محکمہ موسمیات نے کہا ہے کہ کراچی میں آج شام یا رات میں بوندا باندی اور ہلکی بارش کا امکان ہے۔
اے آر وائی نیوز کے مطابق محکمہ موسمیات نے بتایا کہ کراچی میں آئندہ 24 گھنٹوں کےدوران موسم گرم اور مرطوب رہنے کا امکان ہے، کراچی میں پچھلے 24 گھنٹوں میں کم سے کم درجہ حرارت 30.5 ڈگری سینٹی گریڈ ریکارڈ کیا گیا۔
محکمہ موسمیات کا بتانا ہے کہ مغربی سمت سے 14 کلو میٹر فی گھنٹہ کی رفتار سے ہوائیں چل رہی ہیں، کراچی میں آئندہ چند دنوں میں ہیٹ ویو کا کوئی امکان نہیں۔
محکمہ موسمیات کا کہنا ہے کہ اگلے ہفتے کراچی کے درجہ حرارت میں ایک سے دو ڈگری اضافے کا امکان ہے اس دوران زیادہ سے زیادہ درجہ حرارت 37 سے 38 ڈگری ریکارڈ کیا جاسکتا ہے۔
محکمہ موسمیات نے مزید بتایا کہ 18 جولائی سے شہر میں مون سون ہواؤں کا ایک اور اسپیل داخل ہوگا، کراچی میں 20 جولائی سے تیز بارشیں متوقع ہیں۔
