سیاستدان کو گولی لگنے کے بعد اسپتال منتقل کیا گیا تھا جہاں ڈاکٹروں کی جانب سے ان کی موت کی تصدیق کردی گئی، انہیں گولی ان کی اپنی لائسنس یافتہ گن سے لگی۔

    ان کے اہلخانہ کا کہنا ہے کہ گولی حادثاتی طور پر چلی اور لگی۔ جبکہ پولیس کی جانب سے مزید تحقیقات کا آغاز کردیا گیا ہے۔

    اس سے قبل بھارتی ریاست آندھرا پردیش کے تروپتی مندر میں بھگدڑ مچنے سے 6 افراد ہلاک اور 40 زخمی ہو گئے۔

    آندھرا پردیش کے ضلع تروپتی کے مذہبی مقام تروملا میں بدھ کی شام کو واقع مندر وینکٹیشور میں بھگدڑ مچنے کے باعث چھ یاتریوں کی موت ہو گئی، جب کہ چالیس زخمی ہو گئے۔

    مرنے والوں میں 3 خواتین بھی شامل ہیں، زخمی یاتری، جن میں سے اکثر کا تعلق تمل ناڈو سے بتایا گیا ہے، انھیں علاج کے لیے اسپتال منتقل کر دیا گیا ہے۔

    حادثہ اس وقت پیش آیا جب اچانک کاؤنٹر کھلنے پر بھیڑ قابو سے باہر ہو گئی اور ٹکٹوں کے لیے افراتفری مچ گئی، ٹوکن حاصل کرنے کے دوران مبینہ طور پر 60 سے زائد افراد ایک دوسرے پر گر پڑے۔

    آندھرا پردیش حکومت نے واقعہ کی تحقیقات کا حکم دیا ہے، حکام کا کہنا ہے کہ مندر کے لیے ٹوکن حاصل کرنے کے لیے بے مثال رش تھا جس کی وجہ سے یہ الم ناک واقعہ پیش آیا۔

    اسکول طالبہ کی ہارٹ اٹیک سے موت، افسوسناک ویڈیو سامنے آگئی

    آندھرا پردیش کے وزیر اعلیٰ این چندرابابو نائیڈو نے واقعے پر افسوس کا اظہار کرتے ہوئے کہا کہ بھگدڑ میں متعدد عقیدت مندوں کی موت ایک صدمے کی بات ہے، زخمیوں میں بعض کی حالت تشویش ناک بتائی گئی ہے، جس پر میں نے حکام کو ہر ممکن اقدامات کی ہدایت کی ہے۔

  • پولیس کی زیر حراست خطرناک ڈاکو ساتھیوں کی فائرنگ سے ہلاک، 2 فرار

    پولیس کی زیر حراست خطرناک ڈاکو ساتھیوں کی فائرنگ سے ہلاک، 2 فرار

    لاہور: پولیس کی زیر حراست خطرناک ڈاکو اپنی ہی ساتھیوں کی فائرنگ سے ہلاک جبکہ 2 ڈاکو فرار ہوگئے۔

    تفصیلات کے مطابق لاہور میں آرگنائزڈ کرائم یونٹ ماڈل ٹاؤن اور ڈاکوؤں میں فائرنگ کا تبادلہ ہوا جس کے نتیجے میں زیر حراست خطرناک ڈاکو جمیل جیلا ساتھیوں کی فائرنگ سے ہلاک، ہوگیا جبکہ 2 ڈاکو فرار ہوگئے۔

    پولیس کا کہنا ہے کہ ریکوری کیلئے لے جاتے ہوئے 4 ساتھیوں نے جمیل جیلا کو چھڑانے کیلئے فائرنگ کردی، ڈاکو جمیل جیلا ساتھیوں کی فائرنگ سے زخمی ہوا اور اسپتال جاتے ہوئے دم توڑ گیا۔

    پولیس کا کہنا ہے کہ ہلاک ڈاکو جمیل جیلا 72 سے زائد مقدمات میں ریکارڈ یافتہ تھا، ڈاکو جمیل جیلا نے دوران ڈکیتی 3 قتل کئے اور کئی بینکوں کی کیش وین بھی لوٹیں۔

