ممبئی: معروف بالی ووڈ اداکار سنجے دت کی زندگی پر بننے والی فلم کی شوٹنگ جاری ہے اور اس میں سنجے دت کا کردار ادا کرنے والے رنبیر کپور کی پہلی جھلک منظر عام پر آگئی ہے۔

سنجے دت کی زندگی پر بننے والی فلم ’دت‘ راج کمار ہیرانی کی ہدایت کاری میں بن رہی ہے جو اس سے قبل تھری ایڈیٹس، پی کے، اور منا بھائی جیسی فلمیں بنا چکے ہیں۔

فلم میں سنجے دت کا کردار رنبیر کپور ادا کر رہے ہیں، اور حال ہی میں منظر عام پر آنے والی ان کی جھلک سے ظاہر ہوتا ہے کہ وہ سنجے دت کی نوجوانی کا بہروپ بھرنے میں کافی کامیاب رہے ہیں۔

رنبیر کے فٹنس ٹرینر کنال کا کہنا ہے کہ اس کردار کے لیے رنبیر نے اپنا وزن بھی کافی بڑھا لیا ہے۔ انہوں نے اپنے مسلز بھی بنائے ہیں جس کے لیے وہ سخت محنت کر رہے ہیں۔

انہوں نے بتایا کہ ورزش کے لیے رنبیر کپور صبح 3 بجے اٹھتے ہیں۔

فلم دت میں سنجے دت کے والد سنیل دت کا کردار پاریش راول ادا کر رہے ہیں۔ فلم کی عکس بندی کا آغاز رواں سال جنوری سے ہوچکا ہے۔

نئی دہلی: یوں تو بھارتی اپنے آپ کو دنیا بھر میں مہمان نواز کہلواتے ہیں اور دعویٰ کرتے ہیں کہ وہ بیرون ملک سے آنے والے افراد کا بہت خوش دلی اور عزت سے استقبال کرتے ہیں۔ لیکن حال ہی میں جب ہالی ووڈ اداکار ون ڈیزل بھارت پہنچے تو بھارتی صحافیوں کی بدتہذیبی نے پورے بھارت کو شرمندگی سے سر جھکانے پرمجبور کردیا۔

مشہور فلم سیریز ’فاسٹ اینڈ فیورس‘ کے اداکار ون ڈیزل آج کل اپنی فلم ’ٹرپل ایکس ۔ ریٹرن آف زینڈر کیج‘ کی تشہیر کے لیے بھارت میں موجود ہیں۔

وین ڈیزل جب ایئرپورٹ سے باہر نکلے تو وہاں جمع بھارتی صحافیوں نے ایک طوفان بدتمیزی مچا دیا اور زور زور سے ’ڈیزل، اوئے ڈیزل، دیکھ، دیکھ‘ چلانا شروع کردیا۔

جب ون ڈیزل ان سب کونظرانداز کر کے اندر چلے گئے تو کسی دل جلے صحافی نے ’ٹکلے‘ کہہ کراپنے دل کی بھڑاس نکالی۔

اس طرح کہہ کر اس نے اپنے طور پر ون ڈیزل کے گنج پن کا مذاق اڑانے کی کوشش کی لیکن شاید وہ یہ بھول گیا کہ یہ ون ڈیزل کی منفرد شخصیت اور اسٹائل کا حصہ ہے۔

یہی نہیں جب یہ ویڈیو وائرل ہوئی تو ٹوئٹر پر بھی بھارتیوں نے اپنی جہالت کا شاندار ثبوت دیا۔ انہوں نے بجائے اس کی مذمت کرنے کے، ون ڈیزل کا مذاق اڑانا شروع کردیا، اور دنیا کو بتا دیا کہ جس کو اپنی عزت عزیز ہو وہ کبھی بھارت نہ جائے۔

I’m laughing at Vin Diesel being called Ae Takle since like 10 minutes now how petty am I

— Het Satra (@hetsatra) January 16, 2017

Meanwhile #VinDiesel in #india,

Switched on his phone and got a msg.

Grow bakck your hair and confidence with Dr. Batra.

— Bail Buddhi (@bailbuddhi) January 12, 2017

Delhi Guy: Sir, can I take one selfie? Big Fan!#VinDiesel : Sure
Delhi Guy: I love all your songs, especially when you say Mr. Worldwide!

— Sand-d Singh (@Sand_In_Deed) January 12, 2017

واضح رہے کہ اس فلم سے بالی ووڈ اداکارہ دپیکا پڈوکون بھی اپنے ہالی وڈ کیرئیر کی شروعات کرنے جارہی ہیں۔ دپیکا فلم میں سیرینا نامی ایک شکاری کا کردار ادا کر رہی ہیں۔

فلم ’دا ریٹرن آف زینڈر کیج‘ 2002 میں آنے والی ’ٹرپل ایکس‘ اور 2005 میں آنے والی ’اسٹیٹ آف دی یونین‘ کا سیکوئل ہے۔