ARYNews.tv | Urdu – Har Lamha Bakhabar

Tag: ہلاک

  • صومالیہ میں‌الشباب کے خلاف امریکی کارروائی میں‌عام شہری بھی ہلاک ہوئے، رپورٹ

    صومالیہ میں‌الشباب کے خلاف امریکی کارروائی میں‌عام شہری بھی ہلاک ہوئے، رپورٹ

    موغادیشو : صومالیہ میں شدت پسند گروہ الشباب کے خلاف امریکی فضائی کارروائی میں دو شہری بھی مارے گئے۔

    تفصیلات کے مطابق صومالیہ میں دہشت گردوں کے خلاف امریکی افواج کی فضائی کارروائی میں عام شہریوں کی ہلاکت سے متعلق برطانیہ کی غیر سرکاری انسانی حقوق کی تنظیم ایمنسٹی انٹرنیشنل نے رپورٹ تیار کی تھی،جس کی امریکی فوج نے تصدیق کردی ہے۔

    غیر ملکی خبر رساں ادارے کا کہنا ہے کہ ایمنسٹی انٹرنیشنل کی جانب سے دعویٰ کیا گیا تھا کہ امریکی فورسز نے صومالیہ کی دہشت گرد تنظیم الشباب کے خلاف فضائی کارروائیوں میں ایک درجن سے زائد عام شہری بھی ہلاک جبکہ 8 زخمی ہوئے ہیں۔

    دوسری جانب امریکی حکام نے ایمنسٹی انٹرنیشنل کی رپورٹ کی تصدیق کرتے ہوئے بتایا کہ گزشتہ برس اپریل کے اوائل میں صومالیہ میں کی گئی فضائی کارروائی کے دوران دہشتگردوں کے ساتھ ساتھ عام شہری بھی لقمہ اجل بنے تھے۔

    برطانوی میڈیا کا کہنا ہے کہ امریکی افواج نے ایک ہفتہ قبل انسانی حقوق کی برطانوی تنظیم کی رپورٹ کو مسترد کیا تھا۔

    غیر ملکی خبر رساں ادارے کا کہنا ہے کہ امریکی صدر ڈونلڈ ٹرمپ کے اقتدار سنبھالنے کے بعد الشباب کے خلاف کارروائیوں میں اضافہ ہوا ہے۔

    خبر رساں اداروں کی رپورٹس کے مطابق امریکی افواج 2018 سے اب تک صومالیہ میں 47 فوجی کارروائیاں کرچکی ہے۔

    امریکی سرکاری ذرائع کے مطابق امریکی افواج کی جانب سے 2 برس کے دوران صومالیہ میں 110 فضائی حملے کیے گئے ہیں جس میں آٹھ سو افراد ہلاک ہوئے تھے، ہلاک شدگان میں کوئی بھی شہری شامل نہیں تھا۔

    واضح رہے کہ امریکی فورسز نے صومالیہ کی شدت پسند تنظیم الشباب کے خلاف سنہ 2011 میں سابق امریکی صدر باراک اوبامہ کے احکامات کے تحت شروع کیا تھا۔

  • افغانستان: صوبہ غزنی میں پولیس چیک پوسٹ پر طالبان کا حملہ، نو اہل کار ہلاک، چھ زخمی

    افغانستان: صوبہ غزنی میں پولیس چیک پوسٹ پر طالبان کا حملہ، نو اہل کار ہلاک، چھ زخمی

    غزنی: مشرقی افغانستان کے شہر غزنی میں واقع ایک پولیس چیک پوائنٹ پر طالبان جنگجوؤں کی فائرنگ کے نتیجے میں نو پولیس اہلکار ہلاک ہوگئے، ہلاک شدگان میں مقامی پولیس کے سربراہ بھی شامل ہیں.

    حملے میں مزید چھ پولیس اہل کار زخمی بھی ہوئے، ادھرطالبان نے حملے کی ذمہ داری قبول کرتے ہوئے دعویٰ کیا ہے کہ اس حملے میں طالبان نے 12 پولیس اہل کاروں کو ہلاک کیا۔

    واضح رہے کہ رواں برس جنوری میں افغان صدر اشرف غنی نے کہا تھا کہ ستمبر 2014 سے اب تک تقریباً پینتالیس ہزار افغان سکیورٹی اہل کار ہلاک ہو چکے ہیں.

