Tag: ہنڈن برگ

  • مودی کے اڈانی نامی بینک کی کرپشن کی داستان ایک بار پھر عالمی توجہ کا مرکز

    مودی کے اڈانی نامی بینک کی کرپشن کی داستان ایک بار پھر عالمی توجہ کا مرکز

    مودی کے اڈانی نامی بینک کی کرپشن کی داستان ایک بار پھر عالمی توجہ کا مرکز بن گئی۔

    ہنڈن برگ رپورٹ کے بعد چالیس بین الاقوامی جریدوں نے بھی آزادانہ تحقیقاتی رپورٹس شائع کی ہیں جن میں اڈانی کیخلاف کرپشن الزامات کی ثبوتوں کے ساتھ تائید کی گئی۔

    فوربز، بلومبرگ، فنانشل ٹائمز، گارڈین، دی وائر، اے بی سی، رائٹرز اور منٹ جیسی بین الاقوامی نیوز ایجنسیز نےاڈانی کیخلاف بے شمار ثبوت پیش کیے ہیں۔

    رپورٹ میں بتایا گیا ہے کیسے اڈانی گروپ بھارت کے نجی اورسرکاری اداروں کو استعمال کر کے اربوں ڈالرز کی کرپشن کرتا ہے، گوتم اڈانی اور ونود اڈانی دنیا بھر میں بے شمار آف شور کمپنیوں کے مالک ہیں جن کے ذریعے اربوں روپے کی کرپشن کی جاتی ہے۔

    رپورٹ میں بتایا گیا ہے کہ اڈانی کی کرپشن پر پردہ ڈالنے میں مودی سرکار بھرپور کردار ادا کرتی ہے جس کے بدلے میں اسے اڈانی کی جانب سے اربوں کے فنڈز فراہم کیے جاتے ہیں۔

    اڈانی کو مودی کی پشت پناہی حاصل ہونے کا واضح ثبوت بھی منظر عام پر آچکا ہے، ہنڈن برگ رپورٹ کے بعد جہاں اڈانی کیخلاف قانونی کارروائی ہونی چاہیے تھی وہیں اسکے برعکس ہنڈن برگ ریسرچ سینٹر کو ہی نوٹس جاری کردیا گیا ہے۔

    رپورٹ کے مطابق 27 جون 2024 کو سیکورٹیز اینڈ ایکسچینج بورڈ آف انڈیاکی جانب سے ہنڈن برگ ریسرچ سینٹر کو قانونی نوٹس جاری کیا گیا، نوٹس میں ہنڈن برگ کے تمام دعووں اور ثبوتوں کو جھوٹا قرار دیتے ہوئے قانونی کارروائی کی واضح دھمکی دی گئی۔

    بھارتی سیکیورٹیز ریگولیٹر ایک خفیہ آف شور شیل ایمپائر کو نظر انداز کرکے آزادانہ صحافت کرنے والوں کیخلاف ہی کارروائی میں مصروف ہوگئے ہیں، اڈانی کی آف شور کمپنیاں عوامی اداروں کے ذریعے اربوں ڈالرز کی منی لانڈرنگ میں ملوث ہیں جس کے بے شمار ثبوت بھی موجود ہیں لیکن بھارتی حکام اپنی آنکھیں بند کرکے بیٹھے ہیں۔

    رپورٹ میں بتایا گیا کہ ماضی میں بھی مودی سرکار نے 4 صحافیوں کو اڈانی کیخلاف بولنے پر غیر قانونی طور پر گرفتار کرلیا تھا، مودی سرکار کی جانب سے لوک سبھا کے ان ممبران کو بھی برخاست کردیا گیا جنہوں نے اڈانی کیخلاف قانونی کارروائی کا مطالبہ کیا۔

    اس بات سے ثابت ہوچکا ہے کہ کیسے مودی سرکار کرپشن میں سر سے پاؤں تک ملوث ہے اور بھارتی اداروں کو بھی اپنے مذموم مقاصد کیلئے ہرکارے کے طور پر استعمال کررہی ہے۔

  • ہنڈن برگ ریسرچ کا اڈانی کے بعد اگلا نشانہ کون؟ رپورٹ جاری

    ہنڈن برگ ریسرچ کا اڈانی کے بعد اگلا نشانہ کون؟ رپورٹ جاری

    شارٹ سیلر ہنڈن برگ کی رپورٹ نے بلاک انکارپوریشن کے بانی جیک ڈورسی پر الزام لگایا ہے کہ کمپنی نے بڑے پیمانے پر دھوکہ دہی کو نظر انداز کیا ہے۔

    ہنڈن برگ کی رپورٹ نے عالمی مارکیٹ میں ہلچل پیدا کر دی ہے، رواں سال 24 جنوری کو ہنڈن برگ نے اڈانی گروپ کے بارے میں رپورٹ جاری کی جس کے بعد سے اب تک اڈانی گروپ کی دولت میں کمی کا سلسلہ ہے۔