    پولیس کے مطابق ڈاکو جمیل جیلا خطرناک شوٹر اور پنجاب میں دہشت کی علامت  سمجھا جاتا تھا، ڈاکو جمیل نے 2017 میں نصیرآبادکے شہری کو50 روپے لوٹ کر قتل کیا۔

    پولیس کا مزید کہنا تھا کہ ڈاکو جمیل نے 2022 میں حجرہ شاہ مقیم میں  بھی مزاحمت پر شہری کو قتل کیا، ملزم نے 2019 میں راولپنڈی میں شہری کو فائرنگ کر کے قتل کیا۔

  • کانسٹیبل عابد علی کے قاتل مبینہ پولیس مقابلے میں ہلاک

    کانسٹیبل عابد علی کے قاتل مبینہ پولیس مقابلے میں ہلاک

    فیصل آباد: کانسٹیبل عابد علی کے قاتل 2 ڈاکو مبینہ پولیس مقابلے میں ہلاک ہوگئے۔

    گزشتہ ماہ کانسٹیبل عابد علی کو ڈکیتی کے دوران ڈاکوؤں نے قتل کیا تھا، شہید کانسٹیبل عابد تھانہ ٹھیکر ی والا میں لیگل ڈیوٹی پر مامور تھے ، دورانِ ڈیوٹی ڈاکوؤں کی فائرنگ سے سینے پر گولی لگنے سے جام شہادت نوش کرگئے تھے۔

    تاہم اب فیصل آباد پولیس کے مطابق کانسٹیبل عابد علی کے قاتل 2 ڈاکو پولیس مقابلے میں مارے گئے ہیں، ملزمان عبدالمجید، شمشاد کو اسلحہ برآمدگی کے بعد واپس لارہی تھی۔

    پولیس حکام کا کہنا ہے کہ ملاں پور میں ملزمان کے 6 ساتھیوں نے پولیس وین پر حملہ کیا، دونوں ملزمان ساتھیوں کی گولیاں لگنے سے مارے گئے، ملزمان ڈکیتی، راہزنی کے مختلف مقدمات میں ملوث تھے۔

  • ڈکیتی کی متعدد وارداتوں میں مطلوب ڈکیت ’آسو‘ ہلاک

    ڈکیتی کی متعدد وارداتوں میں مطلوب ڈکیت ’آسو‘ ہلاک

    جلالپوربھٹیاں: فیصل آباد میں ڈکیتی، چوری کی وارداتوں میں مطلوب ڈکیت رمضان عرف آسو کو ہلاک ہوگیا۔

    تفصیلات کے مطابق فیصل آباد کے جلالپوربھٹیاں کی سکھیکی منڈی پولیس ملزم رمضان کو ساتھیوں کی گرفتاری کے لیے لے کرجا رہی تھی، مڑھ بلوچاں روڈ کانوانوالی اسٹاپ کے قریب ملزم کے ساتھیوں نے  پولیس پر فائرنگ کردی۔

    پولیس نے بتایا کہ وائرلیس کال پر سی آئی اے اور دیگر تھانوں کی پولیس موقع پر پہنچی، پولیس اور اشتہاریوں کے درمیان فائرنگ کافی دیر تک جاری رہی، ملزم کے ساتھی محمد رمضان عرف آسو کو چھڑوا کر قریبی کھیت میں چھپ گئے تھے۔

    پولیس حکام کے مطابق انچارج سی آئی اے اور سکھیکی منڈی پولیس نے ملزمان کی تلاش شروع کی، ملزم رمضان عرف آسو اپنے ہی ساتھیوں کی فائرنگ سے زخمی حالت میں پکڑا گیا تھا، ملزم کے ساتھی بانس کے کھیت کا فائدہ اٹھاتے ہوئے فرار ہوگئے۔

    پولیس نے بتایا کہ ملزم کو ٹی ایچ کیو پنڈی بھٹیاں منتقل کیا گیا جہاں ڈاکٹر نے موت کی تصدیق کردی، اشتہاری رمضان عرف آسو 40 سے زائد مقدمات میں ملوث تھا۔