    مزید پڑھیں: وزیراعظم عمران خان کے افغانستان سےمتعلق بیان کوسیاق وسباق سے ہٹ کرپیش کیاگیا، دفترخارجہ

    مزید پڑھیں: افغان امن مذاکرات میں خواتین کی نمائندگی ناگزیر ہے: انجلینا جولی

    یاد رہے کہ 24 مارچ 2019 کو افغانستان کے صوبے قندوز میں امریکی فضائی حملوں کے نتیجے میں خواتین، بچوں سمیت 14 افراد جاں بحق ہوگئے، جاں بحق ہونے والوں میں 4 افغان اہلکار بھی شامل ہیں۔

    امریکی فضائی حملے میں گھر کو نشانہ بنایا گیا جس کے نتیجے میں خواتین، بچوں سمیت 14 افراد جاں بحق ہوگئے، امریکی فوج کے ترجمان نے فضائی حملے کی تصدیق کرتے ہوئے کہا ہے کہ حملہ طالبان کے ٹھکانوں پر کیا گیا ہے۔

  • ہالینڈ : ٹرام فائرنگ کا ایک اور زخمی ہلاک ہوگیا

    ہالینڈ : ٹرام فائرنگ کا ایک اور زخمی ہلاک ہوگیا

    ایمسٹرڈم : ہالینڈ کے شہر اتریخت میں ٹرام میں فائرنگ کے نتیجے میں زخمی ہونے والا ایک اور شخص ہلاک ہوگیا۔

    تفصیلات کے مطابق ہالینڈ کے شہر اتریخت میں ایک ہفتہ قبل ٹرام میں فائرنگ کے واقعے میں تین افراد ہلاک اور 5 زخمی ہوگئے تھے، پولیس نے کامیاب کارروائی کرتے ہوئے مشتبہ حملہ آور کو دھر لیا تھا۔

    غیر ملکی خبر رساں ادارے کا کہنا ہے کہ ٹرام حملے میں ہلاک ہونے والے افراد کی تعداد چار ہوگئی جب اب بھی متعدد افراد زخمی حالت میں اسپتال میں زیر علاج ہیں۔

    غیر ملکی میڈیا کا کہنا ہے کہ فائرنگ کے واقعے میں زخمی ہونے والے افراد میں 74 سالہ شخص انتہائی تشویش ناک حالت میں اسپتال منتقل کیا گیا تھا جو آج زخموں کی تاب نہ لاتے ہوئے ہلاک ہوگیا۔

    ڈچ استغاثہ کا کہنا تھا کہ ٹرام پر حملہ کرنے والا 37 سالہ دہشت گرد نے ذاتی طور پر حملہ کیا تھا جس کے نتیجے میں 7 افراد ہلاک جبکہ متعدد افراد زخمی ہوئے تھے۔

    مزید پڑھیں : ہالینڈ میں ٹرام پر نامعلوم افراد کی فائرنگ، متعدد افراد زخمی، ہلاکتوں کا خدشہ

    مزید پڑھیں : ہالینڈ میں‌ ٹرام پر حملہ کرنے والے مشتبہ دہشت گرد نے اعتراف جرم کرلیا

    غیر ملکی میڈیا کا کہنا ہے کہ عدالت میں ترک نژاد متعدد افراد کے قتل کی فرد جرم عائد کی جائے گی۔

    غیر ملکی خبر رساں ادارے کا کہنا تھا کہ مقامی پولیس نے ابتدائی طور پر حملے کو دہشت گردی قرار دیا ہے، البتہ گرفتار ملزم سے تحقیقات جاری ہے، جلد حقائق سامنے آجائیں گے۔

