Tag: ہنجروال

لاہور: پولیس نے یہ دل دہلا دینے والا انکشاف کیا ہے کہ لاہور کے علاقے ہنجروال سے اغوا شدہ 4 بچیاں ساہیوال میں ایک قحبہ خانے سے برآمد ہوئیں۔

تفصیلات کے مطابق ہنجروال سے لا پتا ہونے والی چار بچیوں کی ساہیوال سے بازیابی کے معاملے میں پولیس نے انکشاف کیا ہے کہ انھیں ساہیوال کے ایک قحبہ خانے سے برآمد کیا گیا، جہاں انھیں بیچ دیا گیا تھا۔

پولیس بیان کے مطابق ساہیوال پولیس نے قحبہ خانے پر چھاپا مارا تو ایک نوجوان شہزاد پکڑا گیا، اس نے از خود بتایا کہ چاروں بچیاں قحبہ خانے میں ہیں، شہزاد کی نشان دہی پر چاروں بچیاں قحبہ خانے سے برآمد ہوئیں۔

پولیس کا کہنا ہے کہ قحبہ خانے کی مالکن کے انکشاف پر رکشہ ڈرائیور قاسم، اور اس کی بیوی کو گرفتار کیا، معلوم ہوا کہ رکشہ ڈرائیور قاسم نے بچیاں قحبہ خانے کو بیچی تھیں، اس نے بچیوں کو لاہور سے اغوا کیا اور ساہیوال لے آیا۔

ساہیوال : چار بچیوں کے اغوا کیس میں اہم پیش رفت، 6 ملزمان گرفتار

ڈرائیور قاسم نے ایک رات بچیوں کو لاہور میں اپنے گھر رکھا، پھر ساہیوال لے آیا تھا، جب کہ قاسم ساہیوال جھال روڈ کا رہائشی ہے، اور لاہور میں کام کرتا ہے۔

لاہور : بازیاب ہونے والی چاروں بچیوں کا گھر واپس جانے سے انکار

واضح رہے کہ اس کیس میں اب تک گرفتار ملزمان میں رکشہ ڈرائیور، شہزاد، نعیم، آصف، شوکت علی، شازیہ اور زینت شامل ہیں۔

بچیوں کو لاہور کے علاقے ہنجروال سے 30 جولائی کو اغوا کیا گیا تھا، جنھیں ساہیوال کے علاقے پاکپتن چوک سے بازیاب کرایا گیا، پولیس کو معلوم ہوا تھا کہ رکشہ ڈرائیور قاسم کا جرائم پیشہ افراد کے ساتھ رابطہ تھا، جس پر انٹیلیجنس بیسڈ آپریش کے بعد پولیس تھانہ غلہ منڈی نے کارروائی کی تھی، بچیوں کو بازیاب کر کے لاہور روانہ کیا گیا۔