    تاہم ہنڈن برگ کی نئی رپورٹ نے ٹوئٹر کے سابق بانی اور بلاک انکارپوریشن کے شریک بانی جیک ڈورسی کی مجموعی مالیت کو اب نقصان پہنچا رہی ہے، رپورٹ میں الزام لگایا گیا ہے کہ اس کمپنی نے بڑے پیمانے پر دھوکہ دہی کو نظر انداز کیا۔

    ہنڈن برگ کا نئی رپورٹ جاری کرنے کا اعلان، اب کونسا ارب پتی نشانے پر ہوگا؟

    ہنڈن برگ ریسرچ نے اپنی رپورٹ میں بتایا کہ کمپنی نے یوزر کی تعداد کو بڑھا کر دکھایا اور کسٹمر بنانے پر آئے خرچ کو کم کر کے دکھایا ہے۔

     ہنڈن برگ رپورٹ کے سامنے آنے کے بعد پری مارکیٹ ٹریڈ میں بلاک انکارپوریشن کے شیئر میں زبردست گراوٹ جاری ہے۔ میڈیا رپورٹس کے مطابق اب تک 18 فیصد کی گراوٹ درج کی گئی ہے جس سے 526 ملین ڈالر کی کمی ریکارڈ کی گئی ہے۔

    ہنڈن برگ ریسرچ نے اپنی رپورٹ میں کہا ہے کہ گزشتہ دو سالوں کی تحقیقات میں یہ بات سامنے آئی ہے کہ بلاک انکارپوریشن نے منظم طریقے سے اُس ڈیموگرافکس کا فائدہ اٹھایا ہے جس کی مدد کرنے کا وہ دعویٰ کرتا ہے۔

    ہنڈن برگ

    واضح رہے کہ گزشتہ 24 جنوری کو ہنڈن برگ ریسرچ کی رپورٹ آنے کے بعد اڈانی گروپ کے شیئر میں گراوٹ کا سلسلہ شروع ہوا تھا۔

    رپورٹ میں اڈانی گروپ پر اسٹاکس میں ہیرا پھیری اور اکاؤنٹنگ فراڈ کا الزام عائد کیا گیا تھا۔ اس رپورٹ میں اڈانی گروپ پر بقایہ قرض کا مسئلہ بھی اٹھایا گیا تھا جس کے بعد اڈانی گروپ کے شیئر بازار میں لسٹیڈ اسٹاکس میں زبردست گراوٹ دیکھنے کو ملی تھی۔

  • ہنڈن برگ کا نئی رپورٹ جاری کرنے کا اعلان، اب کونسا ارب پتی نشانے پر ہوگا؟

    ہنڈن برگ کا نئی رپورٹ جاری کرنے کا اعلان، اب کونسا ارب پتی نشانے پر ہوگا؟

    ممبئی: ہنڈن برگ ریسرچ فرم نے جلد ہی نئی رپورٹ جاری کرنے کا اعلان کیا ہے تاہم رپورٹ کس سے متعلق ہے اس بارے میں کوئی معلومات نہیں دی ہے۔

    ہنڈن برگ کی ایک نئی ٹوئٹ میں بھارت میں پھر ہلچل پیدا کر دی ہے، ہنڈن برگ نے ٹوئٹ میں اعلان کیا ہے کہ جلد ہی نئی شخصیت کے حوالہ سے بڑی رپورٹ جاری کی جائے گی۔

    تاہم  اپنے ٹوئٹ میں ریسرچ فرم نے اگلی رپورٹ کے اجراء کے وقت یا رپورٹ کس سے متعلق ہے اس بارے میں کوئی معلومات نہیں دی ہے، تاہم اس ٹوئٹ کے بعد دنیا کے بڑے صنعت کاروں میں کھلبلی مچ گئی ہے۔

    یاد  رہے کہ ہنڈن برگ کی 24 جنوری کو سامنے آنے والی ایک تحقیقی رپورٹ نے اڈانی گروپ کے چیئرمین گوتم اڈانی کی ساکھ کو تباہکرکے دیا تھا، گوتم دنیا کے امیر ترین لوگوں کی فہرست میں دوسرے نمبر پر تھے ہندن برگ کی رپورٹ کے بعد گوتم اڈانی کو 3000 کروڑ روپے کا نقصان ہوا ہے۔

    ہنڈن برگ نے اپنی رپورٹ میں اڈانی گروپ پر شیئرز میں بے ضابطگیوں کا الزام عائد کیا تھا، اگرچہ گروپ نے ان الزامات کو یکسر مسترد کر دیا تھا لیکن اس کی وجہ سے گروپ کمپنیوں کے حصص میں زبردست گراوٹ آئی۔