  • چین کی کیمیکل فیکڑی میں دھماکا، 47 افراد ہلاک سینکڑوں زخمی

    چین کی کیمیکل فیکڑی میں دھماکا، 47 افراد ہلاک سینکڑوں زخمی

    بیجینگ : مشرقی چین میں واقع کیمیکل فیکڑی میں دھماکے کے بعد خوفناک آتشزدگی، حادثے میں 47 افراد ہلاک جبکہ سینکڑوں زخمی ہوگئے۔

    تفصییلات کے مطابق مشرقی چین میں واقع کھاد تیار کرنے والی فیکڑی کے کیمیکل پلانٹ میں دھماکے کے بعدہ ہولناک آگ بھڑک اٹھی جس کے نتیجے میں سینکڑوں افراد زخمی ہوگئے جن میں 90 افراد کو انتہائی گہرے زخم لگے ہیں۔

    زلزلوں کی پیمائش کرنے والے ادارے کا کہنا ہے کہ کیمیکل پلانٹ میں ہونے والا دھماکا 2اعشاریہ 2 نوعیت زلزلے کے جھٹکوں کے برابر تھا۔

    چینی خبر رساں ادارے کا کہنا ہے کہ حادثے کے ہلاک ہونے والے افراد کی تعداد 47 ہوگئی ہے جبکہ مذکورہ حادثہ حالیہ برسوں میں ملک کی صعنتی تاریخ کا خوفناک ترین حادثہ ہے۔

    مقامی میڈیا کا کہنا تھا کہ اب تک 640 افراد کو اسپتال منتقل کیا جاچکا ہے کہ جن میں بیشتر کی حالت تشویش ناک ہے۔

    غیر ملکی خبر رساں ادارے کا کہنا ہے کہ دھماکے کی شدت اتنی زیادہ تھی کہ فیکڑی کے قریب واقع عمارتیں بھی لرز اٹھیں۔

    متاثرہ فیکڑی سے 3 کلومیٹر کی دوری پر واقع ہینگلیڈا فیکڑی کے اسٹاف کا کہنا ہے کہ دھماکے کی شدت سے ہمارے فیکڑی کی چھت زمین بوس ہوگئی جبکہ کھڑکیاں اور دروازے بھی ٹوٹ گئے۔

    مقامی میڈیا کا کہنا ہے کہ ہنگامی خدمات انجام دینے والے عملے اور فایئرفائیٹرز نے کئی گھنٹے کے جدوجہد کے بعد رات 3 بجے آگ پر قابو پایا تھا۔

    خیال رہے کہ اس سے قبل سنہ اگست2015 میں چینی فیکڑی میں دھماکا ہوا تھا جس کے نتیجے میں 160 افراد ہلاک جبکہ 1 ہزار سے زائد افراد زخمی ہوگئے تھے۔

  • ایتھوپین طیارہ حادثہ، ہلاک برطانوی خاتون کو والد کا خراج تحسین

    ایتھوپین طیارہ حادثہ، ہلاک برطانوی خاتون کو والد کا خراج تحسین

    لندن : ایتھوپین ایئرلائن طیارہ حادثے میں ہلاک ہونے والی برطانوی خاتون کے والد کا کہنا ہے کہ ’یہ حادثہ ہمارے لیے انتہائی خوفناک تھا، جوانا کی موت پر اب بھی صدمہ برقرار ہے‘۔

    تفصیلات کے مطابق ایتھوپین ایئر لائن کا طیارہ بوئنگ 737 دارالحکومت سے کینیا جاتے ہوئے گر کر تباہ ہوگیا تھا، جس کے نتیجے میں 150 مسافروں کی ہلاکت ہوئی۔

    برطانوی خاتون کے والد کا کہنا تھا کہ 26 سالہ جوانا کی کامیاباں میرے لیے فخر کا باعث ہیں لیکن اس کی موت بہت درد ناک تھی۔

    متاثرہ خاتون کے والد کا کہنا تھا کہ جوانا حقیقت میں وہ خاتون تھی جس کے بارے میں کھبی کسی سے بُرا نہں سنا۔

    غیر ملکی خبر رساں ادارے کا کہنا ہے کہ 15 برس جانوروں کی ویلفیئر کےلیے کام کرنے والی خاتون کو خراج تحسین پیش کرنا چاہیے۔ والد کا کہنا تھا کہ مجھے اپنی بیٹی کی کامیابیوں پر فخر ہے۔

