بالی ووڈ میں کم عمری سے ہی اداکاری کرنے والی ہنسیکا موٹوانی اور ان کے شوہر سہیل کتوریہ کے درمیان علیحدگی کی افواہیں نے زور پکڑ لیا ہے۔
بھارتی ذرائع ابلاغ پر آنے والی خبروں کے مطابق ہنسیکا اور ان کے شوہر سہیل مبینہ طور پر علیحدہ رہائش اختیار کیے ہوئے ہیں، سہیل کتوریہ اب اپنے والدین کے ساتھ رہ رہے ہیں جبکہ بالی ووڈ اداکارہ اپنی والدہ کے ساتھ رہائش کرچکی ہیں۔
پہلی بار گلوکار و اداکار ہمیش ریشمیا کیساتھ فلم ’آپ کا سرور‘ بطور ہیروئین بڑی اسکرین پر نظر آنے والی ہنسیکا نے مبینہ طور پر اپنی سہیلی کے شوہر سے شادی کی تھی۔
تاہم اب سہیل کتوریہ اور ان کا رشتہ تنائو کا شکار ہوچکا ہے اور دونوں کے درمیان تعلقات پیچیدہ ہو چکے ہیں جبکہ علیحدگی کی خبریں بھی میڈیا میں آرہی ہیں۔
سوشل میڈیا پر ہنسیکا اور سہیل کی علیحدگی کی خبریں تیزی سے وائرل ہو رہی ہیں، تاہم ہنسیکا کی طرف سے کسی قسم کا تبصرہ یا ردِ عمل تاحال سامنے نہیں آیا۔
بھارتی صارفین کا کہنا ہے کہ ہنسیکا نے اپنی ’بہترین دوست‘ کو دھوکا دے کر اس کے شوہر (سہیل کتوریہ ) سے مبینہ تعلقات بنائے اور اس کے بعد شادی کی، بالی ووڈ اداکارہ کو اپنے کیے کا پھل مل رہا ہے۔
خیال رہے کہ دسمبر 2022 میں رشتہ ازدواج میں منسلک ہونے کے بعد ہنسیکا اپنے شوہر سہیل کے والدین کے گھر مقیم تھیں، تاہم بڑے خاندان کے ساتھ رہنے میں مشکلات پیش آنے پر دونوں نے اسی عمارت میں ایک علیحدہ فلیٹ لے کر رہائش اختیار کی تھی۔
ان سب کے باوجود اپنی دوست کے شوہر سے شادی کرنے والی بالی ووڈ اداکارہ اور ان کے شوہر کے درمیان میں مسائل رہے جس کے نتیجے میں اب دونوں نے علیحدہ رہنے کا فیصلہ لیا ہے، میڈیا نے سہیل سے رابطہ کیا تو انھوں نے ان افواہوں کو غلط اور بے بنیاد قرار دیا ہے۔
https://urdu.arynews.tv/hansika-motwani-family-accused-of-domestic-violence/