    غیر ملکی میڈیا کا کہنا ہے کہ جوانا درد رکھنے والی خاتون تھیں جنہوں نے بچپن میں سڑک پر ڈورتے ہوئے بڈگرز کے چھوٹے بچے کو بچایا تھا۔

    برطانوی خبر رساں ادارے کا کہنا ہے کہ ایتھوپین طیارہ حادثے میں سات برطانوی شہریوں کی ہلاکت ہوئی ہے۔

    غیر ملکی میڈیا کا کہنا ہے کہ ایتھوپین ایئر لائن کے طیارے میں 150 مسافروں کی ہلاکت کی تصدیق ہوگئی۔

    غیر ملکی خبر رساں ادارے کا کہنا ہے کہ امریکا نے چار رکنی تحقیقاتی ٹیم تشکیل دینے کا فیصلہ کیا ہے جو مقامی اداروں کے ساتھ مل کر ایتھوپیا طیارے کے حادثے کی تحقیقات کرے گی۔

    مزید پڑھیں : ایتھوپیا میں طیارہ حادثہ، امریکی ٹیم تحقیقات کرے گی

    ایتھوپیا کے دارالحکومت اددیس آبابا کے ہوائی اڈے سے اڑان بھرنے والا ایتھوپین ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک ایتھوپین ٹاؤن بِس ہوفتو میں گر کر تباہ ہوگیا۔

    امریکی تحقیقاتی ٹیم جلد افریقی ملک ایتھوپیا جائے گی، اور حادثے کا باریک بینی سے مشاہدہ کرے گی۔

  • نانگا پربت سر کرنے کی کوشش میں‌غیر ملکی کوہ پیما ہلاک

    نانگا پربت سر کرنے کی کوشش میں‌غیر ملکی کوہ پیما ہلاک

    اسلام آباد : پاکستان کے شمالی علاقہ جات میں موجود نانگا پربت پر لاپتہ ہونے والے غیر ملکی کوہ پیماؤں کی لاشیں مل گئیں۔

    تفصیلات کے مطابق شمالی پاکستان میں موجود دنیا کی نویں بلند ترین چوٹی نانگا پربت دو ہفتے قبل برطانوی اور اطالوی کوہ پیماہ لاپتہ ہوگئے تھے جن کی ہلاکت کی تصدیق پاکستان میں تعینات اطالوی سفیر نے کردی۔

    اطالوی سفیر اسٹیفانو پونتیکوروو نے ٹوئٹر پر دونوں کوہ پیماؤں کی تصویر شیئر کرتے ہوئے کلھا کہ ’فضا سے لی گئی تصاویر سے دونوں کوہ پیماؤں کی ہلاکت کی تصدیق ہوگئی ہے‘۔

    اطالوی سفیر کا کہنا تھا کہ’میں افسوس کے ساتھ اعلان کررہا ہوں کہ دونوں کوہ پیما ’ڈینئیل اور ٹام‘ نانگا پربت کی 5 ہزار 900 میٹر کی بلندی پر مردہ حالت میں ملے‘۔

    غیر ملکی خبر رساں ادارے کا کہنا ہے کہ کوہ پیما ٹام بیلارڈ اور ڈینیئل ناردی 24 فروری کو 8 ہزار 125 میٹر بلند نانگا پربت سر کرنے کے دوران لاپتہ ہوئے تھے۔

    دونوں کوہ پیماؤں نے نانگا پربت سر کرنے کےلیے ایسے روٹ کا انتخاب کیا تھا جس کے ذریعے چوٹی سر کرنا ناممکن ہے۔

    غیر ملکی خبر رساں ادارے کا کہنا ہے کہ کوہ پیماؤں کی تلاش میں تاخیر کا باعث پاک بھارت کشیدگی بنی کیوں دونوں ممالک میں کشیدگی کے باعث فضائی حدود بند کردی گئی تھی جس کے بعد کوہ پیماؤں کی تلاش کےلیے اجازت کی ضرورت تھی۔

    ٹام بیلارڈ، برطانوی کوہ پیما ایلیسَن ہارگریوز کے بیٹے ہیں، جو آکسیجن کے ذخیرے کے بغیر ‘ماونٹ ایورسٹ’ سَر کرنے والی دنیا کی پہلی خاتون ہیں۔

    ایلیسن ہارگریوز کی موت 1995 میں، پاکستان میں شمال میں واقع دنیا کی دوسری بلند ترین چوٹی ‘کے ٹو’ سے واپسی کے دوران ہوئی تھی۔

    یاد رہے کہ گزشتہ جولائی براعظم امریکا کے ملک کینیڈا کا 53 سالہ کوہ پیما ’سرگ ڈیشرلوٹ‘ دنیا کی 8 ہزار 611 میٹر(28 ہزار 251 فٹ) اونچی دوسری بلند ترین چوٹی ’کے ٹو‘ کو سر کرنے کی کوشش کے دوران جان کی بازی ہار گیا تھا۔

  • ڈرون حملوں میں ہلاک ہونے والے شہریوں کی تعداد شائع کرنا ضروری نہیں، ٹرمپ

    ڈرون حملوں میں ہلاک ہونے والے شہریوں کی تعداد شائع کرنا ضروری نہیں، ٹرمپ

    واشنگٹن : امریکی صدر ڈونلڈ ٹرمپ نے ڈرون حملوں سے متعلق کہا ہے کہ ’امریکی حساس اداروں کو ڈرون حملوں میں ہلاک ہونے والے شہریوں کی تعداد شائع کرنے کی ضرورت نہیں‘۔

    تفصیلات کے مطابق امریکی صدر ڈونلڈ ٹرمپ نے سنہ 2016 میں سابق صدر بارام اوبامہ کے بنائے گئے قانون کو نظر انداز کردیا، اوبامہ کے بنائے گئے قانون کے تحت امریکی خفیہ ایجنسی باالخصوص سی آئی اے کو جنگی علاقوں سے باہر ڈرون حملوں کی زد میں آکر ہلاک ہونے والے شہریوں کی تعداد لازمی شائع کرنی ہوتی تھی۔

    غیر ملکی میڈیا کا کہنا ہے کہ مذکورہ قانون کے مطابق ڈرون حملے کرنے والے امریکی مسلح اداروں پر لازمی تھا کہ سالانہ رپورٹ تیار کریں جس میں حملوں کے دوران ہلاک ہونے والے شہریوں کی تعداد درج ہو۔

    برطانوی خبر رساں ادارے کا کہنا ہے کہ سابق صدر باراک اوبامہ کے 8سالہ دور حکومت میں 1878 ڈرون حملے ہوئے تھے جبکہ ٹرمپ نے دو برسوں میں بائیس سو سے زائد ڈرون حملے کروائے۔

    ٹرمپ انتظامیہ کی جانب سے کہا گیا ہے کہ ’ڈرون حملوں سے متعلق بنایا گیا قانون غیر ضروری ہے‘۔

    امریکی حکومت کا کہنا ہے کہ ’مذکورہ قانون سے حکومت کی شفافیت میں اضافہ نہیں ہوتا بلکہ مسلح اداروں کے کاموں میں رکاوٹ پیدا ہوتی ہے‘۔

    غیر ملکی خبر رساں ادارے کا کہنا ہے کہ امریکا نے ڈرون حملوں کی تعداد میں نائن الیون کے واقعے کے بعد دہشت گرد تنظیموں کے خلاف تعداد میں اضافہ ہوا تھا۔

    انسانی حقوق کے لیے کام کرنے والی تنظیم ہیومن رائیٹس فرسٹ کی سربراہ کا کہنا تھا کہ ’طاقت کے استعمال کے دوران ہلاک ہونے والے شہریوں کی تعداد سے متعلق احتساب لازمی ہے جسے ختم کرنے کےلیے ٹرمپ انتظامیہ نے غلط اور منفی فیصلے کیے ہیں‘۔

  • کینیا میں ہیلی کاپٹر حادثے کا شکار، 4 امریکیوں‌ سمیت 5 افراد ہلاک

    کینیا میں ہیلی کاپٹر حادثے کا شکار، 4 امریکیوں‌ سمیت 5 افراد ہلاک

    نیروبی : کینیا کے شمالی حصّے میں ہیلی کاپٹر گر کر تباہ ہوگا جس کے نتیجے میں چار امریکی شہری سمیت پانچ افراد ہلاک ہوگئے۔

    تفصیلات کے مطابق شمالی کینیا کے سینٹرل آئی لیند نیشنل پارک میں امریکی سیاحوں کو لے جانے والا ہیلی کاپٹر نامعلوم وجوہات کی بناء پر حادثے کا شکار ہوگیا جس کے باعث پائلٹ سمیت 4 سیاح ہلاک ہوگئے۔

    پولیس کا کہنا ہے کہ حادثے کے مقام پر ریسکیو اور پیرامیڈیکس کی ٹیمیں پہنچیں تاہم ہیلی کاپٹر کے ملبے کی جگہ کوئی زندہ حالت میں نہیں ملا،

    کینین پولیس کا کہنا ہے کہ اتوار کے روز آئی لینڈ لابولو میں کیمپ کے قریب دو ہیلی کاپٹر لینڈ ہورہے تھے ایک ہیلی کاپٹر محفوظ لینڈنگ میں کامیاب رہا جبکہ دوسرا ہیلی کاپٹر حادثے کا شکار ہوگیا۔

    مقامی خبر رساں ادارے کا کہنا ہے کہ حادثے کا شکار ہونے والے ہیلی کاپٹر کا پائلٹ ماریو ماگونگا تربیت یافتہ اور تجربہ کار پائلٹ تھا جو نائب صدر کے ساتھ کافی عرصے کام کرچکا ہے۔

    غیر ملکی خبر رساں ادارے کا کہنا ہے کہ ماریو کینیا کی دفاعی فورسز میں بحیثیت پائلٹ اپنی ذمہ داریاں انجام دے رہا تھا لیکن 2017 میں متاثرہ پائلٹ نے ایک نجی کمپنی میں ملازمت شروع کردی تھی۔

    مقامی خبر رساں ادارے کا کہنا ہے کہ کیپٹن ماریو مانگونگا سابق امریکی صدر باراک اوبامہ سمیت درجنوں ہائی پروفائل شخصیات کے ہمراہ پرواز کرچکا ہے۔

    یاد رہے کہ تین ہفتے قبل بھی ایک نجی طیارہ حادثے کا شکار ہوا تھا جس کے نتیجے میں تین امریکی شہریوں سمیت پانچ افراد ہلاک ہوئے تھے۔

  • دبئی: ٹریفک حادثے میں پاکستانی خاندان کے 3 افراد ہلاک، بچہ زخمی

    دبئی: ٹریفک حادثے میں پاکستانی خاندان کے 3 افراد ہلاک، بچہ زخمی

    دبئی : متحدہ عرب امارات کی ریاست دبئی میں ٹریفک حادثے کے نتیجے میں تین پاکستانی شہری جاں بحق جبکہ ایک زخمی ہوگیا۔

    تفصیلات کے مطابق متحدہ عرب امارات کی ریاست دبئی کے العین روڈ پر تیز رفتار جیپ اور کار میں ٹکر کے باعث خوفناک حادثہ پیش آیا، جس کے نتیجے میں دو خواتین سمیت 3 افراد ہلاک اور ایک بچہ زخمی ہوگیا۔

    اماراتی خبر رساں ادارے کا کہنا ہے کہ ہلاک ہونے والے شخص کی شناخت 29 سالہ پاکستانی شہری محمد فیاض کے نام سے ہوئی ہے جبکہ ہلاک ہونے والی خواتین میں ایک مذکورہ شخص کی بہن اور دوسری اہلیہ تھی۔

    میڈیا کا کہنا ہے کہ حادثہ محروم کی غلطی سے پیش آیا، پاکستانی شہری نے اپنی گاڑی سڑک کے درمیان پارک کرنے کے باعث پیش آیا۔ عرب شہری نے اعتراف کیا کہ اس کی جیپ نے غلط پارکنگ کے باعث پاکستانی شہری کی گاڑی کو روند دیا۔

    دبئی پولیس کے مطابق ہلاک شدگان کو حادثے کے نتیجے میں شدید چوٹیں آئیں تھیں جنہیں فوری طور پر اسپتال منتقل کردیا گیا تھا لیکن وہ زخموں کی تاب نہ لاتے ہوئے ہلاک ہوگئے جبکہ بچے کی حالت خطرے سے باہر ہے۔

    دبئی پولیس کے ترجمان کرنل خلیلی کا کہنا تھا کہ حادثے کی اطلاع صبح 9 بجکر 45 منٹ پر موصول ہوئی، حادثہ ہلاک شخص کی غلطی سے پیش آیا۔

    اماراتی خبر رساں ادارے کا کہنا ہے کہ قانونی کارروائی مکمل کرنے کے بعد مقتولین کی لاشیں اہلخانہ کے حوالے کردی گئی ہیں۔

  • افغانستان میں سال 2018 میں 927 بچوں سمیت ہزاروں افراد ہلاک ہوئے، یو این رپورٹ

    افغانستان میں سال 2018 میں 927 بچوں سمیت ہزاروں افراد ہلاک ہوئے، یو این رپورٹ

    کابل : اقوام متحدہ نے افغانستان میں ہونے والی خون ریزی سے متعلق سالانہ رپورٹ جاری کردی، رپورٹ میں 2018 کو افغانستان کےلیے خون ریزی کا سال قرار دیا گیا ہے جس میں 3804 افراد لقمہ اجل بنے۔

    تفصیلات کے مطابق اقوام متحدہ افغانستان میں کئی برسوں سے جاری شدت پسندی اور دہشت گردی کے باعث ہلاک اور زخمی ہونے والے افراد سے متعلق اعداد ع شمار جاری کرتا ہے، جس میں دہشت گردی اور دہشت گردوں کے خلاف جاری جنگ میں نشانہ بننے والے افراد کی تعداد واضح کی جاتی ہے۔

    اقوام متحدہ کی رپورٹ کے مطابق سال 2018 میں افغانستان میں خون ریزی کے دوران 3 ہزار 804 عام شہری ہلاک ہوئے جن میں 927 بچے بھی شامل ہیں۔

    اقوام متحدہ کی رپورٹ میں بتایا گیا ہے کہ گزشتہ برس ہونے والی اموات میں سال 2017 کی نسبت 11 فیصد ہوا ہے جبکہ زخمیوں کی تعداد میں 5 فیصد اضافہ ریکارڈ کیا گیا ہے۔

    رپورٹ کے اعداد و شمار کے مطابق سال 2017 میں 3440 عام شہری شدت پسندی کے باعث لقمہ اجل بنے تھے جبکہ 7 ہزار 189 افراد زخمی ہوئے تھے۔

    غیر ملکی خبر رساں ادارے کا کہنا ہے کہ شدت پسندانہ کارروائی کے دوران ہلاک ہونے والے دو تہائی افراد کی موت کا باعث اپوزیشن گروپس ہیں جن میں تحریک طالبان افغانستان، دولت اسلامیہ اور دیگر کالعدم تنظیمیں شامل ہیں۔

    غیر ملکی خبر رساں ادارے کا کہنا ہے کہ گزشہ دس برس کے دوران سب سے زیادہ بچوں کی ہلاکتیں سال 2018 میں ہوئی ہیں، گزشتہ سال دہشت گردی کا نشانہ بننے والے بچوں کی تعداد 927 ہے جبکہ 2017 میں 761 بچے شدت پسندانہ حملوں میں ہلاک ہوئے تھے۔

    اقوام متحدہ کی رپورٹ میں بتایا گیا ہے کہ افغانستان میں گزشتہ دس برسوں کے دوران 32 ہزار عام شہری ہلاک جبکہ 60 ہزار افراد زخمی ہوچکے ہیں۔